نقاش حول هداد الطير على الغزلان .... خبراء ومستشاريون بهذا الهدد

[منصور بن محمد]

السلام عليكم ورحمة الله وبركاته


كيف حالكم يالربع


اليوم جيت بموضوع يختص بأهل الخبره والنقاشات المتبادله بين خبراء المنتدى




http://sub3.rofof.com/img5/04zoany21.jpg


هذا الطير من طيور الشيخ محمد بن راشد
وفصيلته جير شاهين اسود يقنص بوزن 1300 غرام
والطير اسمه
لساع


السؤال :


هل هناك فصيلة معينة من الطيور تهد على الغزلان ؟


وارجوا من خبراء المنتدى النقاش حول هذا الموضوع


والسنجاري وشهو من لحيه ؟


هل اي طير من الحرار يهد على الغزال و الظبي


وكيف يتم تدريب الطير على هداد الغزلان


طبعاً تعرفون من الصعب
تدريب الطير الغزال
بصفة إن الغزلان غير متوفره بديارنا
وغاليه :D


ويش رايكم لو http://www.albreah.com/vb/images/smilies/rolleyes.gif !


أيش البديل برأيك لتدريبه على الغزلان ؟


http://www.albreah.com/vb/images/albreah/misc/progress.gif

[ابـــًًو تركـــًي]

هل هناك فصيلة معينة من الطيور تهد على الغزلان ؟
والله ممكن الجير بس والله اعلم
والسنجاري وشهو من لحيه ؟
السنجاري ياتي من جبال سنجار

هل اي طير من الحرار يهد على الغزال و الظبي؟

والله لا اعلم لاكن شفت موضوع للاخ العزيز\عوق الخريش
طير من الحرار يحوم فوق الغزال
وارجو اني افتدك

[طيرالحمــــاد]

الغزلان ماهي موجوده والطليان غاليه

الله يرزقنا بالمطر

[الصارم1]

وين الخبره

[أبو رداد]

حياك الله يابو عقاب
سوف أدلو بدلوي على أسئلتك والبركه في باقي الاخوان في تصحيح الاخطاء

هل هناك فصيلة معينة من الطيور تهد على الغزلان ؟
الهدد على الغزلان ليس حكراً على فصيله معينه
وقبل القنص بالجيرات كان الهدد على الغزلان حكرا على الحرار
وأعتقد أن طير الغزال يجب أن تتوفر فيه نقطتين
الحجم + الشجاعه


والسنجاري وشهو من لحيه ؟
خارج الموضوع هههههه
ماكر من مواكر الحرار أشتهر وصار له صيت بسبب طيب فعوله
وهذا الماكر شبه منقرض في وقتنا لزيادة الطلب عليه
واسمه أجاه من ماكره الاصلي في جبل سنجار في شمال العراق

هل اي طير من الحرار يهد على الغزال و الظبي
أذا كان شجاع وقوي ....

وكيف يتم تدريب الطير على هداد الغزلان

طبعاً تعرفون من الصعب
تدريب الطير الغزال
بصفة إن الغزلان غير متوفره بديارنا
وغاليه :D

ويش رايكم لو http://www.albreah.com/vb/images/smilies/rolleyes.gif !

أيش البديل برأيك لتدريبه على الغزلان ؟
الصحيح هو التعليم على خشوف الغزلان أولا
ولكن لعدم توفرها وغلائها
يتم استخدام التيوس الصغيره الي لونها قريب على الغزال لتعليم الصقور
ومن ثم التدريج
وسلامتك

[المغتر الهداد]

السلام عليكم الطير الي هد على الغزال ماهو جير سلالالالالالالالالالامتك الطير ينقاله عندنا بالكويت شمالي وهذا من طيور زايد الله يرحمه
فقط للتوضيح
وشكرا

[ســـــــنافي]

هو الغزال وين يالغالي ؟

[*سرحان*]

السلام عليكم الطير الي هد على الغزال ماهو جير سلالالالالالالالالالامتك الطير ينقاله عندنا بالكويت شمالي وهذا من طيور زايد الله يرحمه
فقط للتوضيح
وشكرا
سلامتك ياخويه الطير نعرفه حق المعرفه من طيور صاحب السمو الشيخ محمد بن راشد وصقاره محمد بن سلطان والطير جير شاهين فالكون سنتر

[راعى شاهين]

السلام عليكم الطير الي هد على الغزال ماهو جير سلالالالالالالالالالامتك الطير ينقاله عندنا بالكويت شمالي وهذا من طيور زايد الله يرحمه
فقط للتوضيح
وشكراهههههههههههههههههههههههههههههههههههههه والله شر الباليه مايضحك هذا جير شاهين والطير معروف وفيه فديو ينزل الشيخ محمد بن راشد مادرى يبى يفزع لطير او لغرض ثانى وبعدين الطير الشمالى معروف عمر الشمالى مايجى اسود زى كذا:D يجب الله مطر:r

[صقار بني ياس]

سلام الله عليكم أعضاء مكشات الكرام

والشكر موصول ل بو عقاب الحربي على طرحة الموضوع

يبت لكم رابط من اليوتيوب عن مقناص الشيخ محمد بن راشد وطيره الي اسمه لساع

المهم بخليكم ويالرابط


http://www.youtube.com/watch?v=cHQS9jEyh3g


لا تنسوني من دعاكم


صقار بني ياس

[أبو خاااالد]

حياك الله يابو عقاب
سوف أدلو بدلوي على أسئلتك والبركه في باقي الاخوان في تصحيح الاخطاء

هل هناك فصيلة معينة من الطيور تهد على الغزلان ؟
الهدد على الغزلان ليس حكراً على فصيله معينه
وقبل القنص بالجيرات كان الهدد على الغزلان حكرا على الحرار
وأعتقد أن طير الغزال يجب أن تتوفر فيه نقطتين
الحجم + الشجاعه


والسنجاري وشهو من لحيه ؟
خارج الموضوع هههههه
ماكر من مواكر الحرار أشتهر وصار له صيت بسبب طيب فعوله
وهذا الماكر شبه منقرض في وقتنا لزيادة الطلب عليه
واسمه أجاه من ماكره الاصلي في جبل سنجار في شمال العراق

هل اي طير من الحرار يهد على الغزال و الظبي
أذا كان شجاع وقوي ....

وكيف يتم تدريب الطير على هداد الغزلان

طبعاً تعرفون من الصعب
تدريب الطير الغزال
بصفة إن الغزلان غير متوفره بديارنا
وغاليه :D

ويش رايكم لو http://www.albreah.com/vb/images/smilies/rolleyes.gif !

أيش البديل برأيك لتدريبه على الغزلان ؟
الصحيح هو التعليم على خشوف الغزلان أولا
ولكن لعدم توفرها وغلائها
يتم استخدام التيوس الصغيره الي لونها قريب على الغزال لتعليم الصقور
ومن ثم التدريج
وسلامتك
:good: :good: :good: :good2: :good2: :good2:

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /ابو عقاب
مساء الخير ياجماعه

جميع الفصايل هدت على الغزلان وصادت ..
وكريه مشهوره مع هزاع بن عون مشت طلع وراحت معها السلق
وعينوها صايده خشف
شيهانه عراقيه (جبليه البحر الأبيض المتوسط ) في احد الكشتات انطاق تيس
اسود اللون ولقربه من منطقه جبليه استطاع ان ينجوا ولولاالشيهانه اللي
اطلبته اكثر من مره وفي الأخير اطلقت عليه وقضبته لين وصلوا
لو علمت على الغزلان وش بتسوي !!؟ بتبدع
حر طير عرب للصقار اليحيا صاد الغزلان وضرب الظبي لين طرحه
جير شاهين وهو المشهور لشيخ محمد بن راشد صاد الغزال وصاد الظبي ومصور
..
السنجاري عطاك علمه ابو رداد
..
والطير الطيب له مواري هي اللي تخليك تدخل موضوع الظباء وانت متحمس

ونسمع باقي الربع
*
والسلام
الفيتو
الحجاز
7-5-1431هـ

[صقار الطيب]

استفدنا من المداخلات المفيده
مشكورين وجزيتم خير

[منصور بن محمد]

حياكم الله جميع


صقار الوجه


تسلم على إبداء رأيك
ولكن على الكلام اللي لفانا من اهل العرف انه مهوب محتكر على فصيله معينه


......


طير الحماد


هلابك اخوي
عز الله انك صدقت :D


......


الصارم


حياك الله
واهل الخبره ابدو برأيهم ... وننتظر البقيه


......


أبو رداد


اولاً اشكرك على تثبيت هذا النقاش
وانشاء الله نستفيد منكم ويستفيد من هذا النقاش شريحة اكبر من الصقارين


وبالنسبة للتدريب
هل فيه ناس جربوا الهداد على التيوس بغرض تدريبها على الغزلان ... ونجحت هذه الطريقه ؟ :)


ماهو برأيك الوزن المناسب للهدد على الغزلان .... وبالنسبه للتدريب ماهو الوزن المناسب ؟


وتسلم يمناك ياغناتي
محبك منصور


......


المغتر الهداد


تسلم على المشاركه في هذا النقاش


وافادك اخوي سرحان عن الطير


......


سنافي


اخوي ياغناتي
الغزلان عند اهلها :)


......


سرحان ياخوي


تسلم يمناك على تصحيح المعلومه لأخونا المغتر الهداد


......


راعي شاهين


هلابك ويجيب الله المطر :D


......


صقار بني ياس


تسلم يمناك ياخوي
وبالنسبه لأختيار هالموضوع .. ماهو إلا للإستفادة من خبراء المنتدى
مثل ابو رداد و الفيتو ابو صالح واهل العرف والخبره


وشكراً على المقطع :)


......


ابو خالد


تسلم على المرور والاتفاق مع رأي اخوي ابو رداد


......


الفيتو


هلابك ياغناتي يابعد حيي


والله اني فرحت يوم شفت رأيك ومشاركتك بهذا النقاش


وتسلم يمناك واستفدنا من رأيك يابو صالح


اخوك الصغير
منصور بن محمد ابو ربعه الحربي


......


صقار الطيب


هلابك ياخوي


واشكر لك كريم مرورك وانشاء الله استفدت من الخبراء بهذا الموضوع


......


اشكركم جميعاً على مداخلاتكم المنيره
واللتي تعود بالنفع على من يبحث عن هذا الهدد

[ســـــــنافي]

الله يجعلنا والجميع من اهلها
سمعت فيه ناس تقنص الغزلان في السودان بالطير؟؟ صحيح ولا

[منصور بن محمد]

حياكم الله جميع



......


أبو رداد


اولاً اشكرك على تثبيت هذا النقاش
وانشاء الله نستفيد منكم ويستفيد من هذا النقاش شريحة اكبر من الصقارين


وبالنسبة للتدريب
هل فيه ناس جربوا الهداد على التيوس بغرض تدريبها على الغزلان ... ونجحت هذه الطريقه ؟ :)


ماهو برأيك الوزن المناسب للهدد على الغزلان .... وبالنسبه للتدريب ماهو الوزن المناسب ؟


وتسلم يمناك ياغناتي
محبك منصور


......




ننتظر من يجاوبنا على بقية الاستفسارات في هذا الاقتباس

......


اخوي يالسنافي

نعم صحيح

وكلامنا على المقناص الخارجي لأنه مثل ماتعرف الغزلان اللي عندنا قليله

بإنتظار باقي الربع ....

[الضو]

مشكورين ويعطيكم الف عافيه
الي عنده طير يطرح الغزال انا شرايه ب 30 الف ريال حتى لوكان وكري

[s3ed]

السلام عليكم

اسمحو لي بهذة المداخلة

انا هب صقار بس عندي معرفة بسيطة وقرأت في كتاب صيد قديم يتكلم عن الصيد وتعليم الصقور صيد الغزلان

والطريقة كالاتي

توفر غزلا صغير محنط نحن نسمية في الامارات( البو)

وتجوع الطير وتحط قطعة لحم بين عيون الغزال يتعود الطير مكان اللحم انة بين عين الغزال

وبهذة الطريقة يوم تهد الطير على طول يهجم على عيون الغزال

هذا ماقراتة وحبيت اضيفة

وماعليكم زود والعين ماتعلى على الحاجب

[منصور بن محمد]

الضو

الله ان يرزقك بالي تريده

....


السلام عليكم

اسمحو لي بهذة المداخلة

انا هب صقار بس عندي معرفة بسيطة وقرأت في كتاب صيد قديم يتكلم عن الصيد وتعليم الصقور صيد الغزلان

والطريقة كالاتي

توفر غزلا صغير محنط نحن نسمية في الامارات( البو)

وتجوع الطير وتحط قطعة لحم بين عيون الغزال يتعود الطير مكان اللحم انة بين عين الغزال

وبهذة الطريقة يوم تهد الطير على طول يهجم على عيون الغزال

هذا ماقراتة وحبيت اضيفة

وماعليكم زود والعين ماتعلى على الحاجب


صح لسانك وبيض الله وجهك :good2:
انا اشهد انك جبتها
تسلم يمناك ياغناتي

[قنيص غبر]

افادوك الاخوان ماقصروا ...

بس عن الطير اللي يصيد الظبي ..

اعتقد انه طير متهور :) ... اذا رجعنا لاصل التسلس الهرمي لغذاء الصقور ( ليس العقبان ) لن تجد انه في الخلى طير يصيد ظبي ... طبعا لكل قاعده شواذ ...

والطير يتعلم من راعيه ويقدر يعلمه على اي شي متحرك ..

الطير الشجاع الغشيم يصيد الظبي ..

[منصور بن محمد]

افادوك الاخوان ماقصروا ...

بس عن الطير اللي يصيد الظبي ..

اعتقد انه طير متهور :) ... اذا رجعنا لاصل التسلس الهرمي لغذاء الصقور ( ليس العقبان ) لن تجد انه في الخلى طير يصيد ظبي ... طبعا لكل قاعده شواذ ...

والطير يتعلم من راعيه ويقدر يعلمه على اي شي متحرك ..

الطير الشجاع الغشيم يصيد الظبي ..


حياك الله يا بعد حيي


كلامك سليم



ولكن ....


الطير الشجاع الغشيم يصيد الظبي ..


معك بالشجاعه اما انه غشيم ماتجتمع ابد ابد هالثنتين بطير واحد


يعني لو تبي تهده على بعير هد :)

[((السنياري))]

طيرالسنجاري<==ماكر با العراق

وشه من لحيه<==طير السعد

انقطعن النوعيه هذي ولاعاد يجي منهن شي

تبي النصيحه دور طيور شلوى <== الحق قبل لا تقطع :)


الهدد على الضبي موب محصور على طير واحد

بس يبيله تلوم طيب

[الكايد 123]

واااجد الي يقنصون الغزلاااااان

[صقار مبتدئ]

سلام الله عليكم أعضاء مكشات الكرام


والشكر موصول ل بو عقاب الحربي على طرحة الموضوع


يبت لكم رابط من اليوتيوب عن مقناص الشيخ محمد بن راشد وطيره الي اسمه لساع


المهم بخليكم ويالرابط



http://www.youtube.com/watch?v=cHQS9jEyh3g



لا تنسوني من دعاكم




صقار بني ياس

مشكور على الرابط الممتع
و الله يا هو مصيبه ما شاء الله تبارك الله

[طيار قطر]

الاخوه الاعضاء انا على ماسمعت جدي الله يرحمه قد قالي ان الطير مايهد على الغزال ولكن يطلعه ويحوم فوقه
وبعض الحرار الجرعه يعلمونها ان تضربه في عينه ولو الكل يفكر فيها راح يلقا الكلام 100% صحيح
طبعآ الجيرات غير لانه تختل بالحجم والفتنه وماتعرف الفطره
واسمحولي اذا طولت عليكم

[منصور بن محمد]

بيض الله وجيهكم جميع


اخوي طيار قطر طريقه ممتازه جداً انشاء الله ابي اجربها