قال الذي طرح الغطاوي تروقه (جديد) 28/4/1431هـ ............ اللغز حله ( يوسف الخليفه )

[ابو ماجد 2]

بسم الله الرحمن الرحيم


السلام عليكم ورحمة الله وبركاته

قال الذي طرح الغطاوي تروقه=يفرح اذا يلقى فطينٍ يحلي
يفرح اذا لاقى صدوقه بروقه=لاشع براقه مزونه تهلي
هذا صعيب اللغز ماهو يعوقه=يحل عقدات المحابيل حلي
بس البلى لاجاك ناسٍ طفوقه=هذا يمل مني وانا منه املِّي
رجله على الزلات دايم سبوقه=ان صاب رمعه ميةٍ به يزلي
لغزي على اللي فاطنٍ له اسوقه=اللي على عسراتها مايضلي
لغزٍ بعيده ياصحيبي عموقه=ما يبحل اللي بالغطاوي يدلِّي
بنتٍ غدت عيني عليها رموقه =من شفتها بين الجماعه تصلي
مع ربها اِلها علاقه فروقه=علاقةٍ للعين فيها تجلي




تحيتي وتقديري للجميع


ابو ماجد .مكشات . خيمة الالغاز

[عازف وتر]

بسم الله الرحمن الرحيم




بنتٍ غدت عيني عليها رموقه =من شفتها بين الجماعه تصلي
مع ربها اِلها علاقه فروقه=علاقةٍ للعين فيها تجلي
وعليكم السلام وصح لسانك
محاوله \عين بكت من خشية الله
ممكن دمعة المؤمن
او الكعبه المشرفه

[ابو ماجد 2]

بسم الله الرحمن الرحيم





بنتٍ غدت عيني عليها رموقه =من شفتها بين الجماعه تصلي
مع ربها اِلها علاقه فروقه=علاقةٍ للعين فيها تجلي
وعليكم السلام وصح لسانك
محاوله \عين بكت من خشية الله
ممكن دمعة المؤمن
او الكعبه المشرفه

هلا بك يالغلا
ويشرفني مرورك
والرمعه مالك لوى
انتظر المرماع القادم
تيتي لك وتقديري

[أبو رافع الظاعن]

صح لسانك يا زعيم...
على ما تفضلت ...لكن نحاول !!

عين باتت تحرس في سبيل الله !!

[ابو ماجد 2]

صح لسانك يا زعيم...
على ما تفضلت ...لكن نحاول !!



عين باتت تحرس في سبيل الله !!


هلا بعبق الفصيح
صح بدنك يالغالي
والرمعه مالك لوى
انتظر القادم

[مسيرs]

حييت يافخر الالغاز
هذي اول رجل سبوقه :) والله يستر
تحريك
السبابة بالتشهد ترفع ويلقى اليها بالنظر

[ابو ماجد 2]

حييت يافخر الالغاز
هذي اول رجل سبوقه :) والله يستر
تحريك
السبابة بالتشهد ترفع ويلقى اليها بالنظر

رجلك سبوقه للوصول لمواقف العز طال عمرك
الرمعه ماصابت يالغلا
انتظر القادم

[فهد الهلالي]

صح السانك يابو ماجد وصبحك الله بالخير
رمعه
امرأه تصلي بالرجال في ابريطانيا

http://www.alswalf.com/vb/uploaded/29141_large_95452_58439.jpg

[قلب العنا]

ماشاء الله تبارك الله
صح لسانك يبوماجد
وعسانا مانملك وتملنا والرمع مايسلم من الطفاقه:)
رميعه ونقول
العين ونظرها الى مكان السجود
وتقبل فائق التقدير

[ابو ماجد 2]

صح السانك يابو ماجد وصبحك الله بالخير

رمعه
امرأه تصلي بالرجال في ابريطانيا



http://www.alswalf.com/vb/uploaded/29141_large_95452_58439.jpg



هلا بك يابو محمد
صح بدنك وصبحك الله بالرضا
مالك لوى يالغالي
انتظر القادم

[قرناس صلا]

وعليكم السلام ورحمة الله وبركاته

هلا بالابداع وراعية وصح لسانك ملايين

رميعات من اللي انت خابر :)

سورة الاخلاص فيها التوحيد وتقرى على اللي صابته عين رقية.
آية الكرسي .
القدس.

تقبل تحياتي

[مسيرs]

نحاول
الشمس تسجد تحت العرش

[ابو ماجد 2]

ماشاء الله تبارك الله

صح لسانك يبوماجد
وعسانا مانملك وتملنا والرمع مايسلم من الطفاقه:)
رميعه ونقول
العين ونظرها الى مكان السجود
وتقبل فائق التقدير



صح بدنك يالغالي
وانتم محشومين يالغلا والمقصود ناس في بعض المجالس اذا ماحصل وطرح لغز تجد مراميعه تتالى بدون تفكير لعله يصل للحل وبهذا يشوش على البقيه ويفسدعليهم التعمق بالتفكير باللغز ولعل هالنوعيه مرت عليكم
المرماع مالك لوى
وانتظر مرماع قادم

[ابو ماجد 2]

وعليكم السلام ورحمة الله وبركاته

هلا بالابداع وراعية وصح لسانك ملايين

رميعات من اللي انت خابر :)

سورة الاخلاص فيها التوحيد وتقرى على اللي صابته عين رقية.
آية الكرسي .
القدس.

تقبل تحياتي


هلا بك يالغلا والف شكر لكلمات التشجيع
وماخبرت منك الا الطيب يالطيب
مالك لوى
وانتظر القادم

[ابو ماجد 2]

نحاول


الشمس تسجد تحت العرش


هلا بك يابو معاذ
مالك لوى يالغالي

[الحربي 777]

السلام عليكم ورحمة الله وبركاته
استاذي العزيز ابو ماجد
الله يصبحك بالخير,,
بارك الله بك وزادك الله من فضله ,,
جس نبض
:)
النفس المطمئنة , والاطمئنان بالصلاة
و قول الحبيب عليه الصلاة والسلام ارحنا بها يابلال

[قلب العنا]

مابك شك يبوماجد ولعل تعليقنا على بعض الابيات يكشف غلانا عندك
نقول السجاده
او ربما السجاده التى رأيناها فى وضع الصلاه فى احد مساجد العراق والله اعلم عن صحه ذلك
تحياااتى

[ابو ماجد 2]

السلام عليكم ورحمة الله وبركاته

استاذي العزيز ابو ماجد
الله يصبحك بالخير,,
بارك الله بك وزادك الله من فضله ,,
جس نبض
:)
النفس المطمئنة , والاطمئنان بالصلاة
و قول الحبيب عليه الصلاة والسلام ارحنا بها يابلال


وعليكم السلام ورحمة الله وبركاته
صباح النور على هالوجيه الطيبه
الرمعه مالك لوى وانتظر القادم

[عازف وتر]

http://www.mlfnt.com/live/12579455781.jpg
محاوله اخرى الله يعطيك العافيه

[ابو ماجد 2]

مابك شك يبوماجد ولعل تعليقنا على بعض الابيات يكشف غلانا عندك

نقول السجاده
او ربما السجاده التى رأيناها فى وضع الصلاه فى احد مساجد العراق والله اعلم عن صحه ذلك
تحياااتى


هلا بك يالغالي
مالك لوى وانتظر القادم
تحيتي لك وتقديري

[ابو ماجد 2]

http://www.mlfnt.com/live/12579455781.jpg
محاوله اخرى الله يعطيك العافيه


مالك لوى يلغالي
وانتظر القادم

[قلب العنا]

محاوله
تكبيره الاحرام
البسمله
التسليمه
تحياااتى

[ابو ماجد 2]

محاوله

تكبيره الاحرام
البسمله
التسليمه
تحياااتى


مالك لوى يالغالي
انتظر القادم
تحيتي لك وتقديري

[مسيرs]

تحريك وربي يحييك
الصلاة الوسطى أو صلاة الجمعه أو هي سورة السجده

[ابو ماجد 2]

تحريك وربي يحييك
الصلاة الوسطى أو صلاة الجمعه أو هي سورة السجده

هلا بك يابو معاذ
مالك لوى يالغالي
انتظر رمعتك القادمه

[ابو ماجد 2]

الاخوة الافاضل
عللتكم العافيه
لنا لقاء قريب ان شاء الله
تصبحون على خير

[برق القصيم]

صح لسانك زعيمنا


(قال الذي طرح الغطاوي تروقه).....نقول كفو والله وشهادتنا بك مجروحه يابوماجد
الله لايضرك والله درر


هاللغز يبي تمعن
لكن دوك هالعجله : قال تعالى (والنجم والشجر يسجدان) ,,,, او السحابه

[F-15 ذيب خزاز]

صح لسانك يا أبو ماجد وعسانا ماحنا من الملاقيف :D

لأني أول مره صراحه أشارك بهالخيمه المباركه بأعضائها ومشرفيها كيف لا وهي تختص بموروث شعبي مهم يعبّر عن الفطنه والذكاء والفراسه ,, فلكم جزيل الشكر على ماتقومون به من جهد...

ولك عندي يابو ماجد هالمحاوله
ماهي : صلاة الوتر في جوف الليل

مع ربها اِلها علاقـه فروقـه علاقـةٍ للعيـن فيهـا تجلـي

[اسيرالشمال]

بسم الله الرحمن الرحيم


السلام عليكم ورحمة الله وبركاته

قال الذي طرح الغطاوي تروقه=يفرح اذا يلقى فطينٍ يحلي
يفرح اذا لاقى صدوقه بروقه=لاشع براقه مزونه تهلي
هذا صعيب اللغز ماهو يعوقه=يحل عقدات المحابيل حلي
بس البلى لاجاك ناسٍ طفوقه=هذا يمل مني وانا منه املِّي
رجله على الزلات دايم سبوقه=ان صاب رمعه ميةٍ به يزلي
لغزي على اللي فاطنٍ له اسوقه=اللي على عسراتها مايضلي
لغزٍ بعيده ياصحيبي عموقه=ما يبحل اللي بالغطاوي يدلِّي
بنتٍ غدت عيني عليها رموقه =من شفتها بين الجماعه تصلي
مع ربها اِلها علاقه فروقه=علاقةٍ للعين فيها تجلي




تحيتي وتقديري للجميع


ابو ماجد .مكشات . خيمة الالغاز





الاثمد والكحل

[هيل]

السلام عليكم ورحمةالله وبركاته

صبحكم الله بالخبرجميع
حياك الله يابوماجد ابيات
جزله وماهومستغرب من الزعيم
وش رايك يابوماجد بالمقوله سمعته
ان الرسول صلى الله عليه وسلم قال ويقصدالنخله
تسبح (فاالاولين يقول ان النخله يهتزقلبه لولم يكن هناك هوا)

[أبو رافع الظاعن]

صباح الخير أبا ماجد ...


لغز جميل ..


ممكن تكون أم حبين ؟؟؟










http://www.mekshat.com/pix/upload/images5/mk863_hobyen2.jpg



أو الفتاة التي في الفيلم المغربي التي تظهر فيه بملابس غير محتشمة كأنها تصلي ؟؟


ثم تمارس بعد ذلك ما لا يرضى به الإسلام من باب الإساءة لتعاليمه !!( أبعد من الضلع الحمر عن ....)
حملني على هذه الإجابة قولك (إلها علاقة مع ربها فروقه ) بمعنى علاقتها بربها سيئة ؟؟ أرجو التوجيه !!

وقد تكون الإبل في الحج قديماً ( يقولون إنهم يرون دموعها في وقفتهم بعرفة ؟؟

[ابو حمد m.s]

ماشاء الله عليك يا ابو ماجد ابيات جزله وهادفه فضلا عن ما تحويه من لغز دسم
محاوله وعسى الله يستر ما نصير من الملاقيف هههههه



في السماء هناك نجوم تكون ما يسمى (بالجوزاء)وهي ثلاث نجوم مصطفه وامامها رابعه كأنها امام وهي متوجهه للقبله لمن يراها بمنطقة نجد عامه والقصيم خاصه
اي انها يستدل بها للقبله من ظهورها في منتضف اكتوبر وحتى نهايى الربيع




الرمعه الجوزاء النجم المعروف



تحياتي يالزعيم

[يوسف الخليفة1]

بارك الله فيك أخي العزيز أبو ماجد وما تقول في ( الدلة )

وربها بعد الهجر وصلاتها عند الصب

والشكر الجزيل

[فهد الهلالي]

بارك الله فيك أخي العزيز أبو ماجد وما تقول في ( الدلة )



وربها بعد الهجر وصلاتها عند الصب



والشكر الجزيل


ياسلام عليك يابو عبد الله رمعه حريف
تصلي يعني مصلوله عند الصب
الله يعطيك الصحه والعافيه
وانا مؤيد للرمعه وبقوه
تحياتي لك

[أبو رافع الظاعن]

مع ربها اِلها علاقـه فروقـه***علاقـةٍ للعيـن فيهـا تجلـي


الله عليك يا أبا ماجد ...:eek: :eek:


أوقعتنا في المصيدة ؟؟؟


لله درك !! من مبدع !!


والحمدلله أن الذي أصاب الهدف من جماعتنا أهل الخيمة !!


حتى ندخل معه في الزحمة حسب الميانة !!


وتأييد شيخنا أبي محمد كذلك في صفنا !!


بارك الله في الجميع !!

[ابو ماجد 2]

صح لسانك زعيمنا



(قال الذي طرح الغطاوي تروقه).....نقول كفو والله وشهادتنا بك مجروحه يابوماجد
الله لايضرك والله درر


هاللغز يبي تمعن

لكن دوك هالعجله : قال تعالى (والنجم والشجر يسجدان) ,,,, او السحابه


صح بدنك يالغالي
والدرر مراميعك الذباحه يالغلا
الرمعه مالك لوى واللغز على قولتك يبي تمعن

[ابو ماجد 2]

صح لسانك يا أبو ماجد وعسانا ماحنا من الملاقيف :D

لأني أول مره صراحه أشارك بهالخيمه المباركه بأعضائها ومشرفيها كيف لا وهي تختص بموروث شعبي مهم يعبّر عن الفطنه والذكاء والفراسه ,, فلكم جزيل الشكر على ماتقومون به من جهد...

ولك عندي يابو ماجد هالمحاوله
ماهي : صلاة الوتر في جوف الليل


مع ربها اِلها علاقـه فروقـه علاقـةٍ للعيـن فيهـا تجلـي


هلا بك يالغالي
صح بدنك
ومرحبا بك اخ بين اخوانه
الرمعه مالك لوى ولكن فيه شي بمشاركتك اول ماشفته قلت جاب الحل واخبرك فيه بعد ماينحل ان شاء الله
انتظر القادم

[ابو ماجد 2]

الاثمد والكحل

مالك لوى يالغالي وجميل منك انك طلعت عن المراميع بالصلاة
تحيتي لك وتقديري

[ابو ماجد 2]

السلام عليكم ورحمةالله وبركاته


صبحكم الله بالخبرجميع
حياك الله يابوماجد ابيات
جزله وماهومستغرب من الزعيم
وش رايك يابوماجد بالمقوله سمعته
ان الرسول صلى الله عليه وسلم قال ويقصدالنخله

تسبح (فاالاولين يقول ان النخله يهتزقلبه لولم يكن هناك هوا)


هلا بك يابو عبدالله والجزل انتم اهله
الرمعه مالك لوى يالغالي

[ابو ماجد 2]

صباح الخير أبا ماجد ...



لغز جميل ..


ممكن تكون أم حبين ؟؟؟











http://www.mekshat.com/pix/upload/images5/mk863_hobyen2.jpg



أو الفتاة التي في الفيلم المغربي التي تظهر فيه بملابس غير محتشمة كأنها تصلي ؟؟


ثم تمارس بعد ذلك ما لا يرضى به الإسلام من باب الإساءة لتعاليمه !!( أبعد من الضلع الحمر عن ....)
حملني على هذه الإجابة قولك (إلها علاقة مع ربها فروقه ) بمعنى علاقتها بربها سيئة ؟؟ أرجو التوجيه !!



وقد تكون الإبل في الحج قديماً ( يقولون إنهم يرون دموعها في وقفتهم بعرفة ؟؟


انت الاجمل يالغلا
الرمعتين مالك لوى
ومع ربها الها علاقه فروقه .اي تفرق عن من تسمن باسمها والشطر الاخير يبن لك ان اثر العلاقه يظهر للعين

[ابو ماجد 2]

ماشاء الله عليك يا ابو ماجد ابيات جزله وهادفه فضلا عن ما تحويه من لغز دسم
محاوله وعسى الله يستر ما نصير من الملاقيف هههههه



في السماء هناك نجوم تكون ما يسمى (بالجوزاء)وهي ثلاث نجوم مصطفه وامامها رابعه كأنها امام وهي متوجهه للقبله لمن يراها بمنطقة نجد عامه والقصيم خاصه
اي انها يستدل بها للقبله من ظهورها في منتضف اكتوبر وحتى نهايى الربيع




الرمعه الجوزاء النجم المعروف



تحياتي يالزعيم

هلا بك يابو حمد وكلماتك تاج اضعه فوق راسي
ومحشوم يالغلا انت والزملاء عن اللقافه بل مشاركتكم وتفاعلكم هو المكسب من هاللغز
الرمعه مالك لوى يالغالي

[ابو ماجد 2]

بارك الله فيك أخي العزيز أبو ماجد وما تقول في ( الدلة )





وربها بعد الهجر وصلاتها عند الصب



والشكر الجزيل


ابو عبدالله
صح لسانك وعلا شانك ومافيك حيله ولله درك ولا فظ فوك
وتستاهل كل كلمات المديح
ماشاء الله عليك رمعه بالصميم
نعم الدله
ولعل مااخر حله هو وجود كلمة جماعه تصلي وربها
مما جعل الذهن يتجه للدين
بارك الله فيك وبيض الله وجهك
الاخ ذيب خزاز اول ماشفت مشاركته شفت الدله بالتوقيع فظننت انه حله بالوهلة الاولى


http://img405.imageshack.us/img405/7041/2222.jpg

[ابو ماجد 2]

بارك الله فيك أخي العزيز أبو ماجد وما تقول في ( الدلة )





وربها بعد الهجر وصلاتها عند الصب



والشكر الجزيل


ابو عبدالله
صح لسانك وعلا شانك ومافيك حيله ولله درك ولا فظ فوك
وتستاهل كل كلمات المديح
ماشاء الله عليك رمعه بالصميم
نعم الدله
ولعل مااخر حله هو وجود كلمة جماعه تصلي وربها
مما جعل الذهن يتجه للدين
بارك الله فيك وبيض الله وجهك
الاخ ذيب خزاز اول ماشفت مشاركته شفت الدله بالتوقيع فظننت انه حله بالوهلة الاولى


http://img405.imageshack.us/img405/7041/2222.jpg

[ابو ماجد 2]

بارك الله فيك أخي العزيز أبو ماجد وما تقول في ( الدلة )






وربها بعد الهجر وصلاتها عند الصب



والشكر الجزيل


ابو عبدالله
صح لسانك وعلا شانك ومافيك حيله ولله درك ولا فظ فوك
وتستاهل كل كلمات المديح
ماشاء الله عليك رمعه بالصميم
نعم الدله
ولعل مااخر حله هو وجود كلمة جماعه تصلي وربها
مما جعل الذهن يتجه للدين
بارك الله فيك وبيض الله وجهك
الاخ ذيب خزاز اول ماشفت مشاركته شفت الدله بالتوقيع فظننت انه حله بالوهلة الاولى


http://img405.imageshack.us/img405/7041/2222.jpg

[ابو ماجد 2]

ياسلام عليك يابو عبد الله رمعه حريف

تصلي يعني مصلوله عند الصب
الله يعطيك الصحه والعافيه
وانا مؤيد للرمعه وبقوه

تحياتي لك


وانت ياسلام عليك على الشرح وعلى تأكيد الحل
نعم تصلي اي مصلوله
وربها من رب الدلال وكان له ناس مخصوصه
بيض الله وجهك انت وابو عبدالله

[ابو ماجد 2]

مع ربها اِلها علاقـه فروقـه***علاقـةٍ للعيـن فيهـا تجلـي




الله عليك يا أبا ماجد ...:eek: :eek:



أوقعتنا في المصيدة ؟؟؟


لله درك !! من مبدع !!


والحمدلله أن الذي أصاب الهدف من جماعتنا أهل الخيمة !!


حتى ندخل معه في الزحمة حسب الميانة !!


وتأييد شيخنا أبي محمد كذلك في صفنا !!



بارك الله في الجميع !!


هلا بك يالغالي
وشرفتني بتفاعلك
واللغز كما قلت ربما شتت الذهن ثلاث كلمات .ربها .جماعه . تصلي
صح لسانك على تاكيد الحل

[F-15 ذيب خزاز]

صح لسانك يابو ماجد أنت و أبو عبدالله

يعني فاتت علي هالمره هههه والله إني رمعت بعد أبو عبدالله وأشوف إن رمعته طيبه بس فاتت هالمره وعسى الله يوفق الجميع

تقبلوني بود...

[برق القصيم]

ماشاء الله لاقوة الابالله


بيض الله وجيهكم زعيمنا والبواردي الخطير ماشاء الله عليه ابوعبدالله
لغز ماركة ابوماجد زادك الله من فضله على قدرتك وتمكنك بحبك الغطاوي

[ابوعاشور]

السلام عليكم
اخي العزيز ماهي علامة السجود على الجبهة

[أبو رافع الظاعن]

السلام عليكم
اخي العزيز ماهي علامة السجود على الجبهة



أخي أبا عاشور حياك الله ....

اللغز تم حله من قبل يوسف الخليفة ...

[ابو ماجد 2]

صح لسانك يابو ماجد أنت و أبو عبدالله

يعني فاتت علي هالمره هههه والله إني رمعت بعد أبو عبدالله وأشوف إن رمعته طيبه بس فاتت هالمره وعسى الله يوفق الجميع

تقبلوني بود...

صح بدنك يالغالي والمقبلات بخير ان شاء الله

[ابو ماجد 2]

ماشاء الله لاقوة الابالله



بيض الله وجيهكم زعيمنا والبواردي الخطير ماشاء الله عليه ابوعبدالله

لغز ماركة ابوماجد زادك الله من فضله على قدرتك وتمكنك بحبك الغطاوي


ووجهك ابيض يالغلا
والف شكر لكلمات الثناء وان كنت قطعت مشوار بالغطو فالفضل لله ثم محاولة الهروب من الرماعين مثلك وشرواك

[راعي عودات]

النظره والقز

[ابو ماجد 2]

النظره والقز

اللغز حله مبدعنا الاخ يوسف الخليفه