المساعد الشخصي الرقمي

مشاهدة النسخة كاملة : إلى الخبراء في الجيوب ,,, مع التحية


ليالي حلوة
12/04/2010, 07:44 PM
السلام عليكم ورحمة الله وبركاته




أسعد الله أوقاتكم بكل خير




أخواني حبيت استفسر عن جيب هدد موديل 2005 حيث إني اشتريت السيارة فوجدت انبير الزيت يتحرك إلى الأعلى مع الضغط على البنزين وينزل تحت مع رفع القدم عن دواست البنزين ويكون ثابت على الربع .

وكذلك حبيت استفسر عن مشكلة وهي نقص زيت المكينة حيث إن السيارة قاطعة 2000 كم على الزيت وتنقص نصف في العيار , والسيارة لا تدخن ولا يوجد بها تهريب , ما عدا شاهدت دخان في الصباح استمر ما يقارب الدقيقة ولونه أبيض فانقطع.

ياليت الي يعرف مشكلتي يوجهن لإني مشتري السيارة قبل يومين .

وجزاكم الله خير.

دمتم بود.
ضبضوب
12/04/2010, 07:47 PM
يفيدوونك الشبااب إنشاء الله

اناا ماا اعرف هل اموور لاكن وضح اكثر
ليالي حلوة
13/04/2010, 12:05 AM
يفيدوونك الشبااب إنشاء الله

اناا ماا اعرف هل اموور لاكن وضح اكثر

مشكور على المرور
وإن شاء الله الأخوان ما يقصرون
لكن أنا أقصد إن انبيز الزيت يتحرك مع دعسة البنزين فإذا رفعت رجلك عن البنزين نزل وإذا كنت موقف السيارة يكون على الربع , وإذا كنت على سرعة ما يقارب 150 يكون على الشرطة التي قبل الفل ,

والشيء الآخر مكينة السيارة تنقص فبعد أن عايرة السيارة وهي قاطعة 2000 كم من تغيير الزيت وجدت عيار الزيت على النصف .

فهل ترى من طرمبة الزيت لا تعمل زين وهل ترى يحتاج إلى شنبر وهل ترى يحتاج إلى جلد بلوف ؟
بانتظار آراء الأخوان .
دمتم بحفظ الله ورعايته
ساري 111
13/04/2010, 01:33 AM
وش نوع الزيت اللي تستخدم ؟؟
والموتر كم ماشي ؟؟
الجبخان
13/04/2010, 04:13 AM
اخوي بالنسبه لأنبير الزيت بالتايوتا فأن معدل الزيت بالمكينه ناقص
اذا غيرت الزيت تلقاه يضبط معاك
وبالنسبه للدخان الابيض جلد بلوف
توكل على الله بدل جلد بلوف وارتاح وخل القلق يولي نقص الزيت ولا زاد
لان النقص اللي عندك من جلد البلوف
تقبل مروري
ابوحمد1992
13/04/2010, 09:28 AM
هلا بك اخوي ليالي حلوه
بخصوص انبير الزيت يتحرك فهذا طبيعي كل الجيوب يتحرك مع الدعسه ويرجع مع قك الدعسه لاكن تحصله في الخط ثابت كل الجيوب فيها هذا الشي لاتشيل هم ولاشي طبيعي ولا حظ باقي الجيوب تحصل فيها نقس الشي حسب خبرتي
وبخصوص نقص الزيت معلومة ان السيارات اغلبها مايعطيك العيار علامه صحيحة الا في الصباح اذا كانت السيارة واقفه فتره لاتوسوس اهم شي اذا سحبت العيار حصلت زيت فهذا بعتبر المكينه فيها زيت
وناسف على الاطاله
سوبر VTC
13/04/2010, 11:05 AM
طبيعي يرتفع انبير الزيت مع الدوس
و العكس صحيح
اساسا لو عندك مشكلة بطرمبة الزيت
كان تولع لمبة الزيت او يطلع صوت طقطقة بالمكينة
بسبب نقص الزيت
اهم نقطة
عاير الزيت بعد 4000الاف كيلو وشف مقدار النقص
السرعات العالية تخلي الموتر يصرف زيت
لاتعدا سرعة 140 عشان تطلع بحكم حقيقي
ايضا
وقف الموتر الظهر خله يشتغل 10دقائق همن دس دوسة خفيفة
اذا طلع دخان ابيض فهي جلد بلوف
تاكد من فلتر الهواء هل منطبع زيت ام لا ؟
احتمال الزيت يدخل مع الثلاجه و اذ1 فتح بلف الهواء
دخل و طلع مع الشمكان
يعني مهب شرط اساسي انه جلد بلوف
من حد راس العيار الى فل Max
= تقريبا علبة واحدة لاتشيل هم
بعضهم يغير جلد البلوف بدون فك الراس

موفق
فهدنت2007
13/04/2010, 01:31 PM
غير جلد البلوف ويخف نقص الزيت
ليالي حلوة
13/04/2010, 02:39 PM
وش نوع الزيت اللي تستخدم ؟؟
والموتر كم ماشي ؟؟

أنا شاري السيارة مستعملة وقال لي صاحبه السابق إنه زيت تويوتا ومن يوم ما خذيته ما غيرته وكان ماشي عليه 1800 كم فيوم وصلت إلى 2000 كم غيرت الزيت إلى سوبر جي تي وكذلك غيرت السيفون .
بالنسبة للممشى الموتر إن كان حقيقي فهو 185,000 كم .
ومشكور أخوي على المرور
ليالي حلوة
13/04/2010, 02:41 PM
اخوي بالنسبه لأنبير الزيت بالتايوتا فأن معدل الزيت بالمكينه ناقص
اذا غيرت الزيت تلقاه يضبط معاك
وبالنسبه للدخان الابيض جلد بلوف
توكل على الله بدل جلد بلوف وارتاح وخل القلق يولي نقص الزيت ولا زاد
لان النقص اللي عندك من جلد البلوف
تقبل مروري


مشكور أخوي على المرور
سألت كذا واحد وقالوا لي طبيعي يزود مع الدعسة وينقص مع رفع القدم عن الدواسة , ولاحظت الدخان بشكل قليل فيبدو إنه جلد بلوف.
يعطيك العافية أخوي .
ليالي حلوة
13/04/2010, 02:43 PM
هلا بك اخوي ليالي حلوه
بخصوص انبير الزيت يتحرك فهذا طبيعي كل الجيوب يتحرك مع الدعسه ويرجع مع قك الدعسه لاكن تحصله في الخط ثابت كل الجيوب فيها هذا الشي لاتشيل هم ولاشي طبيعي ولا حظ باقي الجيوب تحصل فيها نقس الشي حسب خبرتي
وبخصوص نقص الزيت معلومة ان السيارات اغلبها مايعطيك العيار علامه صحيحة الا في الصباح اذا كانت السيارة واقفه فتره لاتوسوس اهم شي اذا سحبت العيار حصلت زيت فهذا بعتبر المكينه فيها زيت
وناسف على الاطاله

هلا بك أبو حمد شيكت على العيار كذا مرة في الصباح وغيره وحصلته ينقص فيعطيني بالقراءة نصف العيار من fإلى e .
مشكور أخوي أبو حمد على المرور
ليالي حلوة
13/04/2010, 02:45 PM
طبيعي يرتفع انبير الزيت مع الدوس
و العكس صحيح
اساسا لو عندك مشكلة بطرمبة الزيت
كان تولع لمبة الزيت او يطلع صوت طقطقة بالمكينة
بسبب نقص الزيت
اهم نقطة
عاير الزيت بعد 4000الاف كيلو وشف مقدار النقص
السرعات العالية تخلي الموتر يصرف زيت
لاتعدا سرعة 140 عشان تطلع بحكم حقيقي
ايضا
وقف الموتر الظهر خله يشتغل 10دقائق همن دس دوسة خفيفة
اذا طلع دخان ابيض فهي جلد بلوف
تاكد من فلتر الهواء هل منطبع زيت ام لا ؟
احتمال الزيت يدخل مع الثلاجه و اذ1 فتح بلف الهواء
دخل و طلع مع الشمكان
يعني مهب شرط اساسي انه جلد بلوف
من حد راس العيار الى فل Max
= تقريبا علبة واحدة لاتشيل هم
بعضهم يغير جلد البلوف بدون فك الراس


موفق


هلابك أخوي لا ولله الحمد ما فيه أصوات وطقطقة بالمكينة فقد يبدو كما ذكرت جلد بلوف لإني طبقت ما وجهتني إليه وهو تشغيل السيارة لمدة عشر دقائق والضغط على الدواسة فقد لاحظت دخان ابيض خفيف مع تقطيع وكأنه ينزل ماء منه بشكل خفيف جداً .
مشكور أخوي على المرور
ليالي حلوة
13/04/2010, 02:47 PM
غير جلد البلوف ويخف نقص الزيت

هلا بك فهد نت 2007
إن شاء الله أغير ولا ينقص زيت تماماً .
مشكور على المرور وجزيت خيراً أنت وبقيت الإخوان ووفقكم الله إلى ما يحب ويرضى