الفزعه ياشباب يوكن 2007 (جيربوكس)

[ابولانا22]

سلام عليكم
طبعا الاسبوع الي فات غيرت زيت الجربوكس يوكن 2007 استخدام ونزلت تحذير ونصيحه من تغيير الزيت وراحت عليه الحساسات حقت الجيربوكس
اليوم شغلت السياره وامشي يبدل الاول الثاني يحلف انه مايبدل وديته فحص كمبيوتر قلي الحساسات كلها سليمه الكلتشات عندك محروقه يبغاله توضيب قولت خير
كل هالمصايب من تغيير زيت الجيربوكس
ياشباب الي عنده خبر كم يكلف توضيب الجيربوكس

[سوبر VTC]

على هونك طال عمرك
توضيب مرة وحده
وش نوع الزيت ؟
هل غيرت الفلتر ؟
غير الزيت قدامك ؟ او كنت غير موجود ؟
اذا دست عزم الموتر قوي ؟
القير يعلق على اي نمرة ؟ يعني مايريح ابد ؟
كد صارت المشكلة لجيب عيا يمشي تماتيك
و صارت المشكلة من مسامير الفلتر غير مشدودة
المشكلة عندك مسامير فلتر
او برمجة حساسات خريطة القير
كل نمرة له حساس خاص بها
او خراب حساس النمرة اللي يعلق عنده القير فقط
اللي غير لك الزيت يتحمل المسؤلية كاملة
وين موقعك ادلك على ورشة ؟

[ابولانا22]

هلا والله اخوي
ياطويل العمر النمره الثانيه ماتبدل ابد يشد الموتر لين يتعب
وديتها للورشة فحص كمبيوتر قلي الحساسات مافيها شي
سحب عيار الزيت وشم ريحة الزيت وقلي الزيت محروق الكلتشات عندك ظاربه
الزيت والفلتر غيرتهم الاسبوع الي فات مع الحساسات
الله يسعدك

[ابولانا22]

انا الان في المدينه المنورة وديتها ورشة الردادي وورشة ثانيه كلها كمبيوتر وقالو نفس المشكلة

[سيوفي]

انا نفس مشكلتك بس 2005 دينالي .... بس انا وضبته والى اللحين ما حصل تغير ... وخليته عند راعي الورشه بخشم المشعاب ... قلت طلعه لي مضبوط ... كذا ما استفدت شي من توضيبك ... والشكوى على الله .... بلغني وش بتيصير معك تكفى

[تايتد]

وديه عند فهد الجهني بطريق العيون اذكره هناك مادري باقي ولا لا
بالمجمع اللي عند الحدادين باليمين ولا المولد اللي عند قصر سمر
او القرافي توفى بس اخوه موجود هذول الللي يفهمون بلامريكي بالمدينه سعوديين وكانو سواقين
يعني مرة عليهم المشاكل 00 يفيدونك ويحلون للك المشكله انا اذا نزلت من الرياض لزم امر عليهم افحص
السياره واشيك عندهم للاطمئنان00000
تحياتي 00000

[ابولانا22]

هلابكم الله يسعدكم
اليوم بودي السياره للردادي ويفك الجيربوكس
كلها من لقافتي غيرت زيت الجيربوكس بس بعد كذا هين ان غيرته

[ابولانا22]

فكينا الجيربوكس واشتريت القطع من بالبيد
القطع 3500 ريال
شغل اليد 1100 ريال
دعواتكم انه يظبط بس

[ولد وايل..]

عزيزي الله يعينك ويوفقك ويسرك بموترك....

المشكله انك وانت اعلم تاخر جدا في تغيير الزيت ضربت الكلتشان من تاخير الغيار فلما تغير الزيت ما تستقبل خلاص تصير ماتعشق...

ع شان كمذا يقولون لاتغير الزيت حق القير اذا طولت عليه ولا اذا كان يحنننن بالتبديل ولا اذا كان ينتع...


لانه بعها تووضيب طوووول


الله يعينك

[ابولانا22]

هلا ولد وايل اخوي
والله يااخوي مو انا الي ماغيرت من زمان انا قبل اسبوع مشتريه استخدام امريكي وروحت وسيتله صيانه وغيرت زيوته واكلتها على وجهي الحمدلله على كل حال

[سيوفي]

المهم وش صار ..... انا وضبت وللحين مازان

[ابولانا22]

سيوفي لسه السياره يبغالها كم يوم واطلعها واديك خبر

[Magellan]

كثير يتهاونون بتغيير الزيت
مع إن التكلفة الإجمالية مابين 250-300 ريال كل 50 الف
من المفترض اي واحد يتذكرعداد الزيت عند التغيير أويكتبها بنوته صغيره

[ابولانا22]

ياجماعة الخير امس فك الجير وانا واقف على راسو المهم طلعلي قطعة تروس فيها مسببه رايش وومسوح منها سنن كثيره لمى جبت القطع الجديده طابقتها على القديمه وفعلا السنن ممسووووحه ورايحه فيها المهم طبق القير اليوم وركبه وعباه زيت وشغل السياره وقلنا بسم الله وجربنا السياره والله العظيم انصدمت واتحطمت امالي انو المشكلة مازالت موجوده مايبدل فرجعنا الورشه وجلست اصارخ عليه مابقيت ولاخليت
المهم كان رده انو فيه مشكلة كهرباء في الجيربوكس والترس الي نعدم اول وحرق الكلتشات خرب من سبب الكهرباء فقلي احنا نوظب ونركب الجيربوكس وان ماتعدل فيه اربع خطوات بعدها تششيك من ظمنها حساس خارجي وكذا شي وراح يطلع واحد فيهم خربان
فموعدي معاه العصر
لكن الي هون علي فكت القير وماحطيته تحت القير وفكيت القير عليه انو فعلا القير فيه رايش وسنن التروس الله بالخير مكسره وممسوحه
هذي ثاني حلقه اليوم باقي الحلقه الاخيره اليوم في الليل ودعواتكم انو يظبط
يعني لو ماكنت فوق راسه وماشفت شغله وشفت القطع الخربانه وانا بنفسي جبت القطع الجديده كانت كان مااقتنعت

[ابولانا22]

الحلقة الاخيره من مسلسل الجيروالظاهر ماراح ينتهي لان اسمع صوت لمى ادعس بنزين صوت صرير تحت وبرجعله
لكن المشكلة الاساسيه عندي كهرباء بعد ماطبق الجيربوكس الثاني مايغير رجع اتبع الظفيره ولقي فيها سلك مجروح وغيرو والسياره ظبطت الحمدلله
لكن باقي هالصوت اشوفه اليوم

[قمة افرست]

اخوي ابولانا الله يعينك ويعوضك
السبب لم يكن في الكلتشات ولاكن سوء المهندسين ضريبة لازم ندفعها
دائما مايكون السبب بتعطل القير وبعد شرحك للمشكلة
احدى امرين اما الحساسات ويكون الكشف عليها عن طريق الكمبيوتر
اوكهرباء القير احد الافياش يكون غير واصل صح ويكون الكشف علية بالطريقة العادية وليس الفيش كاملا قد يكون سلك فقط يسبب هذه المشكلة
وسبق في ردوي السابقة اني اكدت لك ان القير لايمكن يخرب بسبب تغيير الزيت

الاحتمال الاقرب هو ماذكرت لك والخلل موجود باكثر السيارات وليست اليوكون تم فرط فورد 4 مرات وتوظيبة بالاخير اتضح الخلل من احد الافياش سلك لايوصل الكهرباء صح
مع الاسف وهو ماحز بنفسي انني اطلعت على الموضوع وطرحك بعد ان ادخلتها الورشة
وكنت على يقين بعدم حل المشكلة
وبرغم تاكيد اكثر من ورشة فالغلط ليس غلطك ولاكن حسبي الله ونعم الوكيل فيهم



الحمدلله انه تم الانتها من التصليح وان شاء الله تعود الامور سليمة دعواتي لك بالتوفيق

[سيوفي]

والله ياخوي ان مشكلتك نفس مشكلتي .... كل مازينت فيه شي طلع فيه شي ثاني ... والظاهر والله العالم مافيه غير عين ... شكلي بجيب مويه من ابا الخيل مقري فيها وبكبها عليه او بروح به تحت الميكرفون في البرحة خل ان كان فيه عين تنفقع الله يعمي راعيها

[ابولانا22]

سيوفي اليوم الميكانيكي يقول هذا سياره عين قوي
قولت الشكوى لله
الحمدلله ع كل شي