القرناس المهاجر
17/04/2010, 12:49 PM
في سنة من السنين كنا قانصين جنوب الليث
طبعاً بعض خوياني عينوا خير
لكن انا ابطيت تقريباً شهر ماشفت شي فجاني رجال وقال
ترى فيه طير حاولوه في الديره الفلانيه ولا الله كتب فيه
رح وترزق الله اربك تطرحه
شكرته وتوجهت على الفور وماجا المغرب إلا ونا بالديره
المذكوره
شفت موتر ونصيته والا هو من اللي اعرفهم
فسألته وش عندكم وش شفتوا
قال ابداً يقلون بالشمال مطروح قرناس
وبالجنوب فرخ شيهان و و و ( إلى آخر التصريفه) :D :D
وماعلمني باللي عندهم ولاحتى عزمني للمبيت معهم
فانكسر خاطري وتوجهت لطعس بالمنطقة
وامسيت وحيد مثل الذيب سرحان :good2::p
ويوم اصبحت صليت الفجر وطلبت الله من فضله
وتوجهت للمقناص .. ويوم طلعت الشمس
وهم مولعين عليه وطبعاً عندنا قانون بالمجيرمه
إن اللي يشوف طير يولع النور عشان يعرفون البقيه
أنه عنده ويسلم الإشكال ..
طبعاً الطير قرناسة شياهين تامة وكبيرة حيل
وقفت اتفرج وماطلبوني الفزعه بالمره
وكانوا سبع سيارات وحاولوا طيرهم لين الساعة التاسعه
وحام مره ثانية لليوم الثاني
طبعاً تجدد الأمل وسرت مركز اكثر
وجاني واحد من خوياني وخبرته بالطير
وتخاشرنا وقلنا بكره يمكن يكون عندنا
وفعلا طلع ولكن عند خويانه السابقين
ونفس البرنامج الأول حااام الطير وما طرحوه
وفي اليوم الرابع كنت اشد إصراراً وحماساً
وقبل طلوع الشمس اشوف على راس الدربيل
هاك الطير اللي مقدر اوكده سارح من فوق الطعوس
ونازل للساحل وشفته يوم تخالط مع حقبي
وتناشوا والظاهر إنه خذا علفة الحقبي
وحول للصبخى واتجهت له بسرعه فائقه
طبعاً ماقدرت اولع النور لأني ماتمكنت من الطير وعرفته
إلا وذاك الموتر مولع نوره ويعترضلي بالطريق
واجبرني على التوقف .. وقال ايش عندك ؟؟
قلت عندي طير لكن ماوكدته شفته نزل في هالحراوي
فضحك وقال الطير عند خويي عانه وراك
ونبي منك الفزعه ؟؟ يوم التفت إلا والطير فعلاً عندهم
ونفسها القرناسه قلت سبحان الله يمكن عاقبتني
وطبعاً المسافه بيننا ماتجي كيلوا ونصف
فرجعت معاه وهذه هي المصيبه !!
لأن الرجال اللي سحبني اكلت معه هرجتي
عن الطير الغائب !!
ولما وصلني لخوياه رجع لمحلي الأول
وشوي وهو مولع نوره .. وعلى فرخ شياهين تامه !!
هالحين إن جيت ادعي فيه فنا ماملكته وتأكدت منه :(
وإن سكتت فهو قهر لانه سحبني من عنده
وماقد استفزعوا بي من قبل :mad:
المهم طرحوا الفرخ وراحوا يم عزبتهم وباعوا طيرهم
واليوم االخامس جونا من المجيرمه قنوص
وكانت هذه القرناسه من نصيبهم
وطلبوني الفزعه اول ماشافوني
لانهم يعرفون من هو القرناس المهاجر ( دعايه) :good2:
فاعطيتهم قطاه ليلية مشبكه والله جاب طيرهم عليها
إنتهى مسلسل الفرخ والقرناسه
ولكن مسلسل عدم التوفيق لم ينتهي من مخيلتي
وشعرت بان الذنوب قد تدفع بالأرزاق إلى الهاوية
فقررت الرحيل من المنطقة
فقال خويي ياولد بكره نبي نطرح إن شاء الله
قلت له .. ماني وياك ..
خلاص ابروح لهلي تراني مليت وتعبت
امسينا وبعد صلاة الفجر مشيت واخذتها على وجهي
بالتجاه الشمال ..وفي الطريق قلت هذه القصيدة
يالله ياغفار تغفر ذنوبي
.............................................. ياعلمٍ بالظاهرة والخفية
تفرج لمن هو مالقاله دروبي
.............................................. تقفلت من بعد ذيك السنيه
إللي بها طرحت فرخ عجوبي
.............................................. شيهانةٍ من خالقي مكرمية
حصلتها بالعصر قبل الغروبي
.............................................. وطرحتها والشمس بالحيل حية
وهذي السنة حضي بداله عيوبي
.............................................. واظن حظي ناويٍ لي بنية
وانا الذي مشيت مشي الهبوبي
.............................................. طول النهار امشي ولا اريد فيه
قنصتها من شامها للجنوبي
.............................................. حتى الخبوت الواسعات الخلية
ولاريت لي مخرج ولاريت مطلوبي
.............................................. والحقت هذا كل ماتملك ايديه
لكن عسى ربي يفرّج كروبي
.............................................. الواحد اللي جاعل الشمس حيه
والله يخوان ماجات الساعه العاشره صباحاً
إلا ونا طارحها وممهدها :)
شيهانة سوداء تامة 15*15
والحمد لله على عطائه واستجابته لدعوتي
كان هذا في عام 1411هـ ..
شكراً لكم على القرائة والمتابعة :good:
طبعاً بعض خوياني عينوا خير
لكن انا ابطيت تقريباً شهر ماشفت شي فجاني رجال وقال
ترى فيه طير حاولوه في الديره الفلانيه ولا الله كتب فيه
رح وترزق الله اربك تطرحه
شكرته وتوجهت على الفور وماجا المغرب إلا ونا بالديره
المذكوره
شفت موتر ونصيته والا هو من اللي اعرفهم
فسألته وش عندكم وش شفتوا
قال ابداً يقلون بالشمال مطروح قرناس
وبالجنوب فرخ شيهان و و و ( إلى آخر التصريفه) :D :D
وماعلمني باللي عندهم ولاحتى عزمني للمبيت معهم
فانكسر خاطري وتوجهت لطعس بالمنطقة
وامسيت وحيد مثل الذيب سرحان :good2::p
ويوم اصبحت صليت الفجر وطلبت الله من فضله
وتوجهت للمقناص .. ويوم طلعت الشمس
وهم مولعين عليه وطبعاً عندنا قانون بالمجيرمه
إن اللي يشوف طير يولع النور عشان يعرفون البقيه
أنه عنده ويسلم الإشكال ..
طبعاً الطير قرناسة شياهين تامة وكبيرة حيل
وقفت اتفرج وماطلبوني الفزعه بالمره
وكانوا سبع سيارات وحاولوا طيرهم لين الساعة التاسعه
وحام مره ثانية لليوم الثاني
طبعاً تجدد الأمل وسرت مركز اكثر
وجاني واحد من خوياني وخبرته بالطير
وتخاشرنا وقلنا بكره يمكن يكون عندنا
وفعلا طلع ولكن عند خويانه السابقين
ونفس البرنامج الأول حااام الطير وما طرحوه
وفي اليوم الرابع كنت اشد إصراراً وحماساً
وقبل طلوع الشمس اشوف على راس الدربيل
هاك الطير اللي مقدر اوكده سارح من فوق الطعوس
ونازل للساحل وشفته يوم تخالط مع حقبي
وتناشوا والظاهر إنه خذا علفة الحقبي
وحول للصبخى واتجهت له بسرعه فائقه
طبعاً ماقدرت اولع النور لأني ماتمكنت من الطير وعرفته
إلا وذاك الموتر مولع نوره ويعترضلي بالطريق
واجبرني على التوقف .. وقال ايش عندك ؟؟
قلت عندي طير لكن ماوكدته شفته نزل في هالحراوي
فضحك وقال الطير عند خويي عانه وراك
ونبي منك الفزعه ؟؟ يوم التفت إلا والطير فعلاً عندهم
ونفسها القرناسه قلت سبحان الله يمكن عاقبتني
وطبعاً المسافه بيننا ماتجي كيلوا ونصف
فرجعت معاه وهذه هي المصيبه !!
لأن الرجال اللي سحبني اكلت معه هرجتي
عن الطير الغائب !!
ولما وصلني لخوياه رجع لمحلي الأول
وشوي وهو مولع نوره .. وعلى فرخ شياهين تامه !!
هالحين إن جيت ادعي فيه فنا ماملكته وتأكدت منه :(
وإن سكتت فهو قهر لانه سحبني من عنده
وماقد استفزعوا بي من قبل :mad:
المهم طرحوا الفرخ وراحوا يم عزبتهم وباعوا طيرهم
واليوم االخامس جونا من المجيرمه قنوص
وكانت هذه القرناسه من نصيبهم
وطلبوني الفزعه اول ماشافوني
لانهم يعرفون من هو القرناس المهاجر ( دعايه) :good2:
فاعطيتهم قطاه ليلية مشبكه والله جاب طيرهم عليها
إنتهى مسلسل الفرخ والقرناسه
ولكن مسلسل عدم التوفيق لم ينتهي من مخيلتي
وشعرت بان الذنوب قد تدفع بالأرزاق إلى الهاوية
فقررت الرحيل من المنطقة
فقال خويي ياولد بكره نبي نطرح إن شاء الله
قلت له .. ماني وياك ..
خلاص ابروح لهلي تراني مليت وتعبت
امسينا وبعد صلاة الفجر مشيت واخذتها على وجهي
بالتجاه الشمال ..وفي الطريق قلت هذه القصيدة
يالله ياغفار تغفر ذنوبي
.............................................. ياعلمٍ بالظاهرة والخفية
تفرج لمن هو مالقاله دروبي
.............................................. تقفلت من بعد ذيك السنيه
إللي بها طرحت فرخ عجوبي
.............................................. شيهانةٍ من خالقي مكرمية
حصلتها بالعصر قبل الغروبي
.............................................. وطرحتها والشمس بالحيل حية
وهذي السنة حضي بداله عيوبي
.............................................. واظن حظي ناويٍ لي بنية
وانا الذي مشيت مشي الهبوبي
.............................................. طول النهار امشي ولا اريد فيه
قنصتها من شامها للجنوبي
.............................................. حتى الخبوت الواسعات الخلية
ولاريت لي مخرج ولاريت مطلوبي
.............................................. والحقت هذا كل ماتملك ايديه
لكن عسى ربي يفرّج كروبي
.............................................. الواحد اللي جاعل الشمس حيه
والله يخوان ماجات الساعه العاشره صباحاً
إلا ونا طارحها وممهدها :)
شيهانة سوداء تامة 15*15
والحمد لله على عطائه واستجابته لدعوتي
كان هذا في عام 1411هـ ..
شكراً لكم على القرائة والمتابعة :good: