صوت حكة في التاهو 2005 ارجو المساعدة

[عندق]

السلام عليكم ورحمة الله وبركاته
أخواني أرجو أن تفيدنوني من لهم خبره أو مر عليهم هذا الشي السيارة من نوع تاهو 2005 يوجد صوت حكة في خلف السيارة حك حك حك حك طبعا تبدأ من سرعة 20 وتزادا سرعة الحكة كلما زدت السرعه .
حتى وانا أمشي 80 او حتى 120 يوجد الصوت جربت ونا على هذة السرعه وفضيت القير على Nوالصوت موجود وكأنه مع دوران الكفرات رحت الى الورشة وفحصها المهندس وياليته ما فحصها قل لي الخراب من البرينق حق العكس الخلفي وشيكت على العكوس في المخرطة وقالو لي سليمين وغيرت برينق يمين ويسار مع صوف وغيرت زيت االدفرنس مع العلم انه شيك على الدفرنس لما فتحه ما فيه شي سليم .
ولاكن لما جربنا السياره الصوت موجود لم يختلف ولا شي قال لي اكيد من الهوبات خرطت الهوبات وغير الفحمات ونفس الشي ..
غيرت اربع كفرات من نوع برجستون ونفس الشي
فتذكرت..........
ان قبل شهر من ظهور المشكلة كان يوجد كيس كبير في الشارع ومريت عليه ولتوا على عامود الكردان لدرجت
انة التوا على الدفرنس المهم رحت عند غيار الزيت ونزلت الحفره وازلت الكيس ولاكن بقي شي قليل منها في الفلنجة حقت الدفرنس الي يركب فيها العمود .
المهم لما لتذكرت هذا الشي ذهبت للورشه وقلت له فك الفلنجة ولما فكها شفت الكيس داخله داخل مع الصوفه أزلنها بسلام ورجع الفلنجه ولم يذهب الصوت هل من الممتوقع ان السبب هذا الكيس أو يخرب ميزانية الدفرنس
ارجو الايفاده.
بصراحه رواعي الورش ينخاف منهم والي عنده ورشه فاهمة في هذي المواضيع يخبرني انا في الدمام
احوكم خالد
لا تبخلون علي يا هل الخبره

[عندق]

ولا حد ردي علي الله يرزقكم الجنة

[عندق]

الحقني يا خوي يا بدوي جنوبي تكفى وترى تكفى تهز الرجاجيل

[بدوي جنوبي]

الدفرنس ان شاء الله سليم
وصوت الدفرنس ونه او حنه دائما .

طبعا تم تغيير رمانات العكوس يعنى لا يوجد شيئ داخل الدفرنس
بعد الفك .

واتوقع ان الكيس ماله علاقه فى الصوت من الاساس .

طبعا صعب تحديد مصدر الصوت بمجرد التخمين

الحل تروح للورشة اللى اشتغلت عندهم
وترفع السياره على الرافعه الكهربائيه الللى تشيلها فوق

وواحد من العمال يكون في السياره ويشغل المحرك ويعشق
وقل الفنى يبحث عن مصدر الصوت وانت معهم ويكون البحث
بالراحه حتى تعرفو مصدر الصوت ،،،
وان شاء الله يبين معكم

لكن انتبهوا لا تطيح عليكم السياره

هذا افضل حل والمفروض سويته قبل تغير اي قطعه


بالتوفيق

[fj-2111]

بسم الله الرحمن الرحيم


السلام عليكم ورحمة الله وبركاته


الحقيقه شدني الموضوع لأن عندي نفس المشكله في الجمس


وحصل إني غيرة الرمان والقماشات ومانفع :mad:


ونصحوني الإخوان إني أضيف شحم لزيت الدفرنس ولكن العله لا زالت :(


ورحت للصناعيه فيه محل كل اللي عنده دفرنسات شكله مختص ورفعت السياره عنده وقال البنقالي:mad: غير كارونه :eek:


والصراحه البنقالي ما أقنعني كلامه حسيت أنه سباك :p



وكأني سمعت عن وزن للدفرنس


وسؤالي هنا : هل ينفع وزن الدفرنس ؟؟؟ ووين ألقاه في الرياض ؟؟؟ :)


وأعتذر عن مداخلتي المطوله وإن شاء الله يكون فيها فائده

[عندق]

يعطيك العافية اخوي بدوي جنوبي واليوم الصباح تم رفع السياره والصوت من الجهة اليمين من الخلف يعني عند العكس اليمين الخلفي ..طيب انا غيرت البرينق اليمين واليسار بعد ايش باقي اغير ..
حياك اخوي اف جي صحيح حتى انا سمعت عن وزن الدفرنس وبعد الي اكد لي بدوي جنوبي من موضوعه الموجود في المنتدى الله يعطية العافية بس هل لها تأثير ؟؟
على فكرة اخوي بدوي جنوبي لما رفعت السياره وعشقنا القير وقامت تدور الكفرات مثل ما قلت لك في صوت من اليمين الخلفي وفتحنا الكفر وشلنا بعد الهوب بس باقي الهند بريك هل لة ـاثير ؟
والله اني مضايق يعني ما فية ورشه صح تحطها على يمناك لية بس لية؟

[هويدي]

والله مالي خبره بالجموس .. بس فيه ورشه شاب سعودي اسمه ابومحمد بالصناعيه القديمه
يشتغل امريكي وميزته انه ياقف على روس العمال ويشتغل احياناً بيده

مره لعله يفيدك

ابرسلك رقمه على الخاص

[عندق]

انا في الدمام يا الغالي ولاكن ارسله الرقم خلني اكلمة وشرح له الحاله

[عندق]

وينكم يا اخوان

[عندق]

وسؤالي هنا : هل ينفع وزن الدفرنس ؟؟؟ ووين ألقاه في الدمام

[عندق]

لرفع
<<<<<<<<<<<<<<<<<<<<<<<<<<<<<<

[خالد الزومان]

مرحبا
اتوقع ان الصوت من الاقمشه الخلفية دام ان الصوت يطلع من سرعة 20 كم/ساعه
يمكن ان الصاجه الى خلف الهوب تحتك مع الهوب وتصدر هذا الصوت ..
وبتلاحظ ان الصوت يجي متقطع مش متواصل ... فك الهوبات الخلفيه ونظفها وتاكد ان الهوب من الداخل على الحافه ما فيه اثر احتكاك ... وبالتوفيق

[da7aam]

السلام عليكم

ان شاء الله ما تطلع نفس مشكلتي


انا كان عندي نفس الصوت في سيارتي تاهو 2006
بس الصوت يبداء من 50 او 60 ماني متذكر
ويزيد مع زياده السرعه
وعجزت من كثر ما وديتها لاصحاب الميزانيه
وقالو لي بدل التواير مع ان توايري كانت زينه
وبدلتها بدون فايده

المهم اخر شي قالو لي مالك الا انك تغير بيرنجات العكوس الخلفيه
وقلت
يمكن اخسر على الفاضي خلني اطنش ولين يزيد الصوت بيعرفون شو المشكله
بعدها يمكن باسبوعين كنت ناوي اسافر مع العيال صلاله
وقلت في نفسي
اخاف ان يحصل شي في السياره وطريق مقطوع لا ميكانيكي ولا احد يساعدك ومعاي العايله
قوم ودها وصلحها

المهم سئلت ودورت على ميكانيكي لاني متعود اودي سيارتي الوكاله
لكن الوكاله عارفهم راح يدفعوني اضعاف المبلغ ويبدلون الصاحي والخربان

ودلوني على ميكانيكي ما شاء الله
صح انه ميكانيكي
وسعره شوي عالي بس فاهم الشغل

اول ماوديت السياره
ساق السياره
وقال الدفريشن سليم ( الكرونه)
لكن احتمال من البيرنجات
لازم افتح وا شوف

توكلنا على الله

رحت له اليوم الثاني
وكان فاك البيرنجات الجانبيه وكانت سليمه
وفك البيرنجات اللي تمسك الكرونه ( تروس الدفريشن ما اعرف شو اتسمونها بالسعوديه)

والا انها متاكله بشكل غريب
وقالو لي لو انك تاخرت وانكسرت البيرنجات
لكانت القطع المكسوره تدخل بيت تروس الكرونه ( الدفريشن)
وتكسر لك الدفريش
والحمد لله ان الكرونه سليمه

المهم قلت له دام انك فاتح كل شي
بدل لي كل البيرنجات والسيلات حتى لو انها سليمه

التصليح مع قطع الغيار
كلفني تقريبا
2300 درهم

والصوت ولله الحمد اختفى


والله اعلم

اسمحو لي على الاطالة

[الجنوبي 911]

الله يعينك ياصاحب الموضوع لو بيدي شي افدتك وبعد اذنك وينك يا بدوي جنوبي
افزع لي داخل على الله ثم عليك شف موضوعي بعنوان فزعتكــــــــــــــــــــــــــم

[كبسولة2]

ههههههههههههههه

أخوي صارت معي في اليوكن وبغيت أنجن منها

أكتشفت في الآخير أنها من جلدة سوداء تجي بين الكفر والبودي

مع المشي ودخول الهواء تحك في الكفر من الداخل وتطلع صوت حك حك حك

عندك حلين أنك تلغيها أو تثبتها في البودي بسلكون أو غراء قوي حتى لا تلامس الكفر

[oneman]

السلام عليكم

ولو اني متاخر كثير بس صارت عندي نفس المشكلة وفي النهاية اكتشفت انه سفايف الهاند بريك قديمه كثير و متكسره وهيه الي تسوي الصوت

[قمة افرست]

السلام عليكم ورحمة الله وبركاته
هل تم فحص اقمشة البريك