الحق اللوبستر

[SRDAL]

السلام عليكم ورحمة الله وبركاته .

اقدم لكم اليوم صور صيد رحلتنا في عمان الأسبوع الماضي وارجو المعذره لعدم التنويع في الصور .

ارجو ان تستمعو بالصور وانشاء الله تعجبكم .

اترككم مع الصور .



http://www.mekshat.com/pix/upload/images7/mk12787_DSC01025.jpg


http://www.mekshat.com/pix/upload/images7/mk12787_DSC01041.jpg



http://www.mekshat.com/pix/upload/images7/mk12787_DSC01047.jpg



http://www.mekshat.com/pix/upload/images7/mk12787_DSC01048.jpg


http://www.mekshat.com/pix/upload/images7/mk12787_DSC01052.jpg


مناظر من المنطقه


http://www.mekshat.com/pix/upload/images7/mk12787_DSC01057.jpg



http://www.mekshat.com/pix/upload/images7/mk12787_DSC01077.jpgاتمنى ان الصور نالة على اعجابكم .

وتحياتي للجميع .

اخوكم / srdal

[الموج العالي]

مشاء الله كلها استكوزا بقلي وحده تكفا
سردال حرام عليك ياخي وين الكنعد عاد عمان ما يحتاج نتكلم كلنا نعرف عمان وش فيها الكنعد هناك مثل الميد عندنا كثير
بس بيني وبينك صيد ممتاز واذا بتاكلها كلها لوحدك تزوج اربع ههههههههههههههههههههههههههه
بالتوفيق

[SRDAL]

السلام عليكم ورحمة الله وبركاته ...

حياك الله اخوي / الموج العالي .

من عيوني كان ودي اني اجيبه معي بس تعرف المسافه بعيده وقلنا ناكله احسن ولنا غلطان .

بالنسبه للكنعد المشكله ماكان عندنا وقت كافي للغوص في اليوم الثاني احنا غصنا صباح الجمعه على السريع

ماحصلنا الى جش وما امدانا نغوص غوصه ثانيه للكنعد .

لا ياخوي ماكلتهم كلها تبيني افطس .

الله يوفقنا وياك .

تحياتي لك .

اخوك / srdal

[MARINE]

السلام عليكم ورحمة الله وبركاته

الحمدلله على السلامه اخوي ابونواف صيد طيب ماشاء الله والاستكوزا هذي توسع الصدر

بصراحه مرة وحده صدناها في جنا لكن ماجربتها االي صادها هو اللي جربها

وان شاء الله لنا لقاء قريب ولك من كل التقدير

MARINE

[الخبير]

السلام عليكم
ما شاء الله
الله يزيدكم لكن اخوي هل تصيدون قريب من الشاطئ ولا بعيد؟؟؟؟
لأني اعتقد إن القريب من الشاطئ يكون متعرض لمخلفات المدينة!

[ابو مشك]

مشالله تبارك الله ياخوك شوقتني للأستكوزا الاسبوع الي فات صدنا منها بس الي حصلتهم تسع حبات فيها الخير والبركه بأذن الله وشكلي ببطل من المجرور يوم الأربعاء وبطقها بحث عن الأستكوزا :bounce: .

[gulfhunter]

السلام عليكم ورحمة الله وبركاته

حياك الله أخوي أبونواف والحمدلله على السلامه ......... الصور فلم مرعب.....

ياريت لو تتكلم عن السفره إلى عمان من التخطيط إلى وضع الصور في المنتندى ...... لمساعدة أخوانك اللى نوين يروحون حداق وغوص ........

عندي أسئله ... لكن فضلت أخليه الين تكتب رحلتك .......

GULFHUNTER

[SRDAL]

السلام عليكم ورحمة الله وبركاته ...

اخوي / بوخالد تحياتي لك .

الله يسلمك من كل مكروه انشاء الله .... والله يوسع صدرك بصيد احسن من هذا الصيد انشاء الله .

معاك حق هي تتواجد في كرين وكران و جنا وجريد بس المشكله انها نادره جدا ياله تحصلك وحده .

وانا على اتم الأستعداد للقائك طال عمرك .

ومشكور وما قصرت .

تحياتي لك .

اخوك / srdal

[SRDAL]

السلام عليكم ورحمة الله وبركاته ...

اخوي / الخبير تحياتي لك .

الله يزيدنا وياك من خيره انشاء الله وبالنسبه لصيد اللوبستر هذا صدناه من قريب الشاطئ بس منطقه ماحد يقدر

يوصلها الى عن طريق طراد للأن كلها جبال على البحر زي منت شايف بالصور ... وبعدين البحر هناك مره

نظيف .

ولك من اجمل التحيات .

اخوك / srdal

[SRDAL]

السلام عليكم ورحمة الله وبركاته .

حياك الله اخوي / بومشك .

مشكور وماقصرت على مرورك والله يزيدك من خيره انشاء الله ... بس ماقلتلنا كيف المجرور معاك انشاء الله زين

ومن وين اتصيدون الأستكوزا لو سمحت .

وتحياتي لك .

اخوك / srdal

[SRDAL]

السلام عليكم ورحمة الله وبركاته ...

حياك الله اخوي / بوعبدالله .

انت يبيلك جلسه للأن شغلك واجد :good2:

الله يسلمك ويجزاك الله الف خير ... انشاء الله ان الصور مارعبتك بس ...

بالنسبه للسفره انا طلعت مع ربعي في الإمارات يعني ناس امون عليهم وهم من الشارقه ..

بدت الرحله من يوم الخميس الساعه 1.30 ظهراً متوجهين الى منطقه دبا الإماراتيه وهي تبعد عن الشارقه تقريباً

ساعه وربع .

وما ان وصلنا الى المنطقه حيث ذهبنا الى مزرعه واحد من الشباب الى معان وكان موقعها على البحر يعني زي الشاليهات عندنا .

بدأنا بترتيب الأغراض وتجهيز معدات الغوص حيث كان الغوص ليلي ... ومن ثم ذهبانا الى منطقه دبا العمانيه

حيث تبعد عن منطقع دبا الإماراتيه تقريباً ربع ساعه ومن ثم استجرنا احد القوارب السياحيه المتواجده في المنطقه

ومن ثم انطلقنا الى منطقه الصيد حيث تبعد بالقارب تقريباٌ 10 دقائق وحينما وصلنا الى المنطقه بدأنا بالنزول والمهم

هو توزيع طاقم الغواصين الى افرقه كل فريق يبحث في مكان ما وبعدها بدأنا بصيد اللوبستر بسلاح ( النيزه )

ومن بعدها خرجان من الغوص حيث تقريباً كل واحد غطس غطسه واحده فقط ومن ثم توجهنا الى المزرعه .

حيث بدأن بتوزيع اللوبستر واكملنا الليله في المزرعه ... ومن بعدها بدأن بترتيب عده الغوص وتجهيزها لليوم

الثاني حيث نية الغوص في الصباح وذلك لصيد الكنعد .

وفي اليوم الثاني توجهنا الي المكان القصود وهو عباره تك مغرق في البحر على عمق 100 قدم 30 متر ولكن

مع الأسف حظنا كان تعبان وماشقنا كنعد الي شفناه بس حمام وجش ودويلميه ... وبصراحه لم يكن لدينا الوقت

الكافي للغطس مره اخرى نظراً لصلاة الجمعه .

هذا تقريباً كل شي .... واتمنى ان شرحي يكون وافي ومفيد للشباب .

وتحياتي واشوقي لك .

اخوك / srdal

[المربد]

الف عافية اخوي سردال ،
وصيد مبارك ما شاء الله ، عليكم بالزيت الحار ترى احسن من الشوي.




ترى مازلت انتظر منك جواب؟؟؟

[عابر البحار]

السلام عليكم ورحمة الله وبركاته
ماشاء الله تبارك الله شيء جميل وبيني وبينك يفرح النسوان اكثر.
للفائدة يأخ سردال اذا تكرمت تشرح لنا كيف طريقة صيدها .. يعني كيف مسكها .. كمان كيف تقشر وتطبخ وأي معلومات مفيدة أخرى .. كما يبدو لنا انك خبير ماشاء الله
عابر البحار

[gulfhunter]

السلام عليكم ورحمة الله وبركاته

هلابك أخوي ابونواف ..... ماشاء الله الرد جاهز........ تسلم وبيض الله وجهك....... وان شاء الله نبيك تزين لنا طلعه إلى عمان ..... غوض وحداق.......

GULFHUNTER

[SRDAL]

السلام عليكم ورحمة الله وبركاته ..

تحياتي لك اخوي / المربد .

والله يعافيك ... والمره الثانيه راح اسمع بنصيحتك وسويها بالزيت الحار ...اخوي انت تبي الرد بخصوص ايش

بالظبط ياريت اتوضح .

تحياتي لك .

اخوك / srdal

[SRDAL]

السلام عليكم ورحمة الله وبركاته ...

اخوي / عابر البحار تحياتي لك .

حلوه تفرح النسوان اكثر .... واحد يستهبل .... ليه :good2: .

اما بالنسبه لطريقة صيدها فيوجد لها عصا خاصه تباع في محلات الصيد واسمها ( بلسبير ) بالعربي ( نيزه )

ويوجد بأخرها ربل وذلك لشدها وفي مقدمتها 3 زانات مستقيمه على شكل مثلث .

كيفية استخدامها تشد الربله وانت طبعاً ماسك العصا ومن ثم تقوم بتوجيهها الى الهدف ومن ثم تفك الربله فتنطلق

العصا بسرعه لا بأس بها .... وهذا كل شي تقريباً .

اتمنى ان يكون الشرح مفهوم ومعذرة على التقصير .

اما بالنسبه لطريقة طبخها للأسف ماعندي الخلفيه الكامله ولاكن راح اجيبها انشاء الله .

تحياتي لك .

اخوك / srdal

[SRDAL]

السلام عليكم ورحمة الله وبركاته ...

هلابك اخوي / بوعبدالله .

ياخوي اذا ماردينا عليك انت من انرد عليه اجل مع احترامي للجميع .

وابشر بسعدك راح احاول اني ازين طلعه لعمان انشاء الله .

وتحياتي لك .

اخوك / srdal

[mox600]

ما شاء الله تبارك الله
شي ويوسع الصدر
وارجع واقول البحر ما بقى فيه سمك والسبب سردال وربعه
مشكور اخوي على الصور
وعليكم بالعافيه
تحياتي

[المحتسب]

ماشاء الله عليك أخوي سردل على الصيد وبالعافية

[gulfhunter]

السلام عليكم ورحمة الله وبركاته

حياك الله يابونواف .......تسلم لي ...... وبالنسبه إلى طريقة أمساك اللوبستر ..... سمعت من واحد من الربع يقول انك تلقطه بيدك ..... طبعاً بالليل ... لأنه تكون هاجده على قوله .......ومافي أي مقاومه.....


تحياتي لك وللجميع......

GULFHUNTER

[SRDAL]

السلام عليكم ورحمة الله وبركاته ...

حياك الله اخوي / mox600 .

الله يوسع صدرك بلأفراح انشاء الله .

وياخوي صل على النبي قل ماشاء الله شكلك بتنضلنا .

وألأهم ان الصور اعجبتك .... والله يعافيك .

تحياتي لك .

اخوك / srdal

[SRDAL]

السلام عليكم ورحمة الله وبركاته ...

تحياتي لك اخوي / المحتسب .

والله يعافيك ومشكور على مرورك .

وتحياتي لك .

[SRDAL]

السلام عليكم ورحمة الله وبركاته ..

هلابك اخوي / بوعبدالله .

والله يسلمك واحنا في الخدمه طال عمرك .

بالنسبه لطريقة امساك اللوبستر انا غصت ويا الشباب ماحد سمعته يقول انه قد مسك وحده بيده ... هي فعلاً في

الليل تكون هاجده لما تنور عليها ماتتحرك ولاكن اذا زاد عليها النور وما صدتها بتشرد وزي ماوضحت هي

تنصاد عن طريق سلاح الزانه طبعاً لم تظربها على طول لازم تمسكها بيدك ... ولما تمسكها شوف شلون تقاومك

وشوف قوتها .


وتحياتي لك .

اخوك / بونواف

[ابو مشك]

السلام عليكم
ماشالله الشباب تفاعلوا مع الأستكوزا وبصراحه موضوع جميل يا اخويSRDAL فعلا تشكر عليه
اما بخصوص طريقة صيدها يا عابر البحار(بعد إذن الحبيب سردال لأن السؤال موجه له) فهي غالبا ما تكون في مجموعات تسير خلف قائد المشكله ان الي توه جديد في الصيد بعض الأحيان يغلط ويصيد القائد يعني الي في المقدمه فتهرب المجموعه كلها بإختصار إذا أردت صيدها فبدأ بآخر واحد فيها لا تبدأ من القائد وغالبا ما تصاد بالقراقير او إذا كنت من أهل الغوص فتصاد بالمسدس أو المشك مثل ما أسوي أنا أما بالنسبه لتقشيرها فهو بسيط ما عليك إلأ أن تزيل الطبقه الصلبه الخارجيه (البنية) وإذا كنت بتطبخها بالزيت (أفضل هذه الطريقة :good2: ) تأخذ الجزء الأبيض (اللحم ) وشوية ملح وفي الزيت وألف هناء وشفاء

مع تحيات الشيف أبو مشك :good2: .....

[graywhiteshar]

ما شا الله صيد طيب الله يزيدكم ان شا الله يا اخوي سردال والحمد لله على السلامه

[SRDAL]

السلام عليكم ورحمة الله وبركاته .

حياك الله اخوي / graywhiteshar .

الله يسلمك من كل شر والله يجزاك الخير على مرورك واهم شي ان الصور اعجبتك .

تحياتي لك .

اخوك / srdal

[whisper_x]

ما شاء الله تبارك الله

والله يجعل فيها العافيه

ما قصرت اخويSRDAL

هذا الصيد ولا بطل
ما شاء الله



تحياتي
ويسبر

[SRDAL]

هلابك اخوي / whisper_x .

ارجع واقول مشكور وماقصرت على مرورك واطرائك الطيب .

وفي انتظار مشاركاتك .

تحياتي لك اخوك / srdal

[المحتسب]

السلام عليكم ورحمة الله وبركاته
ماشاء الله تبارك الله عليك أخوي Srdal أتوقع لما رجعت للسعودية خذت الزوجه الثانية :D مداخيل العافية

[SRDAL]

السلام عليكم ورحمة الله وبركاته ...

حياك الله اخوي المحتسب والله بعطيك العافيه .

واذا اللوبستر بتخلي الواحد ياخذله ثانيه ترا ماعد بنصيد لوبستر خلاص بطلنا .

ومشكور وماقصرت على مرورك

تحياتي لك .

srdal

[gulfhunter]

السلام عليكم ورحمة الله وبركاته

حياك الله أخوي بونواف .... نورت المنتدى ..........تكفى اسحب كلامك !!!!!!!!!! وقل دايم بصيد اللوبستر...... خلك ذيب :hot:

GULFHUNTER

[SRDAL]

السلام عليكم ورحمة الله وبركاته .

حياك الله اخوي بوعبدالله ... ويسعد لي هالصباح .

اول شي احب اقولك اني هالسبوع منغير على صاير غير اي سبوع يعني اسبوع شيق حلو والدليل اني هالسبوع

دخلت البحر وتوفقنا بصيد طيب الحمد لله .

انوقع بركات الرجاجيل الى قابلناهم ونعم والله فيهم .

والشي الثاتي احب اقولك يابوعبدالله انا احنا اذيابه سوء باللوبستر والى بدون لوبستر طال عمرك . وذا انت تبي

انجيبلك لوبستر ترا بنجيبلك .

وتحياتي لك

اخوك بونواف

[gulfhunter]

عليكم السلام ورحمة الله وبركاته

حياك الله أخوي ابونواف.....بالعافيه وهذي وموغريبه على النوخذه........ ماعليك زود.....

تسلم على اللوبستر .... وهذا اللى خابرينه منك ... كفو والله.

Gulfhunter

[MARINE]

السلام عليكم ورحمة الله وبركاته

منور المنتدى بوجودك الله يطول بعمرك يابونواف

وبصراحه اللي قابلتهم انا اشهد انهم ذيابه بس ها لاتنسى انت واحد منهم

وان شاء الله الرحله كانت زينه وتوفقتوا

اتمنى لك التوفيق دوم

هذا شكله كله من بركات ابو عبدالله

وتحياتي لكم

MARINE

[gulfhunter]

عليكم السلام ورحمة الله وبركاته

حياك الله أخوي بوخالد ..... ماعليك زود.........الله يبارك فيك ........

وبأنتظار طلعاتك ..........الله لايحرمنا منها......

Gulfhunter

[SRDAL]

السلام عليكم ورحمة الله وبركاته .

حياك الله اخوي بو خالد المنتدى منور بوجودكم والله يطول بعمرك .

وانشاء الله نشوف هالوجيه الطيبه على طول وماتنقطع شوفتهم .

والحمد لله ابشرك الصيد كان طيب .

والله ان قلت ان بوعبدالله كله بركه موهب غريبه عليه كفو ... وانت ترا ماعليك قصور ماشاء الله عليك .

تحياتي لك وبالتوفيق انشاء الله .

srdal

[MARINE]

السلام عليكم ورحمة الله وبركاته

ياهلا ويامرحبا بك اخوي ابو عبدالله وابشروا بالجديد ان شاء الله

اخوي ابو نواف هذه الساعه المباركه اللي شفناك فيها انت وابوعبدالله وان شاء الله الجايات اكثر

مع تحياتي لكم

MARINE

[بــرق الشمال]

الأخ: SRDAL

مشاء الله تبارك الله...تصوير رائع وصيد جميل بارك الله لكم في صيدكم...

ولكن اخوي سبق واني اصدته..في السعوديه(حقل...وقيال).. ولكن كان صيدنا في الليل ولكن الغريب اللون

فلم ارى مثل هذه..(بل كانت لونها حمراء بالكامل)وكان مجموع الصيد6 ولم يكن بهذه الكثره...فالسؤال هل هي

تختلف من منطقه الى أخرى ..ام هي متعدده الأنواع...؟؟!!

حيث اني قمت بصيادته في البحر الأحمر..(وانت قمت بصيادته في الخليج العربي..)...؟

اكرر شكري لك اخوي على طرحك هذه المشاركه الجميله والمدعومه بالصور... :)



تحياتي لك
برق الشمال

[SRDAL]

السلام عليكم ورحمة الله وبركاته

صبحك بالخير اخوي برق الشمال

اول احب اعتذرلك اخوي عن تأخيري في الرد عليك .

ثانياً اشكرك اخوي على مدحك للصور والحمد لله انها اعجبتك ... سبق وأن شفت اللوبستر تبع منطقه حقل وقيال

فعلاً حجمه ولونه مختلفين وهذا اتوقع يرجع لطبيعة الأرض ونوع الرعي حقه ... وعلى فكره الكميه الى شفتها

بالصور تعتبر مو شي قليله هذا على كلام الشباب الى معاي الى دوم يصيدونها .

اتمنى اخوي برق الشمال اني قدرت افيدك واكرر سامحتا على التأخير وعلى القصور .

تحياتي لك

srdal

[الوهاج]

صور روحة ماشاء الله
تحياتي