صوت ونه أوحنه في تاهو2009

[شهم1111111111]

السلام عليكم
شريت تاهو 2009 دبل من التوكيلات
وعندما مشيت الموتر حوالي 3000 كم سمعت فيه مثل الحنه أو الونه عند سرعة 100كم اسمعها مع دعسة البنزين
صبرت على السيارة حتى صيانة 5000كم ودخلتها للوكالة وذكرتها للموظف وجلست عندهم السيارة اسبوعين كلموني وقالوا السيارة فيها بيرنق الدفرنس ونحن ننتظر القطعه تجي وبعد اسبوع جيتهم وطالبتهم بسيارة بديلة عطوني ابيكا أخذتها وبعد اسبوع كلموني وقالوا سيارتك جاهزة ولكن لما استلمت السيارة وجدت المشكلة موجودة أعدها لهم وقالوا وزن الفرنس بعد ماسمعتها للفني
ولكن الصوت صار أقوى وعند سرعة 120كم أخذتها للحاجة وسافرت بها للطائف في الصيف الماضي وعندما
رجعت للدمام أعدتها لهم وقالو المشكلة في البيرنق الكبير في الدفرنش خذ السيارة وبعد وصول القطعة نكلمك ولكن ما أحد يكلم وعلى قولت المثل اتبع الكذاب إلى بيت أهله
أخذت حوالي شهر وكلمت جي إم بالتلفون وارسلت لهم إميل بجميع التفاصيل وقالوا لي جي إم دخل السيارة عندهم ودخلتها المهم كلموني الصيانه بعد يومين وقالوا تعال جرب السيارة وعندما جربت السيارة ما سمعت شي وسافرت بها إلى منطقتي والتي تبعد 300كم سمعت الصوت في الطريق وكأنه أخف
وكلموني جي إم
لكن انا لم أدخل السيارة الى الآن بسبب ظروف عملي
وش رايكم في المشكلة أولاً
وش رايكم في طريقة التعامل مع الصيانه حتى تصلح السيارة
السيارة اآن ماشية 18000كلم

[شهم1111111111]

الرجاء من الإخوه أصحاب الخبرة والفزعة توجيهنا عن ما يلي
1) ماهي طبيعة المشكلة؟
2) الطريقة الصحيحة للتعامل مع الوكالة؟
3) لماذا هذه المشكلة منتشرة في اليوكون والتاهو من موديل 2007إلى 2010 وقد لاحظتها في سيارة صديق لي تاهو 2009م وكذلك في سيارات من سيارات أرامكو يوكون موديل 2008
بعض الناس يقولون طبيعي لكن أنا شفت سيارة أخوي نفس الموديل ونفس النوع ومن نفس الوكالة لا يوجد فيها صوت وهذا هو السبب الذي جعلني أدخلها للوكالة أكثر من ثمان مرات

[بدوي جنوبي]

عليكم السلام
هلا ابو شهد نرحب بك فى مكشات
وخاصة قسم السيارات

ترا هذى ما فهمتها

ولكن لما استلمت السيارة وجدت المشكلة موجودة أعدها لهم وقالوا وزن الفرنس بعد ماسمعتها للفني

صدقنى المشكله الاساسيه كان حلها بسيط
والرمان عندك من الاساس سليم ،،،

المفروض من ضمن تشييك ال 1000 كلم وتشييك ال 5000 كلم
يرجعوا يشيكو ويشدو زيادة على وزنيه الكرونه (طبعا بساعة الوزن )

واذا الوكاله ما عندها ساعة وزن مصيبه

انظر الصور واقتباس : من موضوع °° °°☼ •• كارونة دفرنس توضيبها بالصور اكثر من 108 صورة ••☼ °° °° (http://www.mekshat.com/vb/showthread.php?t=229302) ‏

ذكرت اول
ان ما عندنا ساعة وزن ولا رقم وزن
ولا فى جهة اروح لها اقدر اوفر الرقم
مثل الوكالات
بصراحه فكرت اروح للوكيل
لكن ردنى فترة العيد
والاهم ما اتوقع ان احد بيفهمنى او يعطيني وجه
حتى لو كان من ابناء بلدى

اقصد عند الوكيل
واعتقد يعتبر هذا سر لهم ما يفشوه لاحد ممكن يفكر انى صاحب ورشه
صيانه ،، ويعتقد انى بأسحب الزبائن عندى
ممكن ،،،

نرجع ونقول ما بدهاش تفكير
نوزن بالشغل البلدى
نشد الفلنجه للاخير
حتى نعجز عن الشد

صوره : 97

http://www.mekshat.com/vb/../pix/upload03/images125/mk32037_e20.jpg

بعد ما نشد
طبعا ما راح تقدر تدور الفلنجه لانها مشدوده للاخير
وضاغطه على الرمان
،،،

نرجع نفك صاموله الفلنجه ربع لفه
ونلف الفلنجه كامل ونلاحظ انه اصبح خفيف الدروان وسلس
اذا لاحظت ان صامولة الفلنجه
عندما رجعناها ربع لفه اصبحت خفيفه
يعنى تحتاج شد ،،، صُـك* الفلنجه بضربة شاكوش وارجع شد مره ثانيه
على خفيف حتى تلاحظ انه الصاموله ماسكه مضبوط ،،،
وانتبه ترجع تثقل الفلنجه
يعنى يبيلها واحد فاهم ،،،
ودائما الفك عكس عقارب الساعه
لاى مسمار في الدنيا
مسامير الكفرات
ومسامير المحرك والقير والدينمو
الخ ،،،

عدا السيارات الالمانى
بعضها مو كلها ،،

صوره : 98

http://www.mekshat.com/vb/../pix/upload03/images125/mk32037_e21.jpg

ويش رايكم في الرسم
خطير صح
لا تفوتك الساعه
كوارتز

الان ندور الفلنجه ونشوف مقدار الخلوص
من خلال الاستماع
لطق طقة ترس التاج والبنيون
مع النظر لترس التاج ونقعد نحرك
حتى نشوف ان ترس التاج ما يتحرك
وانا ما زلت احرك ،،
الف الفلنجه لليمين ولليسار
واسمع مقدار الخلوص بين التروس
اذا الخلوص بسيط
هذا اللى نبغاه

اما اذا كان الخلوص زائد لابد نرجع نشد على صاموله
الفلنجه ،، طبعا هذا المتبع في اغلب الورش

دائما اذا تم تغيير رمان او ترس او اى قطعه داخل الدفرنس
طبعا لابد من وزن الكرونه من جديد

طبعا ليه يظهر الصوت بعد تجربة 1000 او7000 كلم
لان التروس بعد التوضيب ما تاخذها مكانها مضبوط الا بعد القياده
والصح فى الوزن يكون مرتين:

المره الاولى عند التركيب
والمره الثانيه بعد القياده بمسافه 2000 كلم كأقل تقدير

زبدة الكلام :

اذا رحت للوكاله مره ثانيه
تأكد انهم وزنو الكرونا بالساعه .
تاكد من تروس التاج والبنيون سليمه ما فيها تجويف او نتوء


اذا ما بتروح للوكاله
والصوت الان خفيف وغير مسموع الا لك انت
خلاص اترك الوضع كما هو ولا تتعب نفسك مع الوكاله .

معقوله يلطعون الواحد اسبوعين عشان خراب مثل هذا
وصدقنى ما ياخذ ساعيتن او 3 شغل يد .
اخوى عنده تاهو 2007 ما عند اى مشكله


بالتوفيق

[3bdelm7sn]

انا عندي صوت في اليوكون 2007 على سرعة ال 90 طالع له اسبوعين تقريبا والصراحة ما فكرت اصلح او اسوي شي لانه صوت خفيف جدا

[شهم1111111111]

أشكر أخوي بدوي جنوبي على الرد والتوضيح واضح أنك شخص فاهم ومتمرس وعندك خبره واسعه عشان كذا احب توضيح ببعض الأشياء:
1)أنا ضيف جديد في المنتدى ماني ببوشهد أعرف السبب هو تشابه إسم المستخدم
2)السيارة مشتريها وكالةأصفار
3)الوكالة كما اخبرني الفني قاموا بالوزن للدفرنش حسب تعليمات جي إم وقالي الفني أرقام معينه نسيتها الآن
4) هم قالوا غيرنا طقم البيرنقات
5) ألاحظ أن صوت الحنه (أغغغغغغغغغغغغغ --- حرف غ متصل ) يتغير وضوحه عندما تدخل السيارة للوكالة واستلمها
فمثلاً أول مرة كان وضوحه عند سرعة 100كم/س والمرة الثانية أصبح وضوحه عند 120كم/س والمرة الثالثه صار وضوحه عند 90كم/س
6) إذا كان الصوت خفيف هل تركه يضر أو يتطور؟
7) سمعت من بعض المهندسين أن فك الدفرنس وتغيير أي قطعه فيه مايضبط مهما عمل الفني من وزن وغيره وقالولي أفضل شيْ تغيير الدفرنس كامل لأن الدفرنس ما يضبط شغله إلا المصنع

[ابو انس2006]

أسمع الكلام

صدقني الدفرنس أذااحد فكه أو غير فيه شي ما راح يضبط أبد

وما احد يقدر يوزنه لك

فانت خذها من قاصرها وخلهم يركبون لك دفرنس كامل بالكرونه والعكوس

غير كذا ماأعتقد راح تنحل المشكله عندك

ولعلمك انا عانيت من هذي المشكله حتى أنها طلعت الشيب

لمدة سنتين .. واخر شي غير واحد من التشليح كامل بالعكوس وكل شي

والحمد لله الى اليوم والامور من افضل ما يكون

فنصيح لا تضيع وقتك معاهم بالفك والتركيب. الدفرنس معقد كثير

[الباثفندر 3.5]

الله يعينك و الله ادري بالي حاس فيه يعني سياره جديده و تطلع فيها مشكله مؤذيه مثل هذي
الله يفرجها لك و الله يخوك انه الكل يشكي من بلاوي اليوكن و التاهو صج امريكي صناعه رخيصه و اي كلام و انا اعرف واحد ماخذ تاهو 2009 تأجير و ما صارله معه الا شهرين و فيه رجه مو طبيعيه صج رجه قويه بالموتر و لي يومك ما راحت كلش ما اقول الا حسبيا الله و نعم الوكيل عليهم

[خالد الزومان]

مرحبا
الله يعينك على الوكاله و نصبها
بعدين السيارات الامريكيه حظ ونصيب .. كنك مشتري لك جحه يا حالي ولا مر ...

[آخر العنقود]

نصيحه ما دامت السياره على الضمان انشب لهم وقل غيروا الدفرنس كامل لأنه قليييييييل الي يضبط وزنية الدفرنس ويبغالها واحد فاهم وما اتوقع فيه احد يضبطها......

[Magellan]

ياأخي الكريم كان عندي هذا الصوت (غغغغغغغغ)مستمر
وتزيد مع الدعسه
للأسف التشخيص السيء له دور في تخريب السيارة
إنتظرت وزاد الصوت
وكل يعطيني من راسه: دفرنس ،قير مكينة،عكوس..وووو
وبالأخير يطلع الصوت من الرمان بللي (البيرنق)حق بكرة السير
غيرته مع شغل اليد بـ100 ريال وراح الصوت
للمعلومية السيارة شفروليه تريل بليزر

[شهم1111111111]

أشكر للجميع الإهتمام
الأخ magellan الصوت أسمعه من الخلف
والله مدري وش أسوي أنا بعيد عن الوكاله وان بغينا نبيع مانبغى نغش أحد وكل من قلت له المشكله أما تروع وهج وألا أعطاني قيمة قليلة والوكالة يقولون عندنا خطوات يعني الموضوع معهم شكله مطول حسبي الله ونعم الوكيل وبس

[alrzeenq8]

الله يعينك ياخوي
انا عندي بعد نفس الصوت لكن يطلع على سرعه80 الى 90 وبعدها يختفي
الصوت صوت ونه وعنه وحنه (هيهيهيهيهي عشان التعبير يوضح)
الله يعينك عليهم

[شهم1111111111]

يا أخ alrzeenq8 بعد االسلام
ما نوع سسيارتك وماهو مودديلها