المساعد الشخصي الرقمي

مشاهدة النسخة كاملة : مشكلة صوت في Explorer 2010


ولد الجواء
22/04/2010, 04:27 PM
بسم الله الرحمن الرحيم

السلام عليكم ورحمة الله وبركاته

أسعد الله أوقاتكم جميعاً

أدري بعضكم بيقول فيه موضوع خاص بأعطال ومشاكل الإكسبلورر

لكن كتبت مشكلتي ولالقيت لها رد

ومالي إلا أنزل موضوع إنتحاري هنا :D

السالفة ومافيها توني شاري السيارة وبعد فترة أسبوع طلع هالصوت المزعج

صوت من عند الكبوت قدام كل مامشيت بسرعة (80-120)

الصوت كأنه صوت صفارة مزعج شوي

قالوا لي بعض الشباب الصوت ذا يطلع بالكراون فيكتوريا وحله أني أشحم قفل الكبوت

سويته وشحمت القفل بس ماراح الصوت

حركت المسامير المطاطية تبع وزنية الكبوت قلت يمكن الهواء يدخل ويطلع الصوت ومانفع

أتمنى من اللي مر عليه زي هالحالة أو سمع عنها يفيدني

مع العلم أن الوكالة قالت أن السبب هو الجلايد وأنا مستلم السيارة وكل الجلايد مفكوكة من السيارة

وهذا مقطع فيديو للصوت المزعج :mad:

http://tinypic.com/r/eqzbc3/5 (http://tinypic.com/r/eqzbc3/5)

دمتم بود
moooj
22/04/2010, 04:34 PM
سمعت الصوت اكثر من خمس او ست مرات وما قدرت اميزه وانا اخوك
لكن اقرب ما يكون لصوت ربلات نافخهن الهوا
عليك بالوكااااالة عندك فيهم لا تفكهم لو توصلها لشركة فورد الأم
والا يعطونك سيارة بدبلة ونتبه لا يصرفونك
وفقك الله
moooj
22/04/2010, 04:48 PM
خذ هالعنوان لشركة فورد :
http://www.fordvehicles.com/help/contact/
في الجهة اليسرى من وسط الصفحة بتلقى مكتوب :
E-mail Us About Vehicles And Service


وتحتها بالضبط كلمة ford اضغط وبيفتح صفحة للشكاوي
ما عليك الا تعبئة البيانات
وبريدك الآليكتروني
وعناوينك
\بالتوفيق
thahlan
23/08/2010, 11:31 AM
الصوت هذا عندي نفسة بضبط ايمن السائق ،
رحت للوكالة قالوا فية سببين
الاول من باب السائق ونعمل له وزنية ،
الثاني وهاذي المصيبة ،من الزجاج الامامي ونقوم بفكة ثم نعمل له سيلكون ونركبة من جديد .
ياسلام عليكم !!!!!!!!!!
اخبرني اخي اخر الحلول .
NOYEB
23/08/2010, 11:42 AM
دامها على الضمان اذهب بها للوكالة لاصلاح المشكلة.
aymsha
15/09/2010, 03:56 PM
السلام عليكم
سيارتي 2010 فورد اكسبلورر ولونها نفس لون سيارتك لؤلؤي وعندي نفس الصوت بالضبط تماما

ما رحت للوكالة بس انا متاكد 100% ان الصوت ليس من الكبوت ولا من الزجاج الامي.
انا جلست في كرسي الراكب وخليت اخوي يسوق وانتبهت للصوت. الصوت الله يحفظك بيطلع من المكان الموضح بالصورة وسببه هو ان الهواء يدخل بقوة في هذه المنطقة وربلة الباب في هذه المنطقة لا تستطيع صد قوة الهواء.

http://www12.0zz0.com/2010/09/15/12/540793996.jpg (http://www.0zz0.com)

الصوت راح معي بالطريقة التالية: افتح الباب، اطوي ورقة طويلة (مثلا ورقة عروض بنده) وضعها بين الباب والبودي، سكر الباب على الورقة والصوت راح يروح معك

هذا طبعا مش حل للمشكلة لكن طريقة اكتشاف الصوت وهذه الطريقة من محاولاتي ولا اعرف هل صحيحة ام لا.

بالله لو احد حصل للمشكلة يخبرنا


عندي مشكلة ثانية في صوت بالابواب الراكب واللي خلفه لما اجي على اسفلت مش مسفلت مضبوط اسمع البابين كان في شي مكسور جوا البلاستيك. هل احد لديه هذه المشكلة.
مسامر القمرى
15/09/2010, 04:28 PM
88888

ما قصر الأخ بحكم تجربته مع نفس السيارة
و الصوت هذا صوت الهواء إذا دخل السيارة
تأكد من ربلات الباب ودام السيارة عليها ضمان الوكالة راجعهم وانشب لهم

الله يوفقك ويسهل أمـرك
aymsha
15/09/2010, 04:45 PM
ارسلت الان شكوى لشركة فورد وان شاء الله انهم يردوا عليها

اذا اجاني رد راح ابلغكم فيه.

هذا نص ما ارسلته لهم

Dear sir\madam,
This Ayman from Saudi Arabia and I have a problem in my car Ford explorer 2010. The problem is the air sound when I am going with speed more than 80KM/H and outside temperature is more than 40 degrees centigrade. Please run this video to hear the sound http://tinypic.com/r/eqzbc3/5 (http://tinypic.com/r/eqzbc3/5). by the way, I see this problem in about 5 cars Ford Explorer 2010.
When we go to local Agent which called “Aljazirah Vichels” they said the sound coming from front glass and the solution is to remove and return the glass again. I think this is not persuasive solution.
Please provide us the cause of this problem and please provide the local partner with the best solution.
We appreciate your corporation and understanding.

Eng. Ayman Shehada
Aymsha999@hotmail.com
العسيري 2007
15/09/2010, 09:14 PM
والله رووح على الضمان

انا عندي 2007 والحمد لله ما فيه هالاصوات
aymsha
18/09/2010, 01:24 AM
انا قادر اصلحها على الضمان لكن انا اريد من توكيلات الجزيرة انه كلما ياتيهم شخص لديه نفس مشكلتي يعالجونها من غير ما يغلبوا ويسحبوا في الناس. يعني يجيهم امر من نفس شركة فورد. والله يقدرنا على فعل الخير
moafaq999
18/09/2010, 01:34 AM
افادوك الاخوان
وعليك بالوكالة مادام السيارة تحت الضمان (( انشب لهم وعطهم الصوت العالي وقلهم راح اراسل الشركة الام )) راح يخافون ويقولون الرجال هذا فاااهم وينخاف منه
أ/عادل
18/09/2010, 02:53 PM
أنا مثلك
يطلع عندي نفس الصوت اذا مشيت 100-120 وكنت مطلع السيارة في رمضان 2010
رحت للوكالة وقالوا رح فرع السمكرة اللي بالسلي رحت لهم وقالوا خل السيارة وتعال بكرة
جيتهم من بكرة قلت لهم وش سويت وكان هندي اللي فهمت منه وأغلب كلامه بالانجليزي انهم غيروا الربل اللي على الزجاج الامامي واختفى الصوت
وعلى الضمان......
aymsha
19/09/2010, 04:08 AM
أنا مثلك
يطلع عندي نفس الصوت اذا مشيت 100-120 وكنت مطلع السيارة في رمضان 2010
رحت للوكالة وقالوا رح فرع السمكرة اللي بالسلي رحت لهم وقالوا خل السيارة وتعال بكرة
جيتهم من بكرة قلت لهم وش سويت وكان هندي اللي فهمت منه وأغلب كلامه بالانجليزي انهم غيروا الربل اللي على الزجاج الامامي واختفى الصوت
وعلى الضمان......

الله يزوجك يا عادل

بس لو تكرمت توصفني وين موقعهم بالسلي؟ وهل اروح عندهم مباشرة او يجب اروح فرع خريص اولا وهم يحولوني على السلي؟
وهل اختفى الصوت تماما وما طلعت اصوات ثانية؟