استفسار عن اطقم العدد والمفاتيح

[111الشاهي]

السلام عليكم صباح الخير

بغيت الستفسرعن طقم العده من حبوب ومفاتيح

هل شارع الريل موجود الالماني الاصلي

او مافيه الا صيني ولي خابر محل عدد

ليبخل علينا وش ريكم تنصحوني به

ولكم جزيل الشكر

[اصيل نجد]

اخوي الشاهي الله يصبحك بالخير والعافيه بالنسبه لاستفسارك عن وجود العدد الاصليه صحيح موجوده بشارع الريل يعني شارع (عمر المختار) بالتسميه الجديده المهم موضوعنا شف اخوي احسن شي للعده هو شارع الريل بس انتبه انتبه يمكن ضعاف النفوس يعطونك شي مكتوب عليه الماني والصحيح صيني يعني لزم تكون الكتابه حفر او مصبوبه صب على العده غير كذا لا تصدق الماني وارد دبي وبعدين فيه محل كبير له فروع بدون ذكر اسم طبعا ماهو بشارع الريل فروعه لاتقربها ترى اغلب العده لك عليها يعني حقت زبرقه لايعتمد عليها ابدا حتي لو مكتوب عليه الماني يعني مشي حالك بالنسبه لشارع الريل رح للمحلات الكبيره ولاتنسى اهم شي خذ فاتوره ويسجل فيه اعراضك ويسجل الماني او انجليزي المهم يحدد صناعته ولزم الفاتوره مختومه بالنسبه لشارع الريل والمحلات اللي فيه والله ماودي اشهر باحد لكن انا بدلك وامري لله اول شي تري انا ماني راعي ورشه ولا راعي محل لاوالله واللي خلقك لكن انا رجال اشري من العده والعيال الله يصلحهم يضيعون المهم محل الفا(؟؟؟)ماودي اشهر باحد لاان منتدانا محترم ولايحب يظلم احد عليه غلاء شوي عندك محل اسمه غزاله حضارم لكن اسعارهم معقوله واذا قالك هالشي زين يعني زين والله فيه محلات لكن والله اني نسيت والمعذره علي طول الرد لكن والله اني ناصح لك يعني باختصار المحلات الكبيره بشارع الريل ادخلها وسعر وقارن ربي يوفقك واي استفسار انا مستعد .

[القنـاص2008]

شوف لك محل ساكو فية انواع العدد والمفاتيح

[وحيدالجزيرة B]

اذا تبي اصلي مالك شارع الريل

وزي ماقال اصيل نجد

انتبه من وارد دبي واللي يجي مكتوب عليه الالماني وماهو الالماني

وتحياتي

[PAJERO]

قيه محل القرني
اخر شارع الريل من الشرق
قبل وفوق النفق على اليمين
عند الماني بس تراه حاااار
يعني غالي
مفكات وحبات ومفاتيح

[Tech1]

مرحبا

حبيت اني افيدك في هذا الموضوع بحكم اني مجرب اكثر العدة بمختلف مصنعيها

بختصار شديد

الامريكي في الدرجة الاولى من غير منافس

هذا انت رجال صاحب شغل و مكدة مالك الا نوع اسمه profaessional

غالي بس يبيض بالوجة

واذا انت راعي شغل خفيف فيه نوع في ساكو اسمه ACE وتراه جيد

واذا تبي تشوف الانواع كله تحت سقف واحد عندك الفارس اذا انت في الخبر ويمكن له فرع في الرياض

والمحل الثاني الدوسري

والمحل الثالث خشيم

وسلامتك

[قبطان سلفر]

أخوي الشاهي
عندك حراج ابن قاسم جنوب الرياض ،، تلقى أنواع وأشكال
بس والله ما عندي علم هي صينية أو يابانية ،، ملاحظة لو تجي الصباح يكون احسن السوق فاضي
،،،
وإذا أنت غرب الرياض عندك أسواق آل عوشن طريق المدينة المنورة عندهم أنواع وأشكال

[ابولولو]

اخوى مساك الله باالخير
فيه وانت نازل شارع الريال باتجاه الغرب قبل اول اشاره شفه على اليمين يفتح جنوب اسمه الكتبي يبيع اصلى اصلى المانى هتز اذا مانى غلطان واذكر ناخذ منه واذا انكسر شى نرجعه من قوه العده والكلام قبل سنوات

[مصخر الوحوش]

مع التحيه للجميع وما قصرتو بالعروض الرائعه لخونا العزيز
انا بياع عدد وعندي خبره بنوعيه الماني الاصلي وهي نوعيه تسمى رسول (rasool)
اذ حصلتها اشتر ولا تشاور بس الله يعينك على سعرها

[القبقب]

أفضل العدد في العالم بالترتيب وصور الماركات كالتالي :

1 . HAZET صناعة المانية ضمان مدى الحياةhttp://www.samstagsales.com/images/hz-logo.gif


2 . Beta الايطالية وهذي العدة المعتمدة عندي في المنزل http://www.procarestores.com/images/header-logo.gif



3. FACOM صناعة فرنسية أفضل عدة للورش http://mdmetric.com/prod/facom/logofacom2.gif

وتقبلوا مني فائق الاحترام والتقدير .

[ابوناصر3]

افضل شي انك تاخذها مفرقة طبعا من الريل 1- اليد الامريكي تكون تدور على جة واحدة وليس جهتين عليها ضمان لاني شريت اكثر من 1000 يد مانفعت الا ذي ....2- الحبات لا تاخذ الا شي علية ضمان او يرجع ...3- الشنطة مهمة جدا جدا لحفظ العدة هذي اهم شي حبيت اوضحة لك والله يوفقك ..

[كيكي]

الاخوان ماقصروا بس نصيحه خذها من واحد خريج ثانويه صناعيه واشتغل في كم

وكاله بترتاح خذ (( هزت )) الماني شي غير طبيعي عليه ضمان والضمان من

زود ثقتهم في عدتهم يضمن لك اللون مايتغير ولا يبهت ...

[احساس الصمت]

إذا الدعوى حبوب شف عنك بانعيم بالصناعية القديمة بالرياض عنده النوع الياباني الأصلي (كوكن)
واذا أنت بالقصيم عندك التويجري ببريده يبيع نفس الحبوب وأفضل من بانعيم من حيث الوفرة وكثرة الأنواع والأطقم

[Hagaanaf]

:fخذها مدويه:f
لن تجد الصناعة الألمانية الأصليه المضمونه الا عند الحداد بشارع الريل يمين جنب اول إشاره وانت نازل متجه للغرب
أرخ مخباتك وأبشر بمطلوبك
اهناك رايح تتخبل او تتسودن على قولة العراقيين
وأدع لي يحفظك الله
:f:f:f:f