مشاهدة النسخة كاملة : تكفون أبي رايكم لا توخرون علي
الطايف
07/03/2005, 03:46 PM
السلام عليكم ورحمة الله وبركاته :D .
شباب مكشات الغالين أحييكم وأنا عضو متابع لمنتداكم الجميل منذ مدة طويلة بس ما كنت أشارك والحين حبيت أسجل واشارك وبغيت اسألكم سؤال.
ويش رايكم في جيب لاند كروزر (VXR) موديل 94 مخزن (بوية بلده وماطورة شد بلده) وإستخدام ممتاز.
ولونه كحلي ونظيف مرررررررررة.
راعيه حاده بـ45 ألف ريال.
تكفون ابي رايكم بسرعة كم يسوى.
لإني ودي اشتريه وخايف لا يروح علي.
Bader-M
07/03/2005, 05:02 PM
تبيي رايي
خذه وانت مغمض
اذا هو على كلامك
ولك مني كل محبه وتقدير
الطعس الذهبي
07/03/2005, 09:22 PM
الصراحة السعر غالي لاكن هل هو فل إذا كان فل فيمكن يصير ب45
الطرشي
08/03/2005, 01:32 AM
اخوي الطايف خبرتي بالجيوب قليلة لكن
اقولك ترى (( الوالد )) توه شاري جيب
ماله ولا شهر ..
موديل 97 اللون فضي نص فل
شاريه الوالد من جارنا (رشيدي ) اخوه بالكويت والجيب له
باسمه وكالة ونظيف الموتر صلح فيه الوالد حدود 2000 ريال
ونفضه نفض وطلع زبدة ...
شراه بــــ 51000 ريال
مع التشييك الاخير 2000+51000=53000 ريال
يعني انا اتوقع الــ97 ارغب واحسن من الــ 94
ذلك يعني انه جيبك غويلي شوي
واتمنى لك التوفيق
ALOTAIBI
08/03/2005, 02:17 AM
اسعد الله اوقاتكم بكل خير
اخوي الطايف اول شي الله يكتبلك اللي فيه خير حسب مافهمت من كلامك الموتر سعره طيب بالحيل ولا هوب غالي بس ما ذكرت مشيه كم ماشي اذا كان ماشي من 160 وتحت وبديه سالم الشاكوش وديكوره نظيف عز الله يستاهل بس خذ نصيحتي شيك عليه (محركاته )على الكمبيوتر وعلى بديه عند اطيب سمكري .
واي خدم تحت امرك
ودمت سالم
اخوك ALOTAIBI
نمر بن حثلين
08/03/2005, 08:47 AM
اخوي كل موتر له عمر افتراضي وبعدها يبدا يطلب قطع غيار مهما كان استعماله او متانة صناعته
والموتر هذا له 11 سنه !
يعني لو كان راعيه صاك عليه بتجوري لازم تصير فيه قطع مستهلكه او على وشك
لذلك اشور عليك تتركه وتتبع الموديلات الجديده وان صار جديد التايوتا غالي عندك النيسان حليل
ابو وطبان
08/03/2005, 12:59 PM
اخوي الطائف
الموتر الي تذكره طايف عليه 11سنه اكيد انه الان مقبل على الصيانه حتى لو كان واقف لكن انا انصحك ان تترك الداب وشجرة ( وخل العجز ودور البكاري يا مال العافيه )
الناصح : ابو وطبان
الطايف
12/03/2005, 08:39 AM
تسلمون جميع على الإفادة لكن زيما يقولون.
رضينا بالهم والهم ما رضي بينا
عطيناه الـ45 بغى الـ55 وهونا.
وعلى قولة أخوي أبو وطبان مالك ومال العجز.
والزين غالي لكن الأزين أغلى *** ولكل شراي بضاعة وسوقي
ودمتم بخير وعافية.
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir