صوت مثل صوت الدركسون

[غربي هواوي]

السلام عليكم


عندي دودة الجيب لا عادت من دودة

كل يوم وهي في حاله غيرتها ويوم اشد ويثقل الردسكون ويوم ارخي واحس فيه فضاوة

مالك باطوالها اخيرا كأنها ضبطت

ولي الان اكثر من اسبوع في صوت اول ما اشغل السيارة مثل صوت الدركسون يوم يكون الزيت ناقص ولا لفيت يمين ويسار يزيد

والزيت ماهو ناقص وفي اثار زيت خارج العلبة


يعني وش رايكم وش السبب ؟؟ظ


انا اقول يمكن علبة الدركسون نوع السيارة جيب لاندكروزر 2002

:(

[سالم السرهيد]

انا حصلت معاي هالمشكله انا معاي جيب جي اكس ار 2003

عندي تهريب في دودة الدركسون ولكن الزين ماينقص واشوف نقط تحت الموتر منه .

بس مافيه صوت اطلاقا فقط تهريب زيت .

رحت وفتحوا الدودة لقوا عامود الدودة خربان لازم يستبدل لأن لو ركبت اصلاح له ماينفع راح يهرب مره اخرى بسبب العامود .

صراحه انا بحثت عن عامود لحاله مالقيت في التشاليح عندنا ورحت للوكالة قالوا يجي طقم كامل مايجي العامود لحاله وقيمته 3000 ريال .

وشريت دودة كاملة من التشاليح وعلى الضمان بعد وركبتها وراح التهريب شريتها بقيمة 1500 ريال .

وشغل العامل اللي ركبها 400 ريال يعني كلفتني 1900 ريال بس بصراحه ارتحت كثير لما غيرتها .


وانصحك تصلحها وتريح راسك .

الله يكون في عونك .


تحيتي

[عاشق القناصه]

طيب انا عندي صوت دبجة قوية سيارتي وسيارة واحد الاقارب لاندكوزر اذا رقيت المطب على سرعة او بالنفود اذا كانت الارض محيوسة الصوت قدم على اليسار هل اهو من الدودة

[برنس الهدد]

طيب انا عندي صوت دبجة قوية سيارتي وسيارة واحد الاقارب لاندكوزر اذا رقيت المطب على سرعة او بالنفود اذا كانت الارض محيوسة الصوت قدم على اليسار هل اهو من الدودة


نفس المشكلة عندي طقه قوية على اليسار وما ادري وشي منه

[غربي هواوي]

اخوي سالم

مافي تهريب اي زيت

فقط على علبة الدركسون على الغطاء في زيت بسيط

[سالم السرهيد]

اخوي سالم

مافي تهريب اي زيت

فقط على علبة الدركسون على الغطاء في زيت بسيط



طيب وده الى ورشة ممتازة خلهم يفكون الدودة ويطلعون العامود حق الدوده اذا سليم زين بس غير الاصلاح قيمته 200 ريال اصلي وكالة .

اذا العامود في دقه ماينفع حتى لو تركب اصلاح جديد له لازم تغير العامود يمكن تلقى عامود بالتشاليح عندكم اذا مالقيت اللي يعينك على تغيير الدودة .