مشاهدة النسخة كاملة : عيار الزيت يلعب
ما معنى أن مقياس عيار الزيت داخل السياره يلعب
فمره يكون في الوسط وهذا طبيعي ومره يكون
يتعدى الوسط بتجاه H ومره ينزل عن الوسط
بنسبه بسيطه جداً السياره لند كروزر GXR
مدري علامي
20/04/2010, 11:57 AM
يمكن تشيك طرمبة الزيت احتمال ضخها للزيت ضعيف
هذي مشكله واجهتني في يوكن
سوبر VTC
20/04/2010, 02:23 PM
لازم توضح بالتفصيل الممل :)
الموتر اذا كان واقف
طبيعي ان الانبير يكون على الثلث بمعنى تحت النص
اذا دست بنزين يرتفع الانبير فوق النص
اهم نقطة عندك
هي الا تظهر
اصوات في المكينة بسبب عدم وصول زيت كافي للمكينة
او لمبة طرمبة الزيت
اذا ماولعت لمبة الزيت و لم تظهر اصوات فموترك
مابه الا العافية باذن الله
ابوصالح77
20/04/2010, 02:45 PM
كفيت وفيت ياخوي سوبر
وكانه يلعب وانت واقف أفحص ساعة الزيت
سالم السرهيد
20/04/2010, 03:45 PM
انا نفس المشكله معاي Gxr 2003
اذا ماشي بالطريق مرات ينزل ويرتفع عيار الزيت ولا اعرف السبب .
واذا وقفت ينزل تحت النصف واذا ضغطت على البنزين يرتفع .
وخاصه اذا سافرت فيه مره يرتفع فوق ومره تحت ماهو ثابت .
ن م ر
20/04/2010, 04:12 PM
موتري Gxr 2002 ومثل ما قال الأخ سالم السرهيد
وأتوقع ان المسأله عاديه في حدود المعقول
أحد الشباب معه Gxr 2006 اذا مسك خط ينزل عداد الزيت الى الخط السفلي
أيضا أحد الشباب معه Gx 2004 اذا مسك خط يطلع العداد فوق الى الخط العلوي
يا ليت أحد متخصص يوضح لنا ليش يصير كذا بالذات في اللاند كروزر
سوبر VTC
20/04/2010, 06:15 PM
انا اتصور ان المشكلة احد امرين
خراب حساس الزيت ==> الساعة
او لخبطة في نفس الحساس او من الكمبيوتر
يعطي معلومة خاطئة الى الكمبيوتر او الانبير نفسه
او دينمو الانبير نفسه فيه كهرب او ماص زايد
و قد تكون المشكلة ان الفلتر تجاري او مسدود غير نظيف
او نفس فتحة الساعة به سدد او مشكلة ما
الحساس به فتحة صغيرة جدا يدخل من خلالها الزيت
زاير الغيم
21/04/2010, 01:46 AM
موتري Gxr 2002 ومثل ما قال الأخ سالم السرهيد
وأتوقع ان المسأله عاديه في حدود المعقول
أحد الشباب معه Gxr 2006 اذا مسك خط ينزل عداد الزيت الى الخط السفلي
خله يغير حساس الزيت موقعه يمين المكينة
أيضا أحد الشباب معه Gx 2004 اذا مسك خط يطلع العداد فوق الى الخط العلوي
موتره سليم بإذن الله
يا ليت أحد متخصص يوضح لنا ليش يصير كذا بالذات في اللاند كروزر
وترى أحياناً يكون الخراب بنفس الساعة اللي بالطبلون ولكن نادرا ماتخرب..
لكن العلم الوكاد بالحساس يخرب ويعطي قراءة خاطئة وهذا عيب اللاند كلّه حساسات
بشرط أنه مايكون فيه صوت بالمكينة ولا تولع لمبة زيت المكينة الحمراء
البجلى
03/06/2010, 02:13 PM
اولا اشكر جميع مشرفين واعضاء منتدى مكشات الكرام
اناياجماعة الخير ماشى مكه من الرياض بكرة انشاء الله وكان عندى مشكله فى gxr 2003 مع عيار الزيت ينزل لتحت اذا دست على الموتر فوق 120 وكنت محتار رغم انى مشيك الموتر ومغير زيته والفلتر اصلى جديد
ولاكن قلت خلنى امر على النشاما وشوف اكيد ابلقى جواب شافى كل عاده
وفعلا وجدة الجواب واحب اشكركم كلكم ريحتونى الله يريحكم دنيا واخرة وشكرا لصاحب الموضوع والاخ زار الغيم ماقصر بيض الله وجهه مكشات وبس
ابو مريم
03/06/2010, 11:45 PM
شي طبيعي جدا ان ضغط الزيت ينقص والموتر واقف ويرتفع كل ما زادت سرعت السياره وبالاصح يرتفع كل ما زاد ارتفع عداد ضغط البنزين اقصد دوران المحرك حتى لو كانت السياره واقفه وتدعس بنزين يرتفع انبير الزيت
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir