شنهو احسن دربيل؟

[المبيحيص]

السلام عليكم

قبل كل شي ترى بحثت بمحرك البحث ولا حصلت اللي ابيه

ابي دربيل ممتاز وسعره معقول :D .. وشنهي الانواع اللي تنصحون فيها؟

[عاشق النحم]

عندي دربي يابني أسمه قولدن ايقل 4*32
ممتاز بالحيل أبحاول أنزل له صور

[ريع الرمي]

الاخ المبيحيص
الدرابيل واجد وانواع واشكال
بس ماحددت ---دربيل بارود---دربيل شوف
تسلووووووووا

[المبيحيص]

مرحبا يا شباب
يا عاشق النحم نشكر لك حسن تعاونك :)

ريع الرمي يا محبوبي

دربيل شوف اللي ابيه

واهم شي يكون صحي .. يعني ما يعمي عيوني اذا استخدمته .. عمت عين العدو :)

[ريع الرمي]

أخوي المبيحيص

تسلم عيونك من العما

فيه دربيل جلوري الصنع اليابان (المقاس10\40) لونه أسود موديل جديد **محلات القناص باالمدينه
شوفه طيب بالحيل ويقارن بالسايز والايكا الأألمانيات الصنع

لا لا لايفوتك أذا هو موجود

أخوك ريع الرمي

[الظافر]

اخو المبيحيص
السلام عليكم ورحمة الله وبركاته
عندك دربيل الجهني عبدالواحد ممتاز وسعره حوالي 750 ريال

ويضاً جلوري مثل ماقال اخونا ريع الرمي بس والله مدري عن السعر والظاهر منه رقم 1 ورقم 2 حسب ما اسمع من الشباب

مع العلم ان معي دربيل عبدالواحد الجهني ،،،، والدربيل كثيره وسأل عن الزين لو كان سعره يفرق

[المبيحيص]

عيونك السالمه يا ريع الرمي .. بدور هالدربيل وعساه يجوز لي :)

وعليكم السلام يا الظافر .. هالدربيل من اسمه ماتوقع اني القاه عندنا بالكويت :)

وانا حبيت اخذ رايكم بالنوعيه الزينه والمجربه .. ونبي نطب السوق ونشوف اللي وصيتوا عليه

واشكركم جميعا .. والله يطول بأعماركم على طاعته

[عاشق الفتك 20]

والله انا عندي عبد الواحد والله ما لقيت احسن منه والسعر رخيص
والاستعمال حق كد كد

[القرشي 1414]

انا مجرب نوع ياباني صافي مره ولا لقيت افضل منه على الاطلاق مهما يكون ضد الخدوش والماء وحق مكده ولونه عشبي واسمه هنتر
والله انصح به اي واحد من واقع تجربه من حيث التقريب بنقاوه ما مثله وقيمته ممكن 550 الى 500 عند اللي يبيعون البشوت