أبي رأيكم عن اعطال دبل الجمس ؟

[طائي الجبل]

أخواني المكشاتيين - - المحترمين
أبي رأيكم
عندي جمس صالون موديل 95 حجم 2500 دفرنسين سعودي من شريته ما أستفدت من دبلة صلحتة ثلاث مرات
وقال المهندس أحسن لك أفصله هذا عيب من الشركة جربت قبل مدة فصلته وأستخدمتة أكثر من ثمان شهور بدون دبل وارتحت ولكن أنا راعي بر أحيانا أحتاج الدبل وصلحتة قبل مدة وخرب بعد يومين 0
والسيارة كل محركاتها شغاله وبحالة ممتاز ماشاء الله الاهالدبل
وش رايكم هل له اصلاح معين أو أطيع رأي المهندس وأفصله علما أنه مهندس راعي خبرة بقيرات التماتيك0
وهذي صورته
http://up.foraten.net/uploads/0bd4f27a21.jpg (http://up.foraten.net)

http://up.foraten.net/uploads/95feb09314.jpg (http://up.foraten.net)

تقبلوا أطيب سلامي ؛؛؛

[لن أمل من العطاء]

حياك الله اخوي

حدد اش العطل بالضبط

لمن تعشق الدبل اش يصير اوصف الي يصير بالضبط

وبالعكس هذا الموديل من افضل الموديلات
واقلها خرابات

[ن م ر]

احد الشباب عنده نفس موترك ونفس موديله ودايم يخرب عنده سلك له علاقه بالدبل



نصيحه خل هالموتر للخطوط واشتر لك جيب لأن الجموس ما تصلح للبران ودبلها دبلت تسبد
حتى الموديلات الجدد ما سلمت من عيوب الدبل

[بدوي جنوبي]

بالعكس الدبل الارضى افضل من الكهربانى

انت وضح ايش عندك مشكل

[طائي الجبل]

حياك الله اخوي

حدد اش العطل بالضبط

لمن تعشق الدبل اش يصير اوصف الي يصير بالضبط

وبالعكس هذا الموديل من افضل الموديلات
واقلها خرابات
أخوي أمل العطاء
المشكلة اللي تحصل لما يغرز أعشق الدبل مايدور الكفر الأمامي وودتدور الكفرات الخلفية فقط ويغرزكأنه بدون دبل سواءء بالثقيل أو الخفيف 0
شاكر ومقدر لك

[طائي الجبل]

احد الشباب عنده نفس موترك ونفس موديله ودايم يخرب عنده سلك له علاقه بالدبل
نصيحه خل هالموتر للخطوط واشتر لك جيب لأن الجموس ما تصلح للبران ودبلها دبلت تسبد
حتى الموديلات الجدد ما سلمت من عيوب الدبل
أخوي نمر
الدبل عندي عادي ماهوكهرباء( يدوي) الغريب فيه موديلات ثانية ماشية من أحسن شيء 93 و98 ما حصل معهم مثل هذة الخرابات

ونصيحتك زينة كان عندي جيب ونعم الخوي بعته لأنه صغير على العائله وتوهقت قلت هذا دبل ويأخذ حمل الجيب مرتين لكن خذلني بكثر خراب الدبل فقط والا مع الخط خذ ولد

شاكرا ومقدر لك

[طائي الجبل]

بالعكس الدبل الارضى افضل من الكهربانى

انت وضح ايش عندك مشكل
بدوي جنوبي

أخوي مشكلتي اذاغرز يصير الدفع على الدفرنس الخلفي رغم أن الدبل معشق يصيركأنه بدون دبل
أودية المهندس وهو مهندس معروف ويصلحة لي ومع أو تغريزة يحصل مثل المشكلة اللي قبله
والمصيبه بعض الأحيان يفصل القير التماتيك عندي كله بسبب قير الدبل
شاكرا ومقدر لك

[طائي الجبل]

هونت الجمس للبيع
الدبل مايشتغل والباقي على الفحص
السيارة بحالة ممتازة مكينة وقيرمايحتاج ماشاء الله كلها مافكت وعلى الفحص
والبدي خالي من أي سمكرة على الشرط وكل محركاته وتجهيزاته الداخلية شغاله
استمارة مطوفة سنه ونصف والتجديد على حسابي

[plyaaa]

[QUOTE]يا حبيبي انا عندي نفس الجمس المشكله من الدفنس الامامي انا صارت لي والي عليك تغير الكلتش حق لدفرنس حاول تسوي هذي الحركه ارفع السيار من الخلف وعشق الدبل تلحض ان العامود الي داخل الدفرنس الامامي يدور بس الكفارات ماتدور . في قطعه يسمونه الكلتش (الدفلك) تجي على يمين الكارونه سعره في الكاله 600 لقيته في التشاليح 200 وركبته والموتر على كيفك

[سوبر VTC]

عندنا في بريدة
راعي ورشة سليمان العثمان دكتور قيور و دبلات و دفرنسات

و يضمن شغله ان بغيت رقمه تكلمه علمن

[لن أمل من العطاء]

مبدأيا سويتش الدبل
اقل سعر تجده 450 ريال عند بالبيد هو اللي يخرب عندك

كانت عندي نفس المشكله في يوكون 95
قبلها تاكد ان الكهرب واصله الى عند السويتش هذا اللي ذكره اخوي في الرد قبلي

[طائي الجبل]

[quote]يا حبيبي انا عندي نفس الجمس المشكله من الدفنس الامامي انا صارت لي والي عليك تغير الكلتش حق لدفرنس حاول تسوي هذي الحركه ارفع السيار من الخلف وعشق الدبل تلحض ان العامود الي داخل الدفرنس الامامي يدور بس الكفارات ماتدور . في قطعه يسمونه الكلتش (الدفلك) تجي على يمين الكارونه سعره في الكاله 600 لقيته في التشاليح 200 وركبته والموتر على كيفك
الله يجزاك خير أخوي
أبي أجرب طريقتك
شاكر ومقدر لك

[طائي الجبل]

عندنا في بريدة
راعي ورشة سليمان العثمان دكتور قيور و دبلات و دفرنسات

و يضمن شغله ان بغيت رقمه تكلمه علمن







سوبر
الله يجزاك الخير لو تكرمت أبي رقمه لعل وعسى أن أجد الحل عنده
شاكر ومقدر لك

[طائي الجبل]

مبدأيا سويتش الدبل
اقل سعر تجده 450 ريال عند بالبيد هو اللي يخرب عندك

كانت عندي نفس المشكله في يوكون 95
قبلها تاكد ان الكهرب واصله الى عند السويتش هذا اللي ذكره اخوي في الرد قبلي
أخوي أمل من العطاء
الدبل قير عادي وليس زر (سويتش) 95 يجي دبله قير ارضي عادي كما في الصورة

شاكر ومقدر لك

[سوبر VTC]

وياك
لاهنت
لك رسالة على الخاص

[لن أمل من العطاء]

انا اقصد السويتش الذي في الكرونه الامامية اي في الدفرنس
وليس المقصود الازرار

الدبل سواء كان عصا ارضيه او ازرار يجب انه يكون موجود سويتش الدفرنس

وهو اللي يكون في الغالب عطلان

[طائي الجبل]

وياك
لاهنت
لك رسالة على الخاص

الأخ سوبر
أشكرك أخي الكريم
ماقصرت والله الرجال وضحلي نوع الخراب وقال جيبه لي ببريدة وكلامه منطقي
ولا يهون كل الأخوة المشاركين جزاهم الله خير ماقصروا
أكرر شكري لك أخي سوبر

[طائي الجبل]

انا اقصد السويتش الذي في الكرونه الامامية اي في الدفرنس
وليس المقصود الازرار

الدبل سواء كان عصا ارضيه او ازرار يجب انه يكون موجود سويتش الدفرنس

وهو اللي يكون في الغالب عطلان
أخوي لن أمل من العطاء
أشكرك أخوي وهذي هي أحدى المشاكل فعلا ولكن وجدت الحل عنما أتصلت بأحد المهندسين ببريدة عن طريق الأخ سوبر جزاه الله خير أنت واياه وكل الأخوة الذين ماقصروا معي
تقبل أطيب سلامي

[ابوعقل]

طيب علمنا وش المشكله وشلون حليته؟؟؟

اذا ما عليك امر يالشمالي

نبي تفاصيل علشان نستفيد من تجربتك

[لن أمل من العطاء]

بدون امر
قلنا اش الحل وكيف تم
وكم كلف
وتوصياتك

والا كان الحل مبدأيا على الهاتف لحين وصولك الى الورشه

[طائي الجبل]

طيب علمنا وش المشكله وشلون حليته؟؟؟

اذا ما عليك امر يالشمالي

نبي تفاصيل علشان نستفيد من تجربتك
أبشر أخوي أبو عقل
اتصلت على المهندس اللي ببريدة وأخبرتة بما حصل معي بالدبل
ـــ وقال فيه حساس بجنب الدفرنس الأمامي لازم يكون يعمل مع حركة تشغيل الدبل
وأتضح لي أن المهندس اللي خرب علي الدبل مايعرف شيء عن هذا الحساسولمبته اللي باطبلون طافية

ـــ وذكر لي اذا القير يفصل عندك وانت تمشي هذا سبب عدم تركيب التروس بالشكل الصحيح وهذا مايجعل القير يفصل عندك وهذا ماحصل عندي بالفعل

المهم المهندس قالي جيبه لي ببريدة ويكلفك مع الفك تقريبا من الألفين وخمس وأزود

علما أني فصلت الدبل الآن وأخرجت عدتة ووضعتها بكرتون والسيارة مايحتاج رجعت مثل أول بدون عواكيس وخرابات لكن بدون دبل
هذي التفاصيل وأنا أخوكم ولازلت أنتظر رأيكم

[طائي الجبل]

بدون امر
قلنا اش الحل وكيف تم
وكم كلف
وتوصياتك

والا كان الحل مبدأيا على الهاتف لحين وصولك الى الورشه
أخي العزي هذة التفاصيل كما ذكرتها للأخ أبو عقل
شاكر ومقدر أهتمامك

[ابوعقل]

ما قصرت يالشمالي

والحل طال عمرك خذ دبل مستعمل من التشليح

واذا تعرف احد بالكويت عندهم ارخص من اللي عندنا