المساعد الشخصي الرقمي

مشاهدة النسخة كاملة : من عنده خبره في الباثفندر 2005


أمير بكلمتيS
19/04/2010, 06:48 PM
السلام عليكم

اخواني : انا عندي مشكله في الباثفندر انا توني موضب السياره مالها اسبوع

ومشيت عليها 100 وارتفعت H اول مره اشوفها ترتفع ويوم فتحت الكبوت
لقيت الاديتر يدخن ويوم فتحت غطاء الاديتر لقيت ما فيه قطره وحده
وعبيته مووووويه لين امتلا طبعآ مويه عاديه :"

المهم هل يحتاج اغير المويه واحط مويت اديتر

وهل افحص المكينه ولآ ماهو لآزم ؟؟؟


يا ليت تنصحوني
اسدهم
19/04/2010, 07:34 PM
مجرد تشييك فقط
1الرس الخراطيش
ليش نقصت الموية ابحث عن تسرب الماء
ارجع للمكنيكي الي سوالك توضيب ونشدة عن الراس
بواردي الدلم
19/04/2010, 07:43 PM
الظاهر إن الميكانيكي نسى تعبئة المويه في رديترك لذلك يتحمل اي خراب يصير لموترك

الشيء الثاني نصيحة مجرب بع الموتر وكل من سألك الموتر فيه شيء قل ايه توني موضب مكينته وماعليك بيجيب الله زبونه أزين من ان الله يعاقبك

ملاحظه: لاتفهم من كلامي اني اتهم ذمتك ومصداقيتك , لا والله مجرد نصيحة فقط لاغير
أمير بكلمتيS
19/04/2010, 11:08 PM
جزآكم الله خير
بيض الله وجيهكم

وانا اخوك وش دعووه يعني ماني قايله انه موضوب
واذا توضب خير يا طير
ما يهمني اهم شي الله يبارك لي في السعر الي بيجيبه لي
وشكرآ لكم
سوبر VTC
20/04/2010, 02:09 AM
حياك اخوي عزيز
و نتشرف بوجودك
تفيد و تستفيد :good:
و عندك خيمة رابطة ملاك السيارات
رابطة ملاك الباثفندر :good:

المفروض اللي وضب موترك يشيك على الموتر
بحكم انه على ضمانته
الا اذا كان الخطا منك مثلا
قال لك لازم تغير الاديتر لانه تعبان او متسدد او يهرب
او اي مشكلة اخرى

وين موقعك ؟
ان بغيت
توجد ورش متخصصة بالرياض و بريدة

الرجال نيته طيبة :good:
يوم يقول لك بع الموتر
لانه فيه بعض الاشخاص معه باثفندر
وضبوا مرتين و لا نجح الموتر
الحل الوحيد تركيب مكينة يابانية من التشليح ما فكت :good2:
راكبه تقريبا ب7000الاف
لكن نقول ان شاء الله ان المكينة سلمت

ضع في اعتبارك اذا احتمت المكينة
فهناك عدة احتمالات
ينشعر الراس و يخلط الماء مع الزيت و يخبط
او
يقوس الراس
او تدور سبايك المكينة
او تجيم


موفق
أمير بكلمتيS
20/04/2010, 03:27 PM
لآ حول ولا قوة الا با لله

اخوي انا توني شاري السياره مالها 4 اشهر
وما فيها شي
وفجآه طلع صوت في الشكمان
الصوت كني مركب شكمان جمس
وربي حسيت اني في سباق رالي ههههههه
ويوم شافو الموتر قالو مكينت موترك يبيلها توضيب
ويوم وضبتها قعد معي 6 ايام با الضبط
وارتفعت الحراره الى اتش
ويوم فتحت الاديتر لقبته فاضي
وعبيت مويه ورجعت الحراره الى الربع
وانا الحين في الرياض وبكره بسافر
تكفون وش اسوي افحص السياره
ولا اروح للورشه الي وضبته
ويشيكون عليه ؟؟
سوبر VTC
20/04/2010, 03:32 PM
لآ حول ولا قوة الا با لله



اجر و عافية اخوي
و على الاجر ان شاء الله
تكفير ذنوب
هل انت متاكد انهم فكوا المكينة ؟ :)
عموما عندك ورشة الثنيان ابو ابراهيم تخصص باثفندر
بصناعية الدائري الجنوبي
اتمنى لك التوفيق
أمير بكلمتيS
20/04/2010, 08:46 PM
الله يجزاك الف خير
وبيض الله وجهك
تنحط على الرأس يا الغالي