فزعة

[طيف الصمان]

من يعرف الطريق المؤدي إلى شعيب محارق الجاي من الثمامة وماهي السيارة المفصلة للذهاب إلى هناك تكفون وصف للشعيب:director:

[نواف 100]

السلام عليكم بالنسبه للسياره اى شي والافضل جيب اوونيت واطريق الافضل اذاانت طالع من الرياض منعند محطه خزام رح طوالي حتى مفرق الطوقييمين ثم ارق الطلعه ثم يسار مع الزفت ثمسيده اول تقاطع اتركه حق الحفنه ثم سيده حتى الدوار الثاني حق التنهات الصمان ثم يسار طريق العتش ثم اول مفرق يسار رح معه حق الحفيره ثم بعد المحطه لف يمين كانك رايح للخزان ثم خل الخزان قفاك ومع الطريقامش شوي ويجيك الشعيب الاول بتل وهذاالمحارق قدامك ودمتم سالمين

[ابو دحيم]

هلاا بك اخووي بالنسبه للسياره مثل مل قال اخووي نواف 100

وبالنسبه للطريق اللي انا رحت معه تعد محطة خزاام و ابتل لين يجيك مفرق الصماان افرق معه و امش سيده تعدا الدوار الاول و بتجيك لوحة هجرة الطيري يسار افرق معها تمشي لك يجي كيلو تلقا الهجره والشعيب حقها اقطع الشعيب وتعده بـ 5 كيلو تقريبا و بتطيح على الشعيب على طووول

وشكرا.

[go4z]

ابو دحيم بالنسبه لي انا شايف لومينا داخله الشعيب... ولا وش رايك ؟؟؟
مادري اذا فيه طريق ثاني من عند التنهات ؟؟ افيدونا...

[هاوي نفود]

والله ما زد رحت هناك بس أكيد وصف الشباب واضح

[نواف 100]

ابو دحيم بالنسبه لي انا شايف لومينا داخله الشعيب... ولا وش رايك ؟؟؟
مادري اذا فيه طريق ثاني من عند التنهات ؟؟ افيدونا...
ياخي الطريق واضح من عند دوار التنهات مثل ماقلت اول الوصف

[العزوم]

السلام عليكم ورحمة الله وبركاته
بالنسبه لشعيب محارق ماقصروا الاخوان في الوصف وكلهم على صواب بس اذا سيارتك صغيره :no: وماتبي تعورها بالبر فانا بوصفلك الطريق التالي/
من طريق التنهات تعدى مفرق هجرة الطيري ب كيلو ونصف تقريبا وتفرق يسار مع الصياهد ارض منبسطه مافيها اي عوائق وتصلح للسيارات السيدان تمشي غرب قصاد حوالي اربع كيلو يجيك شعيب الطيري وفيه مكان سهل للعبور بعده يجيك شعيب اخر على يسارك لاتقطعه تمشي بمحاذاته مع طريق ممسوح يشبه الردميه سهل جدا يوصلك لمحارق الشماليه واذابغيت الجنوبيه استمر معه بمحاذات الشعيب واتمنى لك رحله موفقه :heart: