|[ هل توافقوني " الرآي " بآن الصيد البحري ( إدمــآن ) ]| [الأرشيف]

A B D U L L A H

13/04/2010, 04:10 PM

{ بسم الله الرحمن الرحيم }

..

السلام عليكم ورحمة الله وبركآتهـ

كيف حآلكم جميعآ آخواني الكرام بالخيمه العزيزه

..

|[ هل توافقوني " الرآي " بآن الصيد ( إدمــآن ) ]| :confused:

- ليش وانت مداوم آحيان تجيك حآله هستيريه تبغى على الآقل تروح تشم ريحه البحر دقايق وترجع :eek: ؟

- ليش وانت معزوم وعلى المفطح تشوفه ( تتخيل وتفكر انه ) نـــآجل :( ؟

- ليش وانت نايم يدخل اخوك عليك ويشوفك ماسك المخده وتسحب فيها ( تحسب انه مجرور ) :D ؟

- ليش وانت عارف ومتآكد انه مو موسم صيد وإحتمال كبير ماتصيد شي بس مع ذلك تطلع ؟

- لــيش ولــيش ولــيش :alarm:

--

بالله ياشباب هل هذه الحاله يعيشها الآغلبيه والا بس انا ( موسوس مع وجهي ) :D

الصيد بالنسبه لي آعتبره إدمان غير طبيعي

آحيان والله إذآ تعبان ومافيني آصيد آروح آخذ لي لفه بالبحر واشم ريحته وارجع

آو آمر البنقله آكحل عيوني من ذآ الخيرآت وآرجع :good2:

--

وفي واحد الله يستر عليه يقول انه كان من كثر الحماس وحب البحر والصيد

حاط شنطه العده آخر المجلس ورابطها بجلب ويسحب فيها ويروح يرجعها مره ثآنيهـ ههههههـ

وترى ماهو عضو معنا بالمنتدى آبد هههههـ :j

عآد انا قلت له انت مشاكل والله يبغالك تقص لك جلب مقاس 200 وتحطه بالمحفظه

ووقت ماتجيك الحاله ( طلعه وآقعد سحب فيه لين تدوخ ) :looney:

--

نبي آرآئكم في الموضوع باللنسبه للصيد

ولامانع من الحكايات والسوالف البحريه :D

..

تحيآتي للجميع ... ,,

عـبـدالله

سهيل البحري

13/04/2010, 04:22 PM

بورهف

13/04/2010, 04:24 PM

اااه ه ه ه ه ه ه ه ه ه
الحمدالله في احد عنده نفس الاحساس
انا عدتي ماتنزل من السياره
لكن العيشه بعدتني عن البحر
لي رجعه ان شاء الله

alqamr

13/04/2010, 04:29 PM

فعلاً البحر ادمان .. وانا الحين بس انتظر الدوام ينتهي عشان اسافر الشرقية :) باذن الواحد الاحد

الله لا يشغلنا الا في طاعتة

يوسف حوته

13/04/2010, 04:31 PM

والله يا عبدالله انه ادمااااااااااااااااااااااان غير طبيعي

DIVE STAR

13/04/2010, 04:51 PM

معك قطعة جلب؟

والله مقطوع لي يومين خخخخخخخخخخخخخخخخ

يخوي حبي للبحر تعدى لوحة ادمان بعشره كيلو

تصدق وانا في البحر اشيل هم الرجعه واخطط لرحله ثانيه

وهذا بصراحه شي سلبي وماهو صحي خصوصا للمتزوجين

بصراحه انا مقصر في واجباتي العائليه بسبب البحر والصيد

وقاعد افكر بجديه اني ادور لي وظيفه حول البحر او في البحر

والحاله اللي عندك تعتبر بسيطه عندي - انا حاله متقدمه

والله لا يشغلنا الا بطاعتة

تحياتي لك

رحلة عذااب

13/04/2010, 04:52 PM

هلا ابو عابد
تراني تعديت درجة الادمان وصرت اتمنى اكون سمكه عايشه في البحر

Faroug

13/04/2010, 04:55 PM

ههههه والله ريحتني , لا ابشرك نفس الحاله والله يابو عابد انه تجيني كوابيس (بالسمك الي قص ولا شرد) واحلام ايش ممكن تكون . يا رجال عمرك شفت واحد يصحى من النوم يدق يحجز بوت ويطلع لوحده :).

انا متأكد انه ادمان نفسي التحكم فيه صعب جدا لاكن واجب. نصيحة الوالد لي (( يا ولدي صوم عن اي شي يستحوذك او يستعبدك )) سواء اكل او نومة بعد العصر او مال او تلفزيون شاهي قهوة , لو طحت فيه امنع نفسك هذبها عودها (( زي الصيام )). وكل شي صعب لاكن بالتمرين يسهل.

الاهل لهم حق , البزران لهم حق وانت لك حق وعاد اشتغل في بوفيه صلح لكل واحد حق :).

على فكره انا اكره اقرأ ولو تشوف المكتبة البحرية ما تصدق بجميع اللغات حتى لو صور.

ولي عم رحمة الله اكبر من الوالد بسنتين كان مثال الادمان البحري ههه حكايته على الطاير من يوم المتوسطه (الفلاح في حارة المظلوم) كان يشرد ويروح على البحر مو المدرسة وسوا بيت من (تنك التمر وسعف النخل) قدام كسارته المفضله وسماه بأسمه ههه ومرت الايام وجات الايام الين الله اخذ امانته (قبل سنتين) وكان بيته على البحر (مو التنكه عاد ههه) ولم يتزوج ابدا رغم فحولته إلا انه تزوج البحر كان ما يفرقه عنه إلا النعاس فينام بالملح ويصحى بملح البحر :) الله يرحمك يا عمي فهد عمرو محد في العيله اشترى سمك :).

سامحني على طول القصه لاكن انت طلبت حكايه وما عاش إلي يردك يا اجودي.

محبك فاروق.

A B D U L L A H

13/04/2010, 04:56 PM

ههههههههههههههههههه

السلام عليكم
الله يسعدك عبدالله والله من جد صيد البحر
ادمان وجنان الكل يصيروا في غرامه هبلان
ههههههههههه
لما قلت عن خويك يقص جلب 200 ويحطه في المحفظة ولما يشتاق للتسحيب يطلعه
و......
جا على بالي انك راح تقول
ولما تشتاق للتسحيب طلعه وشم فيه هههههههههههه
(صرنا مشفطين جلب هعهعهعهعهعهع)

يعطيك العافية ابو عابد

يالله حي سهيل آفندم

من جد ههههههههـ مشفطين جلبان :D

الله يعافيك اخوي ... ولآهنت عـ المرور

اااه ه ه ه ه ه ه ه ه ه
الحمدالله في احد عنده نفس الاحساس
انا عدتي ماتنزل من السياره
لكن العيشه بعدتني عن البحر
لي رجعه ان شاء الله

خخخخخ آجل الكل والله شكلهم رآيحين فيها ومدمنين ومشفطين جلبان :D

ياهلابك والله وترجع للبحر سالم إن شاء الله

فعلاً البحر ادمان .. وانا الحين بس انتظر الدوام ينتهي عشان اسافر الشرقية :) باذن الواحد الاحد

الله لا يشغلنا الا في طاعتة

هههههههـ آوكي ننتضر التقرير يالقمر :D

الله يعيننا

حياتي البحر

13/04/2010, 04:56 PM

كنعد

13/04/2010, 04:57 PM

A B D U L L A H

13/04/2010, 05:01 PM

والله يا عبدالله انه ادمااااااااااااااااااااااان غير طبيعي

فعلآ ... يوسف

مانقول غير يازينك يابحر زينآآآه :good2:

معك قطعة جلب؟

والله مقطوع لي يومين خخخخخخخخخخخخخخخخ

يخوي حبي للبحر تعدى لوحة ادمان بعشره كيلو

تصدق وانا في البحر اشيل هم الرجعه واخطط لرحله ثانيه

وهذا بصراحه شي سلبي وماهو صحي خصوصا للمتزوجين

بصراحه انا مقصر في واجباتي العائليه بسبب البحر والصيد

وقاعد افكر بجديه اني ادور لي وظيفه حول البحر او في البحر

والحاله اللي عندك تعتبر بسيطه عندي - انا حاله متقدمه

والله لا يشغلنا الا بطاعتة

تحياتي لك

هههههههههههههههههههههـ امااا معك قطعه جلب ههههههههـ

الله يرج آبليسك يبو فهد والله اني فاطس ضحك

فعلآ الواحد بعض الآحيان يقصر في آشياء كثيره

مانقول إلآ الله يكون بالعون ولايشغلنا إلآ بطاعتهـ

ولاتنسى المتش اليوم

[ الهلال vs السد القطري ] ( الــغغغغطري ) :D

تحيآتي لك ياكووتش

هلا ابو عابد

تراني تعديت درجة الادمان وصرت اتمنى اكون سمكه عايشه في البحر

الله يخارجنا ... حتى انت :D

إلآ على فكره دايم آبغى آسآلك بس آنسى

ليش ابو مطرقه اللي في توقيعك ( عنده عنقز من تحت فمه ) ؟؟ :D

A B D U L L A H

13/04/2010, 05:05 PM

ههههه والله ريحتني , لا ابشرك نفس الحاله والله يابو عابد انه تجيني كوابيس (بالسمك الي قص ولا شرد) واحلام ايش ممكن تكون . يا رجال عمرك شفت واحد يصحى من النوم يدق يحجز بوت ويطلع لوحده :).

انا متأكد انه ادمان نفسي التحكم فيه صعب جدا لاكن واجب. نصيحة الوالد لي (( يا ولدي صوم عن اي شي يستحوذك او يستعبدك )) سواء اكل او نومة بعد العصر او مال او تلفزيون شاهي قهوة , لو طحت فيه امنع نفسك هذبها عودها (( زي الصيام )).

الاهل لهم حق , البزران لهم حق وانت لك حق وعاد اشتغل في بوفيه صلح لكل واحد حق :).

على فكره انا اكره اقرأ ولو تشوف المكتبة البحرية ما تصدق بجميع اللغات حتى لو صور.

ولي عم رحمة الله اكبر من الوالد بسنتين كان مثال الادمان البحري ههه حكايته على الطاير من يوم المتوسطه (الفلاح في حارة المظلوم) كان يشرد ويروح على البحر مو المدرسة وسوا بيت من (تنك التمر وسعف النخل) قدام كسارته المفضله وسماه بأسمه ههه ومرت الايام وجات الايام الين الله اخذ امانته (قبل سنتين) وكان بيته على البحر (مو التنكه عاد ههه) ولم يتزوج ابدا رغم فحولته إلا انه تزوج البحر كان ما يفرقه عنه إلا النعاس فينام بالملح ويصحى بملح البحر :) الله يرحمك يا عمي فهد عمرو محد في العيله اشترى سمك :).

سامحني على طول القصه لاكن انت طلب حكايه وما عاش إلي يردك يا اجودي.

محبك فاروق.

هههههـ لآيكون هذيك الطلعه بس ذاك اليوم اللي بطلتوآ عشان الجو ؟؟ :D

والله يرحم عمك ... ويغفر له

قصه بقد ماهي حلوه فيها حزن

وآسامحك على آيش ياعمي ؟؟ :D

إذآ عندك شي ثاني حطه لنا قال سامحني قال :p

آحبك الله الذي آحببتني فيه

شكرآ لك فآروق ... على الرد الرآئع

ولنا لقآء قريب إن شاء الله تعالى

تحيآتي لك ... :)

رحلة عذااب

13/04/2010, 05:09 PM

هههههههههههههه علي الحرام ياولد ان القرش اللي بتوقيعي معنقز

اقلك الحصبه ضربت ابوه من اللعف حقكم

A B D U L L A H

13/04/2010, 05:09 PM

والله يابو عابد ادمان تدري اذا ما اقدر اطلع البحر اقوم وقلب عدة البحر من الخيوط والسنانير والقصبات مع اني شايفهم مليون مرة وحافظهم حفظ
وافكر في افكار وابتكارات واشي اسوي علشان اطلع السمك يارجل جلست فترة اطلع الشعيبة يوميا مع انه مافي دق بس مصر واطلع
وخذلك هذا النكته المره من كثر ما تشوفني فوق العدة وفي المنتدى وادور السمك صارت تقول يالتني انا وعيلك سمك علشان تهتم فينا نص ما تهتم بالسمك والبحر

ههههههههههـ الله يسعدك يابو عبدالله

اما ليتهم سمك ههههههـ والله قويه ( ودي آشوفك وقتها ) هههههـ :D

آنت بصرآحه آحس في بالك آفكار وإختراعات بس مادري ليش ماتحطها لنا هنا هع :p

A B D U L L A H

13/04/2010, 05:13 PM

ليش وانت نايم يدخل اخوك عليك ويشوفك ماسك المخده وتسحب فيها ( تحسب انه مجرور ) :D ؟

هذي قوية صراحة ههههههههههههههههههه

بنسبة للادمان يا عبدالله
انا كنت انزل من بحر الجبيل بعد ماسكروة صرت اروح اتمشى على المرسى واشم ريحت الخثاق حق الصيادين الهنود لسى باقي ريحتها هناك

ارتاح لما اشم الريحة ريحة جميلة جدا <<<<<<<<<<< الحمدلله والشكر

وكنت قبل لا اطلع الجبيل لاني من سكان الخبر
كنت اروح سوق السمك الي بدمام اشتري خثاق وروح
اتذكر ريحة سوق السمك الي بدمام ريحتة خاييييييييييييييييييسسة الله لا يوريك
بس احياناً ودي اروح اشمها لا تضحك علي بس لانها تذكرني بطلعات حلوة

وتقبل مروري اخوك فيصل

صآدق والله ... :D

آحيآن آروح البنقله بعد الدوام مباشره مع آني مابشتري شي آبد

بس علشان آشوف السمك وآششششم ريحته ( حشى الولد داخل مصنع غراء مو سوق سمك ) :eek:

وآرجع البيت والوالده الله يحفظها تقول ( وش وداك سوق السمك ) ؟؟ << شآمه الريحه :D

وقتها يا آتروش والآ آنطرد من البيت :(

هههههههههههههه علي الحرام ياولد ان القرش اللي بتوقيعي معنقز

اقلك الحصبه ضربت ابوه من اللعف حقكم

ههههههههههههههههـ الله يسعدك ياشيخ

هذا لعف ( الدحمي )

جايب لنا ذاك اليوم سمكه زي التونه بس مستورده من برى

الظاهر إسمها " مكركوم " مدري كرووم حاجه زي كذآ

يارجل ريحه امها تصرع الطير وهو طاير :D

هانكو

13/04/2010, 05:19 PM

ابو عابد اسعد الله مسائك
تعال أتفرج على شنطة السيارة
وربي ماتقول إلى (( سوق الصواريخ ))

صياد07

13/04/2010, 05:23 PM

والله انك صادق هههههههههههه

((((((((((((((((((((((ادمـــــــــــــــــــــــــ ـــــــــــــــــــــــــــــــــــــــــــان))))) ))))))))))))))))))))

A B D U L L A H

13/04/2010, 05:24 PM

ابو عابد اسعد الله مسائك
تعال أتفرج على شنطة السيارة
وربي ماتقول إلى (( سوق الصواريخ ))

هههه حيآك الله ابو صدقه

انت مو تعال تفرج ( إلآ تعال شم ريحه السيآره )

والله صرت آستحي آطلع اي واحد معاي تقول داخل البنقله

ساردين تحت المقعد - تونه بالدرج - قرش فوق التنده خخخخخخ

DIVE STAR

13/04/2010, 05:49 PM

اليوم لقت المعزبه ريال في احد الشورتات البحريه - بعد الغسل طبعا

لقت الريال لازق فيه ذيل ساردينه هههههههههه

الظاهر اني احط اللعف في جيبي احسبه ولاعه خخخخخخخخخخخخخخخخخخ

تحياتي للجميع

مشوار1

13/04/2010, 06:18 PM

والله ادمان شديييييييييد

خاصة اللي زي حالتي بعيد عن البحر بسبب ظروف العمل

تصدق شنطة السيارة ما تنزل منها عدة الصيد ... تحسبا لوجود بحر في لحظة اكون جاهزههههههههه

آه يا بحر مشتاق لك

egy lion

13/04/2010, 06:32 PM

ادمان لابعد الحدود
والله احيانا بجلب وانا نايم
وبحس بالسحب وبصحي مفزوع

انا نزلت اجازه المره اللي فاتت وصلت البيت في مصر العصر اول حاجه عملتها شيكت علي عدة الصيد
وتاني يوم بعد الغدا كنت بصطاد
اعتقد مفيش ادمان اكتر من كده

rayan015

13/04/2010, 06:48 PM

يا اخي اوافقك الرأي !! ادمان ذلنا والله لو ما تروح تصيد . تحلم انك تصيد

رامي الخليج

13/04/2010, 07:15 PM

والله انه ادماااااااااااااااااااااان وانا لسا فعمري مكن ست سنوات
كان ابوي يجي من البحر وكان يحط العده في المجلس وانا اروح اخذ المجرور وارمي العاااابي وملابسي

(والله يكرمكم)حذاين الاهل وياالله اصيد في الاغراض بس الحمد لله كبرت وسرت اطلع بهار وناجل

وبايض
والله اتوقع اني وانا في بطن امي اني كنت اسحب حبل السره احسبه مجرور<<<هههههه فلم

على حسب توقعي
هههه

ومشكور يا عبد الله

تحياتي رامي

رامي الخليج

13/04/2010, 07:17 PM

والله انه ادماااااااااااااااااااااان وانا لسا فعمري يمكن ست سنوات
كان ابوي يجي من البحر وكان يحط العده في المجلس وانا اروح اخذ المجرور وارمي العاااابي وملابسي

(والله يكرمكم)حذاين الاهل وياالله اصيد في الاغراض بس الحمد لله كبرت وسرت اطلع بهار وناجل

وبايض
والله اتوقع اني وانا في بطن امي اني كنت اسحب حبل السره احسبه مجرور<<<هههههه فلم

على حسب توقعي
هههه

ومشكور.. يا عبد الله

تحياتي.. رامي

..,,, والله الموفق

عاشق قحاية

13/04/2010, 07:27 PM

وعليكم السلام ورحمة الله وبركاته

ماشاء الله عليك أخي عبدالله موضوع يفتح النفس ...:)

تراني لي ساعة وانا اقرأ الموضوع واعيد واقرأ ردود الشاب وردودك شيء خطير جداً

أولاً الادمان انواااااااااااااااااااع ---->خبير الاخ ;)

الشم وهو نوع رايق وفايق جدا ههههههههههه :(

وحتى نعرف كيف يكون الشم هذا مثال :

هذا شكله راح لسوق السمك ...
وبعد رجعته إيش صار مع الحذاء (الجزمة) اكرمكم الله جميعاً ورفع قدركم ...

.

.

.

.

بداية الحالة ......

http://img13.imageshack.us/img13/8642/94438484.jpg

.
.
.
.
.
.
.
ولازال للوصول لمراحل متقدمة من الادمان ......:D

http://img339.imageshack.us/img339/5526/42398591.jpg

.
.
.
.
.
.

هذا حالته صعبة ....

في زحمة الناس صعبة حالتي :D ...

شم بعنف...

لابد من الوصول لجذور القضية ...

http://img542.imageshack.us/img542/5928/41500816.jpg

.
.
.
.
.
.

نهاية الحالة وصل لمرحلة النشوة ....
خلااااص من شمكم يازين عزلنا .... :p

http://img341.imageshack.us/img341/1741/33970545.jpg

وأخوك والله توه مربط مع راعي بوت :good2:

يعني
رايح في خرايطها.... :D :D :D

اما الذكريات
فأخوك أخذ علقه محترمة من الوالد الله يحفظه بسبة البحر

شارد وفي رواية أخرى منحاااااااااش

وفي رواية أخرى أيضاً مفاخت من المدرسة ورايح للبحر

أتفرج على البحر والصيادين

المشكلة وانا صغير جدا يعني رابع ابتدائي --------->خربان من صغره هالولد :D

طبعا قبل الانصراف رجعت عند باب المدرسة وجاني الوالد

إلا أحد المدرسين ولدك اليوم ماجا لمدرسة ...
دور الوالد ...:hot:

عقبها انطفاء النور مع إننا بعز القايلة :looney:

ويبدو أن العلقة لم تعطي رد فعل عكسي

بل زادت الحالة وتكرر الهروب وتكررت العلقات .....

وتكرر أنقطاع التيار الكهربائي .......:l

أكرر شكري لك على الموضوع ..

فاتح الشهية :good2:

مشاغب السقالة

13/04/2010, 08:50 PM

الصيد جاب اخرى والله انا حاسس انى لو شفت البحر وماصدت يجيلى شىء خطير
المشكله الن الحريم يعدونه الزوجة التانيه والله ويغيرون منه كمان
والله فكرتنا بوجعنا يا ابو عابد
الله يسامحك
تقبل مرورى

كنعد

13/04/2010, 09:57 PM

ههههههههههههههههههههههههههه

الله يهديك يا عبدالله موضوعك قلب الاوجاع عند الصيادين
كل واحد قام يقول الي في قلبة ( يفضفض)

الله يعينا وياكم على طاعتة

القنصل,,,

13/04/2010, 10:25 PM

هلا ابوعابد اذكر مره كنت اتصيد في رمضان ويم باقي حوالي نصف ساعه على الفطور

< شوف حتى في رمضان الناس تقرى قران ولا ترقد وحنا على البحر >

المهم يوم قعت اسفط السنانير شوي ويم ركعت وحده منهم والله اني قعت اسحب لين اقامت صلاة المغرب
شوف لوين وصل الادمان واخر شي طلعت لخمه نمريه

Aldhamee

13/04/2010, 10:50 PM

الله يعطيك العافيه

عجنبي كثير موضوعك :)

تحياتي لك

:p
~~

هههههههههه <- مايذكرك هذا الرد بواحد كان يرد عليك دائم هههههه

عبدالله انت جيت ع الوتر الحسـاس بس تبي الصدق لازم الواحد يحاول انه يجمع بين البيت والبحر .. وانا بديت افكر تفكير جدي اني احدد ايام يوم ولا يومين فقط للبحـر .. مشكله اذا كل اسبوع نطلع خمس مرات ياخي ادامان بقوه .. لازم نخفف شوي <- تكفى يالمدخرات

//

لا عدمناك ابو أحمـد
مواضيعك انت خطيره مره في الدكريز

تحياتي لك كثيرآٌ

طير شلوى 999

13/04/2010, 11:16 PM

والله ياعبدالله انه من ناحية ادمان ادمان بس حبيت اقولكـ ع طاري الهلال تعادل مع السد الغغغغغطري ومشكور ع الموضوع الممتع

طـــــــــــــــير شـــــــــــــــلــــــــــــــوى

ahli_KSA

13/04/2010, 11:22 PM

ههههههههههههههههههه من جد ادمان ياخي تحس اذا ماطلعت البحر تحس في شي بقلبك
ههههههههههههههه

Diver Tabuk

13/04/2010, 11:25 PM

- ليش وانت نايم يدخل اخوك عليك ويشوفك ماسك المخده وتسحب فيها ( تحسب انه مجرور ) :D ؟

هههههههههه

أوافقك الرأي بأن البحر إدمان و يكفيك المغامرات اللي فيه

موضوع جميل :D

وفقك الله
:good2:

محب صيد السمك

13/04/2010, 11:34 PM

الحقيقة إنه إدمان وخصوصا أول ما بدأت بالصيد ولكن الان وبسبب السكن بعيدا عن البحر قل الحماس قليلا ..

محآآآآآآآآآآر

14/04/2010, 01:33 AM

والله يا عبدالله موضوعك سوى سواتة في الشباب
وقلب عليهم المواجع ورجع الذكريات وذكرهم بالعلقات:p
وبصراحة ما أزيد على كلامكم شي
بس هو إدمان في مراحل متقدمة وصعبة وحرجة جداً:D
أشكرك على الموضوع الحلو والخفيف
أخوك،،،،،،،،،،،،،
محآآآآآآآآآآآآآآآآآآآر

صياد جدة

14/04/2010, 01:49 AM

من شدة ادماني للبحر صرت اي شي اشوفه
له علاقة بالبحر او ماله علاقة اخذه

اهلي يقولون لي وش تبيه
اقلهم للصيد

و في اشياء اشتريها بس لانها تذكرني بالبحر
مثلا لعبة سفينة
العاب سمك

و اذا قطعت عن البحر احلم به في النوم

تعتقدون في مستشفى الأمل قسم خاص لمدمنين البحر

و تكفون اللي عنده جلب مقاس 100 مضغوط يجبلي تراني مقطوع و ما لقيت مروج هههههه

xxالقرشxx

14/04/2010, 02:08 AM

السلام عليكم ورحمه الله وبركاته ...
ماشاء الله عليك اخوي عبد الله انت كدا بـــ تعذب المتغربين عن البحر واللي عايشين بعيد عن البحر
خاصه المدمنين اللي زي انا ما ابغى شئ من الدنيا غير انو يكون عندي كوخ وسط جزيرة
وعايش فيها لوحدي احم احم !!!طبعا ما اقصد لوحدي مرررررة ...بس ايش اسوي والله ليا اكتر من سنه ما طبيت البحر ...اما ايام مكه اذا الاسبوع 7 ايام فـــ 3 ايام منها بتروح للبحر ..وروح جهز عدتك وانزل غووووص واقعـــد سيـــخ الاسماك ...آآآآآآآآه بس متى حرجع لمكه صراحه طفشت وانا بعيد عن البحر طبعا عشان لقمه عيـــش بعدت عن البحر.....وآآسف على الاطاله بس قلت خليني افضفض شويه في المنتدى عشان اريح نفسي ههههههه
وشكرا على الموضوع الفله يا اخ عبد الله
تقبل مروري اخوك القرش

amam977

14/04/2010, 02:52 AM

هلا والله بالشباب...والله يجزاك خير يا عبد الله...خليت الشباب يفضفضوا ويطلعوا المستور...يعني فعلاً البحر والصيد إدمان...وبعض الناس تلومني وتستغرب لما أقلهم ان البحر إدمان...عاد أنا يا عبد الله كل الحالات اللي ذكرتها مرت علي...آخرها اعتذرت عن عزيمة يوم الخميس القادم عشان ناوي أطلع بالبوت...يعني عادي لو أطلع كل اسبوع من الرياض للشرقية..وعادي لما أطلع البحر وأنا عارف ان الوقت غير مناسب للصيد...وعادي لما أستأجر بوت واطلع لحالي...وإذا أخذت إجازة سنوية لمدة شهر وقضيتها بين البيت والبحر ما أحد يلومني (إجازة يا هووو)..صار البحر لأم العيال زي الزوجة الثانية:D ...الله يعين المتزوجين واللي عندهم عيال يعني (سددوا وقاربوا)..من المواقف اللي صارت لي..(الجاثوم)..كابوس تخيلت غرفة النوم البحر والسرير البوت..والموج عالي..يا الله يا ساتر.. وأنا طايح في البوت (السرير) وماني قادر أوقف..إلين ربك فرجها وفزيت من النوم...اتخيل أحياناً أن العملية صارت هوس أو مس من الجن..وأتخيل نهايتها واقف في المسجد بعد الصلاة وأناشد الناس (أنا يا أخوان قدر الله علي وعشقت البحر والصيد)...تحياتي

بحار جازان

14/04/2010, 03:33 AM

والله في هدي صدقت
والله انه ادمان وعشق وكل الي يحبو قلبك
وبلنسبة للمخدة حصلتلي كثير
بس انا مو مخدة
انا اقوم مشيع على طول امسك لاتروح
والله يعين اخواني عشان كل مابعدت عن البحر
اعوضها احلام
ودحين باءغيب اسبوع عن الصيد
ولكن كل يوم باءروح الحمرى واشم الريحة
والله يعين

غواص مكه

14/04/2010, 04:33 AM

اااااااااه ياعبدالله انت كده بتعذبني انا اش الا خلاني ابعد عن بلدي واتغرب ياليتني انتهي من دراستي بسرعه تدري بيني وبينكم بكره رايح للبحر الميت واشم شوية بحر عاد اش اسوي اقرب بحر ليا هههههههههههه
وهذي صوره تذكاريه قديمه ليا انا والشباب هناك ماحبيت اعرضها بس ابي اوريكم انا اذا مررررررره طفشت اش اسوي

http://www.mekshat.com/pix/upload04/images156/mk112950_abcd0001.jpg

حاولو تطلعو الفروق السبعه هههههههههههه ( اين انا ؟ )

http://www.mekshat.com/pix/upload04/images156/mk112950_20071129(008)%20(640%20x%20480).jpg

egy lion

14/04/2010, 06:11 AM

اااااااااه ياعبدالله انت كده بتعذبني انا اش الا خلاني ابعد عن بلدي واتغرب ياليتني انتهي من دراستي بسرعه تدري بيني وبينكم بكره رايح للبحر الميت واشم شوية بحر عاد اش اسوي اقرب بحر ليا هههههههههههه

وهذي صوره تذكاريه قديمه ليا انا والشباب هناك ماحبيت اعرضها بس ابي اوريكم انا اذا مررررررره طفشت اش اسوي

http://www.mekshat.com/pix/upload04/images156/mk112950_abcd0001.jpg

حاولو تطلعو الفروق السبعه هههههههههههه ( اين انا ؟ )

http://www.mekshat.com/pix/upload04/images156/mk112950_20071129(008)%20(640%20x%20480).jpg

الله يرجعك بالسلامه
وبجد صور رائعه
هههههههههههههههههههههه
اعتقد ان الشخص اللي عليه السهم هو انت
http://www.mekshat.com/pix/upload04/images156/mk128817_mk112950_abcd0001.jpg

Nesta-13

14/04/2010, 07:14 AM

ههههه..

صدقت وربي ...

عاد تدري انا من النوع اللي تمسّك معاه كل فتره شي جديد ... سواء شيء معروف او اختراع ( تقليعه ) ... بس كلها اسبوعين بالكثير وابطل ..

بس زي الصيد والبحر ... ابدا ماشفت ادمان ... تصدق ..! كل ما اقابل واحد من الشباب .. يسألني كيف الصيد وكيف وكيف ... اقول له ... (( متعاااااااااااا ما بعدهاااااااااااااا متعاااااااااااااااااا )) <<< فارس عوض على غفلة .. هههه

صدقت والله ان الصيد ادمااااااااان صعب الاقلاع عنه ...أو العلاج منه ..

غواص مكه

14/04/2010, 07:34 AM

الله يرجعك بالسلامه
وبجد صور رائعه
هههههههههههههههههههههه
اعتقد ان الشخص اللي عليه السهم هو انت

http://www.mekshat.com/pix/upload04/images156/mk128817_mk112950_abcd0001.jpg
[/quote]

اجابه خاطئه حاول مرررره اخرى ههههههه

موج البحر 22

14/04/2010, 07:54 AM

ياخوان كل واحدعنده وجة نظر ولكن في الاخير ... خلك حاكم للبحر ... لاتكون محكوم اي البحرلا يتحكم بك ... لان كل واحد فينا مسئول عن وقته وعن ورعيته وبالتوفيق للجميع ...

ظبي الخير

14/04/2010, 08:55 AM

إدامان الصيد والبحر

جريمة مخالفة لنظام الزوجات
تشعل نار الغيرة
حتى تصبح السنارة والبوت والخيوط
ضُرّة ..مُرة ما بعدها مُرة
تستهلك كل التفكير
مطلقة لعنان الآهات
آهة لرائحة البحر
وآهة لنسيمه
وأخرى في كل الأوقات
لعشقه والشغف به
حتى وسط أمواجه
.
.
.
.
.
.
ذاك هو البحر
لا تلوموني إن صرت
من حبه سكير

ابو الأيهم

14/04/2010, 09:26 AM

الا ادمان ونص

والي يقول بعدته العيشة وظروف الحياة مهوب مدمن

خخخخخخ

وسجل عندك يبو عابد
اخر الحالات المسجلة

محدثكم كاتب هذي الصقور
قصدي السطور
ههههه

صقار من عام الفيل
كنت اظن ان الطير والمقناص وخوة الرجال هل الطيور عشقي وهواي
وناظر تاريخ التسجيل منذ مبطي
قرات مئات المواضيع عن الصقر والصيد

لكني ماشاركت بشي
عمالقه يكتبون في قسم الصيد بالصقور
اخش اتعلم واطلع

ما كتبت شي لين هويت البحر ورجعت استعدت كلمة المرور وشاركت هنا بالخيمة البحرية

هذا كله بعد
خاويت رجال للبحر وقضينا ساعات من متعتها
طلقنا الصقارة بالثلاث وشرينا بوت وطلعنا رخصة
والله الشاهد يا شيخ

من نقلة الشواهين ومطارد الصيد بالبر

الى البحر وهاتك يا جلب وفين النتش بسسس

تقوول ادمان !!
تقووله صادز

ههههههههههه
الا ادمان ونص

تحياتي يا بطل حبيت بس اشاركك تجربتي وأكد كلامك

الا ادمان وفلة ووناسة وشي ثاني عجبني بالحيل

باقي بس تتخيل
ابدوي طاق البروسي في القطعة الكبيرة
والجلب معقود حولة من الغشامة

هههههههههه

وعنده امل يكفس له بياض

نهارك ئشطة

A B D U L W H A B

14/04/2010, 09:35 AM

ادمان وبس ،،،، الا صرنا سكرانين من الغوص والبحر

من كثر ادماني للبحر ،،، أياااااااام ثالث ثانوي

الناس تغيب يوم الأربعاء وتنام في البيت

أنا أنام وأغوص في البحر من الأدمان

البحر أصبح شي أساسي في حياتي

اذا مر أسبوع ومارحت للبحر يجيني صداع وتقكير وهموم

فالبحر يطير الصداع والهموم كلها

وبالذات الغوص ( علم ثاني )

وهذي يبتين جميلة عن البحر

إهداء لأبو عـــــــــــــابد

شوف البحر يجري على النفس الآهات

يجري هموم ساكنه بالقلوب

الله على منهو مشابه مسافات

عايش نسيمه لابدا بالهبوب

sea lover

14/04/2010, 09:44 AM

الله يهديك يابو عابد والله انك جبتها على الجرح وكنك مادريت..

ياخي موضوع اللفه الي على البحر عشان تشم ريحته كنت أحسب إني لحالي الي أسوي كذا!!! وأضرب مشوار عشان اللفه ذي بس!! ولا أعلم أحد بالموضوع هذا لايقولون الرجال ذا مهستر ولا به مس:D:D

عاد تعرف ربعنا وتحليلاتهم الفنيه:D:D

أثر الموضوع طلع ضاهره عند أهل البحر:D:D

وخذ عندك السالفه هذي ..طبعاً الكل عارف انه في رمضان
مايكون فيه طلعات نهار عشان الصيام والعمل ووو

المهم ياطويل العمر كنا متسحرين عند واحد من الشباب والكلام هذا قبل سته سنين تقريباً..والرجال راعي بحر وأبوه راعي بحر ماشاء الله وعنده بوت 7 متر في أبحر كنا دايم نطلع معاه في يوم إجازتنا وكان دوامنا شفتات وإجازتنا يوم السبت ..المهم بعد ما تسحرنا وعينا خير
الا والشايب الله يعطيه العافيه داخل علينا بالفوطه وحط عدة الجلب عند الباب ويقولنا هاه ياشباب فيكم خوه أنا طالع مع عمكم فرج (خويه الشايب) !!
طبعاً حنا كنا ثلاثه دايم طلعاتنا سوا وفاهمين بعضنا..
مالكم بطوالها ..جلسنا نطالع في بعض وبحسبه سريعه
كنسلنا فيها الدوام وكل واحد حسب فيها الوقت الي يجيب فيه عدته ويرجع بسرعه ..تمت الموافقه..مع العلم اننا كنا ننزل سنوركل ليل خلال رمضان لكن هبقة النهار شي ثاني..

وأطلع ياولد وأحلى سنوركل وإنت صايم وصييييييد لك الله ربنا رزقنا بخير اللهم لك الحمد والمنه بس لا تنشدني عن العطش ..يارجال الواحد ماصدق يرجع البيت ونووووم ولا صحينا الا على السفره وقبل كل شي تشرب كيلو مويه :D:D

هذي واحده من الطحسات حبيت أشارككم فيها ..

وتنشدني عن الحال ..هذا هو الحال..

تحيتي لك يابو عابد ..وتسلملي مواضيعك الفلللللله..

سهيل البحري

14/04/2010, 10:00 AM

ايييييه والله يازين سوالفك يا عبدالله ويازين هالسالف زيناه يا وليداي
انتي تدر عاد باقولك قيصصتن حليوينه عاد هذا لاجل عويناتك انت والربع الماجودين
تقوله انتونس اشوي ونطيب ذا الخاطر المكسور
ايييييييه

انت تسمع عن الكبت وما يسوي في ابن ادم وذيك السنين يوم كنا انا واخوي ورعان صغيرين
يا كنا نعشق ذا البحر وانتحلم في صيد ذا السمك
عاد من زود حبنا للبحر تعلمنا السباحة وتونا رابع ابتدائي واول ابتدائي بعد ما طقينا ذا القشيرة
وتدري بعد انت والحاضرين الطيبين علمنا اخوان اللي اصغر منا السباحة يوم ان واحد فيهم عمره 6 سنوات والثاني 5 سنوات ما تركناهم لين علمناه .....هذا من زود خبال البحر ال يقولون عنها وانا صديجك
عاد كنا حنا بنا {{ الكلمة الاخيرة قافية للتصرف هع
عاد نموت في شين يقاله بحر سمتش وكنا نربى في الطايف وانت تدري بعد المسافات عن الحبيب واااعذابات واوجاع

وانتحلم في صيد ذاالسمتش ثمن ويوم اننا نروح لا جدة نشتري من اغراض الصيد وحنا ما نعرفلها المهم نبي نحاول الصيد ومرة كنا في الطايف والاهل وعدونا بروحتن لا البوحر اييه ياقلبي قلباه لباه ابعدي لباه
والله ونقوم ناخذ في ذيك السنانير والجلبان ونزهبها لاجل نصيد اول ما ناصل للبحر
وكنا نتحلم في السنانير (الوالد كان ما يشتريلنا هي يقول ما اعرفلها بلاش اشتريلكم وانا ما اعرفه وينضحك علينا --اسأل عمكم ابراهيم عنها بعدين --ههههه الين اتزجنا بنات عمنا ابراهيم وهو ما سأله عن السنارات عهعهعهع)

المهم قمنا انا واخوي نطلع الحارة ونجمع في ذيك الحطبان ونزهبها سنانير ومره كانوا الاهل برا البيت
قمنا جبنا السنانير وتزبيييييييط سمعنا صوت السيارة وهم راجعين وخفنا انهم يخاصمونا عشان السنانير (تفكير جن )
ويومن جينا انشيل ذيك السنانير الا وحدتن منهم خايستن اخياس علقت فاا الموكيت (هذا زمن اول يوم كنا عييل مافي سيراميك على ذيك الايام) وااااقوم اشدها واشدها واشدها لين فكيت باااالقوة ويمن انها تفك من ذااااك الموكيت هاه

وتنشب في اصبعي والله يا انها نشبت نشبتن ما بعدها نشبة والله ذيك النشبااااااااااااااا ياالله العافية

خلاص وبعدين رحنا المستشفى وزبطنا الدنيا والدكاترة قالوا عن سمكة كبيرة بلا في شكلهم ما يستحوا ما يدروا اني مدمن

اقول ابو عابد
عبدالله

الله يسامحك

صاحب الجردي

14/04/2010, 11:00 AM

الصراحة موضوع مثير للشجون.... و انا البحر في حياتي الان صار ضرة بعد ماكان ( ...شي ثاني!).....و زي ماقال بعضهم (و اصل مرحلة متقدمة) و اذا في احد حس انه اكثر واحد يحب البحر فأنا أكثر منه!!! لكن طبعا زوجتى و اولادي اول....و إن شاء الله ما أقصر معاهم....التشقير على البنقلة شر لا بد منه....أخذت كم يوم اروح العمل من طريق الكورنيش و لمن صرت اشوف الحوال كل يوم مرضت رجعت اروح من اجهه الثانية ( الخط السريع)...... أحلى يوم في حياتي...كان يوم تنزيل البوت الجديد البحر!
***

عساك ما تدري ياعبدالله --- سري انا في البحر مدفون
وحشه كبير و صعب طبعه --- لاكن عشاني موجُته بتهون

***

عندي المحبة بلا اوزان --- زي التوشيح في السمرة
ارمي التعاسة و الاحزان --- و اخذ من حيهم عمره

***

قليبي ترا مايخليني --- اسيبه و انا عليه امون
احبه و استحي و يعطيني --- هذا الكريم لا مايهون

***

بحري ترا في الاعماق --- حب و عشق ماينقاس
كتبنا له ترا نشتاق--- كلام من صادق الاحساس

***

و اختمها بكسرة خاصة جدا الى نفسي:
يــا ليت لي بيت على الجدرة...
والهــوري مربوط بالشبـــاك...
أرمي المجارير في الخضرة...
وإن صنفت أديرها مشكاك...

انا طلعت البحر من ايام المتوسطة و ياما خربت علي سيارات او قطعت شوارات ماهي حقتي و شبعت مجارير في القلاوات و جلب على الكسارات حتى اراد الله و صرنا نغوص و نسركل...و كانت اتعس ايامي لمن كنت ادرس في الشرقية و سبحان الله ماقدرت اتاءلف مع بحرها و فتحها ربي لمن رجعت....و انا للعلم اشعر بإرتباط خاص بالبحر و هذا من زود حبي له ...فنبزتنا بحرية و اجدادي من الجهتين بحاره و ربابين و في شعب كبير في البحر الاحمر بإسم عائلتي مسجل رسمي في الخرائط العالمية (بس ماعندنا صك) :) و احس ان البحر يعرفني لاكن احيانا اخافه و اهابه و ما اثق في نفسي ولا فيه و ثقتي كلها برب العالمين انه يكتب السلامة لنا كلنا و يكفينا شره و يعطينا من خيره...و السلام عليكم و رحمت الله و بركاته.

على قولتهم(فاصلة):
من غاص في المرى على القمره شاف من الحلا لبه!

fisher72

14/04/2010, 11:18 AM

انهوووو ادمانون وبقوه

عاشق الشعري

14/04/2010, 11:59 AM

تسلم والله يا ابو عابد على هالموضوع الجميل وجاي على الجرح
والله انك صدقت في كل كلمة وترى منت لوحدك
وفي كثير من المواقف
أنا مره ايام العزوبيه صحاني خويي وأنا جالس اسحب رجله وأشدها مثل شدة القصبه وهي ضاربه وأرفعها
وخويي يصيح اي رجلي وش تبي فكني ما درى اني متحلم بهامور وأبغى أسحبه بسرعه قبل ما يشير وعليك تتخيل كيف صارت رجل خويي :D
وما تدري قد ايش اعاني لما أروح في الإجازه ابها كل اسبوع صيانه للعده
وجتني فكره وبغيت اسويها بغيت اروح ارمي في سد ابها تأيدني والا لا :D ولو تلاحظ في الصيف أقطع المنتدى عشان لا أمرض
ياخي لما تذكرت نفسيتي في الصيف عشان البحر بغيت ابكي وانا اكتب وهذا السبب اللي ما خلاني أطلب نقل خلها على الله
قلبت علي المواجع
ولك تحياتي
ابو جـود

أبو فيء

14/04/2010, 12:30 PM

وعليكم السلام ورحمة الله وبركاته

أبو عابد إنت يبغالك حبس مؤبد بعيد عن البحر ..

سبحان الله قريت كل الردود ، كل شخص يحاول يوصف إنه أكثر واحد يحب البحر ، ومافي أحد مدمن عليه مثله ، وفعلا ً هذه حالات الكل مر عليها وتعلق بها ، واللي يعجب في البحر ترى البحر يخليه أسير ...

قصص كثيره قرأتها هنا في الردود تمثل حالة حب هيستيرية ، والله ينزل الشفاء من عنده ... :)

ذكرتني بواحد الله يستر عليه << ترا ماهو عضو معنا
أول ما تعلم الخدج راح يخدج البساس الضعوف ويتعلم عليها ... :good2:

والله كنا نطلع نجلب أيام الثانوية قدام مركز الحمراء بجلب مربوط على علب بيبسي أو علبة فليت ، وكنا نطلع ليموزين من بعد صلاة الفجر إلى صلاة المغرب ، وحنا موجودين في نفس المكان ، وهاتك صيد من أبو نقطه إلين تدوخ ...

والحمد لله تطور الوضع الآن وبدأ ياخذ مجرى غير طبيعي نسأل الله السلامه والعافية ...

والله يابو عابد ولا يهونوا الشباب ، إني كنت أشتري العده واللعف وتأمين كل شيء ، عشان خاطر الشباب يطلعوا كل أربعاء ، لأن بعضهم يقول ماني جاهز و ناقصني عده ، ولا عندي لعف ، ويكون الرد الحاسم ، كل شيء جاهز ، ومو ناقص إلا جيتكم ... ;)

وقريبا ً إن شاء الله أصور لك صورة خاصه لغرفه عندي
مخصصها للعده والبوص والبكرات وكل شيء ، والله يا بتشوف شيء غير طبيعي ...

لدرجة إني كنت أشتري اللعف حق المجارير بكميات مهوله
وألفها في جرائد وكل أسبوع آخذ منها حصه ...

وتقريبا ً من فتره طويله كل أربعاء لازم أمر على السنبوك أشوف ايش الجديد وأسلم عليهم ..

وبعدها أمر على البنقله أدق كرت عندهم حتى لو ما أبغى شيء ... حتى والله زملائي في العمل معروف كل أربعاء من بعد الساعه 10 إلين الساعه 1 وانا في البنقله ...

طبعا ً بحكم الارتباط العائلي ، فخرجاتي تعتبر قليله ، يعني مره أو مرتين كل أسبوع ، ولو إني فاضي والله تلاقيني كل يوم في البحر ...

وإذا وسط الاسبوع وصلت الحاله ذروتها ، كاسه شاي على السقالة أو على الكورية ، وشم في ذا الهوا ، تهدي الحاله وتروقها :good2:...

بس أبشرك الأمور هديت الآن عن أول وبديت أنا أتحكم في البحر وفي طلعاتي له ، لأنه بصراحه يأثر على الحياه الزوجيه كثير ، ويجب الموازنة بينهما ...

وأكثر من مره تكلمني وودي اطلع معكم ، لكن أروق كذا وأحسبها واحاول أمسك نفسي واعشمها بشيء بديل أفضل ...
وإلا قلبي وعقلي معكم ...

والله الهادي إلى سواء السبيل :good2:

دمت بود

أبو فيء

14/04/2010, 12:31 PM

أبو ناصرالدين

14/04/2010, 12:43 PM

السلام عليكم جميعا
بصراحة الموضوع سرى عني كثير لأني كنت افتكر نفسي مريض نفسيا!!! و لكن طلع الغرام و عشق البحر حالة طبيعية
ضحكت من قلبي على كلام الأخ اللي قال أنه يتخيل نفسه يسحب بالحبل السري كأنه مجرور و هو ببطن أمه :)
أنا بطلع 3 مرات بالأسبوع للبحر و سر البحر أنه ما تدري ايش يطلع معك، في حالة ترقب
مع أن في ايام كثيرة ترجع بخفي حنين و لكن لما يطلع معك شي تنسى الخيبات كلها
و كمان بصراحة البحر يخليك تنسى هموم كثيرة و تريح أعصابك و تنام كفي على وجهك من التعب لكن مساوءه انك تظل تفكر فيه
و الحل يا أخوان انه الواحد يعود نفسه و لسانه على ذكر الله و الاستغفار
و خاصة و هو جالس ينتظر رزق الكريم
اولادي الاربعة أصغرهم 4 سنين و أكبرهم 9 سنين صاروا متولعين بالصيد و دايما يسألوني نروح للصيد
و عندي لهم قصبات صغيرة ، باخذهم على الشواطئ الرمليه بس مو عاجبهم بدهم المناطق اللي فيها الدواهي بطل يعبي راسهم الشعوم و القرقفان ، الله يرحم يوم ما كنا نعمل عرس إذا طلع واحد منهم زمرور
و هذا رابط إهداء لعبدلله مع انه صيد قليل و التصوير سيء بحكم انه ابني الصغير اللي كان يصور لكن فيه أول لخمة نمرية (صغيرونه) تطلع معي.

سلامي للجميع

http://www.youtube.com/watch?v=ZD1EzeUNr1U

ابو نوف 200029

14/04/2010, 12:55 PM

البحر ادمان مالة حل والمشكلة عندما تعود من البحر طفشان اذا ماصدت شي وتقول هاذي اخر مرة اطلع وبعد ماتروح البيت وترتاح يجيك الشوق بسرعة ويبدا التفكير في الطلعة المقبلة وماهي اخطاء الطلعة السابقة والله مشكلة مالها حل الله يعين بس حلوة رابطة مدمنين بحر الكل مدمن بحر في المنتدى

الرحموني

14/04/2010, 01:37 PM

الا ماهو ادمان وبس يبغى لك تروح مستشفى الامل
انا من الناس اللي اعد العدة لاخر الاسبوع وتقفل معي اذا صار عني ارتباط او انشغلت
وبالعربي الفصيح اي واحد مدمن بحر وصيد الله يعين زوجته عليه

accentkool

14/04/2010, 01:38 PM

اما انا حالتي صعبة
احلامي وانا نايم كلها افلام صيد بحري
من انتجاجي واخراجي
يوميا وحصريا في غرفتي
مااختاج قنوات صيد بحري ولا شي
قنواتة منة وفية
اللي يبي يشبك معي ويستمتع
يحط اشتراك ههههههههههههههههههههههه

ولد طيبة

14/04/2010, 03:20 PM

الصيد ادمان ...... لكن........ليس في كل الازمان خخخخخخ تاليف جديد

لا الشغلة مو لدي الدرجة

الصيد مهما وصلنا فيه بالنسبة (لنا) تراه هواية
والهواية تقدر تمسك نفسك فيها بل ويجب انك تمسك نفسك فيها ولا بتنسيك حتى صلاتك والعياذ بالله .... كل شي انتا تقدر تحط له حد عشان ما يأثر على باقي حياتك
والصيد كذا يعني لو مدمن مرة او مدمن لحالها خخخخخ معانته ما بداوم ما بصلي وما باكل .....الخ مافي الا صيد هذا اسمه ادمان اعوذ بالله من كلمة ادمان والله لا يحطنا في طريقها......

هذا الي فينا تقدر تسميه عشق هواية والشي لما تعشقة تقدر انك تحركه بكيفك مهما كان يستهويك ....... هذ والله اعلم ادري اني تفلسفت كثير خخخخخ يلا تحياتي

ميتو أبو نقطة

14/04/2010, 04:56 PM

ههههههههههههههههههههههه والله موضوع فله يابو عابد والردود أحلى :good2:
واباك تتخيل واحد من مكة وملحوس بحاجه اسمها بحر وماعنده سيارة يروح يصيد وقت الخرمة ايش يسيرله ؟؟؟؟؟؟؟؟؟؟؟ :(
طبعا مافي ليله تعدي عليا تقريبا والحمد لله ما أطلع هامور أو قرش أو بهار في الأحلام طبعا :D
وعاد شوف الاختراعات وقت ماأنا فاضي اختراعات مجارير وربطات ودنيا , ناقص أفتح ورشه :p
ولما أروح البحر ياويله واحد يقولي نرجع لأي سبب حتى لو مافي سمك ، لمن باقيلنا ساعة ونطيح من التعب نرجع :D
آه يناري من البحر :D
نبا الدكاترة يخترعوا دواء للإدمان ( ادمان البحر )

ميتو أبو نقطة

14/04/2010, 04:59 PM

تسلم والله يا ابو عابد على هالموضوع الجميل وجاي على الجرح

والله انك صدقت في كل كلمة وترى منت لوحدك
وفي كثير من المواقف
أنا مره ايام العزوبيه صحاني خويي وأنا جالس اسحب رجله وأشدها مثل شدة القصبه وهي ضاربه وأرفعها
وخويي يصيح اي رجلي وش تبي فكني ما درى اني متحلم بهامور وأبغى أسحبه بسرعه قبل ما يشير وعليك تتخيل كيف صارت رجل خويي :D
وما تدري قد ايش اعاني لما أروح في الإجازه ابها كل اسبوع صيانه للعده
وجتني فكره وبغيت اسويها بغيت اروح ارمي في سد ابها تأيدني والا لا :D ولو تلاحظ في الصيف أقطع المنتدى عشان لا أمرض
ياخي لما تذكرت نفسيتي في الصيف عشان البحر بغيت ابكي وانا اكتب وهذا السبب اللي ما خلاني أطلب نقل خلها على الله
قلبت علي المواجع
ولك تحياتي

ابو جـود

ههههههههههههههههههههههههههههههههههههههههههه

الله لا يجعلني قصبة في يدك ياشيخ

وعلى السد ترا يقولوا فيه سمك جرب وماعليك من الناس , ونستنى التقرير :D

سلامي لك يابو جود:)

أتش

14/04/2010, 05:43 PM

اسعد الله ايامك اخوي
ابوعابد
دايما مواضيعك جميله
والبحر اكيد ادمان ولو ماهو ادمان ماغمرنا بحياتنا ودخلنا وسطه
الى لانه ادمان فنحن هواه وليس حواتين حتى ننجبر للدخول عشان لقمة العيش
انما من كثر ادماننا
بارك الله فيك

سمبوك

15/04/2010, 03:15 AM

صحيح كلامك

سلطنه

16/04/2010, 03:39 AM

ماشاء الله تبارك الرحمن

اللهم صلي على النبي

ايييييوه يا ابو عابد انت كده دست على الجرح وعرفت مكمن الداء فنبغى منكم الدواء

يا حضرات البحر والحبر وثم البحر:f

وشك شك والصيد غيرررررررررررررررر:D

ناس تسحب صناديق العده:D

وناس المخده:p

وناس قربت تنطرد من الحجره:eek:

وكله يهون من اجل عيون البحر:D

وانا لو كتبت لكم عن حبي وعشقي للبحر والصيد يبغالي دفاتر ابو الف واقلام امبريل بوز ذهب ودرزن احبار ابو قاروره فاصل اعلاني(جيبي الشيشه يا ام ايمن)

كل يوم اخرج من العمل لسقالة الونستون وجلسه نص ساعه ومن هناك للسقاله الكوريه ونص ساعه اشقر على احول السمك:p

المهم زي ما قال لي واحد من الشباب الله يطول باعمارهم فكرت اسوي واكتب مذكراتي:D

وعشان طلباتي ما عاد موجوده ونادره من اقلام واحبار وغيره راح اسوي مدونه عنا في مكشات:D كح كح كح

حرام عليك يا عبدالله خليت الواحد يرجع لايام كنا نخدج السمك فيها بالفوطه من الحفره:D

يخليك ربي ويسعدك ويعطيك طولت العمر انت وباقي الشباب ونحنا معاكم يا الشياب:)

عاشق الشعري

16/04/2010, 11:34 AM

ههههههههههههههههههههههههههههههههههههههههههه

الله لا يجعلني قصبة في يدك ياشيخ

وعلى السد ترا يقولوا فيه سمك جرب وماعليك من الناس , ونستنى التقرير :D

سلامي لك يابو جود:)

http://cdn.content.sweetim.com/sim/cpie/emoticons/0002041D.gif (http://www.sweetim.com/s.asp?im=gen&lpver=3&ref=10) http://cdn.content.sweetim.com/sim/cpie/emoticons/000203FB.gif (http://www.sweetim.com/s.asp?im=gen&lpver=3&ref=10) http://cdn.content.sweetim.com/sim/cpie/emoticons/00020468.gif (http://www.sweetim.com/s.asp?im=gen&lpver=3&ref=10)

أجل حلينا مشكلة أبها على يدك وتسلم يالغالي

A B D U L L A H

16/04/2010, 10:02 PM

صياد الشيخ

16/04/2010, 10:14 PM

الاخ العزيز عبدالله السلام عليكم ورحمة الله وبركاته
اتفق معك على حب البحروالصيد ولكن اسمح ان اخالفك في كلمة ادمان

لماذا لايكون شوق للبحر والصيد فيه فدليل المحب شوقه

هذا راي الخاص اتمنى ان تقبله وشكراً للجميع

اخوك صياد الشيخ تبوك الورد

عاشق الشعري

17/04/2010, 01:21 AM

حيآكم الله اخواني جميعآ

الوقت لايسعفني بالرد على الجميع

ماقول غير الله يوفقنا واياكم جميعآ

وشاكر للجميع هذآ التفآعل ... :)

--

وبالنسبه للسد ... قويه ياعاشق الشعري

من بعد ماتدور للسلفر والكنعد ... صرت تدور لسمك المياه الحلوه

آقلك في بير عندنا بالديره يبي له تنضيف من السمك ؟ وشرآيك ؟ http://cdn.content.sweetim.com/sim/cpie/emoticons/0002043F.gif (http://www.sweetim.com/s.asp?im=gen&lpver=3&ref=10)

ههههههههههههـ الله يسعدكم جميعآ

على يدك يا ابو عابد يقول لك ريح ابو زيد ولا عدمه
وترى هذي سواة القطعه من البحر وما خفي كان اعظم
ولك تحياتي
ابو جـود

A B D U L L A H

17/04/2010, 01:52 AM

على يدك يا ابو عابد يقول لك ريح ابو زيد ولا عدمه

وترى هذي سواة القطعه من البحر وما خفي كان اعظم
ولك تحياتي
ابو جـود

الله يعينك ياشيخ

والله مشكله ... :(

يازين العمل دامه في مدينه بحريه :D

Octopus

15/11/2011, 09:11 PM

السلام عليكم

انا كل يوم اطلع العده واطل فيها ساعة واتخيل وارجعها وكل يوم زي كذاواحيانا ارتبها من جديد :D
واطلع القصبة فوق السطح واربط فيها اي شئ واسحب هههههههههههههههههه
تحياتي لك.

saad awad

15/11/2011, 10:34 PM

والله البحر فعلا ادمان ولكن الله يستر علينا وعليكم ويعطينا من خيره ويكفينا شره

aglanco

15/11/2011, 11:04 PM

البحر نهايته الجنان خلاص هبل بنا نفكر كل يوم بحاجة للحوت والبحر واي شي جديد حلو فعالم البحر والصيد نحاول
نشتريه .... لا والمشكلة عندنا اللي يأدي نفس الغرض بس هي كذا ... صارت عادة ياشيخ والله احيانا ماودك احد يتصل
عليك تبغى تخلص اللي فيدك وحتى لو مافيه صيد
تجيب لعف واللعف عندك ترسل مجرور ... تظبط القصبات .... تجلب بيدك
المهم ماتقعد فاضي هي زي الحكـــــــــــــــــــــــــــــــــــــــة
لا والمشكلة انو تفرح بالاجازة اكثر من غيرك 000 ترسم وتخطط وتزور محلات ودك تروحها من زمان ورب
الكعبة جنـــــــــــــــــــــــــــــان هسترة +بسطة
= ذكريات وخبرة
موضوع ماتعدي من عنده الا وترد عليه .....

@ بحار مجيرمة @

15/11/2011, 11:49 PM

هههههههههه اكدلك انه الصيد البحري في قمة الجنوووووون

Bo.3aBeD

16/11/2011, 12:44 AM

حبيب والله جبتها على الجرح خخخ

البحر والصيد من ناحية الحب تراااه ادمااان مو طبيعي .. خخ :D

انا تجيني اوقات حالت هستيريا الا اصيد الا اطلع بحر الا الا الا .. :eek:
بس بحكم اني فرد بالعيله هههه والي منكرف اكثر شي ما القى وقت :(

طول يومي مشاويير الاهل ود وجيب وخذ وتعال واسمع وشف ولاتجيب العيد .. الخ

بس اوقات تمسك معاي بنص المشوار ههه اروح الهافمون اشم عبير البحر << يا شيخ ههه

ولا كل ماطلعو اهلي بحر .. تشوف الاخ الكريم متحمس ومجمع العده والطعم وشاد حيله .. << انا طبعا :D

وو اروح معهم طبعا يا اني ماصيد شي خخ ويجيني تهزيء من الوالد الله يطول بعمره
يقولي المره الجايه اجيب لك سطل مويه كبير ونزل سنارتك فيها وجرب صيد اقلقتنا بالبحر خخ :no2:

طبعا ابوي كان راعي بحر وو خوالي وو الامه كلها .. بس تعرف التزامات الدوام وو كبر السن ..

خخ احس بديت اقص قصت حياتي هههه معليه تحملوني من امسك الخط انسى هههه :j

ايه نرجع للموضوع تقولي انه البحر ادمان ..
البحر حب لاينتهي .. :D

mazen78

16/11/2011, 01:13 AM

ادمااااااااااااااااااااااااااااااااااااااااااااااا اااااااااااااااااااااااااااااااااااااان حتى الثمالة
ادمااااااااااااااااااااااااااااااااااااااااااااااا ااااااااااااااااااااااااااااااااااااان حتى النخاع
المادماااااااااااااااااااااااااااااااااااااااااااا ااااااااااااااااااااااااااااااااااااااااان حتى في المنام

ساري بليل

16/11/2011, 01:22 AM

نعم اخوي ادمان وليه لا هههههههههههههههههههههههههه
وهذي قصيدتين بمناسبة البحر :::
جيت البحر اشكي همومـي للامـواج
اشكي هموم الوجد والبعـد والشـوق

عل وعسى يطلق سراحـي بالافـراج
وانسى زمان ٍ فات عاشـق ومعشـوق

كنت افتكر موج البحر يقراء الابـراج
ويدري عن اللي زاده الهـم والعـوق

اثـر البحـر غـدار مافيـه مخـراج
مايفرج الضيقات غيـر الـذي فـوق

اللـي يعـدل كـل مايـل ومنـعـاج
مجري الرياح ومظهر الشمس بشروق

يجبـر بقلـب ٍ للمحبـيـن محـتـاج
قلب ٍ غدى من بعد الاحباب محـروق

.................................
يابحـر .. فينـي مـن الحـزن (http://www.flh7.com/vb/t20464.html).. كثـر (http://www.flh7.com/vb/t20464.html)مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..
ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..
ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب

اهواك يابحر

16/11/2011, 01:43 AM

ههههههههه الله يعطيكم العافيه

عاشق البحرE

16/11/2011, 03:18 AM

يعطيك العافية اخوي عبدالله على هالموضوع الرهيب ..

و الله استمتعت بقراءة القصص للأعضاء منها الجميل و منها المضحك و منها الشيق ..

$$$$$$$$$$$$$$$$$$

انا قصتي مع البحر مختلفه ..

عام 2009 طلعت اجازة من العمل ... و سافرت فيها لروسيا .. البلد اللي درست فيها و عشت فيها فترة من الزمن .. و بعد ما رجعت من السفر و و رجعت للعمل للعمل طلع واحد من زملائي اجازته (طبعا هذا زميلي و صديقي . العلاقة قوية بيننا) .. بعد ما هو رجع من إجازته كنت اساله : بشر عساك انبسطت في اجازتك .. و هو يرد علي و يقول : ايه و الله الحمد لله نزلت البحر للصيد 3 مرات ( طبعا نزلت حداق بطراد ايجار) و ليتني انزل البحر اسبوعيا و الله وناسة من جد .. و أرد عليه و اقول صدق انك فاضي طالع اجازه و اثاريك جالس في الديرة و ضارب مشوار للجبيل عشان تصيد (هو من أهل الأحسا الحبيبه) .

مضى اسبوعبن على حدثينا و قال لي خويي وش رايك تخوينا هالخميس راح نأجر طراد و ننزل حداق .. انا في نفسي ما كان عندي جدول معين .. و اتفقت معه و نزلنا البحر ,, و صراحه بعدها ادمنت .. صرت انزل كل شهر مرتين او ثلاث .. و بعد هذي الأحداث ب 8 شهور .. عقدت العزم انا وهو و شرينا لنا طراد و تعلمنا قيادته و شو شوي عرفنا الأماكن و أمور الصيد ..

بعض المرات انزل البحر و تصير لي مشكلة او الجو يكون ملخبط و موج و القى تعب في تنزيل الطراد و تطليعه و اقول في بالي هذي اخر مره انزل فيها بحر ,, و بعد ما اطلع الى السيارة يتغير كل شيئ و افكر متى انزل مره ثانية .. و الله أدمان و الله لا يشغلنا الا بطاعته ..

eo202

16/11/2011, 03:27 AM

اخى الكريم

اتفق معك بان الصيد ادمان وكثيرا كنت اذهب الى البحر حتى لو لم اصطاد وكنت اعود الى البيت

مرتاح نفسيا حتى لو كانت مشاكل الدنيا كلها امامى

ونظمت وقتى بين الصيد وبين العائله ويوميا كنت اصطاد حوالى 3 او 4 ساعات واعود الى البيت

سواء اصطدت سمك او لم لم اصطاد ولكن يكفينى اننى جلست على البحر وشممت هوائه

وعند حضورى الى السعوديه كنت اتمنى ان اكون بجانب البحر ولكن ليس كل ماتشتهيه النفس تناله

واشعر الان باننى مسجون لاننى منذ قدومى لم اصطاد الا مره واحده فقط وظللت اصطاد من الساعه 11

ليلا الى 8 صباحا وتمنيت ان اواصل الصيد لمدة يومين متواصلين

والصيد من الاشياء التى اثرت على نفسيا من حيث الهدوء والسكينه ومعرفة اشخاص لم ولن انساهم

مطلقا فمعظم الاشخاص الذين يصيدون كرماء لا يبخلون على اخوانهم بالنصيحه والكلمه الطيبه

لك تحياتى

ودمتم فى رعاية الله وحفظه

وجيه الراسي

16/11/2011, 02:56 PM

اتفق الجميع على البحر وادمانه
وهذه اول مرة يتفق العرب
قصتي بدأت من الشعيبة المفتوحة منذ قرابة والله ماني متذكر بس
حول 20-25 سنة -- أيام العز ايام ما كانت الشعيبة في عز شبابها وعذريتها
والفضل يعود لله ثم للاخ / سعيد ناجي الصبحي من صيادي مكة
والان يعمل ويسكن ينبع ( الله يحفظه )
هو من حببني بالبحر رغم انه كان يقسو علينا عندما كنا اطفال
( انتم عارفين شقاوة الاطفال وكثرة حركتهم خاصة اذا تجمعنا )
عندما كان يصيد من الكسارة كنا نصعد على قارب بلاستيك ويسحبنا الى الكسارة ونجلب من فوق
القارب رغم ان البحر او المنطقة ليست غريقه ولكننا اطفال ( هذه بداية الحكاية والادمان )
بعدها اصبح يعتمد علينا في الصيد في الرحلات
كونا شلة في الحارة كل اسبوع نقضيه في البحر وفي مكان محدد لنا معروف في الحارة للى
يبي يلحقنا رغم اننا ما كنا نرغب احد يلحقنا
من الاربعاء الى الجمعه من كل اسبوع واحيانا نسحب على السبت اذا كان الصيد شغااال
الان اتمنى ان اذهب اسبوعيا للبحر ولكن العمل زانقني زنقة بطالة
وانا من طبعي ما احب اروح البحر واجلس وقت بسيط اذا ماهي يوم او يومين
ما تعتبر طلعه
هذه رحلة الادمان يا ابو عابد
ولا يهونون الشباب
وفي النفس كلااام كثير