تكفون فزعتكم يارجال مكشااات بخصوص السكتون الهوائيه الله يرحم والديكم

[مصفق القمري]

السلام عليكم ورحمت الله وبركاته
اسعد الله مسائكم \صباحكم
بغيت اسالكم انا عندي سكتون هوائيه فيروخ 80 وعندي فيها مشكله الي هو العيار حق الارقام 12345678
اذا وازنت العيار على راس الحبه ورميت اكثر من 5 رميات يدور مثلا حاطه على رقم خمسه5 مثااااال حاطه على رقم خمسه5 ورميت اكثر من 5 او 8 رميات يدور الى رقم 4 او 3 يعني مره يرجع ومره يروح قدام يعني يزود وينقص فا مادري اغير العيار او فيه حل ثاني وين احصل العيار جديد وكم سعره وشكرررررااا
<ملااااحظه .....ان العيار مرتخي مره لو تنفخ عليه يدور >
<<يقول واحد انه المشكله من السبرنق حق العيار و مادري تكفون افيدوني>>:(

[صياد شمر]

بدل عيار الوزنيه وبأذن الله سينجح

[إعقلها وتوكل]

أول شيء شوووف المشكله هي في العيار أو مسمار الربط حق العيار

[التميمي سعود]

أكرب على المسمار على الوزنيه الي تبيها طال عمرك ،،

[مصفق القمري]

هلا اخواني سوال كم سعره لو بدلته وين احصله انا من بريده مشكورين على مروركم

[بواردي الدلم]

تبي الحل بس

تعرف التيب حق السباكه ( شطرطون ابيض حق المواصير )

لف على المسمار اللي فيه الارقام طبعا من تحت لف لك ثلاث لفات بس وركبه واوزنه على كيفك وبيزين إن شاء الله

سبق وجربتها بنفس الساكتون اللي معك وإلى يومك وهي ثابته

[النداوي HZ2AF]

المكان المفيد لك هو خيمة أدوات الصيد الأخوان هناك يفيدونك أفضل لذلك أسمح لي بنقل المضوع إلي الخيمة المناسبة له ....... أخوك النداوي

[مصفق القمري]

هلا اخوين النداوي منور موضوعي انا كتبته هند بخيمة ادوت الصيد بس ماحد افادني قلت اكتبه بهالخيمه افضل يساعدوني على طول

[مصفق القمري]

هلا اخوي النداوي منور موضوعي انا كتبته هند بخيمة ادوت الصيد بس ماحد افادني قلت اكتبه بهالخيمه افضل يساعدوني على طول

[عاشق الشعبيات]

أنت قلت تكفى وأبشر بعزك يا الذيب لو أشري لك وحده ثانيه

بالنسبه للمشكله اللي عندك هذي .. فيه رمان على نفس فرار الأرقام يجي من تحت هذا الرمان اللي عندك طايح فعندك وحده من الثنتين يا إنك توزن البندق وتبتثها بشي مؤقت مثل ما قال أخوي بواردي أو إنك تشري لك فرار أو علم كامل لأن سببها هو الرمااااااااااااااااااااااااااااااان ماهو موجود عندك.

أما المحلات اللي عندكم في القصيم ما اعرف فيها شي .. لكن إذا تبي أشري لك وحده من الرياض وارسلها فأبشر بسعدك.

اتمنى إني أكون أفدتك ولو بشي بسيط

والله يرحم والدينا ووالديكم عن النار...

[عاشق الشعبيات]

أنت قلت تكفى وأبشر بعزك يا الذيب

بالنسبه للمشكله اللي عندك هذي .. فيه رمان على نفس فرار الأرقام يجي من تحت هذا الرمان اللي عندك طايح فعندك وحده من الثنتين يا إنك توزن البندق وتبتثها بشي مؤقت مثل ما قال أخوي بواردي أو إنك تشري لك فرار أو علم كامل لأن سببها هو الرمااااااااااااااااااااااااااااااان ماهو موجود عندك.

أما المحلات اللي عندكم في القصيم ما اعرف فيها شي .. لكن إذا تبي أشري لك وحده من الرياض وارسلها فأبشر بسعدك.

اتمنى إني أكون أفدتك ولو بشي بسيط

والله يرحم والدينا ووالديكم عن النار...

[مغرم بالفتك]

يمكنك ماشديت المنشاف

[Combat]

شف يالغلا ان ما خاب ظني عندك البلاستيكه حقت الفرار خربانه ويبغالك تغيرها وسعرها 15 وتركيب ب 5 ولا 10 ان كثرت
وخله يوزن لك البندق بعد وجربها اطلق من عنده 20 طلقه تجربه ^_&

انشاء الله اكون افدتك

[رحال جده]

اخوي اذا مانفع كلام الشباااب خذ المعلومة ذي يمكن تفيدك

اول شي اوزن العيار الي تبية وبعدين خذلك غراء سائل الي يجي لونه اصفر وبعدين غر المسمار الي تحيت
العيار وان شاء الله تبي تضبط معك

[كاتم الشكوى]

الوكيل الرميح عندك ما هو بعيد بالزلفي
لك يوم خذ ترامس الشاي والقهوة وخليها تمشية
من بعد الظهر ومع هالطعوس وما يفتح العصر إلا وإنت عند الوكيل
وعند الوكيل الرميح تلقا الحل
وألا أخونا عاشق الشعبيات ما قصر بيض الله وجهه
بالتوفيييييييييييييييق

[star4000]

ماشاء الله عليكم جميعا الله يبارك فيكم

[راعي عودات]

عليك السلام اخوي
تراء مشاركه رقم سته اللي رد عليك بها بواردي الدلم هي اكيد بتضبط معاك
ولا هان من يفراء وكتب--وتراء لو تمسك مسار الارقام وتلف عليه بيضبط بالتيب حق المواصير

[مصفق القمري]

اشهد بالله ان عليكم بياض الوجه و مادري كيف اشكركم كل واحد باسمه <عاشق الشعبيات ـمغرم بالفتك ـ combat ـ رحال جده ـ كاتم الشكوى > اشهد بالله مقصرتم يالله يارب ترحم والديهم والي افادني
وياعاشق الشعبيات ماودي اكلف عليك مرورك كانك شاريلي ام خمس هههههه
مشكورررررررررين