قرنسه الطير - شرب الماء

[bo jara7]

السلام عليكم
ياجماعه الخير هل جميع الطيور بدت تحذف؟

والسؤال الثاني:
الطير ياجماعه الخير مربوط تقريبا شهر ما يقرب قص الماء هل هذا امر طبيعي؟

وجزاكم الله خير

[قرناس شماالي]

السلام عليكم

اخوي ايه فيه طيور حذفت انا طيري حذف الدواغر

وشئ طبيعي ان الطير ميشرب واذ شرب ميشرب قدامك

تقبل تحيات\صيادسكاكا

[النجم السماوي]

اغلب الطيور تحذف بهالوقت


لكن طيرك اذا تشغل المكيف عليه ماينزل للقص

ولكن طف المكيف ولا تشغله الا بالحر وخل برودته

معتدله لان الطير يحتاج جو اقرب ماله الحراره

علشان يعرق ويحذف


وموفق خير

[ابـــًًو تركـــًي]

يفيدونك الاخوان

[راعى شاهين]

اغلب الطيور تحذف بهالوقت


لكن طيرك اذا تشغل المكيف عليه ماينزل للقص

ولكن طف المكيف ولا تشغله الا بالحر وخل برودته

معتدله لان الطير يحتاج جو اقرب ماله الحراره

علشان يعرق ويحذف


وموفق خير مظبوط:good2:

[ابو طير]

أزيد على كلام اخونا النجم السماوي ولا يهون باقي الاخوان




استخدم مرش للماء لتسقي الطير وتنظف منسره ومخابطه بعد العلف


لازم لازم لازم تنظفها لتفادي الحفاة والمسامير الله يكفي طيورنا شرها


وكذلك ترش نحر الطير وخوافيه إذا ارتفعت درجة الحرارة لكي يبرد



واذا انت من سكان مدينة الرياض او ضواحيها فالجو بلا شك حار جدا


فيحتاج الطير الى أن تسقيه أكثر من مره


وأتمنى لك التوفيق اخوي الغالي


وعسا أن أكون قدمت لك ما هو مفيد


والله يعينك وباقي الأخوان على الربطة




تحياااااااتي

[ولد مساكن]

إخوتي من المعروف أن شرب الماء يسرّع خروج الريش الجديد لذلك يمكن إضافة الملح المطحون بكمّيات قليله إلى العلف خاصّة لالشواهين البحريه

[saif2009]

فيه اللي حذف وفيه الي باقي المهم ما عليك خل الماء عنده والطير براحته بيشرب وقت ما يبي ولا تكثر من الجيه عنده راقبه من بعيد ولا تجيه الا وقت العلف

[صاحب نوماس]

فية طيور واجد لحد الحين ماحذفت

[عاشق البسيتين]

الله يعيننا على الربطه صدقتو

[راعي غضبان]

اغلب الطيور تحذف بهالوقت


لكن طيرك اذا تشغل المكيف عليه ماينزل للقص

ولكن طف المكيف ولا تشغله الا بالحر وخل برودته

معتدله لان الطير يحتاج جو اقرب ماله الحراره

علشان يعرق ويحذف


وموفق خير
هذا صحيح والجو الا هلحين ماجاء حر قوي يخلي الطير يشرب

[راعي صعيب111]

إخوتي من المعروف أن شرب الماء يسرّع خروج الريش الجديد لذلك يمكن إضافة الملح المطحون بكمّيات قليله إلى العلف خاصّة لالشواهين البحريه

والد مساكن يعطيك العافيه انت تعطي ملح كيف
وهل الشاهين البحري يصفي عندك شهر كم