مكيف الباترول تراي طفشت

[معاذ 2008]

عندي باترول موديل 98 قير اتوماتيك المكيف مع المشي مقبول وإن كان تبريد عادي جدا
أما عند الآشارة وإلا انتظار في سوق الله يدفع البلا من شدة الحر اللي ماتصدق


أفيدونا جزاكم الله خبر

[رفيع المقآم]

يالغالي الفريون ناقص عندك

[جهام القصيم]

هل سبق او عبيت غاز فريون أصلي او تجاري وان كانك سبق عبيت تجاري فسوف يعيب عليك الاديتر البلوف الكمبرسر قم بصيانة كاملة وأتوقع تحتاج تغيير اديتر ولاتنسى اتعبي فريون اصلي0
وفق الله الجميع

[معاذ 2008]

شكرا على الرد
وسوف أقوم بما ذكرتم فلعل وعسى إن شاء الله

[سوبر VTC]

اذا كان الفريون مهب اصلي
يعدم عليك الكمبرسور + يسكر اديتر المكيف يخرب كل شي
المطلوب منك
تسوي غسيل كامل بغسيل خاص
للمواصير + الاديتر

ثم تحط زيت + فريون اصلي امريكي او فرنسي
و الفرنسي افضل بمراحل :good: لكنه انقطع عن السوق
و قبل كم يوم شفته باحد محلات الفريونات ببريدة
الفرنسي يخلي المكيف ثلاجه
لاتنسى تتاكد من البلف حق الثلاجه + حساس المكيف اذا كان خربان

افضل كمبرسور هو حق باترول م97 و تحت :good:

تبي المكيف ثلاجه بعز الحر
ركب مرواح سوبارو بدل مروحة السير
بمعنى تشتغل المرواح بالسرعه الاولى عند تشغيل المكيف
و بالتالي يثلج اديتر المكيف و اذا ثلج يثلج الكمبرسور :good:

الجمس مانجح مكيفه الا لما ركبوا له مرواح كهرب

موفق

[sarab88]

اخووي انا عندي باترول مثلك 98والمكيف عند الإشاااره مايبرد زين رحت وفضيت الفريون وعبيت امريكي وطلع مايحتاج بس شيك على الأكتاوتات وتقبلووووووووووا مروري

[معاذ 2008]

الله يجزاكم خير ماقصرتوا ياشباب وعطاكم الله العافية
لكن أخوي سوبر Vtc وين المحل اللي يبيع الفريون الفرنسي أرجوا الرد عاجلا ووصف المحل بدقة لو تكرمت

[روقي]

اخوي لا تعب نفسك هذا هو الباترول 98 والعيب من الكمبرسر

اذا وقفت وقلت البروده ادعس بنزين شوي وشوف كيف يرجع طبيعي

[سوبر VTC]

نسيت نقطة مهمة
خله يفحص لك الفريون بالساعة
لان موتر احد الربع اذا مشى المكيف ثلاجه
و اذا وقف مايبرد
فحص الفريون لقى ضغطه 10
عباه فريون الى درجه 30 او 35
و صار المكيف ثلاجه
بمعنى تاكد لايكون الفريون شوي ناقص احتمال الضغط 15 او 20
اما الفريون الفرنسي عند محل ببريدة يعبي فريون صناعية الرواف

[معاذ 2008]

جزاك الله خير
وعافاك الله