المساعد الشخصي الرقمي

مشاهدة النسخة كاملة : زوار جدد للمحميه ( قميري ) Dove


Cyber
18/04/2010, 04:26 PM
السلام عليكم

لدي محميه بسيطه مشكله من الطيور الموسميه

مثل القطا والكروان الخ

واليوم حل زائران مصابان :(

كنت منذ زمن ابحث عن هذا الطائر الجميل
واهداها لي رجال شروى من يقرى
ولكن مكسره جنحانها بعد عمليات عنف :mad:
صوره

http://www14.0zz0.com/2010/04/18/13/357441144.jpg



السؤال المطروح

هل هذا يؤثر على انتاجه

وهل يتعافى من الكسور

وماهو الاكل المناسب له

في انتظاركم :good2:
غيهب 999
18/04/2010, 04:44 PM
نرحب بالزوار الجدد
وأن شاء الله يفيدونك الأخوان
مطفش الطيور
18/04/2010, 05:06 PM
تبي تعالجهن ؟ دور قدر كاتم وجب زبده وحطها فالقدر وجب طماط وبصل وكشنه وحطهن وحط معاهن مويه وكب عليهن رز بعد 15 دقيقه تعال شفهن .
علي101
18/04/2010, 08:20 PM
كسرها لن يجبر, بل الجرح سيعفن خلال يوم, وموتها مؤكد
ودمت بخير
بن محفوظ
19/04/2010, 01:59 AM
والله ياخوي يبي لها شغل ..

بالنسبة للجرح اذا هو بسيط ..يعني ما يعفن مع الوقت .. يمكن تعيش معك الطيور فترة

لكن بالنسبة لتزاوجها .. ما اعتقد انها تتزاوج .. وتأكد هل هي ذكر وأنث والا
Cyber
19/04/2010, 01:55 PM
نرحب بالزوار الجدد
وأن شاء الله يفيدونك الأخوان

ارحب الله يحييك
وحياك


تبي تعالجهن ؟ دور قدر كاتم وجب زبده وحطها فالقدر وجب طماط وبصل وكشنه وحطهن وحط معاهن مويه وكب عليهن رز بعد 15 دقيقه تعال شفهن .

مسوي تنكت يعني

بعدين اول مره اشوف طبخ قميري مع زبده

شكلك تسمع بالطبخ :D

لاعاد تعودها


كسرها لن يجبر, بل الجرح سيعفن خلال يوم, وموتها مؤكد
ودمت بخير

فال الله ولا فالك
ودمت بخير


والله ياخوي يبي لها شغل ..

بالنسبة للجرح اذا هو بسيط ..يعني ما يعفن مع الوقت .. يمكن تعيش معك الطيور فترة

لكن بالنسبة لتزاوجها .. ما اعتقد انها تتزاوج .. وتأكد هل هي ذكر وأنث والا

مشكور ياخوي

والجرح لقيناله علاج البخاخ الازرق

وان شاءالله ننجح في اكثاره

وفي انتظار الاخوان لو كان لهم تعليقات
@قرناص@
19/04/2010, 10:46 PM
وعليكم السلام ورحمة الله وبركاااته ..

ياليت تزودنا بصور لمحميتك لو ماعليك امر .. والنتائج الي حصلت عليها ,,

اما عن القميري المصااب .. على حسب اصابته عميقه ام لا ..

الطيور تقدر تقف وتمشي ولا اصابتهم قويه ؟؟

عموما فيه خلطه اخذتها من شاايب وهي مفيده وجربتها على بعض الطيور المصاابه ونجحت والحمدلله ولالها اضرار

هات لك فنجاال .. وضع فيه زيت زيتون مع الكمون والملح وامسحها على الجرح والله يشفيهم ..

ارجو اني افدتك .. وعسى الله يوفقك يابعدي
الشقردي 999
20/04/2010, 11:12 PM
كلها قبل ما تموت عليك خخخ
طير آلفلآء
21/04/2010, 02:43 PM
ماشا الله
يمال الزين
بالف عافيه عليك
ابو مقعد511
21/04/2010, 09:01 PM
هلا بك اخوي
شف من ناحية الكسور اذا الكسر أصابته قويه وينزف
أظن تبا تعيش كم يوم وبعدها تموت....
اما اذا الكسر اصابته مو قويه وينزف قليل
ما لك الا البن والعويدي>(العويدي تلقاه عند العطار (مطحون).
ومن ناحية اكلها شعير ........
Cyber
22/04/2010, 07:56 AM
الله يعطيكم العافيه ياشباب ماقصرتوا

ابشركم القميري بحاله جيده والحمدلله


بالنسبه لافضل اكل للقميري

1 - حب الشمس
2- بذر البرسيم
3- القمح
4- بذر الجنجل
النياش
22/04/2010, 08:05 AM
ما شاااااااااااااااا الله تبارك الله .
لاتنسى (الدخن ) و ( الذرة البيضاء )

وبالنسبه للقماري اعتقد ومن خلال خبرتي انها( اناثي ) كلها الثنتين الذكر يجي لونه اغمق من كذا

وانا لو الاقي ذكر حي ارسلته لك .
Abu Saad
22/04/2010, 08:20 AM
شخصيا اشجع مثل هذه المحميات
ذكرني بعد عيد الفطر مباشرة وراح ادبر لك قمري سالم من الكسور ان شاء الله.
وتراها هدية وبالتوفيق لك وللمحمية
Cyber
22/04/2010, 08:42 AM
ما شاااااااااااااااا الله تبارك الله .
لاتنسى (الدخن ) و ( الذرة البيضاء )

وبالنسبه للقماري اعتقد ومن خلال خبرتي انها( اناثي ) كلها الثنتين الذكر يجي لونه اغمق من كذا

وانا لو الاقي ذكر حي ارسلته لك .

الذره زينه وخاصه السودانيه
وفعلا كلهن اناثي وحده صغيره والثانيه اكبر منها

واذا لقيت قميري متعافي احرص ترى نستقبل مانقول لا :D

والله يعطيك العافيه


شخصيا اشجع مثل هذه المحميات
ذكرني بعد عيد الفطر مباشرة وراح ادبر لك قمري سالم من الكسور ان شاء الله.
وتراها هدية وبالتوفيق لك وللمحمية

والله عندي ميول قويه لتربية الطيور المهاجره المشهوره
والحمدلله نجحت في بعضهن ومازالت تحت التجربه

وهديتك يالغالي مرورك يكفي

ويعطيك العافيه
المارد1
28/04/2010, 08:46 AM
بأذن الله يجبر الكسر ويتكاثرن عندك وبالنسبة للطعام نووع لهن من كل شي
رحال الجوف
28/04/2010, 05:06 PM
يقولك المثل اسئل مجرب ولا تسأل طبيب انا صارتلي نفس هسالفة
بس الجرح اكبر من هذا مكان الجرح بضهر يعني الطلقة شطفتها
شطف مع ظهرها وقلت حرام الوطها يمكن اعالجها وتضبط
وفعلن عالجتها وظبطة وصارة طير وتفر على كيفها وبأخر شئ
راحت ظحية بس (قطو):( وتم التعامل مع القطو اشنع معاملة:mad:
طريقة العلاج ( شبك عنكبوت ’ ودواء حمر (دواء عايشه) وتكوي الجرح
خفيف مره واحده قبل لا تحط شبك العنكبوت ودواء وانشاء الله تنجح اما عن
الكسر يالجناح ماعندي خلفيه ) بـــــــــــــــــاي:good: :good2:
الشنه
28/04/2010, 05:12 PM
سير على اي صيدليه بيطريه
وخذ مظاد حيوي
وعقم الجروح
ولو يحصل دواء لهم تحطه مع المويه ازين بعد
علوم قبايل
28/04/2010, 05:30 PM
انا دكتور بيطري تعال اعلاج بالش
_دربيل_999
28/04/2010, 06:19 PM
اخوي
ياليت تروح لطبيب بيطري وتأخذ الطيور معك
بيعطيك علاج مضاد التعفن ومطهرات

تحيني لك
حياتي البحر
30/04/2010, 03:03 AM
الله يبارك لك فيها