يالاخوان من لديه خبره فى تركيد الطيرعلى التكايه

[راعى شاهين]

تعلمون ياخوان الطير اهم شى فيه الطلع واذا الطير مو راكد مايفيدك بشى اشترلك شيهانه فرخه ومن لم يستطع قرناسه هواء ابرك . ونص المقناص الطير الراكد ان لم يكن كله فرجاء من الاخوان كل يدلى بدلوه كيفيه تركيد الطير على التكايه لكى يستفيدالكل واولهم انا ومشكورين مقدما

[صقار شياهين]

اخوي الكريم من واقع تجربة شخصية اقول ان الركادة صفه موجودة في الطير وليست مكتسبة بمعنى ان بعض الطيور لايحتاج إلا اسم تركيد ويصير راكد وبعض الطيور لو تربط فيه بلكة ليل ونهار ماراح يركد وتقبل تحياتي

[رعبوب الشمال]

اخووي الكريم انا بقلك يا الغالي انك اقصر له السبوق حيل با التكايه وقت ما تمشي لعل وعسى ان يركد لاني جربت ها الشي ومع الوقت يركد الطير اذا ربي مهديه - تقبل مروري

[عتيج الصوف]

ادعوله بالهدايه ... انا اتفق مع صقار شياهين

[ذراع الذيب]

السلام عليكم ورحمة الله وبركاته,,
مسيت بالخير ياراعي شاهين,,


ماقصرو اخواني الاعضاء واتفق مع اخوي صقار الشاهين ان الركاده من نفس الطير والطير تكون نفسه طيبه,,
على ماقالو لكن انت تركد الطير بتدهيلك له وحسن معاملتك معه الطير لوجاء في نص المقناص وهو,,
راكد وتركت نقلك المتواصل له وتدهيله يعود له المكافخ وتفريعه على التكيه وتعويده عليها تعطيه,,
لحم تنسر له وهو على التكيه بين الحينه والاخرىوكل مره تبلج عنه البرقع واذا دربته على الطلع,,
يبي يركد زياده ويترقب صيدته وينشغل الطير بدوارتها وارجو من الله اني افدتك والله يوفقك ,,
تحياتي لك,,

[رأعي الخرشه]

السلام عليكم ورحمة الله وبركاته,,





مسيت بالخير ياراعي شاهين,,


ماقصرو اخواني الاعضاء واتفق مع اخوي صقار الشاهين ان الركاده من نفس الطير والطير تكون نفسه طيبه,,
على ماقالو لكن انت تركد الطير بتدهيلك له وحسن معاملتك معه الطير لوجاء في نص المقناص وهو,,
راكد وتركت نقلك المتواصل له وتدهيله يعود له المكافخ وتفريعه على التكيه وتعويده عليها تعطيه,,
لحم تنسر له وهو على التكيه بين الحينه والاخرىوكل مره تبلج عنه البرقع واذا دربته على الطلع,,
يبي يركد زياده ويترقب صيدته وينشغل الطير بدوارتها وارجو من الله اني افدتك والله يوفقك ,,


تحياتي لك,,


وعليكم السلام ورحمة الله وبركاته
كلام اخوي ذراع الذيب صحيح
وعندي ملاحظه وهذي من تجربه انا ركدت حر قرناس هواء
بطريقه هذي
وهي انك تفرع الطير على يدك داخل السياره مره ومرتين بس تاخذ البرقع عنه شوي وتحاول تبرقع الطير قبل مايكفخ وبكل هدوء
فرع الطير والسياره تمشي بس مايكون مسرع خل احد اخويك يسوق السياره وانت شيل الطير على يدك ومع الوقت راح يركد الطير ويتعود على داخلية السياره ويرتاح مايخاف
وشوي شوي لين تفرع فيه على التكيه
وهذي نصيحه من اخوك لا تربط الطير على التكيه وتخليه يكفخ
هذي الحركه راح تملع الطير وركدة الطير اللي انت بتشوفه بعد الحركه هذي ماهي من راحه بتكون بل من ملوع في الطير
تقبل مروري

[قرناس شماالي]

افادوك الاخوان

[falconer-kw]

السلام عليكم افادوك الشباب وماقصروا

وانا عندي راي متواضع من واقع تجربه للفروخ ولقرانيس الهوا

اولا اذا كان الطير فيه مواري الركاده حاول دايم تخليه مفرع على التكيه ويكون معاك نسور كل ماشفت الطير يتلفت بيكفخ طلعله النسور بس لا تعطيه اياه خل دايم يكون بال الطير معاك
واذا جا وقت المعشى حاول تخليه يطلع من يدك على صيده بالارض مو طايره بدايه من مسافه قريبه وتبعد المسافه تدريجيا ولكن قبل لا تهده تاكد ان الطير طالب الصيده اللي انت مخليها بالارض واذا صاد الطير الحمامه او اي فريسه عطه منها شوي وشيله وكمل باقي عشاه على التكايه وبعدها خله مفرع حتى يتعود عليك ويأمن فيك ولا يجفل من السياره ويكون المعشى على التكايه والسياره تمشي وان شاء الله بتطلعلك طير راكد باذن الله

اما اذا كان الطير فيه نزاره اتبع نفس الطريقه ولكن اكسر خشمه بالجوع زود وبيعطيك وجهه باذن الله اتمنى اني افدتك وان صح كلامي فمان الله وان اخطأت فمن نفسي والشيطان واعتذر على الاطاله
اخوكم /سفااااااااااااااااري:l