خبر عن المحل اللي قدام السنيدي

[عاشق تشاد]

السلام عليكم ورحمة الله وبركاته.... اليوم الاحد التاريخ 27\4 \ 1431.. رحت لم القصيم وسمعت ان المحل يبي يفتح اليوم اللي هو يوم الاحد.. دخلت المحل على وقت الافتتاح واتشوف الشوازل الحين وقلت ابشري لي البندق اللي على بالي .. وانشد راعي المحل وين البنادق والفشق والحركات اللي متحمسين لها قال اي بنادق واي فشق مافيه شي من هالاشياء .. المحل هذا مخصص لتصليح السلاح ولقيت عنده يبيع الدرابيل ولقيت عنده شوزل روسيه للبيع مرخصه مستعمله يعني مافيه بيع شوازل مره اللي يعرض بندقه مرخصه يبيعها اما شي ثاني مافيه مره .. المحل فقط لبيع الدرابيل المستخدمه وتصليح البنادق فقط يعني مافيه شي ثاني مره ولا فيه شوازل ولا فيه بيع من الفشق ولا شي مره .. قال الناس سوت اشاعه على اننا نبي نبيع سلاح وهذا الشي غير اكيد .. قال راعي المحل الحين مافيه بيع سلاح ولا رخص لهالشي يمكن اذا صار بيع يصير بيع فقط للمسدسات هذا ان صار ولا من ناحية شوازل والسلاح الثاني هذا شي مستحيل مره مره مره ولا يجي على بالك مره وانا مقلب الاوراق بيدي وبيع شوازل وفشق مافيه مره ان صار شي يمكن يمكن يمكن يصير بيع المسدسات فقط لاغير وخذ هالخبر ميه بالميه ولا تفكر وتعب روحك ولاتنشد مره عن بيع الشوازل ياولدي هذا كلام الرجال لي .. اسف على الاطاله بس هذا الخبر الاكيد ميه بالميه بالمحل اللي قدام السنيدي ...وشكرا لكم

[HW77 ONLY]

الله يعافيك .... ألحين ارتحنا من يافيه يامافيه بس الله يستر من تجار السلاح والفشق لا يلعبون فينا.

[أبوراشد]

الله يعطيك العافيه والحقيقه أن السلاح المرخص له سوق في بريده وتحديدا في الجرده
محلات قديمه مثل المحل اللي ذكرت متخصصه في إصلاح الأسلحه ويبيعون المستعمل يعني مافيه جديد
والحقيقه أنه في شخص بالمنتدى هو اللي سبب قلق وكل شوي منزل موضوع على باله إذا فتحوا المحلات بياخذ السلاح ببلاش !!!


,,,

[غربي هواوي]

من اول قلنا هالكلام اسلحة فردية فقط اذا فتحت المحلات

بارك الله فيك على الإفادة

[Golden Hawk]

على فكره سوق الجردة بكبره غير مرخص بس يتم التغاضي عنه

تكلمت مع واحد من راعين المحلات يقول لن يسمح لنا ببيع السلاح مباشرة
بل يسمح بوضع كتالوجات فيها السلاح المسموح به ( مسدسات فقط )
والزبون يختار من الكتالوج وحنا نستورد له
ويستلم السلاح خلال 4 الى 6 شهور قد تطول لسنة في بعض الشركات

[مفتون القميري]

دام هناك استيراد للاسواق السوداء وبكميات كبيره

فاعلمو اخواني ان هناك (بزنس) وايرادته بالملايين ، لذالك مافائدة المحلات والرخص التي تستورد اسلاحتها وذخيرتها من الشركة المصنعة مباشرة ...!!

والشاطر يفهم

[فرخ الجني]

هههههههههههههههههههههههه ما قلت لكم هين تكبر وتبين هذا هي كبرة وكبرة واخرته حتى بنادق فرديه ما فيه وانا كنت ناوي على جلوك ما عليه مردنا للسوق البنفسجية بس لو يرجعون ايام الصندوق على 1600 واذا يعرفك 1400 يا زينه عاد تصدقون ما ارتاح بهالسالفه الا القوقسي الفشق غالي ما احد يرميه مشكور على الخبر اخوي ريحتنا والله يريحك دنيا واخره واجمع اجمع تربح m2 يجيبه الله حافظكم ربي سلام

[LLAMA]

مشكور على الافاده ما قصرت

[قناص معاد]

مشكوووووووووووووور على الافــــــــــــــــــــــــــــــــــــــــاده

[كاتم الشكوى]

تصدق كل هالمدة وأنا انتظره يفتح ناوي أبشتري منه فشق
قلت أكيد محل مرخص ، راح يكون أرخص من اللي يبيعون بدون ترخيص
تسلم على هالمعلومة

[سكر القصيم]

مشكووووووووووور على التوضيح

[القنـاص2008]

لاحول اشوف جميع حلوم الجماعة طارت برزاقها والله انا معكم بعد الله يعين الجميع من سوق السوداء

[satam1389]

مشكووووووووووور على التوضيح

[بريداوي اصليm]

الله يعطيك العافيه والحقيقه أن السلاح المرخص له سوق في بريده وتحديدا في الجرده
محلات قديمه مثل المحل اللي ذكرت متخصصه في إصلاح الأسلحه ويبيعون المستعمل يعني مافيه جديد
والحقيقه أنه في شخص بالمنتدى هو اللي سبب قلق وكل شوي منزل موضوع على باله إذا فتحوا المحلات بياخذ السلاح ببلاش !!!


,,,


هههههههههههههههه :D

[aflaj12]

مشكور على التوضيح
الله يعين على السوق السوداء

[عاشق الفتك 20]

والله احسن واطيب شي انهم ماا يفتحوون
ومشكوور على الافااادهـ

[جذآآآب]

لا تستعجلو اصبر حتى تبين النتيجه اما بعض الاخوان متناقض بكلامه
فيه مواضيع يذكر فيها كلام غير الكلام الي يقوله بالموضوع

[Golden Hawk]

الاخ جذآآآب

أنت متفائل هداك الله
حنا مانتكلم من فراغ

[عاشق تشاد]

ماتكلمت من عندي اخ جذاب... قلت هالاخبار قبل وبعد مافتح المحل ومن لسان صانعيه ... الله يصلحك معنى التناقض اذا كنت انا شخصيا راعي الشي واتكلم فيه بلساني .. لاكن محلي محل مراسل يجيب الخبر من صانعيه ويخليك تقراها وانت في محلك

[shaheen70]

تبي الصحيح أنا كنت أعرف بالخبر
ولكن الربع تجاهلوه وأصروا على ان المحل
يبيع شوازن وغيرة عموماً مشكور أخي الكريم على المعلومة والتحقق
هذاshaheen70 وفي أمان الله

[براق دخنة]

الله ياخذ وجهه


وشوله متعني وحاط لي صور شواازن

واسلحه فرديه واسلحة صيد

واخر شي تصليح


الله يعين على 2400

الدسته بـ150

[محمد المساعد]

ياليل مطولك يافرحه ماتمت خذاها الخراب وطار

[جذآآآب]

يا اخون انا ماقصد احد فيكم ومن الي يردون على الموضوع ولكن فيه مواضيع طرحت بهذا الخصوص ويقولن اعضاء احنا نعرف احد اصحاب الاسلحه الي منحو تصاريح لفتح الاسلحه يقولون فيه بيع اسلحه صيد وناريه ومسدسات
واما صاحب المحل الي ببريده اعتقد انه مو من ضمن الي منحو تصريح فتح محل اسلحه فتح محل مثل السنيدي ماله علاقه بتراخيص مال الاسلحه هذا ظني انا

والبركه فيكم يا نشاما

[عيسى عبد الله]

يعطيك العافيه

[star4000]

دعايه للتصريف
مابقي بالسوق السودا بثمن غالي

[المسيعيد]

عطونا الأخبار

الله يجزاكم خير

[قناص الاما]

شكرا لك ام عن السلاح ما خشت في راسي انه يصر محلات لبيع السلاح و الله يعين

[بريداوي اصليm]

الله ياخذ وجهه


وشوله متعني وحاط لي صور شواازن

واسلحه فرديه واسلحة صيد

واخر شي تصليح


الله يعين على 2400

الدسته بـ150



يا أخوي الحين أنت متعني ع الرد علشان تقول (( الله ياخذ وجهه ))
والله هو ما جي عند بيتك ووعدك أنه بيبيع أسلاحه فرديه وشوازن وأخرته طلع يصلح بس ..
بعدين خله يحط صور أسلحه أنا أقدر أفتح محل وأحط صور أسلحه وأبيع جح


لاتحط بخاطرك شي بس أنبهك

[ابوفهيدان]

من زمان وحنا نقول ماراح يفتحون والناس فاهمة غلط
الحين الصيد ممنوع وتبونهم يفتحون محلات سلاح
ماتصير بالعقل

[omar salman]

فيه كذا معلومة لابد وأن تكون
راسخة في الأذهان منها :
الجهات ذات القرار في هذا الشأن لها
صلة بتجار السوق السوداء الكبار .
كن متأكداً بأنه لو تم كشف النقاب
عن أسلحة صيد من ضمن ما سيسمح
النظام ببيعه فلن يأتيك الخبر من أصحاب
المستعمل ومن لهم نشاط بالسوق السوداء .
لذلك لا يعتد بتصريح أي شخص لديه محل
أو مشهور بتجارة السلاح مهما كان .
يتوقع أن يسمح في البداية بأسلحة ذات
صناعات رديئة بأسعار مبالغ فيها .
والعلم عند الله .

[على وضح النقا]

الله يعطيك العافيه

[sa434lm]

بتشوفون خير إن شاء الله بغظون ها الشهرين .... بنقول إن شاء الله
وبصير شغل نظامي ومرتب

[SRAAAB]

لا هنت على الافاده

[saadqc]

بارك الله فيك على الإفادة

[الصمان 2]

الله يعطيك العافية على هذا التوضيح .



.

[بوجهام]

يامدور الهين ترى الكاايد احلىىىىىىىىىىى

[أمير الصيد]

بتشوفون خير إن شاء الله بغظون ها الشهرين .... بنقول إن شاء الله
وبصير شغل نظامي ومرتب

نقول ان شاء الله لإني سمعت حول هالكلام .
والتفائل والصبر مطلوب ، صبرنا سنين من جينا على الدنيا واحنا نصبر ، بنصبر كم شهر ونشوف أن لقحت وإلا ماضرها الفحل ، بمعنى أن صار شي ايجابي هذا المطلوب وهذا نتيجه صبرنا وأن ما صار شي مردنا على سوقنا الاسود حتى لوكان سيء مالك إلا خشمك لوه منعفط أقصد عوج .
نقول الله يعدلها ويفرجها من عنده ان شاء الله .

[عطيب الظرايب]

الله يجيب العواقب سليمة

وماضنتي ان بيجي بيع اسلحة

ابي اتكلم لكم عن فكرة تصريح الاسلحة :

يأخوان ابي اقولكم عـ شي تدرون وش المقصد من التصريح

المقصد واضح :
1- رصد عدد الاسلحة بالمملكة.
2- مثلاً: عند حدوث جريمة في حي من احياء مدينة بعيار مثلاً 9 ملي من مسدس يحصر من منهم يملكون سلاح بنفس العيار قريب من الحي او بداخل الحي فيستدعى ويؤخذ سلاحة للكشف عليه من قبل الطلقات التي حدثت فالجريمة .

مو عشان الواحد اذا سرق سلاحة راحوا يدورون عليه يأخوان وش هيلة المحميات محطوطة وعليها حراسات من شان القنوص والمتولعين بالصيد لا يقرضونها , فيه خبر قريتة قبل فترة مها وضيحي مقتول وملطوش من محمية محازة الصيد مسوين زحمة عليها والي يدلي بمعلومات عنه له مكافئة وقدرها 15000 وش فيكم انتم
لا وتبونهم يفتحون لكم بيع سلآح والله ماضنتي انها بتحصل واذا اهي بتحصل بيكون نوادي تعلم رماية فقط وليس للبيع .


ولكم مني جزيل الشكر ...

[االبركااان]

هذا الكلام الصحيح

[محمد المساعد]

انا سبقتهم وشريت شوزن

[الخِيال]

الله يكتب الي فيه الخير

[االكريزي]

شكرلك على التوضيح

[تحتمس]

جزاك الله خير ... هذا الصحيح

[PATROL]

ان شاء الله انهم بيفتحون والخبر اكيد! بس بعضهم يروج اشاعااااااات عشان يصرف البضاعه اللي عنده لانه توهق فيها!
لااحد يستعجل ويشري ويصير مثل الامام اللي ..... قبل التسليم

[تاجور]

ان شاء الله انهم بيفتحون والخبر اكيد! بس بعضهم يروج اشاعااااااات عشان يصرف البضاعه اللي عنده لانه توهق فيها!
لااحد يستعجل ويشري ويصير مثل الامام اللي ..... قبل التسليم

ههههههه

الله يسعد أيامك أخوي العزيز

بلا فايدة

[الطاير نايف]

الى متىىىىىىىىىىىىىىىىىىىىىىىىىىىىىىىىىىىىىىىى

[بدون عضويه]

التصريح ممنوع ذي الايام والضاهر ما عاد في شي اسمه تصريح
فكل واحد يحافض ع الشوزن الي معه
الف شكر لك اخوي

[سام 6]

شكرا................

[ابوقشعان]

فكت ولا ما فكت
الله يخليلي ام سيلان مصرحه واضربها كل ديره واكل من صيدها شبعان ياربي لك الحمد مهاجر ومحلي.

[ابوقشعان]

فكت ولا ما فكت
الله يخليلي ام سيلان مصرحه واضربها كل ديره واكل من صيدها شبعان ياربي لك الحمد مهاجر ومحلي.

[لاحوق السليمي]

والله الحمد لله اي سلاح تبيه هلحين تلقاه من دون المحل هاذا

[شاهينن]

اشكر على هذا الخبر
واقول براي ان هذا الكلام الي يدخل العقل ويطابق الواقع عندنا في المملكه العربيه السعوديه
وشكرا

[كيبك كبك]

اتمنا احد من الاعضاء وضع بعض الصور للمحل اكون له من الشاكرين

[ابوحسن ...]

طيب يالربع الحين من زمان قالو يمكن يبعون اسلحه فرديه ببعض المحلات المتخصصه فقد مو البنادق من الي مطلع الاشاعه هذي عطونيها ههههههههههه بسى عندي استفسار لاهل القصيم الله يعطيهم العافيه سوق الجرده لازال يبيع البنادق لاني ناوي اشري وحده ما ابي اطق مشوار على الافاضي احس اني طلوت اعذروني

[راعي القمري]

والله ياخوان انا من شدة الفرحه اول مافتح كنت مار من عندة ومعي الفملي موديهم لسوق يوم شفته فاتح بغيت ادخل بقرب ماصوره بعدها عقب ماصليت المغرب رحت لم المحل لكن ليتي مارحت تحطمت يوم قالي صيانه بس قلت الله يخليلنا الجردة

[خالد الفالح]

يا أخوي الحين أنت متعني ع الرد علشان تقول (( الله ياخذ وجهه ))

والله هو ما جي عند بيتك ووعدك أنه بيبيع أسلاحه فرديه وشوازن وأخرته طلع يصلح بس ..
بعدين خله يحط صور أسلحه أنا أقدر أفتح محل وأحط صور أسلحه وأبيع جح



لاتحط بخاطرك شي بس أنبهك



الله يقطع ابليسك يالبريداوي تحط صور سلاح وتبيع جح من جد تقطع المصران ضحك هههههه :D ههههههه

[جزل التماثيل]

يا اخوان والله ان الأفضل مايفتح اي محل لبيع السلاح والحمدلله على كل حال ورب ضارة نافعه لان بصراحه الكثير منا يجهل الامور ووش تبي تصير عليه ..مادري من الي مصدق ان فتح المحلات راح ينزل من سعر الشوازن والفشق!!! والله ياربعك انهم انجس من بول الحمار (وانتم بكرامه) شف العقار شلون طاير لاحسيب ولارقيب على شي مايسوى طاريه شف الغلا متفشي بكل مكان لوكان فيه محل يبيع السلاح والله يالشوزن الروسية ان ماتشدها ولا بـ10 الاف ريال !! وصندوق الفشق من الـ4000 للردي الى ال6000 الاف للطيب !! تبخصوني بربعنا يدورون الهلل تحت زنوبه البنقالي وهذا قدرهم كلهم,, يا اني حاقد عليهم الله يحيجهم لنا يا اني بذلهم ذل لاصار ولا استوى على قولة اهل الكويت

[PATROL]

يا اخوان والله ان الأفضل مايفتح اي محل لبيع السلاح والحمدلله على كل حال ورب ضارة نافعه لان بصراحه الكثير منا يجهل الامور ووش تبي تصير عليه ..مادري من الي مصدق ان فتح المحلات راح ينزل من سعر الشوازن والفشق!!! والله ياربعك انهم انجس من بول الحمار (وانتم بكرامه) شف العقار شلون طاير لاحسيب ولارقيب على شي مايسوى طاريه شف الغلا متفشي بكل مكان لوكان فيه محل يبيع السلاح والله يالشوزن الروسية ان ماتشدها ولا بـ10 الاف ريال !! وصندوق الفشق من الـ4000 للردي الى ال6000 الاف للطيب !! تبخصوني بربعنا يدورون الهلل تحت زنوبه البنقالي وهذا قدرهم كلهم,, يا اني حاقد عليهم الله يحيجهم لنا يا اني بذلهم ذل لاصار ولا استوى على قولة اهل الكويت
تفائل بالخير تجده وبعدين فيه ناس فيهم خير مو كل الناس زي ماقلت!
وبعدين لو كل واحد سوا اللي قلت على كذا نبي نتوارث الشي هذا جيل ورا جيل!
لااله الا انت سبحانك اني كنت من الظالمين

[ابو غظم]

طيب فيه السنيدي بحايل

[ابو غظم]

او بالمدينه