سيل ضرماء يزحف السيارات+عمليات إنقاذ+شلالات المناخ الساااحرة (15) صورة 18/1/1426

[برقن سرى]

.
.
.
.
.
.


بسم الله الرحمن الرحيم
السلام عليكم ورحمة الله وبركاته
’

مساكم الله بالخير ياوجيه الخير ،
والله يجعل مانزل فيه البركة والنفع .. آمين
’

أمس الأحد الموافق للثامن عشر من شهر الله المحرم ..
اتجهت أنا وأحد أخوياي الخاصّين ..
لضرماء والمحلية والبرة ..
وكانت رحلة موفقة ولله الحمد ،
مليئة بالمتعة والمخاطرة كذلكـ ..

وكان الماطر قوي جداً جداً جداً جداً >>> إلين الصبح ..

وبعض المزن كان فيها برد ..

الشعبان مشت بلا استثناء ،
ودكّت أكثر من مرّة ..

..

من يعرف ضرماء ،
فلا بد أن يعرف " شعيب اللحيسيّة " ..
الشعيب اللي يبطي مايجي ،،
لكنه إذا وصل مسح الشارع وأي شي يقف أمامه ..

هذا هو أول ماوصل ..
" السيلة الأولى " .. لأنه سال من سحابة أخرى سيّرت عليه ..

http://ktab_2.siteatnet.com/foreign/ktab_2/-6.jpg

من زاوية أخرى

http://ktab_2.siteatnet.com/foreign/ktab_2/-3.jpg

هذا وهو يمر حدر رجلي ..

http://ktab_2.siteatnet.com/foreign/ktab_2/-7.jpg


..


ثواني معدودة ..
إلا وهو طامرٍ الخطّ ..
لأن عبارته صغيرة جداً بالنسبة لحجم السيل الجارف اللي يجي معه ،،
وسلمني على البلدية ..

http://ktab_2.siteatnet.com/foreign/ktab_2/-15.jpg

أنا عارفٍ طبيعة السيل ، لذلكـ نطلت السيارة بعيد ..
وجيت أنا وخويي نمشي ،
وقطعناه على رجلينا ،
على الإزفلت ..

http://ktab_2.siteatnet.com/foreign/ktab_2/-23.jpg


..
سيل ضرماء يزحف السيارات+عمليات إنقاذ+شلالات المناخ الساااحرة (15) صورة 18/1/1426

فجأة !!..

7
7
7
7
" يتبع "

[برقن سرى]

نجي للفجأة !

كنت واقف أنا وخويي أبو محمد ..
مادرينا إلا هالددسن القديم فيه عمال ..
يمشي ومايدري وين الخط معه ،
ضيّع به السيل ..

وكنا جنبه على طول ،
قلنا له " وقف ياصديق وقف "

هو منخرش مسيكين ..

قلنا ارجع دق ريوس ،
من زود الخوف حطه في واحد ودعسسسسسس بنزين ،
وزمّر في السيل ..

http://ktab_2.siteatnet.com/foreign/ktab_2/-24.jpg

جيت أنا وبو محمد وباشرنا الموقع ..
وبدأت التوجيها الحكيمة للسوّاق ..
نكلمه ..
وساكت ؟؟
مادرينا إنه خااااايف لهالدرجة ،،

آخرتها تكلّم .. وقال " السيارة مافي شُغُل " !
قلنا : دارين ذي مايبي لها طقّة عصا .. انزل بس إنت وخوياكـ ..
قبل مانتسفي بكم الموتر ،

http://ktab_2.siteatnet.com/foreign/ktab_2/-25.jpg

وطلعوا فوق يتأملون ينتظرون الفرج ..

http://ktab_2.siteatnet.com/foreign/ktab_2/-26.jpg



لادفاع مدني ولاهم يحزنون .. والمصيبة أن الشرطة جايّة تتفرج ،
ولافكرت إنها تمنع السيارات من المرور ..
والسيل يزيد في كل ثانية ،،

بعد شوي ..
بدا السيل يقوى بشكل ملاحظ ..
وسيارتي انقطع عليها السيل من قدام ،
وخفت يحدنا السيل ،
أو يجي سيل السحابة الثانية ،
قلت لخويي مشينا بس ..


آخر نظرة ..

http://ktab_2.siteatnet.com/foreign/ktab_2/-28.jpg



ثم ..

7
7
7
7
7

تابعوا معنا مابعد " ثم "

[برقن سرى]

ثم رحنا للمحليّة ،
وقطعت عليها سحابة ماتركت شي إلا وسيّلته سيلٍ عظيييييييم ،،

ومن كثرة المناظر ماتدري وش تصور ،،

اتجهنا لشلالات المناخ العالميّة ،،

وهنا ..

أترك المايكـ للصور .،،.
مع أن التقاط الشلالات كان في بداية وصول السيل ..
وزاد بعد ذلكـ بس الشكوى على الله ،
خلّص الحجر ..
وانقطعت الزبيرّية - تكرمون -
وقلت أصور بعيوني أفضل من لاشي ..

***


من بعيد

http://ktab_2.siteatnet.com/foreign/ktab_2/-34.jpg


طلعت الشمس شوي ،
وأصبحت المناظر كأنكـ في باريس >>> يسمع بباريس

http://ktab_2.siteatnet.com/foreign/ktab_2/-35.jpg


لو تسمعون صوته !

http://ktab_2.siteatnet.com/foreign/ktab_2/-37.jpg


هادر !

http://ktab_2.siteatnet.com/foreign/ktab_2/-38.jpg



اقتربت أكثر ،

7
7
7
7
7

( فاصل ونواصل )

[برقن سرى]

عن قرب

http://ktab_2.siteatnet.com/foreign/ktab_2/-39.jpg


بدأ يزيد

http://ktab_2.siteatnet.com/foreign/ktab_2/-40.jpg


اقتربت زيادة ،
وكان المنظر والصوت وتشكيل الحصى يبعث على الخوف قليلاً ..
حتى إنكـ ماتضمن إنه يحدّر من وراكـ في أي لحظة ،،

http://ktab_2.siteatnet.com/foreign/ktab_2/-41.jpg



ارفع راسكـ شف وش ذا ؟


http://ktab_2.siteatnet.com/foreign/ktab_2/-42.jpg


,,

هذا ماسمح به الوقت ،

والسلام عليكم ورحمة الله وبركاته
..

[حاطـب ليل]

صور رائعة تشكر عليها يابو راشد

[بن زبن]

الله عافه ,انا(واعوذ بالله من قولة انا) كنت هناك ومتفاعل مع الصور كنى انا الي مصورها
ويعوضك الله عنك الزبيريه ! لكن نبي صور اليوم (الاثنين) لان السداة توحي بشي عظيم العصر ر

وسلمك الله على الصور والمناضر الى تشرح الخاطر

[عالي الشان]

ما كنت اتصور انه فيه شلالات بهذا الشكل :)

صوره رائعه ابو راشد .

[ابوفهيد]

يعيطك ربي الف عافيه علي جهدك الرائع جداا

والدفاع المندي ماعندك احد

[الأصيرم]

أخوي أبو راشد .......

لم تظهر الصور سوى في الموضوع الأول فقط أما البقية فلم تظهر عندي

[العريفي]

روعة بارك الله فيك....

[القناص]

ما شاء الله
عافاك الله وعوضك خيرا عما اصابك من خسائر
بس والله صور مميزه ومعبره ونادره
شكرا جزيلا
وبارك الله في خطاك

[فتى الحريق]

بطل أخوي أبو راشد كذا الحالة والا بلاش بردت قلوبنا شوي وانا مسجونين في الرياض

[الربذي]

ابو راشد تسلم على هالسرد الممتع فعلا سرد وكاني معك صوت وصورة لكن بعض الصور ماطلعت عندى
لك مني وافر التقدير والاحترام وتسلم عدستك ياغالي
ابو فهيد الدفاع المندي تراهم !!مايقصرون لكن وشلون يبدون!!!!!!!!!بخلق الله
والله يحفظنا واياكم من كل مكروة

[آل حسين]

السلام عليكم
ماشاء الله
شلالات المناخ وين دخلت لها معه

[برق الشمال]

جزاك الله خير

[فتى اللوز]

الله يعطيك ألف عافيه على هذه الصور
ومشكوررررررررررررررررررررررر

وفي المره الجايه كثر الحجر !!!!!!!!!!!!!!!!!!!!!!!!!!!!

[برقن سرى]

أخوي حاطب ليل ،
حياكـ الله وياهلا وغلا ..

[بروق الوشم]

جزاك الله خير يابو راشد

صور جملية جدا كاني حاضر معك

بس وين هالشلات فيه ووين طريقه معه

وشكراً

[هاوي الشمال]

الله يعطيك العافيه على هذي الصور التي لايراها كثير من الناس وهي الشلالات التي أبدع الخالق في تكوينها

[صقر]

مشكور اخوي أبو راشد على هذه التغطية الرائعة

والحقيقة ان منظر الشلالات رائع رائع بمعنى الكلمة

ياليت تعطينا نبذة عن الشلالات هذه ... ؟

والبطاريات اللي خلصت هذي درس للمرات القادمة .

وبارك الله فيك.

[البراق10]

تسلم اخوي ابو راشد علي هالمجهود ولاكن بعض الصور ماظهرت عندي

[مقنـــــاصة]

صراحة صور روعة

عشت معاك اللحظة فيها صراحة اكثر شي عجبني صور الشلالات كنك في شلالات نياجرا <<<<<<< الله من التسذب

بس صراحة عجيب مطر هالسنة الله يزوده

[البراق10]

تسلم اخوي ابو راشد علي هالمجهود وجزاك الله خيرعمل اكثر من رائع وفرت علينا المشوار

[عبدالعزيز_فهد]

بارك الله فيك
رووووووعه

[برقن سرى]

تنبيه

بالنسبة للصور .. إذا لم تخرج فإن أمامكـ طريقين - وفقكـ الله - :

1- تضغط بالزر الأيمن عليها وتختار إظهار الصورة

2- تضغط بالزر الأيمن عليها وتختار خصائص ، وتنسخ العنوان ، وتلصقه في متصحفكـ تم " تحديث " ..


فالروابط سليمة ولله الحمد ، ولكن لكبر الحجم لاتظهر كلها لمن ليس لديه اتصال دي اس إل

[برقن سرى]

أخوي بن زبن ،
حياكـ الله أخوي ،
والله يعيد ذيكـ الأيام ياخوووووووووي ..

وبالنسبة ليوم الأثنين ..
فطال عمركـ يذكرون أن ضرماء جاها حقها وزيادة ،
ووقتها كنت متواجد في مسقط راسي في وادي الحريق ونعام والحوطة ،
وجاه حقه ولله الحمد ..

عالي الشان ،،
حياكـ الله ياأخي ..
وأبشركـ المناظر كثيرة ،
تحسفت على شي واحد ..
طاح علينا برد في الحريق كبر البيض ..
وكنت في سيارة واحد ،
والكاميرا في سيارتي .. للأسف ضاق صدري لأنها ظاهرة قليلة الحدوث هالبرد الكبااااار اللي شعر قزاز السيارات وعفط البودي ..

أبو فهيد ، صدقت والله ماعندكـ أحد ..
حياكـ الله مرة أخرى


يتبع بإذن الله

[صوت المطر]

صوووووووووور متعوب عليها ..


تسلم أخوي أبو راشد ..

[حـــادي]

تحياتي الصادقه لك وصور روعة ومميزة

[بروق@رعود]

يعطيك ألف عافيه على هذه الصور

[برقن سرى]

باركـ الله فيكم إخواني كلن باسمه :) ،،
تيحيتي لكم

[المنير]

السراحة ابداااااااااااااااااااع
ومجـــــــــــــــــــــــــــازفة
وشجــــــــــــــــــــــــــاعة
وكفيـــــــــــــــــــــــــــت
ووفيـــــــــــــــــــــــــــت