مشوره منكم يا اخوان لا تبخلون

[فهدالتميمي1]

السلام عليكم انا لقيت لي موتر جمس 2001 قطعه عشره مصفح دبل قير عادي فيه على كلام راعيه سمكره في الرفرف ومشكله في المساعدات الخلفيه يبيلها تغيير وتهريب خفيييف من الصوفه وعلى كلامه انه صلحها ولا ادري هو صلاحها ولا لا؟

سؤالي الموتر في اعتقادكم كم يسوى؟؟

والموديل هذا هل فيه مشاكل؟؟
وان شاء االه اني ابستخير لكن ماخاب من استشار

ابغى رايكم بشكل عام عن هالموتر

وجزاكم الله خير

وشاكر لكم تعاونكم.

[اعشق الطيب]

مساك الله بالخير يا فهد حسب خبرتي بالجموس ابعطيك نصيحتي :
1- نفس موترك النظيف مرة بدون سمكرة ولا رش من 41 -39 ويمكن تحت
2- من 2000 الى 2010 لا تأخذ قير عادي خذ تماتيك عملي وارغب بالسوق
3- القير العادي ليس له قطع غيار بالسعودية لازم طلبية من الخليج والتماتيك متوفر جدا
4- المشكلة في الجموس طرمبة البنزين كثير خراباتها لكن كنها تغيرت من موديل 2006 قلت خراباتها .
5- خذ تماتيك وريح عمرك أقوى عزم وأقل خراب وعملي .
هذي نصيحتي واسلم وسلم

[فهدالتميمي1]

هلا وغلا بك ياعاشق الطيب

والله ما قصرت كفيت ووفيت
لكن سبحان الله انا مستغرب من مسئلة القير اخبر العايدي هو الجبار بشكل عام ما اتكلم عن الجموس لكن مثل ما قلت يمكن فيها عيب تصنيعي

اكرر شكري لك وجزاك الله الف خير

[قدر مكتوب]

هلا وغلا بك ياعاشق الطيب

والله ما قصرت كفيت ووفيت
لكن سبحان الله انا مستغرب من مسئلة القير اخبر العايدي هو الجبار بشكل عام ما اتكلم عن الجموس لكن مثل ما قلت يمكن فيها عيب تصنيعي

اكرر شكري لك وجزاك الله الف خير

غريب ليش القير العادي ماله قطع غيار !!!!!!!!!!!!!!!!!!!! وش المشكلة فيه ؟

[فهدالتميمي1]

ياهلا بالقدر المكتوب

ياخي والله انا مثلك مستغرب

وفيه نقطه ان العادي ارغبه اكثر من التماتيك تعرف ما يطربك الى العادي

[اعشق الطيب]

مرحبا فيكم جميع القير العادي يطرب أكيد بس من موديل 99 وتحت اما فوق ما يتحمل لان النحاسه حقت القير ماهي حديد عشان كذا ما يتحمل وتراه حظ أعرف ناس ما خرب معهم بس يبي واحد يرفق عليه . اما ليش القير العادي ما له قطع غيار سؤال موجه الى الوكيل أنا مثلك ابي جواب ؟؟؟؟؟؟؟؟؟؟؟؟؟؟؟؟؟

[Somebody]

السلام عليكم ورحمة الله وبركاته

أي ونيت أمريكي 88 وفوق حتى 2007 الدبل فيه عيب مصنعي ألا وهو الهلال اللي في الدبل صار يجي خبث ما هو مثل القديمات يجي حديد..

فلذلك من واااقع خبرة اذا حبيت تأخذ ونيت دبل خذ ياباني .. أما غير دبل ما عندك مشكلة في الأمريكي قوي مريح..

والله يوفق الجميع

[فهدالتميمي1]

بيض الله وجيهكم يا اخوان اخوي عاشق الطيب و somebody كلام والله مفيد جدا ومستحيل يكون الواحد في حيره وفيه مثلكم وشرواكم

ما قصرتو كفيتو ووفيتو
جزاكم الله الف خير