مشكله صعبه للأسف يا تويوتا

[مآإآإآجد]

السلام عليكم ورحمة الله وبركاته

صراحه فيه واحد من الشباب اشترى كامري موديل 2009 ماشيه 20 الف كم بس

القير اوتوماتيك فل كامل السياره

المهم اول ما اشتراها بيومين راح وغسلها المهم وقف السياره تقريبا ساعتين

وطلع يبي يروح لمشوار يوم شغل السياره بدت لمبات الطبلون تأشر ومادري وش جاها
وطفت وعيت تشتغل


وداها للوكااله حسبي الله عليهم قالوا له انت معطيها اشتراك ومن ذا الكلام

المهم انا قلت له افحص الاسطبات ولمبات الاشارات واسلاكها يمكن السبب التماس منها

المهم فحص كل شي وللحين المشكله فيها

وللمعلوميه المشكله بين كل يومين ترجع كيذا


اللي قد صارت معه المشكله ويعرف الحل يقولنا تكفووون بسررعه



حسبي الله ونعم الوكيل فيكم ياتويوتا

[بخيت الدوسري]

افحص كمبيوتر وشف راح يطلع معك
ممكن السيارة جاها موية
وبعدين ممكن عين خله يقراء عليها شئ من القرآن
وترى هذا الكلام من تجربه كانت سيارة واحد من الشباب
ماترتفع حرارة الموتر كثير يعني على المستوى الطبيعي
المهم ماادري ايش اللي صار للسيارة وقامت ترتفع الحرارة بشكل جنوني
ولاترك اي حل من الحلول إلا وجربه ولكن للأسف مافاد فقاله واحد رح لم فلان { واحد من الربع } يقراء عليها , وفعلاً قراء على السيارة ماتيسر من القرآن الكريم وأعطاه موية مقري فيها وقال صب في الرديتر شوي ورش الباقي على السيارة وكانت المفاجأة والله يا اخوان رجعت الحرارة زي ماكانت علية من الوكاله حتى باع السيارة ماأشتكت من أي خراب.

[moooj]

ماشية 20 الف بس وموديل 2009 يعني ما عدت 3 سنوات
تصليحها بالوكالة وعلى الضمان ياغالي
لا يصرفكم جميل وزبانيته
والله من زين المواتر والوكيل

[مآإآإآجد]

ماشية 20 الف بس وموديل 2009 يعني ما عدت 3 سنوات
تصليحها بالوكالة وعلى الضمان ياغالي
لا يصرفكم جميل وزبانيته
والله من زين المواتر والوكيل

اي والله حسبي الله عليه ونعم الوكيل عبداللطيف جميل



ابشركم يالربع الموتر رجع زي الوكاااله

تدرون منين صااار








صار من البطاريه


غيرها والحين احسن شي




الف شكر لمروركم فديتكم