رجة * رجة

[S4500]

اخواني عندي باترول 99 بخاخ

وعندما امشي من 100 إلى 120 فية رجة بصيطة

واذا سحبت فرامل على نفس السرعة المذكورة تزيد الرجة

وش الحل معة ؟؟؟؟؟؟

[نقطه]

الحل وانا اخووك لا تمشي اكثر من 80 هههه >> أمزح

يمكن المشكله ترصيص الكفرات ماهوا بزين

ويمكن برضه الاذرعه والمقصات

وترا الوضع خطير صلحه في أقرب ورشه

>>ذكرتني بجيب ولد عمي باترول 83 كانت فيه رجه زي هااذي أقوله يافلان وش الحل يقولي إدعس تروح

الرجه , وهااتك دعس وينقز قداامنا تيدر محمل سياراات وأصفق في مؤخرته يومها شفت الموت لكن ربك سلم

وسلامتك .............. طبعا" بعيد الشر عنك يالغاالي

[عاشق الكمب]

يجي الي يفيدك

[S4500]

يعطيكم العافية على الردود

[ابوعابد1]

أخرط الهوبات ورايح تدعيلي بالتوفيق نفس المشكلة

[مآإآإآجد]

اخرط هوبات واكبس اذرعة الدركسون

وبالتوفيق حبيبي

[سوبر152]

اخرط الهوبات
اخرط الهوبات

[سوبر VTC]

تاكد من
جلد عمود التوازن
ربلات مسامير التوازن
ضعف او تهريب زيت مساعد الدركسون
و الحل تركيب مساعد اضافي
ترصيص جنوط ارضي او ليزر

[فتى حائل123]

انا اقولك انا سيارتي زي كذا بس ماني ذاكر النوع المهم انه طلع من الكفرات شف غير الكفرات وجرب

[ابن غفيص]

إما من الكفرات أو الهوبات أو يبيله ترصيص

أول شي سلمك الله رصص الكفرات قدام و ورى إذا راحت الرجه خير وبركه ما راحت >>>إفحص الكفرات ما راحت شف عن الهوبات>>>بعده شيك على المقصات والأذرعه . . .

والله يستر عليك وييسر أمرك

[المرقب99]

بدل الكفرات الي قدام الى ورا مافاد غير الجنوط والله يستر عليك

[S4500]

الله يعطيكم العافية على الردود الي تثلج صدر

راح اعمل على الي قلتوة وان شاء الله يضبط

[adil33]

اول شيء من ناتج خبره في سيارتي خلي اي ميكانيكي يوزن الرمانات ويشحمها بشكل جيد وعلى بال ما يوزن الرمانات خذ الهوبين واخرطها (بلغ المخرطه مسح فقط مو خرط ) وبعدين اذا قدرت غير الاقمشة وركب الكفرات وروح لاقرب ميزان واوزن الاذرعة حقت الدريكسون واعمل ترصيص ارضي وان نفع معاك واتراحت السياره كان بها ولله الحمد والمنه وان رجعت الرجه بعد يومين او مع اول مشوار صحرواي ما لك الا انك تغير الكفرات من مقاس 275/75/16 الى مقاس 235/85 /16 واعمل ترصيص عادي وباذن الله ترتاح السياره
الله يوفق لك ويعطيك خيرها ويكفيك شرها

[الباثفندر 3.5]

لا تستعجل بارك الله فيك اول شي شوف التواير يمكن تعبانين

[سوبر VTC]

نفس كلام اخوي عادل

احد الربع مسك طريق حائل طالع من بريده هو ميكانيكي :good:
و معه باترول سلقه بنصف المسافه صارت عنده رجه
و قف الموتر و مسك االكفر الامامي الايسر من الاعلى و حركه للداخل و الخارج
و حركه مره ثانيه لكن هذه المره من عند الجنب حصل فيه فضاوة
المهم مشى ووصل حائل و مر اقرب ورشة
و فكوا له الكفر
المهم هو بنفسه فك العكس او راس العكس
و حصل المسمار او التيله راخيه
اضربه بالشاكوس الين تكت و راحت الفضاوة
و انضبط الموتر :good:
يعني المطلوب منك ارفع الموتر من الامام
و حرك الكفرات الاماميه شف بهن فضاوة ام لا

[خالد الزومان]

هلا اخوي
اولاً : لازم تحدد نوع الرجه يعني
الرجه في الدركسون ... او في البدي ...لان فيه فرق للي مجرب ...
ثانياً اذا كانت الرجه تزيد مع الفرامل هذا يعني اكيد اخرط الهوبات والله يعينك ... ثالثاً : ارفع السياره من المقدمه وشيك اذا كان فيه فضاوة في الاطارات ( الرمان بلي )
وكذلك شيك اذا كان فيه فضاوة في الاذرعه وذلك بتحريك احد الكفرات يمين وشمال اذا لقيت فضاوه هذا يعني الاذرعه اذا كان ما فيه يعني ريح بالك من الاذرعه ...
وخلك على الترصيص الارضي و خرط الهوبات ولك التوفيق ...

[قمرنا]

رايي من راي سوبر فتك
الله يدلك وتلقى خرابه
موفق إن شاء الله,,,

[sarab88]

اخرط هوبااتك طالع عمرك وان شاء الله تروح وان كانك كثير انك تنسم كفراتك ترا محل الترصيص يتغير عن محله

[ابوصالح77]

إدبل عمود الدركسون
وتنحل المشكة إن شاء الله

[هويدي]

وشيك اذا كان فيه فضاوة في الاطارات ( الرمان بلي )

ابدا بالارخص والاسهل

اتوقع والعلم عند الله ان الرمان مرتخي شده سهل وان الله احيانا واحياك ابنزل موضوع بالطريقه قريباً