كيف اعرف ان العداد مفصول

[مـدحـدر]

السلام عليكم

يا جماعة الخير حصلت سيارة موديل 2008 واشك ان العداد مفصول

هل يوجد طريقة لمعرفة انه كان مفصول والا لا

وسلامتكم

[نايف الكشات]

مستحيل تعرف حتى عن طريق الوكاله
انا شريت لكزس ماشيه 90 الف شريتها من المعرض وبعد فترة اسبوع حصل بالسياره عطل واستفسرت عن اسم المالك قبل المعرض واخذت رقمه وسألته عن السياره وقلت السياره مامشت واجد قال كم قلت 90 الف فقط
قال والله العظيم اني ماشي عليها اكثر من ثلاثمائة الف والمعرض مصفرها الحرامي ونويت اشكتي المعرض اللي غشني ورحت للوكاله وقلت ابغاكم تثبتون لي ممشى السياره الحقيقي قالوا والله مستحيل لو نوديها للمصنع مايبان ممشاها الا عن طريق العداد الموجود والارقام المكتوبه بس
هذا اللي حصل معي السنة الماضية

[sarab88]

طيب وش نوع السياره لاهنت

[برايدوي عنيد]

السلام عليكم اخووي.....

ممكن تدري هل ممشاه تقريبا حول الطبيعي سواء كان شوي او كثير

يتبن لك من القطع الاستهلاكيه بالسياره مثل الفحمات والمساعدات

ومسامير التوازن وتماسك السياره ورسواتها .

والموتر النظيف بين من وقفته وسواقته.

تقبل مروري......

[راع الحيزى]

قبل كل شي خذ لك نظره عامة على السيارة...اذا كانت حالتها رثه وممشاها قليل فهذا احد الأدلة على فصل العداد. وبعدين طالع وجهية السيارة اذا مرمله بعد يكون دليل على فصل العداد. ولكن بعض المواتر الجدد يلبسونها طبقة بلاستك لحماية وجهية السيارة...في هذه الحالة مالك إلا تشييك على اللوحه وتشوفها اذا فيها ترميل... ترى بعض الغشاشين يبدل اللوحة الي قدام ويحطها ورى ...فيبيلك تشييك على كل اللوحتين. اذا ماتبين لك شي ...حاول تشوف حالة عضلات السيارة العامة. ومنها ايضا الصاجات والقطع المعدنية الي حوالين القزوز ....اذا كان راعي دعس وخطوط يبين عليها وتكون كأنها محترقة...نهاية طرف الشكمان قد يعطيك دلالة اذا كان موديل السيارة حديث ماعدا التويوتا لأنه عادة في التويوتا تكون نسبة الكربون اعلى شوي.
هذي بعض التشييكات الي ممكن تعطيك تقرير بسيط عن السيارة ...ولكنها ليست اكيدة وتختلف من سيارة لأخرى.

الله يوفقك للخير ويرزقك بسيارة ممشاها قليل وطبلونها ماهو مفصول ... ولا اقول ...الله يرزقك بسيارة جديدة على يدك ان شاء الله

[الكراسيده]

أولاً: السلام عليكم ورحمة الله وبركاته
ثانياً:الله يبارك لك فيها ويعطيك خيرها ويصرف عنك شرها
ثالثاً:من المستحيل أنك تعرف كم ماشيه السياره ونصيحه لاتتعب نفسك على هذا الموضوع
لك تحياتي

[ن م ر]

1- خذ رقم لوحتها ورح للوكاله واسأل عن صيانات السياره وكم كان العداد وقت الصيانه
وقارنها مع العداد الحالي وهل كان تسلسل العداد مع الصيانات منطقي ؟
2- اسأل مالكها الحالي وحطها في ذمته ان كان مشى كيلو واحد مفصول
3- شف حالة الكفرات والجنوط ومثل ما قالوا الاخوان شف حالة القزوز والشكمان
4- القير والدركسون فيها فضاوه أو لا ؟
5- فحص السياره بشكل جيد يبين عيوب السياره بغض النظر عن العداد
6- والأهم هو الاستخاره

اتمنى لك التوفيق

[سوبر VTC]

يبين الموتر من خلال اسفله
مثل نظرة الشاصي و نظافته
المراتب و الديكور الداخلي
ربلات الركب و ربلات الكمر
نظرة البدي + الصدامات
شكل الدفرنسات

[بدوي جنوبي]

صعب صعب تعرف

[أطلال نجد]

وعليكم السلام ورحمة الله وبركاته
كل شي يبان يا عزيزي
رح لوكالة لكزس بالرياض
يطلعون لك ممشاها الحقيقي عن طريق كمبيوتر السيارة ولا تنسى تأخذ برنت مفصل بالشيء هذا ومختوم وموقع من الشركة لو تقدر
الكمبيوتر لا يكذب
وعلمنا وش راح يصير معك

[مـدحـدر]

الله يجزاكم خير

بعد ما امعنت بالسيارة واخذت بنصايحكم

اتضح لي ان السيارة عدادها مفصول سألت صاحبها فقال ان لست المالك الاول ولا علم لدي

وتركتها


ومازال البحث جاري عن جمس او شفر او فورد او دوج حوض غمارة ونص دبل

والله يجراكم خير جميعاً

[مـدحـدر]

وعليكم السلام ورحمة الله وبركاته
كل شي يبان يا عزيزي
رح لوكالة لكزس بالرياض
يطلعون لك ممشاها الحقيقي عن طريق كمبيوتر السيارة ولا تنسى تأخذ برنت مفصل بالشيء هذا ومختوم وموقع من الشركة لو تقدر
الكمبيوتر لا يكذب
وعلمنا وش راح يصير معك


هلا بـ اطلال نجد العذية

فية فرع معين والا اي فرع لكزس

وهل يستقبلون اي سيارة حتى لو هي مو لكزس

[MZON 01]

وعليكم السلام ورحمة الله وبركاته
كل شي يبان يا عزيزي
رح لوكالة لكزس بالرياض
يطلعون لك ممشاها الحقيقي عن طريق كمبيوتر السيارة ولا تنسى تأخذ برنت مفصل بالشيء هذا ومختوم وموقع من الشركة لو تقدر
الكمبيوتر لا يكذب
وعلمنا وش راح يصير معك

هذ هو اخوى الحل الامثل :

اشترى شخص سيارة من معرض لكزس على انها ماشيه 33 الف فقط باكثر من 150000 الف .

وداها للوكاله علشان التشييك . وجد العجب انها ماشيه اكثر من 200000 الف كيلو

طبع البرنت ذهب للمرور للشكوى ارسلوه لشيخ المعارض ارسل بطلب صاحب المعرض وقدم في الحال ( برر ان لم يعلم بالامر وربما يكون صادقا ان الخطا من المورد او المالك السابق او تم تغيير الشاشه كامله بعد حادث اوغيره من التشليح)

المهم اعيد له فرق المبلغ من صاحب المعرض ) وشكر شيخ المعارض لان الشكوى انتهت بسهوله لم يكن يتوقعها.

ومن غشنا فليس منا . صدق الرسول الكريم..

[الباثفندر 3.5]

الله لا يبارك بالغشاشين المحتالين

[قطب 999]

اضافه لما ذكره الاخوان ممكن تشيك كم تم تسجيل العداد في الفحص الدوري في السنوات السابقه

[قناص*07]

ومن العلامات
شيك على الطاره وعصى القير ويد باب السواق
فهي ايضا تدلك على كثر الاستخدام

[دوت كوم1010]

قال لي واحد ان عصا عداد السرعه اللي في الطبلون لا مشت السياره و كان يرج معناه كان مفصول
للسيارات اللي عدادها عادي

[ع و ن]

قال لي واحد ان عصا عداد السرعه اللي في الطبلون لا مشت السياره و كان يرج معناه كان مفصول
للسيارات اللي عدادها عادي



سلامتك يا الغالي .. أنا كان معي هايلكس مطلعها على يدي من الوكالة يرّج مؤشر عداد السرعة فيها و أنا ما عمري فصلت العداد أبداُ .

بس علشان أكون معك واضح .. ما بدأت رجة مؤشر العداد إلا بعد حوالي 200 ألف كلم + خمس صدمات في وجة الموتر .

و أخوي راعي الموضوع اللي يسأل عن كيف يعرف الموتر المفصول من اللي مو مفصول :

اللي عرفته من بعض الشريطية إنهم يفحصون المكينة فحص كمبيوتر و يشوفون كم استهلكت من عمرها الإفتراضي .. و تطلع لهم على شكل نسب مئوية .. بعضها استهلكت 10% .. و البعض مثلاً استهلكت مكينته 60 % من عمرها الإفتراضي ... إلخ .

و طبعاً كل ما قلت النسبة المئوية كل ما كان دليل إن الموتر ما مشى و العكس صحيح .

أرجو إني أفدتك .. و آسف على الإطالة

في أمان الله

[ع و ن]

قال لي واحد ان عصا عداد السرعه اللي في الطبلون لا مشت السياره و كان يرج معناه كان مفصول
للسيارات اللي عدادها عادي



سلامتك يا الغالي .. أنا كان معي هايلكس مطلعها على يدي من الوكالة يرّج مؤشر عداد السرعة فيها و أنا ما عمري فصلت العداد أبداُ .

بس علشان أكون معك واضح .. ما بدأت رجة مؤشر العداد إلا بعد حوالي 200 ألف كلم + خمس صدمات في وجة الموتر .

و أخوي راعي الموضوع اللي يسأل عن كيف يعرف الموتر المفصول من اللي مو مفصول :

اللي عرفته من بعض الشريطية إنهم يفحصون المكينة فحص كمبيوتر و يشوفون كم استهلكت من عمرها الإفتراضي .. و تطلع لهم على شكل نسب مئوية .. بعضها استهلكت 10% .. و البعض مثلاً استهلكت مكينته 60 % من عمرها الإفتراضي ... إلخ .

و طبعاً كل ما قلت النسبة المئوية كل ما كان دليل إن الموتر ما مشى و العكس صحيح .

أرجو إني أفدتك .. و آسف على الإطالة

في أمان الله

[ع و ن]

قال لي واحد ان عصا عداد السرعه اللي في الطبلون لا مشت السياره و كان يرج معناه كان مفصول
للسيارات اللي عدادها عادي



سلامتك يا الغالي .. أنا كان معي هايلكس مطلعها على يدي من الوكالة يرّج مؤشر عداد السرعة فيها و أنا ما عمري فصلت العداد أبداُ .

بس علشان أكون معك واضح .. ما بدأت رجة مؤشر العداد إلا بعد حوالي 200 ألف كلم + خمس صدمات في وجة الموتر .

و أخوي راعي الموضوع اللي يسأل عن كيف يعرف الموتر المفصول من اللي مو مفصول :

اللي عرفته من بعض الشريطية إنهم يفحصون المكينة فحص كمبيوتر و يشوفون كم استهلكت من عمرها الإفتراضي .. و تطلع لهم على شكل نسب مئوية .. بعضها استهلكت 10% .. و البعض مثلاً استهلكت مكينته 60 % من عمرها الإفتراضي ... إلخ .

و طبعاً كل ما قلت النسبة المئوية كل ما كان دليل إن الموتر ما مشى و العكس صحيح .

أرجو إني أفدتك .. و آسف على الإطالة

في أمان الله

[دوت كوم1010]

انا ما قلت شيئ خطا علشان تقتبس ردي ثلاث مرات وترد عليه هو مجرد مشاركه ممكن يكون فيها فايده خذها وإلا قطها بالبحر
دمتم بوووووووووود للجمييييييييييييييييع

[moooj]

انا ما قلت شيئ خطا علشان تقتبس ردي ثلاث مرات وترد عليه هو مجرد مشاركه ممكن يكون فيها فايده خذها وإلا قطها بالبحر
دمتم بوووووووووود للجمييييييييييييييييع
هههههههههههه
ترا تصير معاي احيانا بسبب (جودة وسرعة النت عندنا):good2:
يعني ترسل الرد يطلع لك error بينما الرد تم ارساله وانت ما تزال تحاول ترسل
بالتوفيق

[ع و ن]

والله ما كان قصدي أرسل الرد ثلاث مرات .. كان النت يقّطع عندنا ذاك اليوم و صار بالشكل هذا .

و إلا رح و شف مشاركاتي و ردودي على الأعضاء .. و تعرف شلون أرد عليهم .

بالعربي >>>> التكرير كان ليس مقصووووووووود .

في أمان الله .