مشكلة اليوكن 2002 في البنزين

[ابواسامة3445]

السلام عليكم ورحمة الله وبركاتة


ومساكم الله بالخير


حبايبي طبعن شريت لي موتر يوكن 2002 وارد امريكا تو ماصارلة 3 شهور والموتر نظيف مرة
مشكلتة
يصرف بنزين صرف يعني التانكي يالله يمشي 200 ميل معقول صرفيتة صحيحة والا فية مشكلة واللي يتوقع ان فية مشكلة براية وش تكون المشكلة
افيدوني جزاكم الله خير


واشكركم على هذا المنتدى الاكثر من رائع

[الناصح الاول]

وعليكم السلام ورحمة الله وبركاتة

الله يبارك لك يالذيب ويعطيك خيره ويكفيك شرة

انو اتوقع والله العالم انه من الصفاية والبنزين له دور كبير

هذا وان شاء الله الاخوان اصحاب الخبرة يفيدونك

موفق لكل خير يالغالي

[VIP-503]

نضف البخاخات

[alrzeenq8]

اخوي اذا المكينه 5300 كل لتر بنزين يمشيك من 5 - 6 كيلو متر
اذا موجووود دليل المالك شوف سعه خزان البنزين واذل عبيت بنزين احسب اللترات وشوف الصرف كيف
200 ميل يعني 320 كيلو متر.....فعلا في صرفيه زياده
نفس ماردوا الشباب فوق بدل فلتر البنزين ونظف البخاخات

[ابواسامة3445]

شكراً لكم اخواني على الردود يعني صحيح فية صرفية :f


بس عندي سؤال وش دخل فلتر البنزين في الصرفية :good2:


موضوع البخاخات الموتر صافي مافية تقطيع والاشي :D



ابي اقول لكم شي وشرايكم في البواجي تتوقعون بحكم انها قديمة تصرف بنزين



تكفون ياشباب شوفولي حل
:alarm: :alarm: :alarm: الدبرررررررررررررره الدبرررررررررررررره :alarm: :alarm: :alarm:

[بدوي جنوبي]

اولا نرحب بك في منتديات مكشات
وخاصة قسم الاعطال :)

اذا كان استخدامك داخل المدينه ،،، الصرفيه عندك معقوله
يعنى بحدود 320 كلم .

وتعتمد ايضا على خفة القدم على دواسة الوقود
ومن اسباب صرفية الوقود :

الوقوف والانتظار طويلا والمحرك يعمل
================والمكيف يمعل
تسخين المحرك فى فترة الصباح لمدة تتجاوز ال 3 دقائق
عند الاقلاع الضغط على دواسة الوقود بشدة (قومة السياره عند الاشارات خاصة)

اذا كانت شمعات الاشعال(البواجى) قديمة تسبب صرف للوقود
لانها لا تعطى شرارة كامله لأتمام عملية الاحتراق داخل حجرة الاحتراق
فذلك يؤدي الى طلب وقود كافى للحصول على عزم .

ضغط الاطارات اذا كان منخفض يؤدي الى صرف فى الوقود
فلتر الهواء اذا كان قديم ومتسخ يسبب صرف للوقود

هذه بعض الاسباب المتعلقه بصرف الوقود .

البخاخات عندك سليمه ما يحتاج تنظفها .


بالتوفيق

[ابواسامة3445]

بيض الله وجهك اخوي بدوي جنوبي


ودي اغير البواجي وصفاية البنزين


بس ماعليك امر


اخوي وين القاء مكان صفاية البنزين


شاكر لك مرورك

[سوبر VTC]

ادخل موضوعي بالتوقيع تحت
عن جميع اعطال طرمبة البنزين بالصور
تحصل صورة مكان فلتر البنزين :good:

***

اسباب الصرفية
بواجي ضعيفة او خربانه شرارة ضعيفة
صفاي بنزين
انسداد فلتر الهواء
خراب ربما منظم الهواء لانه يقيس كمية الهواء الداخلة الى المكينة
و يرسل المعلومة الى الكمبيوتر
ربما خراب حساس اللهاة يكون ملخبط او خربان
اذا كان كان وجه الثلاجه ينسم او كانت الثلاجه به شعر او مكسورة
الكفرات كبيرة
نقص هواء الكفرات
عندنا شفر غمارة و نص امريكي م2005
مكتوب بالطبلون يمشي بالتانكي 500كيلو تقريبا
حساسات الاوكسجين له دخل بالصرفية
تكون راكبة تحت القزوز في ماصورة القزوز
حساس دبة التلوث الخلفي
تاكد من افياش حساسات الاوكسجين
حساسات الاوكسجين وظيفتها قياس الكربون و تقليل بخ البخاخات حتى
الى المعدل المطلوب => حساسات القزوز
رابط بخصوص حساس الاوكسجين و حساس دبة التلوث

اليـــــوكن مكتوم ونبي الفــــــزعة - منتديات مكشات (http://www.mekshat.com/vb/showthread.php?t=248670)


ربما اذا كانت المكينة مهيب صافية
فانه تحتاج الى
1 صنفرة بلوف الراس
2 توقيت بكرة المكينة

وين موقعك ؟ هل رحت لورش معينة ؟

افضل حل فحص كمبيوتر ب100ريال
اذا طلع بالفحص ان المحرك بارد => فعندك صرفية بنزين يوجد خلل
+
افحص الكربون وشف كم نسبته اذا طلعت النسبة 4.2 فهو لاباس
اذا اكثر فهو يصرف بنزين
جرب دس بنزين هل يدخن اسود ؟
اذا طلعت الحساسات من خلال فحص كمبيوتر تمام
فالمشكلة ميكانيكة صنفرة بلوف او توقيت جنزير التيمن من خلال بكرة المكينة

هل لمبة المكينة و العة ؟؟؟


موفق