شاشة Gmc هل يركب عليها Gps نبي الفزعه ( توجد صور للشاشه )

[راعي النيسان]

السلام عليكم ورحمة الله وبركاته


اخواني ...
استفزع فيه رجال( شروى من دخل على الموضوع) وقال لي انا اشوفك طول نهارك وانت مرابط بهالمنتدى .. طيب شوف لي حل مع هالشاشه اقدر اركب عليها GPS ..


كان اخوكم يدق صدره وقلت له ابشر اهل مكشاة رايحين يجيبون لك العلم ..


هالحين اترك لكم صور الشاشه واللي عنده علم لا يبخل علينا


http://www.m5zn.com/uploads/2010/4/11/photo/041110010434lwspfslt99cy4hyri.jpg



http://www.m5zn.com/uploads/2010/4/11/photo/041110010434ncryyt3wszuct.jpg



http://www.m5zn.com/uploads/2010/4/11/photo/041110010434cvtpektejkolizh20.jpg



http://www.m5zn.com/uploads/2010/4/11/photo/041110010434wr6708iqk0jcays.jpg



http://www.m5zn.com/uploads/2010/4/11/photo/041110010434v1h86djx88vwge0rh.jpg



http://www.m5zn.com/uploads/2010/4/11/photo/041110010434k9mbsaj2uq4r3lwduq.jpg




وهذا العلم وسلامتكم


منتظر رد النشاما


تحياتي

[المناقش1]

اخوي الشاشة اللي عندك لا يوجد بها الgps
فيه نوع ثاني يوجد فيه Gps مثل اللي عندي باليوكون
للمعلومية لا يمكن اضافة ال Gps لأنه يكون نظام كامل مدمج في الجهاز عند شرائه

[راعي النيسان]

مشكوووووور اخوي المناقش على مرورك وعلى المعلومه ..

اخوي لو تلاحظ الكتابه المكتوبه في الشاشه ( لا يوجد دسك للخرائط )
وهذا يدل على انه ممكن تركب خرائط على الشاشه

والله اعلم

هذه صورة الشاشه اللي اتكلم عليها

http://www.m5zn.com/uploads/2010/4/11/photo/041110010434k9mbsaj2uq4r3lwduq.jpg

[alfajeralb3ee]

يبدو ان الشاشه جايه مع الموتر من امريكا
طيب جربة تبحث في مواقع الشراء مثل امزون وغيرها
يمكن تحصل السي دي
واذا ماحصلت السي دي
عندي لك حل
بس يمكن تضحك علي شوي فيه ولاكن خل الحل هذا اخر شي
الا وهو انك تروح للمعارض اقصد الساحه
فيه بعض الشريطيه عندهم سيارات استيراد من امريكا وبعض سياراتهم فيها شاشه
اساله اذا في شاشته نفيقتر واساله برضوا عن السيدي اذا هو موجود معها اذا لقيته حاول تنسخه مع انه يمكن ماتحصل الا خرائط امريكا بس حاول تشوفهم
ولا روح على دار موجه الي في مخرج 10 اذا انت من اهل الرياض

[اااااابو يوسف]

الله يوفقك بإيجاد الحلول في اسرع وقت

وإن شاء الله ما يقصرون جميع المكشاتيين

لكن

يمكن بعض المكشاتيين زعلوا عليك لأن موضوعك فيه خطأ إملائي صعب السكوت عنه

ولك وللجميع المودة والاحترام

[راعي النيسان]

مشكووووور اخوي alfajeralb3ee على مرورك
ومشكور على وضع بعض الحلول التي ممكن تساعد

وسوف اضع حل السيارت الوارده من امريكا في الحسبان

تحياتي لك

[راعي النيسان]

مشكوووور اخوي اااااابو يوسف على مرورك
ومشكور اخوي على الدعوه الطيبه

اما بخصوص الخطاء الاملائي اللي تقول عليه
أعتقد انه ( خطاء املائي ) مثل ماقلت
وأهل مكشات ما يتصيدون الاخطاء الاملائيه .. ;)
هدف اهل مكشات المساعده فقط :good2:

وبما ان مشاركاتك حتى الان هي 24 مشاركه فهذا يدل على انك جديد على المنتدى ولم تتعرف على اهل المنتدى;)
فأهلا بك في المنتدى ومع مرور الايام سوف تعرف ماهو هدف رواد المنتدى:good2:

تحياتي لك

[سيف الظفير]

عندي العلم يالقرم


وبجيب لك الخبر انتظرني يالغالي


وسيارتي الحالية


جمس سوبربان 2006 / 2500


من العيسى

[راعي النيسان]

بيض الله وجهك يالذيب

وانا منتظرك اخوي سيف الظفير

تحياتي

[سيف الظفير]

السلام عليكم



يا طويل العمر والسلامه هذي الشاشة اللي عندك هي الشاشة الاصلية اللي جاية من المصنع


وهي نزلت على السوبربان واليوكون في الدفعه الاخيرة من موديلات 2006 وبداية 2007

وعلى عدد محدود من السيارات حد علمي وانا يالقرم شريت لي سوبربان من العيسى موديلة 2006 فئه 2500 بذاك الزمان وفيه الشاشة ومعها ديفدي الخرائط

طبعاً خرائط الخليج تفصيلي ولكن غير محدثة

الملاحة طيبة وبالعربي والتوجيه بالعربي

لكن يعاب عليها انها للمدن الرئيسية فقط

يعني القصيم وحايل وشمال انسى الا الامدن الكبيرة جدة الرياض الخبر والدمام و و وغيرها


يعني يالقرم لاصرت موجه للشمال اول ما تتعدى كبرى مدينة الامير سلطان من الرياض توقف الخريطة وتصير لك بيضـــا فاضية وممكن تعرف الاحداثية عن طريق زر موجودة اسمه nav موجودة في الاعلي

هذي العلوم

ونصيحة لوجه الله تعالى خذلك قارمن 1410 فيه رجال الحين عارض له كمية بـ 1250 ووالله انه ابرك من الف شاشة ملاحة على السيارات كل التفاصيل والامور اللي تنومس عليه وعربي ولا اطيب منه


وفالك التوفيق يالقرم


سليمان الظفيري

[راعي النيسان]

مشكوووووووور اخوي سليمان الظفيري
وبيض الله وجهك ما قصرت

والظاهر ان 1410 هو الحل

مشكوووور اخوي مرة ثانيه ورحم الله والديك وجزاك الله خير

[ذيب وراط]

يالغالي الله لا يهينك أبي أسئلك عن إستخدآم الشآشة ..؟

ومن وين شريتهآ ؟

[sts888]

هلا بك أخوي انا معي يوكون استخدام أمريكي موديل 2004 دينالي وفيه شاشة مثلها تقريبا وفيه سيدي الخرائط حقت امريكا وكندا وبحثت في كل مكان عن السعودية ودول الخليج وما لقيت وعملت نسخ بجميع الطرق وما مشى الحال وشريت جهاز نفقيتور صيني وكنت بركبة قالو لي الازرار ما تشتغل ولازم فصل جهاز مضخم الصوت فما ركبته بصراحة قلت اخلي الشاشة شد البلد وشريت لي نوفي 715 وماشي معي الحال يعني لا تتعب حالك في الوقت الحالي وتبحث عن سيدي إلى الان مافيه حل للسيدي حق هذا النوع من النفقيتور شد البلد للوارد الأمريكي خصوصا الجموس والشفرات .
وتقبل تحياتي