سؤال للنشامى الكرام ..ملاك الفتك

[نيساني قديم]

ياجماعة الخير وانا اغير الزيت قام ابويمن يشيك على الموتر بطاريه وزيوت ووو المهم قالي انه موية الرديتر زايده عندك اقصد موية القربه يقول لازم تكون على النص وانا مااشوف فيه علامه واضحه تبين الحد الادنى والحد الاقصى ياليت من عنده علم يفيدنا الى وين نعبي المويه بالقربه بحيث مايكونه فيه ضغط على الرديتر؟؟ وجزاكم الله خير

[loogool]

وش نوع موترك

واللي اخبره يكون فيه علامة

[ساري 111]

الياباني اعتقد مافيه مشكله لو زاد لان الزايد له مخرج ..

والشباب يفيدوننا ان شاءالله

المشكله بالرنج والبي ام والمرسدس هو اللي لزاد فجر الرديتر

[نيساني قديم]

جزاكم الله خير ياجماعة الخير...الموتر فتك 2006

[محسن اليامي]

نيساني قديم إذا كنت تقصد المطاره اللي على يدك اليمين فهو صحيح ماتترسها :

أنا إذا رحت للوكاله أبدل دهن الموتر قالي الفلبيني ( هذا مافي ماي واجد ) :)

أهم شي إنك تشوف فيه ماي تحت

وصارلي ثلاث سنوات على ذالحال والحمدلله موتري موديل 2003

[sarab88]

اخوي القربه فيها خط معين توصل المويه فيه لاكن مافيه ضرر على الموتر المهم يكون الى نص القربه اريح لك وتقبلوووووووووووا مرورري:)

[نيساني قديم]

نيساني قديم إذا كنت تقصد المطاره اللي على يدك اليمين فهو صحيح ماتترسها :

أنا إذا رحت للوكاله أبدل دهن الموتر قالي الفلبيني ( هذا مافي ماي واجد ) :)

أهم شي إنك تشوف فيه ماي تحت

وصارلي ثلاث سنوات على ذالحال والحمدلله موتري موديل 2003

جزاك الله خير لااقصد القربه اللي جمب البطاريه ولاهنت على المرور ياخوي محسن

[قناص خلاوي]

الله لا يهينك اخوي على هالموضوع
الحين الفتك قربة الاديتر حقه مكانها حوسة ولا تشوف الماء وسطها ؟؟؟
فيه قربتين
اللي داخل الكبوت جنب المكينة ( قدام الراكب) هذي قربة الاديتر ومكانها حوسة ولا تدري وش كثر فيها من ماء ..
طيب اللي جنب الاديتر مرة من جهة السواق هذي وش سنعها ؟؟
هي للاديتر وتعبا ماء او حاطينها شكل :):)؟؟؟؟؟؟

[محسن اليامي]

جزاك الله خير لااقصد القربه اللي جمب البطاريه ولاهنت على المرور ياخوي محسن

الله يسلمك أخوي نيساني : أما القربه اللي عند البطاريه أنا أفولها إذا نقص الماء بشرط تكون السياره بارده وفترة الصباح وعلى ذالحال من ثلاث سنين:D

وأن شاءالله أنا عندي تبديلة زيت قريب وراح أسأل الوكاله ( الكويت )

[عاشقsgl-v]

هلا بك اخوي حياك الله

يا الغالي انا موتري فتك 2007 القربه الي جنب البطاريه هاذي لازم تكون فول ما عليك من كلام

بو يمن طبعا حتى الراديتر لازم يكون فول شيك عليهم وانت توك مشغل الموتر يعني قبل لا يسخن

الموتر بسرعه شغل وشيك على القربه والراديتر ,, اما القربه الي قدام في الواجهيه هذي يا طول

العمر والسلامه حق الرجيع او بمعنى اخر الماء الزائد يفضل ان يكون مستوى الماء فيها ثلث

تقريبا .

واحب اطمنك ان اثنين من ربعي عندهم فتكات وكلهم 2007 مستوى المويه عندهم مثل الي

قلته له

وازيدك من الشعر بيت ,, انا بنفسي ما ارتحت للشي هذا وجاني وسواس قلت ما فيه الا اروح

للوكاله وافتح لي كبوت فتك معروض بالصاله وطلع صحيح القربه الي جنب البطاريه والراديتر

فول والقربه الاماميه ثلث.

وهذا الي عندي والله اعلم

اسف على الاطاله

[نيساني قديم]

ياليت من يفيدنا جزاه الله خير بالعلم الوكاد ...

[عاشقsgl-v]

هلا بك اخوي نيساني قديم

الله يهديك كل هالكلام الي كتبته لك بالرد الي فوق ولا شي عجبك منه

على العموم اذا منت مقتنع من كلامي او ما جاز لك الله لا يهينك رح لم اقرب معرض وافتح لك

كبوت فتك وشيك براحتك وشف كلامي صح او لا

والسلام خير الختام

[نيساني قديم]

هلا بك اخوي نيساني قديم

الله يهديك كل هالكلام الي كتبته لك بالرد الي فوق ولا شي عجبك منه

على العموم اذا منت مقتنع من كلامي او ما جاز لك الله لا يهينك رح لم اقرب معرض وافتح لك

كبوت فتك وشيك براحتك وشف كلامي صح او لا

والسلام خير الختام

لايالغالي كلامك على العين والراس لكني اعرف واحد موتره فاكه وكاله والمويه بالقربه على النص من شراه والواحد الحين محتار فقط لاغير ومشكور يابعدي على المشاركه