مشكلة في يوكون 2007 Xl الأخ قمة افرست ولا يهون الاخوان

[salman530]

يا أصحاب الخبرة الله يجزاكم خير

عندي يوكون 2007 Xl طلع عندي صوت في الماكينة مثل الصرصرة وديتها للقحطاني وقالولي هذا عيب مصنعي في كراسي الماكينة وبتكلفك 5000 ريال مع القطع

وش رايكم الله يجزاكم خير

[سوبر VTC]

لاتستعجل بالحكم
مر على 5ورش على الاقل
كل ورشة تعطيك من راسه و بعضهم صادق و بعضهم حرامي
يقولك هالشي من كذا و هو يكذب
و الحساب 2000ريال و هي ماكلفت 100ريال

الصرصرة غالبا من رمان دينمو او رمان بكرة السير
تكون مجيمه و غالبا تخرب البكرة بالجمس
بكرة بلاستيك بوسطة رمان
او شداد سير المكينة خربان ضعيف
او الصوت صادر من علبة الدركسون


عموما مر على ورشة عبدالرحمن الجميح ابو عدنان :good2:
ورشته بعد الوكالة حقت خريص على اليمين
يعني لف بعد الوكالة يمين وجهك جنوب تجيك الورشة على اليمين مباشرة
تراه يفتح فقط العصر و المغرب على حد علمي
و احتمال يفحص لك بلاش خبرة امريكي :good:
و هو يبرمج كمبيوترات لسيارات مرهمة للامريكان
يعني يتواصل معهم عن طريق النت
هو مهب سهل ما شاء الله عليه
موفق

هذي ورش من الاخ ماجلان

للجموس
هو يمتدح ورشة العتيبي :good: و ال موسى







عندك تشليح آل موسى في الصناعيه القديمه
فيه لبناني مسيحي دكتور كارونات للجمس فقط ويوزن الكوارين بالمللي
ادخل شارع العنوز وجهك شرق وخل السالم على اليسار وتعد اول محطة يبي يجيك مطعم بخاري على اليمين فيه شارع مقابله من شمال ادخل معه يجيك التشليح يسار...

والقيور فيه هندي بصناعية الخليج
دكتور قيور جموس وشفر اسمه صابر رقم الورشة 217
كاسره بالسعر لو فيه مشكلة توضيب

وفي عندك ورشة مشعل العتيبي على شارع الريم بالصناعية القديمة تخصص قيور جمس من 40 سنه

وفي عندك صناعية ام الحمام ورشة القحطاني رقم 11 سوداني فلته في الكهرباء




هذا شداد سير المروحة



http://images43.fotki.com/v1321/photos/1/168597/6128724/RibbedBeltTensioner-vi.jpg




أو بــأ ســتـخـدآم الـحـبـوب { سوكتSocket } و الـفـرآرة { رآشـت Ratchet } مـثـل هـذي تحت:
http://image.rodandcustommagazine.com/f/techarticles/9029230+w200/135_0502_bracket_10_z.jpg

ادخل الرابط التالي

مشكله في اليوكن (http://www.mekshat.com/vb/showthread.php?t=245919)

جرب حط ماء او صابونة و الموتر شغال
احتمال الصوت من السير

موفق

[رفيع المقآم]

الله يعينك يالغالي

[تايتد]

مساكم الله بالخير
اقولك تجاربي مع الصرصره
اجيب تايد واحل علبه بسطل مويا
واصبها على السيور والبكرات
اذا راح الصوت ورجع ارجع احط صابون على السير الصابون اللكسسسسسسس
اذا راح ورجع معنات السير يحتاج تغيير لأنه ناشف وقديم
جرب مو ناقصك شي كله متوفر بالبيت

[salman530]

يعطيكم العافية بجرب اللي قلتو وبرجع لكم

[براق الحجاز]

يا أخي الكريم هذا كذاب وتراي قد غيرت كراسي للجمس وتراها نفس القطع المستعملة في اليوكن قيمتها 700 ريال هذا الأصلي GM وتركيبها 300ريال ومع كل هذا ترى ما أظن أنها من الكراسي أنتبة يضحك عليك يعني مع فرق الموديل بيني وبينك مستحيل يزيد 4000ريال

[راعي العود]

أخي الغالي اعرف شخص يستخدم مثل هالسيارات وذكرت له مشكلتك وقال خله يكلمني وتراها ما تكلف شي ابدا الموضوع كله شحم وخابور قريب من الشداد انا ما اعرفه بس هو يقول كذا عموما اتصل فيه ويفيدك ويقول لو احب اصلحه له تراي في الخدمه لا يشيل هم ولا يخلي العمال يلعبون عليه على فكره لا تخاف بيصلحه لك ببلاش
اسمه ابو خالد اتصل عليه وكلمه 0554499232

[3bdelm7sn]

انا مغير كراسي الجمس 2007 يوكون كلفتني في الوكالة كلها 1500 مع الكراسي وشغل اليد انتبه وش اللي 5000 وين حنا فيه والله لو كراسي مكينة طيارة

[قمة افرست]

الاخوان ماقصروا افادوا واجادوا
ولي ملاحظة وسبق رديت في استفسارك بالرابطة وهو سعر التصليح
اضافة اشرت عليك انك تعرضها على مركز اخر
ولو فرضنا ان الكرسي خربان .
مكسور واثناء الدعس يطلع صوت لان المكينة تتحرك وتاثر على اتجاه السير
وطبعا هذا الاحتمال ضعيف مع ملاحظة وجود رجفه بالمكينة عدم ثبات ( اهتزاز)
بيكون الكسر واضح وتستطيع بنفسك تراة
رايي كما سبق اول شي تتاكد من كسر الكرسي بنفسك لان هذه ماتحتاج فني يكون الشرخ واضح بالجلدة
وتتاكد من البكرات والسير
جرب اذا طلع الصوت
حط شوي ماء على البكرات والسير اذا اختفى او خف ابحث عن البكرة الي فيها الصوت ودايم تكون من بكرة شداد السير
او بكرة شداد المكيف

لاحظ اذا كان الصوت اثناء ماتدوس بنزين السير يكون مرتخي ويكون الصوت غير ثابت
خراب رمان البكرات الصوت دايم مستمر
الشداد حق السير يطلع صوت طقطقه ويكون واضح اذا شغلت المكيف