سيارة جديده وبدا الخراب

[حياة جديدة]

احمد الله واشكره على نعمائة وبفضل من الله شريت هايلوكس جديد 2010 بس والله يوم عرفت انهم يركبون مكيفة واكسسواراته هنا نقزني قلبي والان له اسبوع حرقت الكشافات حقت الضباب وش رايكم تراني ماخذه كاش

[سوبر VTC]

صباح الخير يا عسل :D
الله يطعمك من خيره و يكفيك شره


ان كانك وسيع صدر مر الوكالة و يصلحونه لك و الموتر واقف



شيك على الفيوزات بالكبوت او بالغمارة
احتمال الفيوز مقاسه صغير و احترق
ركب فيوز اكبر مكتوب عليه 30 او 40
مر اقرب محل زينة او كهربائي او
اشتغل بيدك :good2: و دور الفيوز المحترق
يجي فيوزات احتياط بنفس العلبة


اذا ركبت فيوز و احترق مرة اخرى
فالحل
تفك اللمبة و تشوف السلك الكهرب يكون عليه عازل بلاستيك
هذا من شدة الحرارة يموع و يلمس الكهرب بالماص
جرم الكشاف الحديد من الداخل و بالتالي
يلتمس مرة اخرى و يحترق الفيوز

وهذي سبق صارت لي و شيكت على ظفيرة الكشاف من علبة الفيوزات الى الكشاف
على غيرفايدة
و طلعت المشكلة بسيطة من هالعازل اللي بوسط الكشاف
لفيت عليه شطرطون خفيف و الى يومك :good2:

[هوايتي مكشات]

مر الوكالة واذا فيه عيب مصنعي اما يصلحونها او يغير السيارة

[حياة جديدة]

مشكورين وماقصرتو اثنينكم بس حكاية يغيرون السيارة والله لو انحرق انا مو الكشاف

[ساري 111]

الكشافات حقت الضباب

الكشافات من ضمن الاكسسوارت اللي يركبه ابوجميل بجده

[الطا مس]

اخوي المساله كلها توافيق من الله شفها عند الباب الاستراحه 3 2009 و1 2010
والله يجيها من العذاب ما الله به عليم والله لا احترق كشاف ولا خرب مكيف ولا هم يحزنون
الي يحترق من الكشافات بدله با اصلي ولا عاد يخرب باذن الله

[Bader-M]

في مديلات الحديثة من 2008 - 2010 ابتعد عن التويوتا افضل لك

عنك ايسوزو دي ماكس خيار رائع بنفس السعر


تحياتي الييك

[ابوحمد1992]

اخوي المساله كلها توافيق من الله شفها عند الباب الاستراحه 3 2009 و1 2010
والله يجيها من العذاب ما الله به عليم والله لا احترق كشاف ولا خرب مكيف ولا هم يحزنون
الي يحترق من الكشافات بدله با اصلي ولا عاد يخرب باذن الله
100%:good2:

[برق الشماليه]

الله يعينك على سيارات ابو جميل

[ابودعسان]

رح لم الوكاله وصوتك قبلك احسن
يشيكون على الاسلاك والفيوزات افضل لك

[بن نويشر]

ليش ما خذت متسوبيشي بكب دبل فل كامل بـ 83 الف ريال على ما أضن كان أبرك من الهيلي ..

يالله ما يخالف الواحد يتعلم من أخطائه ، مثل ما يقولون الفاس طاح بالراس وعسى ربي يعوضك خير ..

تقبل مروري ووسع صدرك ..

[moooj]

والله الموتر ما عليه كلام عسا الله يبارك لك فيه ويعطيك خيره ويكفيك شره
لا اتعاطا تويوتا ولله الحمد لكن لا يزال الهلي له مكانة خاصة في قلوب الكثيرين وانا واحد منهم
واذا عى كشافات تراها هينة ومثل ما تفضل الأخ سوبر Vtc وانت واقف عند الوكالة والا اقرب كهربائي واذا لك خلق على الفك تراهم برغيين
الله يوفقك
ومبروك الموتر

[يكفيني نظرة]

السلام عليكم جميعا...
ياخوي لايضيق صدرك من مسألة الكشافات انا عانيت منها بسيارتي سابقا ( في اكس ار ) لسببين :
1- بسبب الماء يعني يجيها ماء وهي حارة وتحترق..
2- بسبب شوارعنا النظيفه والخالية من الحفر الصغيرة (( كلها كبيره يعني جروف مو حفر )) وتضرب لك حفره تكسر اللمبه.
والحلول انك تعزلها عن الماء وتثبتها مضبوط.

[sarab88]

اخوي يعطيك العافيه طربه للوكاله بسررررررعه قبل مايجيك علماً ثاني احسن لك ولكم تحيااتي:good2:

[العبله]

الله يعطيك من خيره ويكفيك شره
الموضوع هين
واذا تبي نصيحتي ..
ابتعد عن الوكاله قد ما تقدر لاني سبق وان انكويت منهم
مر لك كهربائي او رح للغرابي ان تيسر لك او انت فكه وركبه ومش حالك وان شاء الله الامور تضبط معك ..
بالتوفيق..

[حياة جديدة]

مشكورين ماقصرتو كفيتو ووفيتوا الله يجزاكم بالخير بصراحة ذا المنتدى فيه فايده كبيرة فكل المجالات الله يجزاكم بالخير

[ARB]

السلام عليكم
اول مشي المكيف يركب في المصنع موديل 1998 الى 2000 يركب بجدة بس غيرها لا بس الهايلكس

و انوار الضباب شي طبيعي انها تتعطل خاصه اذا مشغلها و جاها ماء او مطبات فجئة تطفى

انا استغرب من اللي يرد ويقول ليش تشتري السيارة الفلانيه كان اخذت غييرها

انا وجهه نظري كل انسان يشتري اللي يبي و هو تكلم عن عطل بسيارة ياا ترد و تقول شي يفيدة او لا ترد مثل هذي الردود

اللي تكلم عن الديماكس التيربو حقه تركب الخراطيش هنا بالسعودية وهو تيربو موب لمبه يعني شي حساس بالمكينة

[111الشاهي]

الغرابي موجود فيه كل حوايج السيارات

وشششششكرن:D