بأذن الله ا توقع هطول امطار غزيره على مدينة الرياض يوم غدا السبت

[خالد العوض]

بأذن الله ا توقع هطول امطار غزيره على مدينة الرياض يوم غدا السبت وتبدا بأذن الله من بعد الظهر
والنسبة بأذن الله مرتفعة هذا والله اعلم تصيب اوتخيب

[صوت المطر]

مرحبا أخوي خالد ..


أنا أخالفك بالتوقع هذا ... لأنه والله العالم تبي تصبحون بهبة شمالية ومعه غباره ..

والسحب سوف تتلاشي تدريجيا .. هذا والله أعلم ..

[ابو وطبان]

الاخ صوت المطر الان على الرياض برق ورعد بعد الهبه الي جت الساعه (10) ونشاء الله بيجي الخير

[القناص]

صدقت توقعاتك اخي خالد العوض
بارك الله فيك
الحين برق ومطر على شمال الرياض
الله ينغع بها الامطار

[أبو حجر]

يا شباب الحين فيه رعود وبروق شمال وجنوب الرياض وفي كل مكان وهذيهي ترش عدنا في الروضة

من يزودنا با خبار جديدة

[ذيب الجبال]

ولو اني من اهل الشمال لكن نبي نخش معكم :cool:
الهواء عنكم وين وجهه يالربع؟
افيدونا الله يجزاكم خير وياليت بسرعه

[القناص]

يا ناشدن عن الهوا
الهوا على الرياض الحين شمال شرق بسرعة 10كم الساعه
مرحبا الساع

[الواصـل]

الله يكتب الى لنا فيه الخير توقعاتى والله اعلم نهاية الاسبوع ستكون امطار

[ذيب الجبال]

اخوي القناص
الله يجزاك خير وان شاء الله تعم الخيرات على ارجاء المملكه
قولوا آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآمــــــــــــــ ــــيــــــــــــــن

[مخاوي السباع]

يااخوان الله يهديكم
الحين كل واحد يتوقع وهوا جالس فى بيته مايسير الكلام هذا
اللى تابع اخبار الاحوال الجويه يقول لنا كيف تكون الاجوا بكره
انا فى جنوب الرياض ومافيه مطر الا قليل رش بسيط
لكن الرعد والبرق مستمره الى هذه الوقت

اخوكم مخااااااااااااوي السبااااااااااااااااع

[مرصاد]

هلا أخوي خالد
أنا أتوقع والله أعلم أن الخير جنوب الرياض بكره بس وأحتمال وصوله للرياض ضعيف

وسلامتك

[خالد العوض]

الهوا اليوم الصبح السبت جنوبي شرقي يعني حلو جداً جداً وبا قي تنتظر امر الله اول واخر لكن بأذن الله ان العوامل حقت
النشو بعد الظهر موجوده والله يجيب الخير مهوب علشن اقولكم شوفو توقعاتي مضبوطه لكن والله اني احب الأمطار وهذا اهم شي وخاصة اذ جت بعد الظهر الله يرحمنا ,,,,بأذن الله لو ما ارد الله وجاء مطر اليوم الا اني متفائل ها السنه وخاصةً في الايام
القادمة بأذن الله تكون سنه على كيفك يسجلها التاريخ والله يستر على المسلمين

[مرصاد]

هلا أخوي خالد

صبحك الله وباقي الاخوان بالخير والمطر

أنا شكلي ناشب لك وأقول شكل اليوم مافيه شيء عشان الهوا شمالي حسب نشرة أحوال السعودية حاطين أسهم شمالية زرق وهذا كله بعلم الله وأن شاء الله مايطلع صحيح.
عشان كذا السحاب يمكن والله العالم جنوب بعيد اليوم وما اعتقد تروح اليوم بس ما نقول الا الله بالنشؤ المتراكم اللي يزحف علينا زحف ويتبنا مع كل الجهات والمزن والطها يحوم فيه اللهم آمين

وسلامتكم،،،،

[خالد العوض]

امين والهوا مازل حتى الساعة 12 ظهراً جنوبي شرقي با قي امر الله وانا جيي قبل شوى اشوف السدا بدا يبين وان شاءا لله
اليوم يوم خيرات وامطار لو تأخر السحب الى المغرب

[خالد العوض]

10-‏الأعراف( 57)-{وَهُوَ الّذِي يُرْسِلُ الرّيَاحَ بُشْرىً بَيْنَ يَدَيْ رَحْمَتِهِ حَتّىَ إِذَآ أَقَلّتْ سَحَاباً ثِقَالاً سُقْنَاهُ لِبَلَدٍ مّيّتٍ فَأَنْزَلْنَا بِهِ الْمَآءَ فَأَخْرَجْنَا بِهِ مِن كُلّ الثّمَرَاتِ كَذَلِكَ نُخْرِجُ الْموْتَىَ لَعَلّكُمْ تَذَكّرُونَ} ‏
‏
20-‏الفرقان( 48)-{وَهُوَ الّذِيَ أَرْسَلَ الرّيَاحَ بُشْرَى بَيْنَ يَدَيْ رَحْمَتِهِ وَأَنزَلْنَا مِنَ السّمَآءِ مَآءً طَهُوراً}
‏