الراشديات شمال بريدة تحطم الرقم القياسي في حجم البرد 19/1

[صوت المطر]

الحقيقة بعد خروجي من دوام يوم الإثنين 19 / 1 والجو مو طبيعي ..

شغلت الرادو في الساعة الواحدة ظهرا وحصلت فيه البروق ما تاقف قلت في نفسي

لعلي أنتظر واترك نومت الظهر لأهلها .. والحقيقة بعد نصف ساعة شاهدة في الشمال

سدا وسطه مزون يحبه قلبك .. وأثاريه رأس السحابة وأنا جالس أراقبه وهي تتوسع شيئا فشيئا

حتى أنها وصلت وقلت لازم أروح ..وأبغى أغامر .. الحقيقة رحت وغامرت بالفعل ..

وجلست في قلب السحابة ورأيتها تتقلب من اللون الأصفر إلى اللون الأخضر الفاتح ..

فخفت الحقيقة والرعد يدوي دوي ما ياقف .. وكلها ثواني حتى إنهمر البرد بشكل مو طبيعي

وزبنتلي أثلة وأنقذتني بعد الله سبحانه وتعالى .. الحقيقة إني مغامر ..

لكن الكلام كله ما رايح يفيد إلا بأدلة وصور تثبت ذلك لكن أنا جاي وجايب معي كمرتي

لأني شاك إن السحابة وأثنا زحفها من الشمال للجنوب إنها خطيرة جدا ..

إليكم الصوووووووووووووووووووووووووووووووووووووووووووور















بداية السحابة


http://www.uparab.com/Show.php?ID=1109608246-464175939
____________________



http://www.uparab.com/Show.php?ID=1109608382-1251113463

____________________

http://www.uparab.com/Show.php?ID=1109608511-996951302

___________________


http://www.uparab.com/Show.php?ID=1109608537-611542988

___________________

http://www.uparab.com/Show.php?ID=1109608610-216521131

___________________


http://www.uparab.com/Show.php?ID=1109608409-1712186337


___________________

نهاية السحابة

http://www.uparab.com/Show.php?ID=1109613557-978149174


___________________

وهذا تصوير فيديو لقوة وشدة البرد الذي نزل على طريق الراشديات


شاهد هذا المقطع وكأنك تحت السحابة (http://www.uparab.com/Files/44069367778509.AVI )



والمقطع هذا أيضا (http://www.uparab.com/Files/3115678189301113.AVI)


وأيضا هذا المقطع (http://www.uparab.com/Files/14752694482134.AVI)


جعلها الله سقيا رحمة وبركة وعم بنفعها أرجاء البلاد


وأعذرونا على القصووووووور ... أخوكم صوت المطر

[برق الحيا]

رائع واكثر من رائع الحقيقه كفيت ووفيت وماشاء الله خييييييييييييييييير

[الفـهـد]

اخوي صوت المطر
تحية طيبة
الله يعطيك العافية على الصور الرائعة والفديو
لاكن خبرنا عسى البرد ماضر احد وانت الاول....
تحياتي

[فتى الحريق]

لله يعفيك وتسلم يمناك على الصور والمغامرة كذا والا بلاش

[مداوي]

مشكور اخوي صوت المطر على الصور الحلوه جعلها الله امطار خير وبركه ( صيبا نافعا )

[أبــوريـــان]

والله اني داري اخوي صوت المطر ان السحابة هاذي موطبيعية من شكلها المخيف
إلى وين المطر اخوي وانت جاي من الرشديات
الاسكان ماجاه شي
يقولون شعيب الطرفية فاض من قوت المطر


يعطيك ربي العافية اخوي صوت المطر المبدع

اخوك ابوريان

[سيف الرعد]

السلام عليكم ورحمة الله


اخوي صوت المطر


لا يا منا العافيه على هالصور اللي ترد الروح

البرد شي ... شي

تصدق اني اناظر السحاب اليوم ومن بعد الظهر وهو يتكون ويتراكم في الشمال والجنوب


بالنسبه للرس وشكله مخيف خشوم المزن تروع


ملاحظه : حجم الصور كبير شوي تتاخر بالفتح ليتك صغرتهن شوي يالغالي .

[مريقب العيفار]

الف شكر اخوي

لكن عندي سؤال ودي تجاوبني عليه

بأي كمرة صورت السحاب

كمرا جوال ولا فيديو

وكيف حولتها على هالامتداد للكمبيوتر قبل رفعها للنت

[صقر]

مشكور اخي صوت المطر هذا الجهد الرائع وهذه الخدمة من أجل اخوانك .

ما شاء الله بيض ... وودي أسألك عن حود هذه السحابة.؟؟؟

وبارك الله فيك.

[المنير]

السراحة ياصوت المطر هاذي مغامرة تشكر عليه
الله يعافيك
وبالمناسبة لي قريب يقول ان زجاج سيارته تكسر والتنده تضررت
ومكان ذلك عند الوطنية

[ولد الوشم]

مشالله على هالصور الروعه والتغطيه الاروع.
بس ياخوي لى عتب عليك: جلوسك تحت شجرة الاثل اثناء تساقط البرد خطاء كبيييييييير جدا بس حمدالله جت سليمه المره هذي, والسبب ان الاشجار تكون معرضه بشكل كبيير جدا للصواعق اثناء العواصف الرعديه, ومن شكل البرد اللي صورت اكيد ان السحابه برقها ما يوقف وكان فيها صواعق شديده بس الحمدالله على السلامه وجلوسك في السياره اثناء العاصفه هو امن مكان اذا كنت الخلا.

مشكوور على هالجهد والله يعطيك 1000000000 العافيه.

[صوت المطر]

برق الحيا .. تسلم على مرورك يالغالي ..

[صوت المطر]

الفهد .. تسلم على مرورك ..

وبالنسبة لسؤالك ..هل تضرر أحد .. نعم أنا أولهم موتر حصل فيه بعض الآثار ..

بس تبقى ذكريات حلوووووووووة .. ومما سمعت تكسر زجاج بعض السيارت والتندة حصل فيها

أثار .. أثناء هطول البرد قريب من موقعي في ذاك الوقت ..

[صوت المطر]

تسلم على مرورك فتى الحريق ... وحنا مغامرين على شانكم ..

[صوت المطر]

مداوي .. تسلم على الطلة .. وألف شكر لك ..

[صوت المطر]

أبو ريان تمنيت إنك معي عشان تشوف اللي أنا شفت ..

خيااااااااااااال تساقط البرد بأنواعه .. كبير وسط وصغير ..


والمطر حده من جنوب إلى بداية السيدين الجديد ..عند المنعطف الخطر !

وأشكر مرورك يالغالي ..

[صوت المطر]

تسلم على مرورك سيف الرعد ..

وأنا من المعجبين كثير على فن تصويرك وذوقك .. عندك لمسات ما شاء الله ..

بالنسبة للصور أبغاها تكون واضحة للأعضاء .. وحجمها 600 والطول 450

وأعتقد إنها يعني زينه ما تعرقل بالفتح ..


وشاكر مرورك يالغالي ..

[صوت المطر]

هلا مريقب العيفار ..

مشكوووووور على مرورك .. وبالنسبة لسؤالك

التصوير كان بكمرا رقمية والحقيقة قديمة معي أول ما طلعن شريتها ..

وكثر الله خيرها تصويرها جيد .. بس عيبها الفيدو مافيه زوووم ..

بالنسبة إمتداد الفيديو حقها avi

ومشكوووووور على الطلة ..

[صوت المطر]

مرحبا اخوي صقر وتشرفنا بزيارتك أخوي ..

لكن سؤالك ما أدري ويش تقصد بالضبط ..


وأنا بإنتظارك أخوي صقر ..

[صوت المطر]

المنير تسلم على مرورك ..

والله يرحمنا برحمته إن شاء الله ..

أجل تخيل إنها على بريدة ..

شاكر مرورك ..

[صوت المطر]

أخوي ولد الوشم شاكر مرورك وتعليقك ..

لكن بقولك حاجة من حكم الله أوجد أشكال للسحب ..

من ضمن هذه الأشكال سبحان الله البردية رعدها وبرقها ما ياقف أبدا ..

وبأمر الله سبحانه البرق ماينزل للأرض بحكم رفع السحابة وتشكلها إلى عدة طبقاااااااات فوق

السماء ...


فتجد إن الرعد صوته خفيف بحكم رفع السحابة .. وحنا يا خوي عارفين وآخذين بالإحتياطات ..

وكلامك صحيح أثناء البرووق غلط الجلوس تحت الأشجار

لأنها رطبة أو في مكان مرتفع لأنه بأي لحظة تتوقع الصاعقة فوقك .. بس غصبن علينا البرد كبير

وخفت على نفسي مهب على السيارة ..

ومشكوووووور ولد الوشم على طلتك ونصيحتك وألف شكر لك ..

[الحسي]

تسلم يديك صوت المطر


صور ومقاطع كأني حاضر ..

اللهم اجعلها أمطار خير وبركة وارزقنا شكرها

[صوت المطر]

الحسي .. تسلم أنت على مرورك يالغالي ..

[ولد الوشم]

حياك الله اخوي صوت المطر.

الظاهر انك فهمتني غلط يالغالي.

اولا انا ماقلت انك خفت على السياره ولا خفت على نفسك. انا قلت الجلوس في السياره يكون امن في الاوقات هذي.

ثانيا الصواعق تضرب الاشجار لانها تكون رطبه او في مكان مرتفع كلام غير صحيح . الصواعق تفضل ارفع نقطه في المكان كي تضربه, فالموضوع نسبي للمنطقه اللي عليها السحابه وماله دخل في ارتفاع المنطقه. يعني لو فيه اثنين يمشون مع بعض و واحد اطول من الثاني البرق بيختار الطويل عشان يضربه وعشان كذا البرق يختار الاشجار كي يضربها لانها تكون ارفع نقطه بالنسبه للي حولها وكلنا نتذكر سالفة الاحساء قبل كم سنه عندما اختارت الصاعقه ان تضرب الرجل الاطول وتركت اخوياه مع انهم كانو يمشون مع بعض.

ثالثا, كلامك ان سحابة البرديه برقها ماينزل للارض بحكم رفع السحابه وتشكلها الى عدة طبقات كلام غير صحيح و لا يستند لاي دليل علمي وارجو ان تتقبلها بصدر رحب.

رابعا, انا لما رديت عليك ماقلت انك ماتعرف تاخذ بالاحتيطات وانما قلت انه خطر الجلوس تحت الاشجار في العواصف الرعديه.

ارجو انك تتقبل كلامي بصدر رحب و الله يحيك اخوي.

[صوت المطر]

هلابك أخوي ولد الوشم ..

وإختلافنا بعد لا يفسد للود قضية .. حبيت أذكرك

وتبقى الدنيا حلوووووووووووه .. بحلوها ومرها


ألف شكر لك على المرور ..

[عاشق اغادير]

اخوي صوت المطر اشكرك على هذه الصور الرائعة


التي جازفت وخاطرت بحياتك من اجل نقل الصورة والحدث لاعضاء مكشات


اخوي صوت المطر ارجوا اخذ الحيطة والحذر مستقبلا

وشكرا وماقصرت

[صوت المطر]

تسلم أخوي عاشق أغادير ..


وإن شاء الله بكون أكثر حذرا بإذن الله تعالى ..

لكن هذه السحابة غريبة جدا والبرد عجيب لأول مره أره في حياتي ..


وعشان كذا جازفت .... ألف شكر لك على الطلة ..

[ابو شكاع]

ماشاء الله ماشاء الله

الله يجزاك خير اخوي صوت المطر ...

ما قصرت

[صوت المطر]

سعيد جدا للمرور أبو شكاع ...

مع التحية لك ..

[ولد الوشم]

مشكور اخوي صوت المطر على رحابة صدرك, وعلى قولك الاختلاف لايفسد للود قضيه..........وحياك الله اخوي.

[صوت المطر]

سعيد جدا لمرورك أخوي ولد الوشم ..

[انشودة المطر]

ماقصرت والراشديات لي بحمدالله فيها ذكريات جميلة وانشالله تنعاد على خير

تحياتي

[صوت المطر]

مشكوووووووووور انشودة المطر على المرور ..

وإن شاء الله تنعاد إليك بخير وسلامة ..

[حـــادي]

مشكور اخوي صوت المطر على الصور الحلوه جعلها الله امطار خير وبركه ودائماً مبدع

[بروق@رعود]

صور حلوه أخوي
مع مزيد من التقدم