شرب مياه السيل

[آبوصاطي]

السلام عليكم ورحمة الله وبركاته

الإخوه الكرام اسعد الله مسائكم بكل خير
عندي سؤال محيرني الحين إذا جاء واحد بالبر وكان ناسي المويه او يريد شرب مويه من الغدير الي هو ماء السيل الي بالصحراء طبعاً المواقع تختلف في نقاء مائها فالصفاء مائه نقي جداً لاكن الغدير كيف انقي مويته لإن لونها ترابي ابي انقيها واصفيها لكي تكون صافيه وصالحه لشرف ماهي الطريقه لذلك ؟؟
افيدوني يالنشاما

[abu mansor]

اسعد الله صباحك بكل خير
انا بالعاده اذا رحت للبر وفيه امطار وتجيني خرمه على موية المطر ادور المكان اللي فيه صخور وناقع فيه من موية المطر احس انه انظف من موية الغدران لان اغلبها حايسينه بعض الجهله وبعضهم يرمي فيه بعض الاكل ولا بقايا الذبايح ويحوسونه بس اذا لازم تاخذ من غدير فالافضل انك ماتشرب على طول خله فتره في الطاسه ولا الجركل الين ينفصل الماء عن التراب بيكون التراب تحت وصب الماء في الطاسه واشرب بالعافيه وان حبيت تغليه افضل والله اعلم

[آبوصاطي]

هلابك يابومنصور وشرفت يالقرم بالمرور الرائع
وصحيح إن مياة الصفاء انقاء من الغدير وإن طريقتك ذي تبيلها وقت على ماينزل التراب العالق إلى اسفل الجركل لاكن هل هناك طريقه سريعه وسهله لتنقيته بكون شاكر ومقدر لكم

[محمد-الرس]

ايه وأول ما تخلص شارب يجيك مغص وتروح للدكتور ويقولك معليش معاك فشل كلوي -يالله سترك-يعني خلصت المياة الصحيه. وأصلا المطر مليان شوائب ودخنة سيارات وعوالق.....

[northstar46]

اسهل طريقة حط فيها شوية شب بس لا تكثر واصبر تلقى التراب ترسب تحت

[حياتي البحر]

مشكور اخوي والله يعطيك العافية