المساعد الشخصي الرقمي

مشاهدة النسخة كاملة : ونشستر الأمريكية


V.T.C
09/04/2010, 07:43 PM
السلام عليكم ورحمة االله وبركاتة

ياجماعة الله لا يهينكم انا عندي خرازة ونشستر أمريكية إلي تشيل 16 طلقة

ومنشافها ما هو مضبوط جايتة ضربة وابيلها دربيل وش تنصحوني فية

ويكون حجمه صغير وين يباع

والسلام عليكم
هواوي صيد
10/04/2010, 09:08 AM
ان شاء الله يفيدونك الاخوان
HW77 ONLY
10/04/2010, 09:48 AM
فيه دربيل الماني اسمه نوركونيا تحصله لدى محلات صاب زين وسعره معقول.
الجنوب
10/04/2010, 10:08 AM
فيه دربيل الماني اسمه نوركونيا تحصله لدى محلات صاب زين وسعره معقول.


انا اوافق اخي HW77 ONLY



شباب من شان ما نشتت فكر اخونا اللي جرب النيرنكو يصوت معنا ..... انا جربته ما عليه كلام
قنآص زهرآن
10/04/2010, 10:15 AM
والله انا ضد الدربيل ما احس فيه متعه..لكن دام نضرك قوي..حاول تدرب نفسك على غطا علبة موية صحه الابيض وكل م صبته بعد المسافه..اول اذا في جبال حط لك مروه بيضا قد حجم الكف على بعد مسافه لين يصبح حجمها من بعيد بحجم غطاء علبة ماء الصحه..وعود نضرك على هالمسافه واوزن بندق عليها وارم لين تصيبها...تحس بمتعة الصيد ساعتها..ويالبيه يوم تلقط الوبر بجهدك الصافي بدون دربيل ولا غيره..تحس ودك تطير من النشوه..ههههههه لاهنتم
ابو سفيان
10/04/2010, 10:29 AM
والله انا ضد الدربيل ما احس فيه متعه..لكن دام نضرك قوي..حاول تدرب نفسك على غطا علبة موية صحه الابيض وكل م صبته بعد المسافه..اول اذا في جبال حط لك مروه بيضا قد حجم الكف على بعد مسافه لين يصبح حجمها من بعيد بحجم غطاء علبة ماء الصحه..وعود نضرك على هالمسافه واوزن بندق عليها وارم لين تصيبها...تحس بمتعة الصيد ساعتها..ويالبيه يوم تلقط الوبر بجهدك الصافي بدون دربيل ولا غيره..تحس ودك تطير من النشوه..ههههههه لاهنتم
يسلام يا قناص الزهراني
كلامك مره طيب تحس بالحماسه
طيب لو رميته من بعيد وش دراني اني اصبته او لا انا
ما احب الدربيل لانه يثقل على البندق
وانا تعجبني البندقيه الي تكون خفيفه
اقلك روح ركب دربيل بس ومالك ومال الطائرات رميت الوبر بعيد ثوم اخطيته وانا جايله فرحان اني قتلته وفي الاخير ما في شي
او اصبته في مكان مو مقتل ثم دخل المابره
وش اسوي اضحكله ههههههههههههه
الدربيل ركبه وزي ماوزصوك الشباب
اعقلها وتوكل
وام 16 اتمتيك حلوه في منها طويله مزيونه
وان كنت بايع فانا شراي
الله يقنعك ابركتها
قنآص زهرآن
10/04/2010, 10:51 AM
ابو سفيان..بصراحه انا من الناس الي يؤمن بان التدريب المستمر خير علاج..كنت بداية صيدي للوبر اخطي مره واصيبه مره واروح للوبر القاه منحاش..لكن استلمت نفسي تدريب والحمد لله اتحدى الحين على عود كبريت..لكن برضو م يمنع ان الدربيل له مميزات بس ياخي جربته مع اخوي وتعقدت ..احس اغمض وارمي تصيب..بالنسبه لي احس متعة الصيد في اني اصيب وبر واحد واخطي عشر..كذا متعه اكثر لان يوم تخطي عشر طلقات وتصيب الـ11 تطامر فرحه لان جت بعد جهد ولا وانا اخوك..لو بالدربيل تصيب العشره ورى بعض تمل وتروح ههههههههههه
قنآص زهرآن
10/04/2010, 10:53 AM
ابو سفيان يا شيخ حرام عليك بالتوقيع هههههههههههههههههه
قسم بالله فزيت بقوه..جالس كنت مشغول اكلم اخوي ولا انتبهت ومررت الماوس على توقيعك والصوت معليه وبداية الانشوده فيها فزه كذا بالحرام قلبت الاب توب من الفجعه..تقول بندق ثورت عندي ههههههههههههه
خليت قلبي يلعب حسبي الله على شيطانك ههههههههههههههههه
V.T.C
10/04/2010, 04:03 PM
الله يعطيكم العافية ياجماعة

اخوي قناص زهران كلامك مضبوط بس البلا إن منشافها منكسر ومالنا إلا الدربيل

اخويhw77 Only يعطيك ألف عافية انت واخوي الجنوب بس الله لا يهينكم وين محل صاب هذا

وااسف على الاطالة
HW77 ONLY
11/04/2010, 01:54 AM
محل صاب سلمك الله موجوده في اكثر من مكان في الرياضك

فرع بمحل السنيدي اللي على الدائري الشمالي بعد مخرج 12 مباشره وانت متجه جنوب.
فرع بشارع خالد بن الوليد (انكاس) بجنب اسواق السدحان من الجهه الجنوبيه.
فرع بطريق الثمامة في محطة نوف اللي بعد الدوار الاول

كذلك فرع بمحافظة الخرج بطريق الملك فهد.
V.T.C
11/04/2010, 02:15 AM
لله يعطيك ألف عافية أخويhw77 Only كفيت ووفيت اتعبناك معنا
سابساب
11/04/2010, 07:06 PM
ارسم 3 دوائر الأولى ع بعد 10 متر والثا نيه اكبر منها عبعد 30 متر والثلثه ع بعد50 متر وارم عليها واوزن رمايتك ع النصف واستمر في التدريب والله معك
هوايتي مكشات
11/04/2010, 08:07 PM
الا ياغالي ماعندك خرازة للبيع
اذا عندك تكفى رد لي
اخو سعود
12/04/2010, 12:03 AM
ابو سفيان توقيعك مهوب زين
ابو سفيان
12/04/2010, 01:43 AM
قناص الزهراني لا تخاف يخوي
انت رجال ما اتخاف من البارود تخاف من الصوت حق التوقيع
بالله كيفالتوقيع يا أبو زهرة كيف اعرف اسوي تواقيع
هههههههه

ابو سعود وهذي الثانيه مو شغلك ما احد طلب رايك في التوقيع يا بزر
تفهم انت
لا حول الله
من جد البزر يمتحنك في كل شي في الرد ما يكفي ان تقول الي في نفسك
كمان ترسلي على الخاص تبي كلام ناقص
هذا كلام ناقص واخته
رضيت
استغفر الله العضيم
V.T.C
12/04/2010, 01:36 PM
ياجماعة إذكروا الله.....
يوسف افندي
12/04/2010, 07:12 PM
وراك معصب يبو سفيان هد الوضع ترا مايحتاج كل الكلام لخو سعود
بعدين الرجال ماشتمك ولا قالك شي قال وجهت نظر
واسف على الاطاله
براق دخنة
13/04/2010, 01:47 PM
ابو سفيان يا شيخ حرام عليك بالتوقيع هههههههههههههههههه
قسم بالله فزيت بقوه..جالس كنت مشغول اكلم اخوي ولا انتبهت ومررت الماوس على توقيعك والصوت معليه وبداية الانشوده فيها فزه كذا بالحرام قلبت الاب توب من الفجعه..تقول بندق ثورت عندي ههههههههههههه
خليت قلبي يلعب حسبي الله على شيطانك ههههههههههههههههه


هههههههههههههههههههههههههههههههههههههههههههههههههه هههههههههههههههههههههههههههههههههههههه


انا اول ماقريت الرد مافهمتك

رحت وظغطت على توقيع ابو سفيان وانا معلي الصوت

احمد ربك انك ماشفتني :D

ضحكت على نفسي ضحك



احلى تحيات لأبو سفيان :good: