المساعد الشخصي الرقمي

مشاهدة النسخة كاملة : طبات الباترول


tiger0018
19/04/2010, 11:10 PM
السلام عليكم يامكشاتية عندي طبات الباترول موديل91 فيها تهريب قالولي الورشة شغل يد 1200 ريال لانه لازم ننزل الماكينه هل يوجد طريقه غير تنزيل المكينة وهل كلام الورشة صحيح واذا تخبرون واحد بالشرقية يضبطها بأقل من التكلفة هذي تدلونا عليه الله يجزاكم الجنة
راعي جيوب
19/04/2010, 11:18 PM
السلام عليكم أخي الكريم بالنسبه للسعر هذا سعر غالي بالحيل حشى وش بيسوي ذا الميكانيكي دور غيره وإذا أنت بالرياض أعرف لك واحد إن شاء الله ماهوب غالي إذا تبي أعطيك رقمه أرسلي على الخاص وأبشر بالخير
tiger0018
19/04/2010, 11:29 PM
بارك الله فيك ياراعي الجيوب لكن للاسف انا بالشرقية ديرة الغلا كل شيء نار عسى الله يعين وناخوك
الخفاره
20/04/2010, 01:26 AM
شغل يد المكانيكي في توظيب النيسان عندنا فالكويت 1000 ريال
بس ماعرفت وش تقصد بالطبات
سوبر VTC
20/04/2010, 02:42 AM
شغل يد المكانيكي في توظيب النيسان عندنا فالكويت 1000 ريال
بس ماعرفت وش تقصد بالطبات



هذي الطبات عليه رقم 1 و 2 باول صورة



كنا في الطريق نقف عند كل محطة وبقالة نريد بطاريات للكاميرا، ولكن لايوجد إلا النوع الرديء، اشتريناها (احتياطاً) وقلنا نجربها ولكن من أول فلاش ( البطارية ضعيفة :confused: ) ولكن كان معنا بطاريات أصلية تفي بالحاجة المتوقعة ولكن فقط احتياط، في صباح يوم الخميس توجهنا إلى وادي لجب مباشرة، وكان الجو فيه شيء من الركود، وفي أول مدخل منطقة الوادي، فجأة ارتفعت الحرارة إلى النصف !! وقفنا على المدخل ومجرد مافتحت الكبوت إلا وكل دقيقة توقف سيارة من أهالي المنطقة، سلامات؟ محتاجين شي؟ ناقصكم حاجة، معكم ماء؟ والله يمكن أكثر من 15 سيارة، كل شوي موقف واحد، بيض الله وجيههم، طبعاً كانت المشكلة (طبة الماء) ولكن في البداية ماكنا ندري من وين يطلع الماء! لأنه كان يطلع بقوة وحار، هدأت الأمور وكان الماء يطلع من حول المكينة ولاقدرنا نحدد مكان خروج الماء بالضبط، حتى أدخلنا (الكاميرا) بتصوير (الماكرو) وحددت لنا المكان
http://www.mekshat.com/vb/../pix/upload03/images129/mk8796_ra33ad-10.jpg
والحقيقة الحركة هذي افادتنا لأننا لما تأكدنا من أنها الطبة، سألنا واحد من اللي وقفوا عن قطع غيار النيسان، فدلنا على صناعية وقطع غيار أصلية على طريق جيزان (30 كيلو من مكاننا) عبينا السيارة ماء، ورجعنا مع طريقنا وكل عشرة كيلو نعبي ماء، حتى وصلنا الصناعية وغيرنا الطبة وبعد تغييرها طلعت مشكلة ثانية وهي خرطوش الماء اللي جنب الطبة فيه تهريب قلت غيره، وجلسنا حوالي ثلاث ساعات بالصناعية، ونصحني عامل الورشة بأن يكون معنا (سدة) وهي عبارة عن علبة صغيرة فيها بودرة خاصة بإغلاق الفتحات في المكينة والراديتر عند الطوارئ لاسمح الله، واشتريتها من الصناعية بـ5ريال!!، وبعدها تحركنا على بركة الله إلى وادي لجب.
http://www.mekshat.com/vb/../pix/upload03/images129/mk8796_ra33ad-11.jpg


http://www.mekshat.com/pix/upload04/images160/mk53291_mmmmmooo.jpg


http://www.mekshat.com/pix/upload04/images160/mk53291_mmmmmonjko.jpg
سوبر VTC
20/04/2010, 02:47 AM
اخوي تايقر
عندنا ببريدة
اذا كان الطبة اللي بين القير و المكينة تهرب
فلازم ينزل القير و تكلف عندنا شغل يد ب300ريال فقط
لكن
الطبات اللي بنفس السلندر مع الجوانب
ماعندي خبر اكيد هلا يجب تنزيل المكان ام لا ؟؟؟
تصوري 99% لا يلزم التنزيل

وين مكان التهريب بالضبط ؟
هل انت متاكد انه طبة ؟؟؟
ممكن يكون من ليات الثلاجه او الدفاية الداخلية
او
تهريب طرمبة ماء من عند تامين الطرمبة

موفق
sarab88
20/04/2010, 09:03 AM
شف اما مع شغل اليد 1200يبطي عظم لاكن اعرف واحد من ربعي صلحهن كلهن ورفع المكينه شوي مع شغل اليد 600
صلفان.نجد
20/04/2010, 09:46 AM
خذ معك الغراء البارد (المخلوط الاسود والابيض) وان كان يّدك توصل للطبه عليك بصنفرة الطبه وتنظيفها من الماء واي عمله معدنيه معك ادهنها بالغراء وركبها على الطبه وان شاء الله ماراح تندم لاني مسويها في المقناص لها سنتين وناسيها الى الان.
Fahad saleh
20/04/2010, 10:21 AM
حبيب قلبي الموتر موديله 91 لازم تغيير الطبات كلهن لو غيرت اللي تهرب اليوم بعد فترة تهرب عليك وحده ثانيه وانت ماشي , بعدين اذا غيرتهن راح تحصل بعضهن مهربات وصايمات من حالهن خصوصا الصغار منهن, اريح طريقة انك تغييرهن وترتاح من غثاهن .
بالنسبة لتكلفة وفيها من 600 وفيها ولازم تنزل المكينة , شكلك خايف من تنزيل المكينة.
لاتنزل المكينة الا عند واحد فنان .
اشتر راحتك .....
بالتوفيق.
سوبر VTC
20/04/2010, 02:28 PM
خذ معك الغراء البارد (المخلوط الاسود والابيض) وان كان يّدك توصل للطبه عليك بصنفرة الطبه وتنظيفها من الماء واي عمله معدنيه معك ادهنها بالغراء وركبها على الطبه وان شاء الله ماراح تندم لاني مسويها في المقناص لها سنتين وناسيها الى الان.



مثل ما قال اخوي صلفان نجد
نظف الرقعة او الطبة بصنفرة
ثم اغسله ببنزين
و حط عصار مخلوط الامريكي ب5ريال الاصلي
وحده بوحده :good2:
اذا كل الطبات تعبانه و مصدي فهي ماتحارش
لو تبي تنظفه احتمال تنشق و تهرب زود
غالبا اللي بين القير و المكينة تكون مخثرة تعبانه
و قد سبب مشكلة لاحد الربع بنفود عرق المظهور
من وجهة نظري اذا كانت راعي سفر او بر او كان الموتر يعز عليك
نزل القير و غير الطبة بالاضافة الى جميع طبات السلندر
موفق
tiger0018
20/04/2010, 04:20 PM
خواني سوبر VTC (http://www.mekshat.com/vb/member.php?u=53291) \ Fahad saleh (http://www.mekshat.com/vb/member.php?u=72680) http://www.mekshat.com/vb/images/statusicon/user_offline.gif
sarab88 (http://www.mekshat.com/vb/member.php?u=157531)


صلفان.نجد (http://www.mekshat.com/vb/member.php?u=49812) الخفاره (http://www.mekshat.com/vb/member.php?u=126156)

عسى الله يوفقكم لقيت واحد ب700 ريال بيغيرهم كلهم الله لايهينكم وما قصرتو
الخفاره
22/04/2010, 01:17 AM
فيه طبات داخل قاعده فلتر الزيت الرصاصيه اللي يركب عليها الفلتر لازم تبدلها لان لو هربت تدخل على الزيت ماء