الفزعة : رجة مخيفة بالسفاري

[غاوي نفاه]

السلام عليكم
عندي رجة قوية بالسيارة( سوبر سفاري 99) عند اي مطب صغير او بطناج من بعد 130- 140 مثل رجة انفجار الكفر ما تروح لين انزل السرعة الى80.
غيرت مساعد الدركسون وما زالت المشكلة وفحصت المساعد الجديد قالوا زين
فكيت عمود اللي فيه مساعد الدركسون (عمود الرجة) ووديته للمخرطة عشان اغير الجلد حقاته قالوا كويسات ما تحتاج تغيير.
ما ادري وش الحل ؟؟؟؟؟؟؟؟؟؟؟
رجاء ممن يدري ان يفيدنا . ودي اسافر على الموتر وخايف يشغلنا
لاحرمكم الله الجنة

[برايدوي عنيد]

السلام عليكم .....

اخووي قد صارت معي رجه على 140 وتروح اذا دعست اكثر

غيرت مساعد دركسون وربل عمود التوازن وكبست الاذرعه

وعلى ماظن وزن الرمان ... والحمدلله ضبط

واذا كنت ببريده مر ابوسليمان الهبيش ويفيدك ان شاء الله

[مقلع الرمث]

اخوي فيه عامود قدام مره اللي قدام راكب فيه مساعد الدركسون المهم اللي قدااام مره فكه هو منه الرجه وكد صلحت كذا جيب كان معي باترول طبعا


لكن نصحيه لك

فكه وفك اللي خلفه وفك اللي وراء الكفرات الاماميه عامود فيه ركب ورح اشتر من قطع الغيار جلب واكبسها عند المخرطه واللي يقولك اكويسه قله مافيه مشاكل فكها وغيرها

راح تلاحظ الموتر بعد الشغله هذي راح يكون مليان

اما العامود اللي فيه ركب راح يكبسوها ويشدون عليها ويشحمونها وبس ومن عندي انا ضمان

[غاوي نفاه]

الاخ: برايدوي عنيد : جزاك الله خير
وشو الرمان اللي يوزن؟؟؟
================
الاخ : مقلع الرمث : جزاك الله خير
بس ممكن توضح اكثر _ اخوك بطيئ الفهم شوي_ لو تكرمت اذا ما عليك امر بالصور الله يجزاك الجنة

[برايدوي عنيد]

هلا بك......

رماان الدفرنس قصدي .....

والظاهر تدري انه به فضاوه وتكتشفه انك ترفع الكفر وترجه وتشوف ....


تقبل مروري.......

[غاوي نفاه]

جزاك الله خير وبيض الله وجهك
لكن وين مكان الهبيش بالضبط؟
و كم جواله؟

[سوبر VTC]

و عليكم السلام و رحمة الله

اذا كان الدركسون ينتفض فالمساعد له دخل في ذلك
لانه يانه خفيف المساعد او يهرب زيت
و افضل حل تدبيل المساعد + وزن الاذرعه
اذا كان على الجنط من الداخل طين يسبب رجه
تاكد من ربلات عمود التوازن
تاكد من ربلات مسامير التوازن
ارفع الكفرات الاماميه
و حرك الكفر فوق تحت
اذا فيه فضاوة
تشد تيلة رمان العكس :good:
دائما بالباترول الصالون و السلقة اذا ارتخت تسبب رجه
تدبيل مساعد الدركسون :good:
يركبون مساعد اي سي ديلكو مع الشغل
من 150 الى 200ريال
تركيب فرارت :good:
بعضهم يكبس الاذرعه + تبديل الكفرات الاماميه مع الخلفية

رابط بالصور :good:

عون الباري للقضاء على رجة السفاري. (http://www.mekshat.com/vb/showthread.php?t=135114)


تدبيل مساعد الدركسون للجيبوب في الرياض وداعاً للرجه (http://www.mekshat.com/vb/showthread.php?t=214834)


ان بغيت ورشة متخصصه بالنيسان
بالرياض او بريده
علمن

موفق

[الجبخان]

أخوي موفق خير ومن يقرأ
أطع الشور وانا اخوك وخذ لك شحم اصلي عدد علبتين
ورح لأي ورشه ممتازه وخلهم يفكون العكوس الاماميه
وخلهم يشحمونه ويركبونه مظبوط
بلا تبديل ولا يحزنون ولا تبدل شي ابد
لانه لو خربان به ربل عمود او شي كان
يطلعونه محلات الوزن ولكن اذا كان الصوت كأنه
يبي يطيح منك كنداسه او صاجه تسحب بالقار مع رجه فضيعه
فهذا حل مشكلتها 100/100 ان شاء الله
وراح تدعيلي بس لاتبدل وتخسر انتبه انتبه انتبه لاتخسر واجد

[غاوي نفاه]

و عليكم السلام و رحمة الله

اذا كان الدركسون ينتفض فالمساعد له دخل في ذلك
لانه يانه خفيف المساعد او يهرب زيت
و افضل حل تدبيل المساعد + وزن الاذرعه
اذا كان على الجنط من الداخل طين يسبب رجه
تاكد من ربلات عمود التوازن
تاكد من ربلات مسامير التوازن
ارفع الكفرات الاماميه
و حرك الكفر فوق تحت
اذا فيه فضاوة
تشد تيلة رمان العكس :good:
دائما بالباترول الصالون و السلقة اذا ارتخت تسبب رجه
تدبيل مساعد الدركسون :good:
يركبون مساعد اي سي ديلكو مع الشغل
من 150 الى 200ريال
تركيب فرارت :good:
بعضهم يكبس الاذرعه + تبديل الكفرات الاماميه مع الخلفية

رابط بالصور :good:

عون الباري للقضاء على رجة السفاري. (http://www.mekshat.com/vb/showthread.php?t=135114)


تدبيل مساعد الدركسون للجيبوب في الرياض وداعاً للرجه (http://www.mekshat.com/vb/showthread.php?t=214834)


ان بغيت ورشة متخصصه بالنيسان
بالرياض او بريده
علمن

موفق





جزاك الله خير اخوي انا بالقصيم لا نستغني عن خدمتك بارك الله فيك

[سفاري959]

اخوي فيه ورشه في الرياض الصناعيه القديمه وحده بوحده وانا مجرب معي مثل موترك ومرت علي اذا تبي رقمه كلمني على الرقم هذا بعد اذن الاداره الموقره 0554488959 بس تأكد من سلامه الكفرات قبل كل شي تقبل مروري

[العبله]

اذكر هذي صارت معي
وطلع المشكله في الجذاف .

[غاوي نفاه]

شباب المشاكل اللي تذكرون هل ظهرت فجأة أو يوم ورى يوم وتطورت؟؟؟
فاللي عندي ظهرت فجأة تقريبا .
وللمعلومية : القير عندي تماتيك كانه يفرق.

[وايلي شمالي]

غير الرمان وافحص التوازن

[الجبخان]

غاوي نفاه
جرب اللي قلت لك لانه صار معاي بباترول 98 بعد ثلاث سنوات من شريته واخذه جديد
وعلته عجزت اعرفه ووصفه اذا ضربت مطب طلع الصوت من 80 وفوق لو زدت السرعه مافيه فايده
لين اهدي الى 40 او اقل والصوت يخوف قوي ماهو رجه وبس
كانه يبي ينفك شي من السياره ويطيح وشحمت العكوس من داخل وكديته سنه وبعته ماطلع اي صوت بعده
جرب قبل الخساير وردي تراني اشرط شرط على اللي قلتلك لك وانا متاكد
ورد لنا وش يصير معاك

[سوبر VTC]

جزاك الله خير اخوي انا بالقصيم لا نستغني عن خدمتك بارك الله فيك

وياك
عندك ورشة ابو عبدالله الصمعاني بتشاليح بريدة
ورشته مع الزفلت اللي يدخل لمحلات السكراب قبل التشاليح بنص كيلو
تدخل مع الخط جنوب هو اخر ورشة
يفك راس العكس و يشد وردات رمان العكس او يلغيهن
شغله ب150ريال و يضمن الشغل
اما ورشة موسى السيف بالشارع التجاري فهو يدبل مساعد الدركسون
موفق

[العابر2222]

أخوي شيك على شدادات الدفرنس الي ورى ... والأعمدة حقت الشدادات لا يكون جايها ضربه

صارت معاي على جيب نيسان وهذي مشهورة في النيسان تخرب دايم

قبل كل شي شيك عليها

وبعدين شف حلول الأخواان

[غاوي نفاه]

جزى الله الاخوان جميعا كل خير على ما قدموا
واثروا

[غاوي نفاه]

جزى الله الاخوان جميعا كل خير على ما قدموا واثروا فقد استفدت واكيد ان من دخل الموضوع استفاد
اقول :اخيرا وجدت الحل.
لكن قبل الحل :لابد من التنبه الى الحرص على عرض السيارة على خبير او معلم بالشغلة فلا تعرض سيارتك الا على مختص.
ثانيا : الحرص كل الحرص على التأكد من صلاحية القطع وان كانت جديدة فقد غزتنا القطع المجددة تجديد اي كلام ومقلدة
المشكلة عندي طلعت من مساعد الدركسون فقد اشتريت من محل وقالي انه اصلي -الله يهديه - وبعد تركيبه لم تزل المشكلة - والسبب - انه مغشوش
ثم الطامة الثانية : اني فحصته عند انسان ما عنده سالفة قالي انه كويس ما فيه مشكلة .
واوصاني بالذهاب لميزان العضيب لفحص السيارة بالكمبيوتر عشان تبين المشكلة ، واخذت بقوله
ورحت للعضيب افحص تفقدوا جلد الموتر من تحت قالوا سليمة وعند فحص المساعد على طول قال خربان غيره .قلت اذا غيرته ولا طلعت المشكلة منه مافيه فلوس وترجعون القطعة قال لامشكله .
وفعلا غيرت المساعد اصلي ب160 من قطع غيار العضيب والحمد لله زالت المشكلة .
فبارك الله بالاخوان جميعا على ما قدموا .