ياهل العرف تعالوا هنا

[عاشق الجهامه]

السلام عليكم .... بسم الله الرحمن الرحيم

اخواني انا ادور موتر -هلي -دقس

اخذ الهلي ولا الدقس ابي اعرف وش احسن لي لاني ابشتغل فيها وابمسك خطوط وش احسن ....وش عيوب الهلي والدقس وش مزايا الهلي والدقس ابي اعرف عنها كل شي لاني انا مالي خبره في المواتر

(ابي موتر لي وللزمن لي ولزمن)


اي موديل معدا الهلي 2006 والددسن من2006 وفوق والددسن خليجي

[طاير السعد]

خذ الهلي
وريح

[ضبضوب]

الهلي ازين من ناحيه

1-الراحه

2- العزم

3- القوهـ

4- النشااط

5- النصب

6- البر و الطعوس و القنص

7- من تويوتاا الغياار رخيص و كل شي

8- الهلي لو ايش ماا يخرب

هو يخرب لاكن يبطي ماا يخرب

انصحك 3 موديلات

2005

2007 خليجي

2009 عماااني

و هذا من رايي

[العبله]

والله وانا اخوك كل له مزايا و فيه عيوب


عندك الددسن مريح و صبور والعزم انا ما ادري عن الجدد. وهو ارسى من الهلي ويمكن ارخص وعندي الددسن ازين من الهلي الجديد.


الهلي متعب قاسي وانت راعي خطوط على كلامك يعني بيطامر بك لكنه قوي عزمه واصبر من الددسن .


يعني كل فيه ميزه مهيب في الثاني وانت رجح اللي يناسبك والله يكتب لك اللي فيه الخير.

[كوير بن راشد]

الددسن
الراحه في الخط وعدم كثرة المطبات

[عبدالرحمن1980]

نصيحة غير الهلي 2004_2005 لاتاخذ

[بريداوي اصليm]

الدقشن مريحه مره في الخطوط أريح من الهلي
وأصحاب الهلي يعرفون الشي
ومن ناحيت الصبر فالدقشن صبورة

[حبل الوريد]

الهلي قوه وشيك
الددسن قوة حديد وراحه

[أبو ذياب]

ملك القومه هلي ملك الخط والسفر دقس

[N-xterra]

الهلي ازين من ناحيه

1-الراحه......... غلطان لأنك ماجربت

2- العزم......... صحيح

3- القوهـ........ إذا قصدك تحمل الكرف فأنت غلطان

4- النشااط....... هي هي نفس رقم 2

5- النصب....... الرجال يقول لك أبشتغل وانت راكب تدور مع اخوياك والهولوكس تعرضها بالشوارع

6- البر و الطعوس و القنص ................ غلطان لأنك ماجربت - الهولوكس قبل تطلع للبر لازم تفك الصدام عشان ما ينشلع وربلة عوارض الحوض عشان ماتطيح وانت راجع من البر - أما التدحوس فوق الطعوس فالددسن أفضل وهذا سبب تفضيل البدو للدسن على الهولوووكس - أما المقناص يمكن قصدك قنص الظبان - أما المقانيص اللي عليها العلم يبيلها ربع أو باترول

7- من تويوتاا الغياار رخيص و كل شي - غلطان برظو لأنك ما جربت لأن الددسن أرخص قطع غيار من الهولوكس وبكثير

8- الهلي لو ايش ماا يخرب - ولكن يظل أكثر من الددسن أعطال وأقل تحمل من الددسن ويثبت كلامي أن الدداسن موديلات الثمانينات مازالت عايشة أما الهولوكسات موديلات الثمانينات قد انقرضت تماما تماما

هو يخرب لاكن يبطي ماا يخرب

انصحك 3 موديلات

2005

2007 خليجي

2009 عماااني - كلها بلاستيك صيني يارجال

[عاشق الجهامه]

طاير السعد ... الله لايهينك يالغالي
ضبضوب... الله لايهينك يالغالي وشاكرك على التفاصيل
العبله...الله لايهينك يالغالي
كوير بن راشد... اللله لايهينك يالغالي
عبدالرحمن ... كلامك صح بس غاليه .. الله لايهينك يالغالي
بريداوي ... الله لايهينك يالغالي
سفير المذنب .. كلام صحيح .. الله لايهينك يالغالي
ابو ذياب...الله لايهينك يالغالي
اكسترا بس بالانجليزيه هههههههه.. الله لايهينك يالغالي والله كلامك اقنعني من جد وتسلم على التفاصيل

[ابوحمد1992]

الهلي ازين من ناحيه

1-الراحه

2- العزم

3- القوهـ

4- النشااط

5- النصب

6- البر و الطعوس و القنص

7- من تويوتاا الغياار رخيص و كل شي

8- الهلي لو ايش ماا يخرب

هو يخرب لاكن يبطي ماا يخرب

انصحك 3 موديلات

2005

2007 خليجي

2009 عماااني

و هذا من رايي
انا مع اخوي ضبضوب الهلي افضل لك

[D Max2010]

الهلي ازين من ناحيه

1-الراحه......... غلطان لأنك ماجربت

2- العزم......... صحيح

3- القوهـ........ إذا قصدك تحمل الكرف فأنت غلطان

4- النشااط....... هي هي نفس رقم 2

5- النصب....... الرجال يقول لك أبشتغل وانت راكب تدور مع اخوياك والهولوكس تعرضها بالشوارع

6- البر و الطعوس و القنص ................ غلطان لأنك ماجربت - الهولوكس قبل تطلع للبر لازم تفك الصدام عشان ما ينشلع وربلة عوارض الحوض عشان ماتطيح وانت راجع من البر - أما التدحوس فوق الطعوس فالددسن أفضل وهذا سبب تفضيل البدو للدسن على الهولوووكس - أما المقناص يمكن قصدك قنص الظبان - أما المقانيص اللي عليها العلم يبيلها ربع أو باترول

7- من تويوتاا الغياار رخيص و كل شي - غلطان برظو لأنك ما جربت لأن الددسن أرخص قطع غيار من الهولوكس وبكثير

8- الهلي لو ايش ماا يخرب - ولكن يظل أكثر من الددسن أعطال وأقل تحمل من الددسن ويثبت كلامي أن الدداسن موديلات الثمانينات مازالت عايشة أما الهولوكسات موديلات الثمانينات قد انقرضت تماما تماما

هو يخرب لاكن يبطي ماا يخرب

انصحك 3 موديلات

2005

2007 خليجي

2009 عماااني - كلها بلاستيك صيني يارجال
اخوي انا معك ميه في الميه وانا اعرف واحد معه ددسن م90 كرفه كرف الحمير ثمين باعه على واحد والى اللحين وانا اشوفه في الشارع صحيح انه يخرب لكن الجديد بجدته مثل الحصان بعدته

[غازي الأول]

تبي نصحيتي خذ لك ددسن

أنا معي ددسن موديل 88 وصار لها عندي أكثر من 20 سنه وأنا كارفها كرف جحاش وما خليت مكان إلا ورحت له وللحين ما شاء الله عليها شغاله زي الحلاوة

غير الددسن لا تدور

[AL.KNG]

اذا انت راعي خطوط خذلك ددسن لانها مريحه اما الهلي ماهي راسيه مع المطاب

[مجنون باترول4800]

ترا لاالددسن الجديدة تصرف زيت

[ابو شامه]

مرحبا ياخوي خذ كلام واحد مجرب الموديلات الي انت ذكرت كلها اما من ناحيت الهلي اخذ المميزات : العزم , وماسك سعره عند البيع ,وغماره وسيعه , انك راكب موتر عز اتكلم عن مويلات2006 وفوق

اما العيوب : فالخط مهوب راسي , بدي خفيف ما يتحمل ,والجه نازل يحيك فالبر فقط .....


اما الدقس كله مريح وعزم مظبوط فالخط كل موديلاته من 2005 وتحت هذا ممتاز لكن يزعجك الصفير قالمثلثات وهو يصلح للخطوط يطبق الطبلون سلام سلام اما الجديد من 2006 ممتاز مافيه مثلثات يعني انس الازعاج بس اذا نزلت الدرايش للنص تبدا بالقرقعه والددسن من عيوبه انه مايمسك سعره والغماره الي ورى ضيقه جدا والجديد ما يجيب الطبلون يفصل عند 175 هذي خلاصة تجربتي للمواتر وانت شف الله ورايه عسى الله يرزقك باحسن منهن

[ابو شامه]

ترا لاالددسن الجديدة تصرف زيت

من يقوله انا معي وحده والله ماشفت منها الا كل خير وماشاء الله عليها

[ابو زنه]

السلام عليكم ورحمة الله وبركاته

اخوي انت قلت اني راعي خطوط

الددسن هو الي يصلح للخطوط

انا معي ددسن 2009 خليجي ماشاء الله
الرابع على 200
والخامس 240
وقيمته فالمعارض انا ماخذه 61 الف نص فل
يكفيك انه ياباني اصلي مو مثل الهايلكس تايلاندي

والله اني انصحك بالددسن وشفه مع البدو صابر عليهم وعلى حلالهم
ويشيل اغراض ما يقول لا

نصيحه لوجه الله الددسن افضل من الهايلكس

والدليل ان الددسن قوته 160 حصان اما الهايلكس 157 حصان

بس لاتاخذ 2010
لانه تايلندي
2009 خليجي
من مميزاته
عدم الازعاج اذا وصلت 120
مو مثل السعودي
ثاني شي وكيله البازعي احسن من الحمراني
ثلاث شي يطربك بالخط

واذا خطر على بالك اي سوال لايردك شي ارسلي على الخاص وابشر يابعدهم