عندي فتك ابي ابيعه كم يستاهل

[البحر123]

السلام عليكم ورحمة الله وبركاته تحية طيبة وبعد...
عندي فتك 2005 سفاري 1 لؤلؤي قير تيربوتنيك ماشي 190000 كلم
كم يستاهل بالسوق.
ارجو من أهل الخبرة الا يبخلوا علينا بمشورتهم

[البحر123]

الله يهديكم بس 11 مروا على الموضوع مرور الكرام نبي شوركم

[مكشات واحد]

طيب اذكر موصفاته الدخلي البدي الاستماره الفحص الكفرات باسمك وكاله وغير كذا سعودي خليجي وبعد كذا تشره على الماره

[مجنون باترول4800]

حقة بالسوق الف 70
والله يرزق من واسع فضلة

[قناص خلاوي]

من 70 إلى 75 الف تقريبا حسب النظافة

[البحر123]

جزاكم الله خير مواصفاته سعودي وارد الحمراني قير تماتيك مثبت سرعة حالياُ خربان تم وضع مبرد الزيت حق القير برا عشان مايخبط القير وتم فع السيارة بكعكات امامي وخلفي 2,50 سم وتم تربيط مسامير الثلاجة وتم تدبيل مساعد الدركسون وفيه تانكي ماء 110 لتر وكفرات هانكوك جديدة تقريباً ماشية 3000 كلم. كم يستاهل على هذه المواصفات؟؟؟
ارجو المساعدة

[سفاري959]

كل التجهيزات اللي ذكرت اذا جيت تبيعه بالمعارض ما تفيده بالعكس يمكن تنزل من سعره بيقولون الموتر حق بر والا مقناص نصيحه رجعه بلد اذا جيت تبيعه واسعاره مثل ما قالوا الشباب من 70 الى 75 موفق خير ان شاء الله

[قناص خلاوي]

اخوي سفاري 1 السعودي مافيه مثبت سرعة ؟؟
اكيد انك مرهمة
والسعر مثل ماقلت لك من 70 إلى 75 والزبون الصامل قليل هالايام
والافضل تعرضه بالمنتديات ولو ان السوامة كثير والصاملين قليل لكن هم اللي يعطونك حق السيارة مع التجهيزات اما المعارض فالافضل ترجع موترك شد بلد قبل تطببه المعارض
والله يرزقك البيعة الطيبة اللي تسرك

[مرعوب]

اذا ترغب البدل فياقرا 2001 الحجم 500 لارج فل كامل المواصفات ارجوا الاتصال 0557734337

[البحر123]

يجزاكم الله خير على هالمشورة ويامرعوب مالي والله بالبدل

[نيساني قديم]

موترك من 70 الى 78 انت وحظك

[البحر123]

يارب 78000 امنوا ياقوم

[SGL]

سبحان الله العظيم

[حبل الوريد]

ينوش الثمانين




............

[ابوحمد666]

لا تبيع با اقل من 80 الف والله يرزقك
لانه مرتفع سعرها له شهر تقريبااا
فيه نفس موديل سيارتك بس اللون عودي ما شي 130 الف سفاري 2 و الفرش اسود يسام 75 الف
تحياتي

[البحر123]

جزاكم الله خير والله لايحرمكم الاجر كلن باسمه