وش شوركم يالربع

[ابو خالد 8]

بسم الله الرحمن الرحيم
السلام عليكم ورحمة الله وبركاته


يا جماعة الخير انا عندي شنطة من السنيدي
ارتفاعها بحدود نص متر
والعرض متر
وشوركم وش احط فيها وانا ناوي اسعافات اوليه بس كبيره عليها


وشوركم يا الربع في اسرع وقت

[wafi4sa]

اخي الكريم
انا اشوفها كبيرة جدا تصلح موشنطة اسعافات تصلح مستشفى هذي
لكن عندي لك نصيحة من اخ لأخية
رح للي يبعون الأدوات الطبية او صيدلية كبيرة تجد عندهم شنط مقاسات
ومجهزه بكل شي من الأدوات الأسعافية
ولكم مني مليون تحية
الله يوفقك

[ابو سيـف]

اخي الكريم
انا اشوفها كبيرة جدا تصلح موشنطة اسعافات تصلح مستشفى هذي
لكن عندي لك نصيحة من اخ لأخية
رح للي يبعون الأدوات الطبية او صيدلية كبيرة تجد عندهم شنط مقاسات
ومجهزه بكل شي من الأدوات الأسعافية
ولكم مني مليون تحية
الله يوفقك


:good2: كلامه صح ..... وتقبل مروري ،،،،

[ابو خالد 8]

تسلمون

بس الفكرة انك تعبي ابوها اسعافات

يعني بدال الواحد ثلاثه وما تحتاج شي من برا

[اصيل نجد]

يابو خالد الله يطول بعمرك تعبي ابوها ادويه الله يجعلك ماتحتاجها الادويه لها تاريخ معين بعدين لاتنسى الحراره عندنا جايبه الطبلون يعني العلاج او الاسعاف اللي بالشنطه عطه نص تاريخ الصلاحيه ياخي عنديلك شور قل وشو تروح الله يطول بعمرك اذا كنت بالرياض لشارع الضباب فيه جميع الادويه والتجيزات الطبيه وتاخذ الى انت محتاجه من عندهم يعني تجهز قطعه قطعه احسن وتمر اي محل عنده لوازم البر وتجهيز رحلات او سوق الخيام تاخذ شنطه صغيره مبطنه ومن داخل بلاستك علشان الرطوبه سعرها مايصل 20 ريال ومقاسها 20*15 سم وعبها من الادويه والمكركوم والقطن حطه بقاروره بلاستك ومقصات ومرهم حروق ومسكن اسنان وانت ماشي يعني ارخص مليون مره من الصيدليات والاهم تحط اللى انت محتاج واسل مجرب واذا لزمك اي خدمه راسلني على الخاص تحياتي لك .

[دغيم1]

بسم الله الرحمن الرحيم

السلام عليكم ورحمة الله وبركاته
يا جماعة الخير انا عندي شنطة من السنيدي
ارتفاعها بحدود نص متر
والعرض متر
وشوركم وش احط فيها وانا ناوي اسعافات اوليه بس كبيره عليها
وشوركم يا الربع في اسرع وقت



حياك الله أخوي
إذا ماتحتاج لها في أي شيء
بمكنك إستخدامها لأغراضك الشخصية من ملابس وغيرها
وتضيف إليها أدوات الإسعافات الأولية
كما تستطيع أن تضع فيها بعض الأجهزة التي تخشى على تلفها
مثل القارمن والجوال وغيره
مع أنني أراها كبيرة لحاجتها
تقبل تحياتي وتقديري
أخوك : أبو فيصل

[- أبو سالم -]

شف و انا اخوك انا افضل انك تحط بها شنطة اسعافات أوليه وشنطة عدة تعرف مفكات و زردية و رقعة كفرات يعني العدة كاملة و المساحة الباقية دبر نفسك فيه حط ماطور هواء اذا ما كنت مثبته بالكبوت يعني حط الاغراض اللي تحتاجها ضروري لا سمح الله في الكشتة .<<<<<<<< بدري توك تخلص .
اعذرونا على الاطالة .

[ابو خالد 8]

تسلمون وجزاكم الله خير

[سرهيد]

السلام عليكم

انا اشوف الاطوال هذي كبيرة مرة وتصلح شنطة طبخ وقهوي وشاي في نفس الوقت

لكن اذا تبي شنطة للإسعافات فلا تفوتك هذي

http://www.mekshat.com/pix/upload/images30/mk33838_7s.jpg


http://www.mekshat.com/pix/upload/images30/mk33838_10s.jpg

http://www.mekshat.com/pix/upload/images30/mk33838_11s.jpg



وراجع الموضوع التالي في تفاصيل عن شنطة الاسعافات

شنط الإسعافات الأولية .. أنواعها ... أسعارها .. محتوياتها..و30 صورة مع راعي الهـــدد (http://www.mekshat.com/vb/showthread.php?t=79404)

[ابو خالد 8]

يا اخوان حاولت اخليها عزبة شاي وقهوة بس ما تكفي
يعني بالقوة دخل الابريق والدلة والقز

[B A R E K]

اخووي ابوخالد انت تقول ان عرض الشنطة متر واحد ..
مو معقولة انها ما تكفي ابريق ودلة وقز ..
يمكن عندك مشكلة بالأطوال .. ويا ليت صورة للشنطة حتى تتضح الصورة للجميع ..

[ابو خالد 8]

اصبر لي فترة والصور عندك