مكحلٍ عيني يا مقصد النوق

[اجنادين]

(شـــــــــــوق وحـــنــــيــــن)
***************


أحـــب الـمـطـر واشـتــاق لـــه شـــوق=شـــوق صـيــد الـحــر لـكــل صــقــار
و حـــب الـبــر بـــاق قـلـبــي بــــوق=مـشـجــاره وجـبـالــه وشــبــت الــنــار
يـنـشــرح صــــدري ويـعـتـلـي فــــوق=بـطـريـاه لـــوه طـيــرن أمـــداه طــــار
أزهـــب زهـابــي مـــن قـبــل الـشــروق=واخـــاوي شـــروى الـطـيــب الاخــيــار
هــــذا اخــــو وذا خــالــن شــفـــوق=وعـمـن وابــن عـمـن واصـحـابـن ابـــرار
أعـســف الـجـيــب و اســوقــه ســــوق=ينـطـلـق رصـاصــه لـــي وطـــا الـقــار
اشـهـبــن اغــبــرن دايــــم ســبـــوق=وعـلـى الغـبـراء مــا ينـشـق لـــه غـبــار
والـسـحـاب اطــــرده لـكـنــي مـلـحــوق=أخـايـلـه بلـهـفـة لـكـنـي عـلــى نــــار
والـغـيـوم أدورهـــا لـوطـالــت الــطــروق=ولــو هـطـل مـاهـا عـلــى دروب الاسـفــار
الــمــزن مـصـطــك مـابـيـنـه فــتــوق=مـحـريــن بـالـخـيـر ويــــن مــاســـار
وهـبـت ريـاحـن تـلـقـح سـحـابـن طـبــوق=جنـوبـيـة نسنـاسـهـا لا بـــاردن ولاحــــار
أتـشـوف ويـنــك يـــا شـعــاع الـبــروق=يـالـلـي مـــا تـفـصـل وللـسـمـاء نـــوار
مـكـحـل عـيـنـي يـــا مـقـصـد الــنــوق=يــا مـضـوي الـــدرب خـطــاف الابـصــار
والـرعــد تــــراه بمـسـمـعـي مـايـعــوق=مجلـجـلـن مـسـبـحـن لـلـواحــد الـقـهــار
أزعـــج الـصــوت اتـــوق لـــه تــــوق=صـاعـقــن كــلــه عــبــر و اســــرار
يــرجــف فــــؤادي ويـمـتـلـي شــــوق=شــــوق غـريـبــن حـــــن لــلـــدار
لــي شـفـت غـيـمـن يشـعـشـع بـالـبـروق=ولــي سمـعـت رعــدن مـثـل أســد زمـجـار
يــفــز قـلـبــي و يـنـتـابـه خــفـــوق=واتــحــرى بــشــوق هــــل الامــطــار



(ابـــتـــهــــال واســتـــغـــاثـــة)
***************

ثــم ابـتـهـل مـضـطـر ابـتـهـال مـبـيـوق=ينـشـد حـلالـه ومــا ســرق مـــن الـــدار
استغـيـث المغـيـث مــن قـلـبـي الـمـحـروق=مــن لـهـيـب الـشـمـس وجـــدب الـديــار
قلـبـن يـخـفـق كـمــا طـيــرن بـصـنـدوق=يـبــي الـمــاء مـــن ضـمــاه مـنـهــار
يالله يالـلـي كــل يـومــن بـابــه مـطــروق=يــا مجـيـب دعـــوة الـداعــي بـالاسـحـار
تــزيــل جــــدب مــهــوب مـطــيــوق=يـشـكـي مـنــه الـبـهـم واهـــل الاقـفــار
وجـفـافــن مــحــق عـشـبـهـا مــحــوق=يبـكـي مـنـه الـرضـيـع والـشـيـوخ الـكـبـار
مــا نـيـب قانـطـن ولا بــي جــزع مطـفـوق=راضــيــن بـقـضــاء مــقــدر الاقــــدار
كريـمـن ارجـــوه مـــن قـلـبـن صـــدوق=يـنــزل علـيـنـا مـــاء الـسـمـاء مـــدرار
الـغـيـث عـســى يجـيـبـه الـلــي فـــوق=يـسـيــل الــــوادي ويـمـلــى الابــيــار
يغيثـنـا مــن مـغـيـب الـشـمـس لـلـشـروق=ومــن شروقـهـا لمغيـبـهـا تـالــي الـنـهـار
اطلـبـه ودمـعـي يـجــري عـلــى الـشــدوق=هـطـالــن مـبـطـيـن لـلـديــار مــــا زار
يالله بديـمـتـن فـــي صــبــح وغــســوق=تــــدوم بـالـخـيــر لــيـــل ونــهـــار
وسـيـلـن عـلــى نـجــد يـطـوقـه طـــوق=ســحــن يــحــده ويــســوره بــاســوار
ويالله تـســقــي مـشــرفــه لــلــعــروق=وتـــروي بهـمـهـا ونـخـلـهـا والاشــجــار
وتغيـثـهـا بـهـتـانـن يـغـدقـهـا غــــدوق=يـســر راعـيـهـا ويـــن مــــا ســــار
يـسـتـاهـل بـالـكــرم دايــــم ســبـــوق=واكـتـب لـــه واحـبـابـه طـــول الاعـمــار
يارحيـمـن يــا رؤوفـــن بـعـبـاده شـفــوق=يــا كاشـفـاً عــن ايــوب بـاسـه والاضــرار
اسـتـجــب دعــــوة قـلـبــن خــفـــوق=يــا منجـيـن يـونـس مــن عـمـق الابـحــار



(فـــــرحــــــة وشــــــكــــــر)
***************

أبـشـركـم المخـيـلـة ورى المخـيـلـه لـحــوق=حــي الحـيـا يحـيـي بــه الـحــي الاقـفــار
أول الـخـيــر قــطــرة ثــــم الـحَـقــوق=لـــه الـحـمـد اسـتـجـاب ربـــي الـغـفـار
و هــلــت دمـعـتــي تــراهــا ســبــوق=تسـبـق مـــن الـفـرحـة قـطــر الامـطــار
ألـــقـــط الـــبـــرد واذوقــــــه ذوق=نصـيـتـه يـــوم جـتـنـي عـنــه الاخـبــار
الـمـاء بـيــن الـحـصـاء يـمــرق مـــروق=والشـعـبـان تــجــري مــثــل الانــهــار
والـسـيــل يـتـقـلـب تــحــت فـــــوق=ســيّــل رقـيـعــي نــعــام والـشــبــار
ارتــــوى الـنـخــل وتــدلــت الــعــذوق=وارتــــوى الـشـجــر لــحــد الـثــمــار
وغـدرانــن يـحـلـق فـوقـهــا الـغـرنــوق=بالـفـيـاض والـريــاض وســـرب الاطـيــار
يــا فرحـتـي بشـلالـن يـصـب مــن فـــوق=وبـجـارفـن مـــن عـلــى الـســد عـبــار
ربــعــت ارضــنــا وفــــاح الـعــبــوق=عــقــب هـطـالــن دايــمـــن ســـــار
والـنـفـل والـخـزامـى بـالانـفـاس مـنـشـوق=ريـحـن كـمــا الـمـسـك وعـطــر عـطــار
والعـشـب شــق فــي الـصـحـاري شـقــوق=واستـهـل البـهـم وغـــردت كـــل الاطـيــار
يـــا فـرحــت هـــل الـغـنــم والــنــوق=كـــان راعـيـهـا فـــي بيـعـهـا مـحـتــار
والـيـوم تــدر لـــه صـبـوحـن و الـغـبـوق=لــو تجـيـب لـــه المـلـيـون مـــا بـــار
يــا لايـمـي هــذا معشـوقـي ولــك معـشـوق=بالحـيـل احـبـه وفــي عشـقـي لــه اســرار
وتــــرى هــــذا ذوقــــي ولــــك ذوق=لــو خـيـرت اخـتـرت المطـرعـلـى الـمـحـار
واشـكــر مـنــزل الـوبــل مـــن فــــوق=سبـحـانـه مـحـصـيـن قــطــر الامــطــار
ثـــم الـصــلاة عـلــى خـيــر مـخـلــوق=عـــدد نـبــت الـعـشـب بـكــل الاقـطــار

[ريف النشاما]

السلام عليكم ورحمة الله

أهلا وسهلا بك أخي أجنادين ومرحبابك في مكشات

شرفت ولا كلفت المحل محلك

وهذه الساعه المباركة التي نراك بها

ونشكرك على هذه المشاركة القيمة والممتعه وهذه الأبتهالات والدعوات وما تنلام بحب المطر والمزن وبروقة

ولك مني أجمل وأرق تحية وأشكرك مرة أخرى على هذه المشاركة القيمة

:good:

[اسيزو 4x4]

هلابك اخوي اجنادين قصيدة رائعة وجزاك الله خير

[راع الذود]

بيض الله وجهك..............

على هذه الابيات.....

..........................

[اجنادين]

ريف النشاما
اسيزو
راعي الذود
تشرفت بمروركم
وأحمدالله أن نالت اعجابكم
محبكم اجنادين ( سمح سابقاً)

[اجنادين]

الله يجيب الخير في الوسمي ويطرح فيه البركة

[ابو طنب]

اجنادين صح لسانك



والف شكر لك على هذا الابداع



الله لا يحرمنا منك وجديدك

[اجنادين]

تسلم يابوطنب
وأسأل الله أن يغفر لنا ذنوبنا ويتوب علينا ما منعنا القطر إلا بسبب الذنوب
قال تعالى
(فقلت استغفروا ربكم انه كان غفارا يرسل السماء عليكم مدرارا....الآية)