ياهل الفزعات مشكله بالقزوز ارجوا الافاده

[ولد ابو يوسف]

بسم الله الرحمن الرحيم
السلام عليكم ورحمة الله وبركاته

كيف حالكم جميعا ..

الصراحة يا اخواني الوالد عنده جيب vxr موديله 2001 او 2002 هالحدود

ويقول ان القزوز تطلع صوت وانا من حائل وهالايام مشغول يعني ما اقدر اروح للصناعيه
وزحمتها واسالهم اذا فيه قطع غيار او لا .. يعني ماودي اروح الا وانا متاكد
....

فارجوا منكم افادتي وش سبب الاصوات الي تطلع وهل اقدر اسافر في السياره اكثر من 700 كيلو
عادي مايضر السياره وهل فيه قطع غيار عندنا

ارجوا منكم الاجابه سريعا ..

وشكرا

[escape_man]

القزوز مهمة جداً وانا اخوك ..

اول شي تنسيمها من ناحية راس المكينة والحرارة الزايدة الي تطلع من الاقزوز تأثر فيه

ثانيا يفقد الموتر الضغط او الي يسمونه باك براشر وهو ضغط راجع مهم للاحتراق بالبستم

وعزم الموتر بدون هالضغط يصير مرتخي ..

لكن حالياً ممكن يكون عندك احدى هالحالات:

1) تهريب بسبب انه الاقزوز منحل وهذي مايبيلها الا حبة مقاس 10 وتشد على الاقزوز.

2) يكون به تنسيم وهذا يا اما تاخذ له من التشليح ولا تغيره جديد.

3) تنسيم من وجه الاقزوز ويحتاج تغيير وجه.

[ولد ابو يوسف]

بن غييثات
جزاك الله خير على الافاده

انتظر باقي الاخوه

up >>

[ساري 111]

الصوت قوي او ضعيف ؟؟

عموماً اذا هو تنسيم بالقزوز مايضر رح عليه للنجوم بس انتبه لايصير شي ثاني رمان او غيره

اذا هو بسيط ويطلع اذا دعست طلع تراه طبعي كل الـ 8 سلندر فيه هالصورت حتى ووهو جديد

[_دربيل_999]

أخوي..
الكلام اللي قاله ابن غييثات لا أزيد عليه شي...عين الصواب..

ولكن لاتسافر عليه لين تصلحه,,لأن القزوز الحين بدل ما يفرغ الهواء الساخن لمؤخرة السيارة عبر الشكمان أصبح يطلق الحرارة تحت غظاء المحرك الكبوت..
مما بتسبب في رفع درجة حرارة الأجزاء البلاستيكية المحيطة بالمحرك كاسلاك البواجي والحساسات ومحتمل أن يتلفهم..
تراها غير مكلفة في كل الحالات لكنها ضرورية للحفاض على سيارتك,,

خالص تحيتي لك..

الروقي

[سوبر VTC]

عندك وجه راس تعبان
او القزوز منشعره تحتاج تلحيم
او المسامير تحتاج شد
او التنسيم من الوجه اللي بين القزوز و الماصورة

مر على اقرب بنشري و انزل بالحفرة
و تحسس بيدك مصدر التنسيم او خروج الهواء
الامر سهل جدا
بس انتبه ليدك لا تلمس القزوز :)

موفق

[حبو 1]

اذا ما ابطا الصوت تتلحم زهر ولا غير القزوز باماراتي رخيصة وتدوم