ابو هارون
09/04/2010, 09:57 AM
السلام عليكم ورحمة الله وبركاته
اسعدالله اوقاتكم بكل خير سمعت لي قصه من الولد الله يصلحه
واعجبتني قلت بنفسي ربعنا اهل مكشات لازم يسمعونها
يقولون فيه واحد طلع من ديرته يترزق الله المهم انه وصل هك الديره ويصادفه رجال كبير وعرف الشايب ان هالرجال ماهو من هل الديره وش عندك ياولد قال انا ادور لي شغل
قال تشتغل عندي وافق الولد واستمر عند هالشايب خمس سنين
بعد خمس سنين طلب الولد من هالرجال انه يرخصله ويروح لهله وعياله قال الشايب ياولدي لعلك تقعد وابعطيك نص الحلال بتقاسم الحلال انا وياك البعارين لي يقوله الشايب والغنم لك وافق الولد وقعد خمس سنين صارله هاللحين عشر سنين ماشاف عياله قال الولد عاد ياشيخ اسمح لي ابمشي لهلي اطلبه الشايب انه يقعد خمس سنين واغراه انه يبي يعطيه ثلاثة ارباع حلاله استحى الولد من طلبت الشايب اللي صارله مثل ابوه وجلس خمس سنين صارخمس طعش سنه وبعد ما انتهت الخمس طلب من الشايب انه يرخصله حاول الشايب انه يجلس ولكن انه اصر على المشيه وبعد مامشى الولد ومعه الحلال اللي جمعه بعد خمس طعش سنه لحقه الشايب وقال له ياولدي ابوصيك وصيه بشرط تعطيني ربع حلالك وافق الولد اوصاه الشايب
وقاله لاتخاوي (اشقر العين )واخذ ربع الحلال ومشى الولد وبعد ماتعدى شوي لحقه الشايب وقاله ابوصيك وتعطيني ربع الحلال قال الولد بنفسه توه اخذن ربع حلالي وهالحين يبي ياخذ الربع استحى الولد من الشايب وفاق انه يعطيه ربع الحلال اوصاه الشايب انه (ماينام في بطن الوادي) مشى الولد وبعد ماخذله شوي الا الشايب يلحقه ويطلب منه انه يعطيه باقي الحلال ويوصيه وافق الولد اوصاه الشايب وقال له (بيت غضبك) مشى الولد رايحن لديرته مامعه من الحلال شي
وهو بالطريق صادفه رجال اسأله وين انت رايح للديره الفلانيه تخاو هو وياه وهم بالطريق شاف الولد عين هالرجال اللي صدفه انها شقرا اوصات الشايب جاهم الليل وبغوا يمرحون قال اشقر العين انا مااقدر انام الا لحالي اببعد عنك اشوي ياخوي الولد اخذ الحذر من اشقر العين وحط بفراشه حصى وغطاه كنه هو اللي نايم وابعد عنه يوم اخذله اشوي
الا اشقر العين يتسلل ومعه سيفه وقم واضرب الفراش يحسبه
الولد ويباغته الولد من وره ويذبحه وياخذ حلاله ويمشي ويصاداف له ناس بالطريق ويخاويهم يوم جاهم الليل وهم ينامون بوسط الوادي الولد مانام بالوادي اوصاة الشايب ويجيهم السيل وهم نايمين ويشيلهم ويقوم الولد ويأخذ حلالهم ويمشي يوم وصل ديرته ويناظر من بعيد الا حرمته معها رجال وهو يثور يبي يذبحه ويتذكر اوصاة الشايب قال بيت غضبك ويسلم على اهله وينشد حرمته وش هالرجال اللي معك قالت هذا ولدك صار رجال..
اخواني اعضاء ومشرفين وزوار منتدى مكشات الافاضل
امل انني وفقت في نقلها لكم مع العلم انها اول مره اشارك في
مثل هذه القصص التي فيها عبر وحكمه وتقبلوا تحياتي(ابوهارون)
اسعدالله اوقاتكم بكل خير سمعت لي قصه من الولد الله يصلحه
واعجبتني قلت بنفسي ربعنا اهل مكشات لازم يسمعونها
يقولون فيه واحد طلع من ديرته يترزق الله المهم انه وصل هك الديره ويصادفه رجال كبير وعرف الشايب ان هالرجال ماهو من هل الديره وش عندك ياولد قال انا ادور لي شغل
قال تشتغل عندي وافق الولد واستمر عند هالشايب خمس سنين
بعد خمس سنين طلب الولد من هالرجال انه يرخصله ويروح لهله وعياله قال الشايب ياولدي لعلك تقعد وابعطيك نص الحلال بتقاسم الحلال انا وياك البعارين لي يقوله الشايب والغنم لك وافق الولد وقعد خمس سنين صارله هاللحين عشر سنين ماشاف عياله قال الولد عاد ياشيخ اسمح لي ابمشي لهلي اطلبه الشايب انه يقعد خمس سنين واغراه انه يبي يعطيه ثلاثة ارباع حلاله استحى الولد من طلبت الشايب اللي صارله مثل ابوه وجلس خمس سنين صارخمس طعش سنه وبعد ما انتهت الخمس طلب من الشايب انه يرخصله حاول الشايب انه يجلس ولكن انه اصر على المشيه وبعد مامشى الولد ومعه الحلال اللي جمعه بعد خمس طعش سنه لحقه الشايب وقال له ياولدي ابوصيك وصيه بشرط تعطيني ربع حلالك وافق الولد اوصاه الشايب
وقاله لاتخاوي (اشقر العين )واخذ ربع الحلال ومشى الولد وبعد ماتعدى شوي لحقه الشايب وقاله ابوصيك وتعطيني ربع الحلال قال الولد بنفسه توه اخذن ربع حلالي وهالحين يبي ياخذ الربع استحى الولد من الشايب وفاق انه يعطيه ربع الحلال اوصاه الشايب انه (ماينام في بطن الوادي) مشى الولد وبعد ماخذله شوي الا الشايب يلحقه ويطلب منه انه يعطيه باقي الحلال ويوصيه وافق الولد اوصاه الشايب وقال له (بيت غضبك) مشى الولد رايحن لديرته مامعه من الحلال شي
وهو بالطريق صادفه رجال اسأله وين انت رايح للديره الفلانيه تخاو هو وياه وهم بالطريق شاف الولد عين هالرجال اللي صدفه انها شقرا اوصات الشايب جاهم الليل وبغوا يمرحون قال اشقر العين انا مااقدر انام الا لحالي اببعد عنك اشوي ياخوي الولد اخذ الحذر من اشقر العين وحط بفراشه حصى وغطاه كنه هو اللي نايم وابعد عنه يوم اخذله اشوي
الا اشقر العين يتسلل ومعه سيفه وقم واضرب الفراش يحسبه
الولد ويباغته الولد من وره ويذبحه وياخذ حلاله ويمشي ويصاداف له ناس بالطريق ويخاويهم يوم جاهم الليل وهم ينامون بوسط الوادي الولد مانام بالوادي اوصاة الشايب ويجيهم السيل وهم نايمين ويشيلهم ويقوم الولد ويأخذ حلالهم ويمشي يوم وصل ديرته ويناظر من بعيد الا حرمته معها رجال وهو يثور يبي يذبحه ويتذكر اوصاة الشايب قال بيت غضبك ويسلم على اهله وينشد حرمته وش هالرجال اللي معك قالت هذا ولدك صار رجال..
اخواني اعضاء ومشرفين وزوار منتدى مكشات الافاضل
امل انني وفقت في نقلها لكم مع العلم انها اول مره اشارك في
مثل هذه القصص التي فيها عبر وحكمه وتقبلوا تحياتي(ابوهارون)