يامن يساعدنا في حل جربوكس التاهو

[شقاوي بر]

اولا السيارة تاهو دبل ارضي99 طلع فية رجة خفيفة من 60 لي 100 فقط الذا كنت داعس شوي واذا دعست اقوي وبدل تروح الرجة
ومرة نزلت في سيل ومن بعدة زادت الرجة الي درجت انك تلاحظها في المرايات وتحس ان الجربوكس راح يتاثر منها رحت لورشة وقالي البرونة البطيخة وغيرتها وخفت قليل لاكن العزم الاول راح ورحت لغيرة قال نفس كلام الاول وقلت غيرناها قال ركب اصلي لاني ركبت مجدد الي مرت علية هالمشكلة يدلنا ولكم جزيل الشكر

[سوبر VTC]

هل انت في الرياض ؟
هل مريت على ورشة معينة ؟
سبق صارت لموتري جمس م2001 رجه او حرة عمود
و صارت المشكلة من صليب عمود الدبل خربان
مصدي و داخله ماء و طايحة الرمانات اللي بوسط طاسة الصليب
تاكد من صليبات موترك سواء عمود الدبل او الكردان الخلفي

[شقاوي بر]

سوبر VTC (http://mekshat.com/vb/member.php?u=53291)
بارك الله فيك علي ردك وتفاعلك للموضوع انا من تبوك اليوم ابي اروح للصناعية وابي افك العمدان واشوف وان شاء الله يطلع صليب ولا الجربوكس

[شقاوي بر]

وين الميكانيكية

[بدوي جنوبي]

تصدق يا شقاوى
بعت سيارتى عشان هذي الرجه
وترا علمت اللى شراها <<<<<< يبي يورينا انه برا ذمته :)

المهم
متى طلعت المشكله عندى
بعد ما خبط القير

وضبت القير وبعد التجربه ونا ماشي فى الخط كانت تظهر معى من بعد سرعه 100
اشوف الطبلون يرج رج مو طبيعي ،،،،،

ركز معايه ،،، لما استمر فى الدعس على الابنص على خفيف الرجه تستمر وما تقطع

اما اذا كبست له زيادة على طول تختفى الرجه
هذا يأكد لى ان المشكله ليست عمود وليست ترصيص

اهاااااااااااااااااا
رجعنا للى وضب القير وجربنا السياره وما طلعت المشكله
(كن السياره تبي تطيح وجهك قدام راعى الورشه اذا رحت له ما يظهر الخراب ترا دايما كذا)

المهم مالك بالطويله ،،،

يقول راعى الورشه ان المشكله ترصيص وعمدان ،،،،
قلت كلها مشيك عليها ،،،،، ونا ما شيكت ادرى ان ما لها علاقه

قال نرجع ننزل القير مره ثنايه ونفك الطنجره (البطيخه- البروانه_ محولة العزم )

ونغيرها بوحده ثانيه لانها على الضمان
غيرناها وجيت مسافر للجنوب

ومعى 2 من اخوياي طبعا كلنا بعوايلنا والوقت 10 مساء
اول ما مسكنا الخط وتطلع معى نفس الرجه

ووالله تقفل الاخلاق وزعلت ،،،

كلمت اخوياي جوال قلت انتم الله يستر عليكم كملو دربكم
انا سوف ارجع عندى عطل في السياره

قالوا امش معنا ،،، قلت آسف مقدر اجازف
اتعطل فى الخط واتعبكم معى وانا بعد اتبهذل

المهم مالكم بالطويله

اخوياي قالوا نأجل السفر بكرا
قلت والله ما تأجلوه كملو دربكم

هم راحو ونا رجعت

قضاء الله وقدره ،،، الله اراد انى ارجع
وشر قدامى الله صرفنى عنه وصرفه عنى

المهم اقوم الصبح وارجع للورشه
ونا زعلان شويه

قال الفنى والله مشكتك من القدر(ترا انا اسميه القدر) :) الدرام اللى داخل القير لازم نغيره
انظر الصوره :
http://absoluteautoservicessa.com/Trans_ClutchPack.gif


قلنا كم يكلف قال 400 ريال
قلنا الشكوى لله غيره

غيروه والظهر ونا مستلم الموتر

جربنا السياره تماااااااااااام

المهم
مالكم بالطويله
يوم مسكت الخط مره ثانيه
وتطلع معى نفس المشكله الرجه

اول ما طلعت معى والله انقهرت وزعلت وضاق صدري

قلت يا ولد ما بدهاش
دق على الورشه
واتصل عليه
قال امش وتوكل على الله واذا رجعت يصير خير
والحمد لله قضيت اجازتى ورجعت والامور زينه

بعد ما رجعت بعت السياره .

والى الان محد يعرف ايش المشكله بالضبط


آسف على الاطاله

الشاهد منها
اذا رحت لورشه وضرب على صدره وقال اعرف الحل
قول له ترا اذا ما راحت تتحمل التكاليف خل هذا شرطك


وان شاء الله ان المشكله تطلع عندك بسيطه
ولو انى حاس انها نفس مشكلتى

عموما ترا هى ما تأثر كثير ،،، واذا ظهرت معك اما انك تدعس زياده او تخف السرعه


وانتبه للقير لا يغيروه عليك حط عليه علامه او خذ رقمه .

بالتوفيق

[شقاوي بر]

والله اظاهر انها نفس المشكلة الي عندك يا بدوي جنوبي (http://mekshat.com/vb/member.php?u=32037) راح نحاول يمكن الله يظهرنا على العلة ونفيد اخوانا الي عندهم نفس العطل اظاهر انهم واجد .
وعزالله ان الي يبي يتعرف علي الورش ياخذ امريكي .
دمت بود يا بدوي جنوبي واشكر لك ردك علي موضوعي