المساعد الشخصي الرقمي

مشاهدة النسخة كاملة : الأخ سوبرvtcوالأعضاء الأعزاء ارجو الأفاده عاجل جدا جدا جدا


ابو عبد الله3
22/04/2010, 12:56 AM
انا عندي جكسار فيه جلد بلوف ارجو الأفاده عن ورشه بالقصيم مضمونه وأن حصل يغيرون الجلد بدون فك الراس....... وشاكر لكم
سوبر VTC
22/04/2010, 01:32 AM
حياك الله

يتم توليف سيخ يدخل من عند البوجي يقوم بضغط البلف
و من الجهة الاعلى يتم ضغط السبرنق لاخراج القفل => الفطسة
ثم اخراج السبرنق + الجلدة القديمة
ثم تركيب الجديدة
اهم شي انت متاكد انه من جلد البلوف ؟؟؟
تاكد لاتكون المشكلة من بلف بخار راس المكينة
اذا كان يوجد
لان اذا كان البلف خربان يكون فاتح باستمرار و معلق همن يخرج الزيت الى الثلاجه
ثم اذا فتح بلف الهواء دخل على غرفة الاحتراق و طلع دخان ابيض
و البعض يعتقد انه من جلد البلوف
و ههي مطبقة على كلام الاعضاء في بعض ورش الرياض
و حتى في كراج صيانة السيارات لامارة منطقة القصيم
نفس الطريقة


خل الموتر يشتغل 10دقائق خصوصا الظهر
همن دس بنزين دوسة وسط
اذا طلع دخان ابيض فهذه جلد بلوف
يفك الراس و تغير الجلد
احيانا اذا شغلت الموتر و هو بارد الصبح
يطلع دخان ابيض
اهم شي
اذا مشى الموتر 2000كيلو عاير الزيت
و لا تعدا سرعة 140 عشان مايصرف زيت
اذا كان النقص حول النص علبة
فلا تلمس المكينة
تاكد من عدم وجود تهريبات في
وجه الكرتير و وجه صدر المكينة و الصوفة اللي بين المكينة و القير
و وجه غطاء الراس
و قد يكون سبب النقص
جلد بلوف او ضعف بسيط بشنبر البستم
او تهريب ومن وجه فلتر الزيت
عموما


عندك ورشة ابو خالد الخضير بطريق خضيراء
او ورشة ابو عبدالله الصمعاني بتشاليح بريدة
درجة اولى ابو خالد قديم و خبرة :good:
لك رسالة على الخاص


موفق
ابو عبد الله3
22/04/2010, 01:53 AM
مشكور اخوي سوبر ما قصرت وكثر الله من امثالك الحين جاري التغيير على بلف البخار وانشالله يكون منه .....مشكووووووووووووور ماقصرت
سوبر VTC
22/04/2010, 02:01 AM
مشكور اخوي سوبر ما قصرت وكثر الله من امثالك الحين جاري التغيير على بلف البخار وانشالله يكون منه .....مشكووووووووووووور ماقصرت

لا تغير البلف و لاتخسر على غير فايدة :no2:
حتى تشوف وش يقلون راعين الورش
و اللي يساعدك على معرفة
ان البلف يكون خربان او فاتح معلق
تحصل فلتر الهواء منطبع زيت
موفق
ابو عبد الله3
22/04/2010, 02:06 AM
شكرا اخوي سوبر نشوف الورش وش تقول