استفسار عن عطل في الفورد

[الشيخ دنحي]

عندي سيارة نوع فورد كراون فكتوريا موديل 2001 فيها مشكله من يوم شريتها من واحد طبعاً السيارة فيها ثقل حتى وهي واقفه لما تدوس على البنزين الدعسة ثقيلة لما تمشي كذلك لازم تدعس على البنزين عشان تمشي واحياناً فيه تقطيع واحياناً ما فيه عرضتها على ورش كثيرة لكن بدون حل غيرت كل شي كويلاات بواجي طرمبة بنزين ثلاجة حساس قربة حساس هواء وكذلك فحصت القير لايوجد به أي مشكلة آخر شي رحت لواحد في ورشة يمدحونه كثير وفحص السيارة ويقول أن العطل من الماكينة لازم توظيب .
ارجو ا المساعدة وشكراً.

[رفيع المقآم]

جابك الله تعال اصير لك مهندس يالغالي عندنا فورد ومافيه شي ماصلحته عشان القطعه والتفتفه واحيانا تطفي صوووح اسال مجرب انا كانت زي كذا تدري وش طلع منه هي الفورد اللي عندنا جتها صدمه واعدمت الظفيره وصارت ترسل كهرب غلط واحرقت الكمبيوتر السالفه تاااافه وما تكلف شي كلفتنا كلها كمبيوتر مع ظفيره 1700 يابلاش لو مركبها قبل لا اركب البواجي واسلاكها والطرمبه والحساس حق الهواء اللي يجي فوق المكينه والصفايه كان ماتكلفت ابي منك يالغالي تمر كهربائي فااااااااهم مره مره وقله يفحص لك الكمبيوترات والظفيره وشف راح تدعيلي واذا تبي اي شي تراني على الخاااااااااص حااااااظر
يسعدني اني اكون اول من رديت عليييييك وان شاء الله حليتها لك

[مآإآإآجد]

كلام اخوي منوتي صح 100 بالميه


ولكن موقعك ياغالي عشان نوصف لك كهربائي مضبووط


بالتوفيق عزيزي

[الشيخ دنحي]

اسعدني ردكم يعطيكم ألف عافية وأن شاء الله ابمر على كهربائي خبير ويفحص كمبيوتر السيارة وارد لكم الخبر السار أن شاء الله تقبلوا تحياتي
ملاحظة (( انا في مدينة تبوك ))

[الشيخ دنحي]

اشكرك أخوي منوتي الشاص كلام في محلة رحت لكهربائي ممتاز وطلع من الظفيرة الامامية اللي رايحة للقير والكويلات والحين الحمد لله كل شي تمام ألف شكر