ما هي السنارة المناسبة للصيد في شاطئ العقير؟

[البرري]

بسم الله الرحمن الرحيم
السلام عليكم ورحمة الله وبركاته


اخوكم غشيم في الصيد, ويرغب في الصيد بالسنارة من شاطئ العقير.
آمل التلطف من اصحاب الخبرة بإعلامي بمواصفات السنارة (بكامل عدتها) المناسبة للصيد في شاطئ العقير (الصيد من الشاطئ) في الاحساء ومكان بيعها وسعرها ان امكن, وجزاكم الله كل خير.

[accentkool]

العقير يبيلة قصبة طولها 3 متر ونصف والجي ام سي والدايوا والميتشل افضلها
المكاين المتوسطة الحجم بانكس7000 دايوا ايبي اس ميتشل
الخيوط الالوان/افضلها الازرق/السماكة/40 -45
الثقول/3 او البوجي تراة ممتاز
اماكن الصيد/الريف1/الريف2/النخيل/القصر/المفتوح/
اماكن بيع ادوات الصيد في الاحساء هم محلين فقط لاغير
اول واحد اسمة الملا لبيع ادوات الصيد
الثاني الباخرة لادوات الصيد البحري في مجمع العفالق


شوف التوقيع حقي النفق على اليمين الملا للصيد وعلى اليسار الباخرة للصيد

والصورة الاخرى مكان صيد تم ذكرة النخيل

[حياتي البحر]

ان شاء الله الشباب يفيدوك

[سمبوك]

اخترت ونشنت صح
والشباب مو مقصرين انشاء الله معك
ويسلمو

[البرري]

شكراً لجميع الشباب على سرعة الرد وجزاكم الله كل خير

[ملك السيييف]

السنارة تكون 3 متر ويكون راس السنارة مرن حساس


أي ضعيف حتى تحس بنتش السمك الصغير


والماكينة يكون حجمها وسط


والخيط أزرق 40 والثقل واحد ونصف أو واحد


والميدار 14 أو 15 أو 16


والطعم ربيان وتقطعه صغير وتملحه بعد التقطيع


وتتركه فترة بسيطه حتى يقسى ويمسك في الميدار


وشكه في الميدار وفالك الشعم .

[طير شلوى 999]

اتوقع ان الاخوان افادوكـ تقبل مروري ،،،،،

[إلنترا 2005]

السنارة تكون 3 متر ويكون راس السنارة مرن حساس



أي ضعيف حتى تحس بنتش السمك الصغير


والماكينة يكون حجمها وسط


والخيط أزرق 40 والثقل واحد ونصف أو واحد


والميدار 14 أو 15 أو 16


والطعم ربيان وتقطعه صغير وتملحه بعد التقطيع


وتتركه فترة بسيطه حتى يقسى ويمسك في الميدار



وشكه في الميدار وفالك الشعم .



كلام أخونا ملك السييف مضبوط 100%

مع تعديل بسيط الثقل حط 1.5 الى 2 على خيط الـ40 وبتكون ممتازه جداً

واحرص ان الصنارة تكون مرنه جداً وراسها حساس
(ببتصير تحس بضرب السمك للطعم حتى لو كان خفيف
+
راح ترمي معك مسافات أبعد)

وبهالطريقة تقدر تصيد التالي بكل سهوله:
شعم
قرقفان
شعري
ابو نقطة >>صديقي:D
سلوس
حمام
....والقائمة تطول


بس الله الله بالصبر......والله يرزقك

[طير شلوى 999]

ان شاء الله الاخوان يفيدوك

[مشاغب السقالة]

والله خايف عليكم من الحسد
ماشالله الاجابات جاهزة وما حدا بيبخل باى شىء
بارك الله فيكم

[ابو عبدالإله]

ممكن يااخوان وصغ للاماكن ويكون دقيق واذا فيه احداثيات يكون احسن

[catchfish]

ان شاء الله الاخوان يفيدوك

[ibnhajer]

اخي الكريم Accentcool مشكور على هذي التوضيحات وعساك على القوة

حاب استفتر منك بالضبط وين المكان اللي ذكرته بالصورة الثانيه بالضبط اذا كنت جاي من

الجفر ؟؟ وشنهي انواع الاسماك اللي تطلع معاك ؟؟ ولو بعد تتكرم وتوضح باقي الاماكن

شاكر لك ومقدر

[كاسر الجروح]

محل الصياد في طريق قطر اكبر محل في الاحساء لبيع جميع انواع الصيد بحري بري كل شي فيه وسعر مناسب

[accentkool]

محل الصياد في طريق قطر اكبر محل في الاحساء لبيع جميع انواع الصيد بحري بري كل شي فيه وسعر مناسب
سعرة جدا غالي ومبالغ فية

[accentkool]

اخي الكريم Accentcool مشكور على هذي التوضيحات وعساك على القوة

حاب استفتر منك بالضبط وين المكان اللي ذكرته بالصورة الثانيه بالضبط اذا كنت جاي من

الجفر ؟؟ وشنهي انواع الاسماك اللي تطلع معاك ؟؟ ولو بعد تتكرم وتوضح باقي الاماكن

شاكر لك ومقدر
اذا كنت جاي من جه العيون بعد المحطة قبل العين اللي تظخ ماء قبل المدرسة على يسارك
الريف ////1///بعد تفتيش البلدية تلف اول لفة يمين كلة اللي على يمينك الريف 1
الريف2////نهاية الريف 1 بعد الفكباين مع المنعطف تمسك طريق البحر الى الصندقة الريف 2
النخيل اللي وصفتة لك في البداية وهو توقيعي تصيد فيه قرقفان وشعوم وبدح وضلوع

[ناجل سمار]

وعليكم السلام -مشكور ع السؤال استفدنا من اجوبة الاخوان

[ابو عبدالإله]

فيه محل ثالث لبيع أدوات الصيد وكل شيء بتحصله عنده مع أنه صغير حتى بدل الغوص واسطوانات الاكسجين يبيعها لكن الشباب أتوقع مايعرفونه لانه ماعمل لنفسه دعايه كبيرة

هذا المحل سلمك الله في المبرز والوصف كالتالي انت جاي من الهفوف وبتدخل شارع النجاح من عند بنك الرياض ومتجه إلى المبرز تمشي في شارع النجاح بتجيك اشارة جديده توهم حاطينها كمل طريقك سيده بتجيك الإشارة اللي في نهاية شارع النجاح إذا وقفت عندها وطالعت يسار قدام بتشوف في الزاوية مدرسة عبدالرحمن بن عوف رضي الله عنه المهم بعد ماتشتغل الإشارة لاتروح لا يمين ولا يسار كمل طريقك سيده بتجيك محطة بنزين على يمينك اسمها الدريس اذا ماني بناسي ، عديها وبعد تقريبا 200 أو 300 متر بيجيك المحل على يمينك انتبه له اسمه صياد الخليج واللي يبيعون فيه سعوديين وناصحين وبيعلمونك اللي تبيه ، واحد من الشباب غواص ويشتغل بالدفاع المدني وإذا تبيني اوصف لك بالتلفون رد وقل لي وانا اعطيك رقمي واوصف لك

[الشقردي(العيون)]

الله يوفقكم اخواني على هذا االنصاااااااااااااااااااائح المفيدة

وصحيح فية محل في المبرز وفية سعودين ونصوحين لكم

والاسعار مناسبة ان شاء الله

[BO HAMAD]

ما قصرت أخوي ابو عبدالاله والشقردي جزاكم الله خير والمحل محلكم الناس الطيبه ما تلاقي الا الناس الطيبه شرواكم والان انفتح له فرع ثاني واهو مرسى الخليج في شارع الراشديه العام

[صياد الاحساء]

كلام اخوي ملك السيف اوكي

[صياد الاحساء]

بالنسبه لشراء السناره مثل ماقال اخوي بو عبد الاله محل صياد الخليج احسن محل كل ماتحتاج موجود عنده واسعاره جدا ممتازه مشاء الله عليه نصوح ولهم فرع ثاني شارع الراشديه بقرب محطه طيبه بجوار حلويات النجاح

[mr-albreak]

السلام عليكم ورحمة الله وبركاته
هلا فيك اخوي والاخوان الله يعطيهم العافيه ماقصرو
وباالنسبه للعده مع احترامي للمحلات في الاحساء تراهم غالين
انا افضل انك تاخذ عدتك من الخبر العدد متنوعه وبا سعار مناسبه
ونصيحه لا تردك عشره ولا عشرين ترى بتندم يوم يضرب معك
الحجم الطيب ويهج ويخليك تندب حظك

[محب العجير]

انا بحكم خبرتي في العجير لاتتحمس واجد وتشتري سناره كبيرة احسن شيء اخذ لك سنارة صغيرة 2 متر وحاول تاخذ تركيب قطعتين احسن وتطول معاك لانه العقير اكثره صغير واذا الله اكرمك بكبير ذيك الساعة خذ ثانيه كبيره وهالكلام الي اقولك اياه عن خبره بالعقير اكثر من 6 سنوات بشكل اسبوعي اروح العقير
واذا على محلات الصيد في الحسا فبشر الحين في الحسا محلات جديده فتحت وكل شي فيها وانتبه تروح محل الباخره و محل الملاه لايخدعك المصري مثل ماخدعنا
عندك محل في المبرز ((صياد الخليج )) ونت جاي من شارع النجاح متجه الى محطة بانزين اسمها الدريس اذا ماخاب ظني بتحصل المحل قدام المحطه بعد المطبات على يمينك

والمحل الثاني توه فاتح ماخذ له اكثر من شهر في حي الخرس قبال مطعم بج بايت
واذا على الخيوط الشباب ماقصروا
واي خدمه حاضرين

[BO HAMAD]

وفيتو وكفيتو شهادتي في بعض الأشخاص مجروحه والمحل محلكم وأنا أتمنى الشهره لكسب الأصحاب شرواكم